جاڭا حابارلار

ج ك پ ورتالىق كوميتەتى ليۋ شاۋچي جولداس دۇنيەگە كەلگەندىگىنىڭ 120 جىلدىعىن ەسكە ءتۇسىرۋ اڭگىمە ءماجىلىسىن وتكىزدى

    كەلۋ قاينارى: شينجياڭ گازەتى    2018-11-25 16:33:31  

شي جينپيڭ ماڭىزدى ءسوز سويلەدى

11 - ايدىڭ 23 - كۇنى ج ك پ ورتالىق كوميتەتى بەيجيڭدەگى حالىق سارايىندا ليۋ شاۋچي جولداس دۇنيەگە كەلگەندىگىنىڭ 120 جىلدىعىن ەسكە ءتۇسىرۋ اڭگىمە ءماجىلىسىن وتكىزدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ اڭگىمە ماجىلىسكە قاتىناستى.
سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن

 لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتىناستى، لي جانشۋ باسقاردى

شينحۋا اگەنتتىگىنىڭ 11 - ايدىڭ 23 - كۇنى بەيجيڭنەن بەرگەن حابارى (ءتىلشى چىن فەي). ج ك پ ورتالىق كوميتەتى 11 - ايدىڭ 23 - كۇنى تۇستەن بۇرىن حالىق سارايىندا اڭگىمە ءماجىلىس وتكىزىپ، ليۋ شاۋچي جولداس دۇنيەگە كەلگەندىگىنىڭ 120 جىلدىعىن ەسكە ءتۇسىردى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەپ، مىنانى باسا دارىپتەدى: كوممۋنيزم ءۇشىن ءومىر بويى كۇرەس جۇرگىزۋ بەرىك سەنىمى نەشە ۇرپاق كوممۋنيستەردى بوران - شاشىندا بوگەلمەي، قايراتتانا العا باسۋعا ىنتالاندىرىپ كەلەدى. تاريحتىڭ ۇتىلامالى تاياقشاسى ءبىزدىڭ قولىمىزعا تابىستالدى. ءبىزدىڭ جاڭا تاريحي باستامادا ۇلى كۇرەس جۇرگىزۋىمىز، ۇلى ينجەنەريا جۇرگىزۋىمىز، ۇلى ىستەردى ىلگەرىلەتۋىمىز، ۇلى ارماندى جۇزەگە اسىرۋىمىز ليۋ شاۋچي جولداس سياقتى اعا بۋىن توڭكەرىسشىلەردىڭ ءومىر بويى كۇرەس جاساعان ۇلى ىستەرىنە مۇراگەرلىك ەتۋ جانە ونى دامىتۋ بولىپ تابىلادى.
  ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ اڭگىمە ماجىلىسكە قاتىناستى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى لي جانشۋ اڭگىمە ءماجىلىستى باسقاردى.
  شي جينپيڭ سوزىندە الدىمەن مىنانى ءبىلدىردى: ءبىز ەرەكشە قۇرمەتكە تولى كوڭىل كۇيمەن بۇل ارادا سالتاناتتى جينالىس وتكىزىپ، ليۋ شاۋچي جولداس دۇنيەگە كەلگەندىگىنىڭ 120 جىلدىعىن ەسكە ءتۇسىرىپ، ونىڭ پارتيا مەن حالىق ىستەرى ءۇشىن قوسقان وشپەس ەڭبەگىن ەسكە الىپ، ونىڭ ۇلت تاۋەلسىزدىگى مەن حالىق ازاتتىعى، مەملەكەتتىڭ بايۋ، قۇدىرەتتەنۋى جانە