جاڭا حابارلار

شي جينپيڭ قازاقستاننىڭ زۇڭليى ساعىنتايەۆپەن كەزدەستى

    كەلۋ قاينارى: شينجياڭ گازەتى    2018-11-24 20:05:30  

شينحۋا اگەنتتىگىنىڭ 11 - ايدىڭ 22 - كۇنى بەيجيڭنەن بەرگەن حابارى (ءتىلشى ۋاڭ جولۇن). مەملەكەت ءتوراعاسى شي جينپيڭ 11 - ايدىڭ 22 - كۇنى حالىق سارايىندا قازاقستاننىڭ زۇڭليى ساعىنتايەۆپەن كەزدەستى.
  شي جينپيڭ ساعىنتايەۆكە نازاربايەۆ زۇڭتۇڭعا شىنايى سالەمىن جەتكىزۋدى تاپسىردى. شي جينپيڭ مىنالاردى باسا دارىپتەدى: نازاربايەۆ زۇڭتۇڭ ەكەۋىمىز ءجيى بارىس - كەلىستى ساقتاپ، كوپتەگەن ماڭىزدى ورتاق تانىمعا كەلىپ، جۇڭگو مەن قازاقستان قارىم - قاتىناسىنىڭ دامۋىنا بىرگە جەتەكشىلىك ەتتىك. ەكى ەل ۇكىمەتىنىڭ ورتاق قۇلشىنۋىندا وسى ورتاق تانىمدار تىڭعىلىقتى تياناقتانۋدا. دوس كورشى ەل جانە جالپى بەتتىك ستراتەگيالىق سەرىكتەس رەتىندە، جۇڭگو جاق قازاقستانمەن قارىم - قاتىناستى دامىتۋعا وسكەلەڭ ءمان بەرەدى، قازاقستاننىڭ حالىقتى وزەك ەتكەن دامۋ ۇستانىمىن القايدى، قازاقستان حالقىنىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن باتىل قولدايدى.
  شي جينپيڭ مىنالاردى اتاپ كورسەتتى: بيىل − مەنىڭ «ءبىر بەلدەۋ، ءبىر جول» باستاماسىن ورتاعا قويعاندىعىمنىڭ 5 جىلدىعى. 5 جىلدان بەرى، «ءبىر بەلدەۋ، ءبىر جول» سەلبەستىگى جەلى بويىنداعى ءار ەل حالقىنا باقىت جاراتىپ، دۇنيە ءجۇزى ەكونوميكاسىنىڭ دامۋىنا جاڭا قوزعاۋشى قۋات ۇستەدى. ءبىز قازاقستاننىڭ «ءبىر بەلدەۋ، ءبىر جول» سەلبەستىگىن باتىل قولداعاندىعىن جانە وعان بەلسەنە ات سالىسقاندىعىن القايمىز. جۇڭگو مەن قازاقستاننىڭ «ءبىر بەلدەۋ، ءبىر جولدى» بىرگە قۇرۋىنىڭ نەگىزى بەرىك، بولاشاعى نۇرلى. كەلەر قادامدا، ەكى جاق ساياساتتاردى سايكەستىرۋدى ءتۇيىندى كۇشەيتىپ، جىبەك جولى ەكونوميكالىق بەلدەۋى قۇرىلىسىنىڭ «نۇرلى جول» جاڭا ەكونوميكالىق ساياساتىمەن ۇشتاسۋىن ويداعىداي تياناقتاندىرىپ، ءتۇرلى سالاداعى سەلبەستىكتى ويداعىداي جوبالاۋ كەرەك.
  ساعىنتايەۆ الدىمەن نازاربايەۆ زۇڭتۇڭنىڭ ءتوراعا شي جينپيڭگە جولداعان شىنايى سالەمىن جەتكىزدى. ساعىنتايەۆ بىلاي دەدى: جۇڭگو قازاقستانمەن دوس كورشى ەل، تاتۋ دوس جانە ستراتەگيالىق سەرىكتەس. قازاقستان جاق ءتوراعا شي جينپيڭنىڭ 5 جىلدىڭ الدىندا قازاقستاندا جىبەك جولى ەكونوميكالىق بەلدەۋى باستاماسىن ورتاعا قويعاندىعىن اسا جوعارى باعالايدى. وسى ۇلى باستاما وڭىرلەردىڭ ءوزارا بايلانىس جاساۋىن، ءوزارا حابارلاسۋىن كۇشەيتۋ، عالامدىق سىن - سايىسقا توتەپ بەرۋ، دۇنيە ءجۇزىنىڭ حاۋىپسىزدىگى مەن ورنىقتىلىعىن قورعاۋ، ورتاق ارتۋ مەن كوركەيۋدى جەبەۋ جونىنەن كەلەلى ماڭىز الادى. ءتوراعا شي جينپيڭ جۇڭگو ەكونوميكاسىن شالقار تەڭىزگە تەڭەدى، قازاقستان جاق قازاقستان - جۇڭگو سەلبەستىگى سىندى وسى كەمەنىڭ جۇڭگو ەكونوميكاسىنىڭ شالقار تەڭىزىندە جەلكەن جايىپ، الىسقا ساپار شەگۋىن ءۇمىت ەتەدى.
  ياڭ جيەچى، ۋاڭ ي، حى ليفىڭ قاتارلىلار كەزدەسۋگە قاتىناستى.


بەرىپ كەت ورامالىڭدى

دوستار

الىستاعى اق ەركە