جاڭا حابارلار

رايونىمىزدىڭ قورا-جاي بازارىنىڭ ورنىقتى دامۋىن جەبەۋ العا قويىلدى

   2018-03-28 13:39:38     شينجياڭ حالىق راديو ىستانسياسى   

ستانسيامىز ءتىلشىسى چىن جۇيليدىڭ حابارىن تىڭداڭىزدار: اۆتونوميالى رايوندىق تۇرعىن ءۇي جانە قالا-اۋىل قۇرىلىسى مەڭگەرمەسى تاياۋدا، ۇقتىرۋ شىعارىپ، پارىقتاندىرىلعان رەتتەپ مەڭگەرۋ، قورا-جاي بازارىنداعى ساتىلماي تۇرىپ قالعان تۇرعىن ۇيلەردى ساتۋدى جەدەلدەتۋ سياقتى 4 جاقتان قورا-جاي بازارىن رەتتەپ، رايونىمىزدىڭ قورا-جاي بازارىنىڭ ورنىقتى، اقاۋسىز دامۋىن جەبەۋدى العا قويدى.
اۆتونوميالى رايوندىق تۇرعىن ءۇي جانە قالا-اۋىل قۇرىلىسى مەڭگەرمەسىنە قاراستى قورا-جاي بازارىن باقىلاپ باسقارۋ باسقارماسىنىڭ ورىنباسار باستىعى يان فۋ تىلشىگە بىلاي دەدى : «بيىل، رايونىمىز پارىقتاندىرىلعان رەتتتەپ مەڭگەرۋ ساياساتىنا تاباندى بولىپ، جەر-جەردەن قورا-جاي كاسىبىندەگى قامداۋ جاعىنداعى قۇرىلىمدىق رەفورما مەن جىلجىمالى حالىق سانىن قالا تۇرعىنىنا اينالدىرۋعا تاباندى بولۋدى تىعىز ۇشتاستىرىپ، اۋىل شارۋاشىلىعىنان قالاعا ويىسقانداردى، جوعارى مەكتەپ بىتىرگەن ستۋدەنتتەردى، جىلجىمالى حالىق سانىن قالا نوپوسىنا كىرۋگە باۋراۋدى تالاپ ەتىپ وتىر. سونىمەن بىرگە، «ەگىنشى-مالشىلاردىڭ بەيقۇت ۇيىنە قارىز اقشا بەرۋ» سياقتى جاڭاشا قارىز اقشا كاسىبىن بەلسەنە ىستەپ، اۋىل شارۋاشىلىعىنان قالاعا ويىسقان تۇرعىندار سەكىلدى قالانىڭ جاڭا تۇرعىندارىنىڭ ءۇي ساتىپ الۋىن قولداۋدى العا قويدى. يان فۋ بىلاي دەدى، رەتتەپ مەڭگەرۋ وي جەلىسى تاعى دا «تۇڭعىش رەتكى ءۇي قاجەتىن قاناعاتتاندىرۋ،ءۇي شارت-جاعدايىن جاقسارتۋ قاجەتىن قولداۋ، ورايدان پايدالانىپ ءۇي ساتۋعا تيىم سالۋ» ساياساتى بويىنشا اتقارىلادى».
2017-جىلى، رايونىمىز قورا-جاي اشۋ كاسىبىنە 103 ميلليارد 786ميلليون يۋان قارجى قوسىپ، الدىنداعى جىداعىدان 12.4% ارتتىرعاندىقتان، تاۋار ۇيلەردىڭ ساتىلماي باسىلىپ قالۋ مولشەرى 27 اي بويى تومەندەدى. يان فۋ تىلشىگە بىلاي دەدى: «بيىل رايونىمىز قورا-جاي كاسىبىندە تۇرعىن ۇيلەردىڭ جانە تۇرعىن ۇيگە جاتپايتىن قۇرىلىستاردىڭ ساتىلماي باسلىپ قالۋىنىڭ الدىن الۋ قىزمەتىن بۇلجىتباي ىستەيدى.ءۇرىمجى قالاسى، سانجى قالاسى، حوتان قالاسى سياقتى ساۋدالىق تيجارات ۇيلەرىنىڭ باسىلىپ قالۋ اۋماعى زور قالالاردا تۇرعىن ۇيگە جاتپايتىن قۇرىلىستاردىڭ ساتىلماي باسىلىپ قالۋىنىڭ الدىن الۋ شارالارىن ۇيلەسىمدى بەلگىلەپ، باسىلىپ قالۋدىڭ الدىن الادى. ساۋدالىق كەڭسە ۇيلەرىن ساياحات، قارتتاردى كۇتىمدەۋ، مادەنيەت سياقتى ارناۋلى قوراجاي كاسىبىنە بۇرىلىس جاساۋىنا قولداۋ كورسەتىپ، قورا-جاي كاسىپورىندارىنىڭ ءۇي قۇرىلىمىن ۇيلەسىمدى دارەجەدە وزگەرتۋىنە جول بەرىپ، ءۇي قۇرىلىستاردىڭ ساتىلماي باسلىپ قالۋىنىڭ الدىن الادى. بۇل جاعىندا ءبىز قورا-جاي بازارىن باقىلاپ باسقارۋ مەن قىزمەت ورنالاستىرۋ وتكەلەگىن كۇشەيتىپ، قىزمەتى پارمەنسىز، بازار تولقۋى نەداۋىر زور، رەتتەپ-مەڭگەرۋ نىساناسىن ورىنداي الماعان جەرلەردىڭ جاۋاپتىلارىن شاقىرىپ كەڭەسۋ ارقىلى جاۋاپكەرلىگىن قۋزاستىرامىز».


بەرىپ كەت ورامالىڭدى

دوستار

الىستاعى اق ەركە