حالىقتىڭ باقىتى ءۇشىن قاجىماي - تالماي كۇرەس جۇرگىزگەن شۇعىلالى ءومىرىن ساعىنا ەسكە الىپ وتىرمىز، ونىڭ وسكەلەڭ رۋحاني قاسيەتىنەن ۇيرەنۋ جانە وعان مۇراگەرلىك ەتۋ بۇكىل پارتيانى، بۇكىل ەلدەگى ءار ۇلت حالقىن جاپپاي دوڭگەلەك داۋلەتتى قوعام ورناتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ۇزدىكسىز كۇرەس جاساۋعا ىنتالاندىرادى.
  شي جينپيڭ مىنانى اتاپ كورسەتتى: ليۋ شاۋچي جولداس ۇلى ماركسيزمشى، ۇلى پرولەتاريات توڭكەرىسشىسى، ساياساتكەر، نازارياشى، پارتيا مەن مەملەكەتتىڭ نەگىزگى باسشىلارىنىڭ ءبىرى، جۇڭحۋا حالىق رەسپۋبليكاسىنىڭ شاڭىراعىن كوتەرىسكەن ارداگەر، پارتيانىڭ ءبىرىنشى ۇرپاق ورتالىق باسشىلىق كوللەكتيۆىنىڭ ماڭىزدى مۇشەسى. ليۋ شاۋچي جولداستىڭ ارداقتى ەسىمى جۇڭگو حالقىمەن، جۇڭگو كوممۋنيستىك پارتياسىمەن، جۇڭحۋا حالىق رەسپۋبليكاسىنىڭ قۇلاشىن كەڭ جايعان كۇرەس جاساۋ تاريحىمەن تىعىز بايلانىسقان. ول جۇڭگو توڭكەرىسى مەن قۇرىلىس ىستەرى ءۇشىن زەيىن - زەردەسىن ارناپ، جۇرەك قانىن سارقىپ، ەكونوميكا، ساياسي، اسكەري ىستەر، مادەنيەت، وقۋ - اعارتۋ، ديپلوماتيا جانە پارتيا قۇرىلىسى سياقتى سالالاردىڭ بارىندە ەلەۋلى ەڭبەك ءسىڭىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ شىنايى قادىر - قۇرمەتىنە بولەندى.
  شي جينپيڭ سوزىندە ليۋ شاۋچيدىڭ جۇڭگو توڭكەرىسى مەن قۇرىلىسىنا قالتقىسىز ۇلەس قوسقان شۇعىلالى ءومىرىن تەرەڭ سۇيىسپەنشىلىكپەن ەسكە الدى. ول مىنانى باسا دارىپتەدى: ليۋ شاۋچي جولداستىڭ نەشە ون جىلدى ءبىر كۇندەي وتكىزىپ، قاجىماي - تالماي كۇرەس جۇرگىزۋى پارتيامىزدىڭ تاريحىندا، جۇڭحۋا ۇلتىنىڭ ۇلى گۇلدەنۋگە بەت الۋ تاريحىندا ماڭىزدى ورىن الادى. ليۋ شاۋچي جولداستىڭ وسكەلەڭ ءمورالى مەن وسكەلەڭ قاسيەتى مەيلى وتكەندە، قازىردە، بولاشاقتا بولسىن، جۇڭگو كوممۋنيستەرى مەن جۇڭگو حالقىنىڭ ۇيرەنەتىن جارقىن ۇلگىسى. ليۋ شاۋچي جولداستىڭ ارداقتى ەسىمى مەن ەڭبەگىن جۇڭگو حالقى ماڭگى ەسىندە بەرىك ساقتايدى.
