جاڭا حابارلار

الەۋمەتتىك اۆتوبوزعا پايدالاناتىن مىناداي كارتچكانى تەگىن اۋىستىرۋدا

   2018-03-28 13:36:09     شينجياڭ حالىق راديو ىستانسياسى   

ستانسيامىزدىڭ حابارى: ءۇرىمجى حۇڭشان بارىنە جۇرەتىن ( امبەباپ ) كارتچكا شەكتى جارنا سەرىكتەستىگى الەۋمەتتىك اۆتوبوزعا تۇسكەندە پايدالاناتىن قارتتاردىڭ كونە كارتچكاسىن جاڭا ۇلگىدەگى كارتچكاعا اقىسىز اۋىستىرىپ بەرەتىن بولدى.
ۇعىسۋعا قاراعاندا، جاڭا ۇلگىدەگى قارتتار كارتچكاسىن اۋىستىرعاندا ەكى ءتۇرلى ادىسپەن اۋىستىرۋعا بولادى ەكەن، قالا تۇرعىندارى الدىمەن حۇڭشان كارتچكاسىنىڭ ۋاڭجيالياڭ، داشىزى، توۋگۇڭ سياقتى توراپ تۇيىندەرىنە بارىپ، ينفورماتسيالارىن مالىمدەگەننەن كەيىن، 3 قىزمەت كۇنىنەن كەيىن ازاماتتىق كۋالىگى مەن كونە كارتچكاسىن الىپ، ۋاڭجيالياڭ تيجارات ورنىنا بارىپ، تىزىمگە الدىرۋ بەلەتى مەن كونە كارتچكاسىن تاپسىرىپ، جاڭا ۇلگىدەگى قارتتار كارتچكاسىن اۋىستىرىپ الۋىنا بولادى ەكەن.
مۇنان تىس، قالا تۇرعىندارى دا ءۇرىمجى قالالىق تەلەگرافتىڭ نانحۋ تيجارات ورنى، ياڭزىجياڭ جولى تيجارات ورنى، جەڭىس جولى تيجارات ورنى، توۋتۇنحى رايونى تيجارات ورنى،ميچۋان-دۇڭشان رايونى تيجارات ورنى، دۇڭحۋ كوشەسى تيجارات ورنى سياقتى 6 ورىنعا ينفورماتسيالارىن مالىمدەگەننەن كەيىن، 3 قىزمەت كۇنىنەن كەيىن ازاماتتىق كۋالىگى مەن كونە كارتچكاسىن الىپ ينفورماتسيالارىن مالىمدەگەن تيجارات ورنىنا بارىپ، تىزىمگە الدىرۋ بەلەتى مەن كونە كارتچكاسىن تاپسىرىپ، جاڭا كارتچكاعا اۋىستىرىپ الۋىنا بولادى.
قالا تۇرعىندارىنىڭ كارتچكا اۋىستىرۋ كاسىبىن بىتىرۋىنە قولايلىلىق جاساۋ ءۇشىن، وزدەرى تۇرعان الەۋمەتتىك اۋماقپەن الدىن الا كەلىسسە، حۇڭشان امبەباپ كارتچكا شەكتى جارنا سەرىكتەستىگى ۇيلەرىنە بارىپ قىزمەت وتەيدى. مۇنان تىس، قاتىستى ماتەريالدارىن باسقا ادامدارعا تاپسىرىپ ۋاكىلاتان بىتىرتۋىنە دە بولادى. جاي كارتچكانى اۋىستىرعاندا، كۋالىك اقىسىن تاپسىرۋعا ۇقسامايتىنى، قارتتاردىڭ جاڭا ۇلگىدەگى كارتچكاسى اقىسىز اۋىستىرىپ بەرىلەدى. بۇل رەتكى كارتچكا اۋىستىرۋدىڭ ۋاقىتى نەداۋىر ۇزاق، سوندىقتان قالا تۇرعىندارىنىڭ ۇيمەلەپ بارىپ، ۇزىننان-ۇزاق قاتارعا تۇرىپ اۋىرە بولۋى قاجەتسىز.


بەرىپ كەت ورامالىڭدى

دوستار

الىستاعى اق ەركە