جاڭا حابارلار

ەكىنشى كەزەكتى شينجياڭ ساماۋىر سورپاسى مەرەكەسى شينجياڭ حالىقارالىق ۇلكەن بازاردا باستالدى

    كەلۋ قاينارى: شينجياڭ حالىق راديو ىستانسياسى    2018-12-09 19:06:05  

ستانسيامىزدىڭ تىلشىلەرى ايبىنعازى راحىمان ۇلى مەن رىن شينجيەنىڭ حابارى: «شينجياڭنىڭ ساماۋىر سورپاسىنىڭ ساۋداسىن جانداندىرىپ، اۋەلگى ماركاسىنىڭ دەڭگەيىن جوعارلاتىپ، جاڭا ءونىم ماركاسىن جاراتايىق» تاقىرىبىنداعى 2-كەزەكتى شينجياڭ ساماۋىر سورپاسى مەرەكەسى 12-ايدىڭ 7-كۇنى كەشتە، شينجياڭ حالىقارالىق ۇلكەن بازاردىڭ جاياۋلار كوشەسىندەگى ءدامدى تاعامدار رايونىندا باستالدى.
ءتىلشى ۇلكەن بازاردىڭ جاياۋلار كوشەسى رايونىنداعى «مۇز ۇيدەن» ەلىمىزدىڭ جەر-جەرىنەن كەلگەن قوناقتاردىڭ قولدارىنا ساقپى مەن شىنى الىپ، ەكى ءتۇرلى دامدەگى، ءۇش ءتۇرلى دامدەگى جانە بالىق ەتى دامىندەگى ساماۋىر سورپاسى سياقتى ساماۋىر سورپاسى ايگىلى ماركاسىن كورسەتۋ رايونىندا ءبىر جاعىنان تاماقتانىپ، ەندى ءبىر جاعىنان بازار ارالاپ، اسا قاربالاس جۇرگەنىن كوردى. ءۇرىمجى قالاسىنىڭ تۇرعىنى لو ليني بىلاي دەدى: جيىلماس داستارقان سياقتى جاپا-تارماعاي ساماۋىر سورپاسىن ىشتىك، وتە جاقىن سەزىلدى، ءبىر ءۇيلى جانداي بولدىق. دالانىڭ تەمپەراتۋراسى نولدەن تومەن 20 سەلتسي گرادۇسقا ءتۇستى، قازىر، وسى ارادا وتىرىپ، ساماۋىر سورپاسىن ءىشىپ بويىمىز جىلىنىپ قالدى، ءارقايسى ساماۋىر سورپاسى دۇكەندەرىنە بارىپ تەگىن تاماقتانۋىمىزعا بولادى، شينجياڭنىڭ جەرگىلىكتى ساماۋىر سورپاسى، اشتى -تۇشتى ساماۋىر سورپاسى، ءنارلى ساماۋىر سورپاسى سياقتىلاردىڭ بارىنەن تەگىن ءدام تاتۋعا بولادى، ەرەكشە قۋانىشتامىن.
ءۇرىمجى اس-سۋ قىزمەت وتەۋ كاسىبى قوعامىنىڭ باس حاتشىسى ءباي جيڭتاڭ تانىستىرا كەلىپ بىلاي دەدى: شينجياڭنىڭ ساماۋىر سورپاسىندا «قاتىقسىز، ءنارلى، مولشەرى مول بولۋ» نەگىزگى ەرەكشەلىك سانالادى، وسى رەتكى ساماۋىر سورپاسى مەرەكەسىندە، اس-سۋ قىزمەتىن وتەۋ كاسىبى قوعامى شينجياڭ ايگىلى ماركاسى ساماۋىر سورپاسى وداعىنا مۇشە 33 ورىننىڭ ىشىنەن ۋاكىلدىك سيپات الاتىن 5 ساماۋىر سورپاسى ماركاسىن سارالاپ كورمەگە قاتىناستىردى. 12-ايدىڭ 7- كۇنىنەن 9-كۇنىنە دەيىن، ۇلكەن بازاردىڭ ءدامدى تاعامدار كوشەسىندەگى «مۇز ۇيدە» ءبىر-بىرىنە ۇقسامايتىن 7 ءتۇرلى ساماۋىر سورپاسى شىعارىلدى ءارى ساياحاتشىلاردى تەگىن ءدامىن تاتۋعا ۇسىنىس ەتتى. ءباي جيڭتاڭ بىلاي دەدى: سيىر ەتىن، قوي ەتىن، تاۋىق ەتىن، بالىق ەتىن نەگىزگى ماتەريال ەتۋ شينجياڭنىڭ ساماۋىر سورپاسىنىڭ وتە ماڭىزدى ەرەكشەلىگى، ساماۋىر سورپاسىنىڭ ماتەريالىنىڭ الۋان تۇرلىلىگى، شينجياڭداعى حاريدارلاردىڭ ءتۇرلى دامدەگى ساماۋىر سورپاسىنا بولعان قاجەتىن قاناعاتتاندىردى، شينجياڭعا كەلىپ ساماۋىر سورپاسىن ىشەتىندەرگە، ساماۋىر سورپاسى ماتەريالدارى ۇستىندە جاسالادى، بارلىعى جاڭا، ساماۋىر سورپاسىن باعالاۋ ارقىلى شينجياڭدى تانىستىرامىز.
الدا، شينجياڭ حالىقارالىق ۇلكەن بازارىنىڭ جاياۋلار كوشەسى باي مازمۇندى اس-سۋ جەلىلەس قيمىلىن جالعاستى ورىستەتىپ، ساياحاتشىلارعا شينجياڭنىڭ ءدامدى تاعامىن تانىستىرىپ، كوركەم شينجياڭدى تۇسىنۋىنە مۇمكىندىك جاسايدى ەكەن. ءۇرىمجى تيانشان رايوندىق ساياحاتتى دامىتۋ شەكتى سەرىكتەستىگىنىڭ باس مەڭگەرۋشىسى لين جىۋەي بىلاي دەدى: ۇلانبايداعى ديحاندار تاعامجايىنىڭ ەرەكشە قۋىرماشتارى مەن ۇلكەن بازارداعى وزگەشە جەڭىل تاعامدار جارىسىن، مۋزيكالى ەت قاقتاۋ مەرەكەسىن جانە ۇلتتار ىنتىماعىنىڭ بەرەكەلى شاڭىراعى «تيانشانعا ماحاببات» توپتىق توي سالتىن وتكىزەمىز، 1-ايدا تاعى وتاندى، مەكەندى ءسۇيۋ قار-مۇز مەرەكەسىنە قاتىستى قيمىلدار وتەدى. 2-ايدا، ۇلكەن بازارداعى شاعاندىق زات ساتىپ الۋ مەرەكەسى جانە مەرەكە ويىن-ساۋىعى، شاعان مەرەكەسى اشەكەيلى شامى مەرەكەسى جانە يۋانشياۋ قيمىلدارى ۇيىمداستىرىلادى، قالا تۇرعىندارى مەن ساياحاتشىلاردىڭ ۇلكەن بازاردىڭ جاياۋلار كوشەسىنە كەلىپ قار-مۇز بازارى، شاتتىققا تولى قىس جەلىلەس قيمىلدارىن تاماشالاۋىن قۇشاق جايا قارسى الامىز.


بەرىپ كەت ورامالىڭدى

دوستار

الىستاعى اق ەركە