  شي جينپيڭ مىنانى اتاپ كورسەتتى: ليۋ شاۋچي جولداس اۋەلگى ماقساتتى ۇمىتپاۋدىڭ، پارتياعا ادال بولۋدىڭ جارقىن ۇلگىسى. كوممۋنيستەر تاباندى بولاتىن اۋەلگى ماقسات − كوممۋنيزم مۇراتى جونىندەگى بەرىك سەنىم، پارتيا مەن حالىق ىستەرى جونىندەگى ماڭگىلىك ادالدىق. جۇرەكتە سەنىم بولسا، ارەكەتتە كۇش - قۋات بولادى. بۇگىن ءبىز ليۋ شاۋچي جولداستان ۇيرەنۋدە مۇرات - سەنىم − كوممۋنيستەردىڭ تابان تىرەپ تۇرۋىنىڭ نەگىزى، كوممۋنيستەردىڭ ساياسي رۋحى ەكەندىگىن ەستە بەرىك ساقتاپ، نەگىزدى سومداۋعا، رۋحتى بەكەمدەۋگە كۇش سالىپ، كوممۋنيزم ۇلى مۇراتىن جۇڭگوشا سوتسياليزم ورتاق مۇراتىمەن بىرلىككە كەلتىرىپ، قازىر ىستەپ وتىرعان ىستەرىمىزبەن بىرلىككە كەلتىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، كوممۋنيستەردىڭ مۇرات - سەنىمىنەن جازباي، كوممۋنيزم جولىندا ءومىر بويى كۇرەس جاساۋىمىز كەرەك.
  شي جينپيڭ مىنانى باسا دارىپتەدى: ليۋ شاۋچي جولداس اقيقاتقا تاباندى بولۋدىڭ، شىندىقتى ءىس جۇزىنەن ىزدەۋدىڭ جارقىن ۇلگىسى. يدەيانى ازات ەتۋگە، شىندىقتى ءىس جۇزىنەن ىزدەۋگە تاباندى بولۋ، اقيقاتقا تاباندى بولۋ، قاتەلىكتى تۇزەتۋ − پارتيا مەن حالىق ىستەرىنىڭ جەڭىستەن - جەڭىسكە جەتۋىنىڭ ماڭىزدى كەپىلى. بۇگىن ءبىز ليۋ شاۋچي جولداستان ۇيرەنۋدە باستان - اياق شىندىقتى ءىس جۇزىنەن ىزدەپ، ماسەلەگە باتىلدىقپەن بەتپە - بەت كەلىپ، اقيقاتقا تاباندى بولۋعا قاي - قاشان دا دايىن تۇرۋىمىز، قاتەلىكتى تۇزەتۋگە قاي - قاشان دا دايىن تۇرۋىمىز كەرەك. تەك وسى ءتۇيىندى ورىنداي الساق، سوندا عانا پارتيا قۇرىلىسى قاي - قاشان دا ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، وزىنە باتىلدىقپەن توڭكەرىس جۇرگىزەتىن، ءتۇرلى سىناقتىڭ سىنىنان سۇرىنبەي وتەتىن، جالىندى دا جىگەرلى ماركسيزمدىك بيلىك باسىنداعى پارتياعا اينالىپ، 21 - عاسىرداعى جۇڭگونىڭ ماركسيزمى اناعۇرلىم قۇدىرەتتى، اناعۇرلىم يلاندىرىمدى اقيقاتتىق كۇشىن ايگىلەي الادى.
  شي جينپيڭ مىنانى اتاپ كورسەتتى: ليۋ شاۋچي جولداس باتىلدىقپەن جاۋاپكەرشىلىك ارقالاۋدىڭ، باتىلدىقپەن جاسامپازدىق جاراتۋدىڭ جارقىن ۇلگىسى. كوممۋنيستەر، ءسوز جوق، قوعامعا وزگەرىس جاساۋدىڭ، الەمگە وزگەرىس جاساۋدىڭ جاۋاپكەرشىلىگىن ارقالاۋشى بولىپ، جاۋاپكەرشىلىكتى باتىلدىقپەن ارقالاۋى، قيىنشىلىققا باتىلدىقپەن بەتپە - بەت كەلۋى كەرەك. بۇگىن ءبىز ليۋ شياۋچي جولداستان ۇيرەنۋدە پارتيا پرينسيبىن ءبىرىنشى ورىنعا قويۋعا، پارتيا ىستەرىن ءبىرىنشى ورىنعا قويۋعا، حالىق مۇددەسىن ءبىرىنشى ورىنعا قويۋعا تاباندى بولىپ، ۇلكەن دۇرىس پەن ۇلكەن بۇرىس الدىندا باتىلدىقپەن ايقىن پوزيتسيا ءبىلدىرۋىمىز، قايشىلىققا جولىققاندا باتىلدىقپەن توتەپ بەرۋىمىز، داعدارىسقا جولىققاندا باتىلدىقپەن كوكىرەك كەرە العا شىعۋىمىز، اعاتتىققا كەز بولعاندا باتىلدىقپەن جاۋاپكەرشىلىك ارقالاۋىمىز، بۇرىس نىساي، تەرىس پيعىلدارعا جۇرەكتىلىكپەن باتىل كۇرەس جاساۋىمىز كەرەك. ءاربىر كوممۋنيست كۇشتى بورىشتىلىق سەزىممەن ارقالاۋعا ءتيىستى جاۋاپكەرشىلىكتى ارقالاپ، ءداۋىر تالابىنا ىلەسىپ، اماليات تالابىنا ىلەسىپ، حالىق تالابىنا ىلەسىپ، قىزمەتتى جاسامپازدىقپەن ورىستەتىپ، پارتيانىڭ لۋشيان، باعىت - ساياساتتارىن تاباندىلىقپەن دايەكتىلەندىرۋ، تياناقتاندىرۋ كەرەك.
  شي جينپيڭ مىنانى باسا دارىپتەدى: ليۋ شاۋچي جولداس شوگەلدىكپەن ۇيرەنۋدىڭ، نازاريا مەن امالياتتى ۇشتاستىرۋدىڭ جارقىن ۇلگىسى. ۇيرەنۋگە باسا ءمان بەرۋ − پارتيامىزدىڭ ىستەرىمىزدىڭ دامۋىن ىلگەرىلەتۋدەگى تابىستى تاجىريبەسى. بۇگىن ءبىز ليۋ شاۋچي جولداستان ۇيرەنۋدە ۇيرەنۋ ستيلىن بارىنشا جەتىلدىرىپ، بۇكىل پارتيادا ۇيرەنۋگە شەبەر بولۋدىڭ، باتىلدىقپەن امالياتتا ايگىلەۋدىڭ قويۋ رايىن قالىپتاستىرىپ، ماركسيزمدىك ۇيرەنۋگە قۇلىقتى ساياسي پارتيا قۇرىپ، ۇيرەنۋگە شەبەر ءىرى ەل قۇرۋدى ىلگەرىلەتۋىمىز كەرەك. ۇيرەنۋ ونەرى − باسشى كادرلار ازىرلەۋگە ءتيىستى ءبىرىنشى ونەر، سونىمەن بىرگە، ۇيرەنگەن ونەردى ءىس جۇزىندىك قىزمەت بارىسىندا قولدانۋعا شەبەر بولىپ، نازاريا مەن امالياتتى ۇشتاستىرۋعا، نازاريا ارقىلى امالياتتى جەبەۋگە، اماليات ارقىلى بىلىمگە ۇمتىلۋعا قۇلشىنا كەپىلدىك ەتۋ كەرەك.
  شي جينپيڭ مىنانى اتاپ كورسەتتى: ليۋ شاۋچي جولداس حالىقپەن تىلەكتەس بولۋدىڭ، پاك، كوپشىل بولۋدىڭ جارقىن ۇلگىسى. ءاربىر كوممۋنيست، مەيلى قىزمەت مىندەتى قانشالىق جوعارى بولسىن، بارلىعى حالىقتىڭ قىزمەتكەرى. بۇگىن ءبىز ليۋ شاۋچي جولداستان ۇيرەنۋدە قاي - قاشان دا حالىق تۇرعىسىنان جازباي، حالىق بۇقاراسىن كوڭىلدىڭ تورىنە قويىپ، قاي - قاشان دا حالىق بۇقاراسىمەن ەتەنە بايلانىستى ساقتاپ، حالىقتىڭ باقىتىن كوزدەۋدى ءتۇبىرلى قىزمەت جاۋاپكەرشىلىگى ەتۋىمىز كەرەك. بۇكىل پارتياداعى جولداستار بىزگە بيلىكتى پارتيا مەن حالىقتىڭ بەرگەندىگىن، پارتيا مەن حالىق ءۇشىن ءىس ىستەۋگە پايدالانۋىمىز كەرەكتىگىن، تەك پارتيانىڭ قامىن جەۋگە، مەملەكەت ءۇشىن ءىس ىستەۋگە، حالىقتىڭ مۇددەسىن كوزدەۋگە پايدالانۋىمىز كەرەكتىگىن ءارقاشان ەستە بەرىك ساقتاۋى كەرەك. كوڭىلدە يمەنۋ بولۋ، سوزدە تەجەم بولۋ، ارەكەتتە شەكتەمە بولۋ، ءارقانداي ۋاقىتتا ەرەكشە ۇقىققا سالىنۋدان، ۇقىق ارقىلى جەكە مۇددەنى كوزدەۋدەن اۋلاق بولىپ، ادال، كىرشىكسىز بولۋعا، جاۋاپكەرشىلىكتى ارقالاۋعا قۇلشىنۋ كەرەك.
  لي جانشۋ اڭگىمە ءماجىلىستى باسقارعاندا بىلاي دەدى: باس شۋجي شي جينپيڭ ماڭىزدى سوزىندە ليۋ شاۋچي جولداستىڭ ۇلى، داڭقتى ءومىرىن ەسكە الىپ، ليۋ شاۋچي جولداستىڭ ۇشان - تەڭىز ۇلى ەڭبەگىن جوعارى باعالادى، بۇكىل پارتيانى، بۇكىل ەل حالقىن ليۋ شاۋچي جولداستىڭ وسكەلەڭ ءمورالى مەن رۋحاني قاسيەتىنەن ۇيرەنۋگە ۇندەدى. ءسوز پارتيامىزدىڭ ليۋ شاۋچي جولداس سياقتى اعا بۋىن توڭكەرىسشىلەر اشقان ۇلى ىستەردى ۇزدىكسىز ىلگەرىلەتۋىنە، جاڭا داۋىردە جۇڭگوشا سوتسياليزمگە تاباندى بولۋىنا جانە ونى دامىتۋىنا جەتەكشىلىك ەتۋدە كەلەلى ماڭىز الادى. ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، تەرەڭ ءتۇسىنىپ، شىنايى دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جاساۋىمىز كەرەك.
  اڭگىمە ماجىلىستە ورتالىق پارتيا تاريحىن جانە حۇجات زەرتتەۋ ورنىنىڭ باستىعى لىڭ رۇڭ، مەملەكەتتىك حالىق قۇرىلتايى تۇراقتى كوميتەتىنىڭ باس حاتشىسى ياڭ جىن - ۋ، ورتالىق اسكەري ىستەر كوميتەتىنىڭ مۇشەسى، ورتالىق اسكەري ىستەر كوميتەتى ساياسي قىزمەت ءبولىمىنىڭ مەڭگەرۋشىسى مياۋ حۋا، حۋنان ولكەلىك پارتكومنىڭ شۋجيى دۋ جياحاۋ ءسوز سويلەدى.
  ج ك پ ورتالىق كوميتەتى شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى ءبىر ءبولىم باسشى جولداستار، ورتالىقتىڭ پارتيا، ۇكىمەت، ارميا، بۇقارالىق ورىندارىنىڭ قاتىستى تاراۋلارىنداعى، بەيجيڭ قالاسىنداعى، حۋنان ولكەلىك پارتكومداعى جاۋاپتى جولداستار، ليۋ شاۋچي جولداستىڭ تۋىس - تۋعاندارى، كوزى تىرىسىندەگى دوستارى، بۇرىن قاسىندا ىستەگەن قىزمەتكەرلەرى جانە اۋىلداستارىنىڭ ۋاكىلدەرى، ت.ب اڭگىمە ماجىلىسكە قاتىناستى.


بەرىپ كەت ورامالىڭدى

دوستار

الىستاعى اق ەركە