جاڭا حابارلار

ءۇرىمجى جوعارى - جاڭا تەحنيكا اشۋ رايونى شينجياڭنىڭ جوعارى - جاڭا تەحنيكا كاسىپ سالاسىن دامىتۋدىڭ سەركەسى

    كەلۋ قاينارى: شينجياڭ گازەتى    2018-11-23 14:05:56  

شينجياڭداعى مەملەكەت دارەجەلى تۇڭعىش جوعارى-جاڭا تەحنيكا اشۋ رايونى
ءتىلشىمىز سۇڭ لي

ءۇرىمجى جوعارى - جاڭا تەحنيكا رايونىنان (جاڭا قالا رايونى) كورىنىس. (ماتەريالدان)

 ءبىر تەلەفون، ءبىر اۆتوكولىك، 8 ادام جانە جالعا العان كەڭسە ارقىلى جۇمىس باستاعان ءۇرىمجى جوعارى - جاڭا تەحنيكا كاسىپ سالاسى اشۋ رايونىنىڭ رەفورما جاساپ، ەسىك اشۋدىڭ دەم بەرۋىنە ىلەسە، «جوعارى تەحنيكانى دامىتۋ، كاسىپ سالالاندىرۋدى جۇزەگە اسىرۋ» تانىمىن ۇستانىپ، بۇگىنگى تاڭدا شينجياڭداعى ەڭ ومىرشەڭ وڭىرگە اينالدى، 2017 - جىلى وڭىرلىك ءوندىرىستىڭ جالپى قۇنىن 100 ميلليارد 500 ميلليون يۋانعا جەتكىزىپ، شينجياڭداعى جوعارى - جاڭا تەحنيكا كاسىپ سالاسىن دامىتۋدىڭ كوشباسشىسىنا اينالدى.
  1992 - جىلى اۆتونوميالى رايوندىق حالىق ۇكىمەتى مەملەكەتتىك كەڭەستىڭ مەملەكەتتىڭ مەملەكەت دارەجەلى جوعارى - جاڭا تەحنيكا اشۋ رايونىن تاڭداپ، بەكىتۋ ورايىن يگەرىپ، ءۇرىمجى قالاسى جاڭا قالا رايونى اكىمشىلىك وڭىرىنەن اۋماعى 5.637 شارشى كيلومەتر ءوڭىردى ايىرىپ شىعىپ، شينجياڭداعى مەملەكەت دارەجەلى تۇڭعىش جوعارى - جاڭا تەحنيكا كاسىپ سالاسىن اشۋ رايونى − ءۇرىمجى جوعارى - جاڭا تەحنيكا اشۋ رايونىن قۇردى.
  «ول كەزدە بۇل تىڭ ءىس بولعاندىقتان، كوپتەگەن ادامدار ءمان - جايىن ءتۇسىنىپ كەتپەيتىن، سوندىقتان قىزمەتتى ورىستەتۋ ءبىرشاما قيىنعا سوقتى. رايونداعى قۇرىلىس وڭىرىندە، جەر جوق، كاسىپورىن جوق، قازىنا - سالىق جوق، ۇكىمەتتىڭ بوساتقان 400 مىڭ يۋان اشۋ قاراجاتىن، 3 ميلليون يۋان جۇمىس باستاۋ قارجىسىن پايدالانىپ، گۇيجوۋ جولىنان ءۇرىمجى جوعارى - جاڭا تەحنيكا اشۋ رايونىن باستاپ قۇردىق»، - دەدى ءۇرىمجى جوعارى - جاڭا تەحنيكا اشۋ رايونى قۇرىلىس ءوڭىرىنىڭ العاشقى جاعدايىن تىلگە تيەك ەتكەندە ءۇرىمجى جوعارى - جاڭا تەحنيكا اشۋ رايونى (جاڭا قالا رايونى) ساۋداگەر شاقىرۋ، قىزمەت وتەۋ مەكەمەسىنىڭ ورىنباسار باستىعى ان شياڭ قاتتى اسەرلەنىپ. بۇل ارادا 28 جىل قىزمەت ىستەگەن ان شياڭ ءۇرىمجى جوعارى - جاڭا تەحنيكا اشۋ رايونىنىڭ جەتىلۋىنىڭ كۋاگەرى جانە ات سالىسۋشىسى.
  1992 - جىلى 8 - ايدان جىل سوڭىنا دەيىنگى 4 اي ۋاقىتتى ان شياڭ قازىرگە دەيىن ەسىنەن شىعارعان ەمەس. ان شياڭ تىلشىگە بىلاي دەدى: گۇيجوۋ جولىن «تەحنيكا كوشەسى» ەتىپ قۇرىپ، ءۇرىمجى جوعارى - جاڭا تەحنيكا اشۋ رايونىنىڭ باستاماسىنا اينالدىرىپ، سىرتقا قاراي كەڭەيتىپ، قىزمەتتى جاپپاي ورىستەتتىك. سونىمەن بىرگە، جاعراپيالىق ورىن جانە ءتيىمدى ساياسات قاتارلى باسىمدىلىقتاردان پايدالانىپ، قارجى قوسۋ سىلتەمەسى مەن ۇگىت ماتەريالدارىن قۇراستىرۋ، باسىپ تاراتۋ، ءۇرىمجى جارمەنكەسى، ىشكى وڭىرلەرگە ادام جىبەرىپ قارجى ەنگىزۋ سياقتى كوپ فورمالار ارقىلى ساۋداگەر شاقىرۋ قىزمەتىن ورىستەتتىك. 1992 - جىلدىڭ سوڭىنا دەيىن، تۇڭعىش توپتا تىڭنان تىركەلگەن كاسىپورىن 90نان اسىپ، تىركەلگەن قارجى سوماسى 200 نەشە ميلليون يۋانعا جەتتى. مۇنىڭ ىشىندە، اشۋ رايونىنا كىرۋگە بەكىتىلگەن جۇڭگو مەن شەتەل بىرلەسىپ قارجىلاندىرعان، جەكەلەي قارجىلانعان كاسىپورىن 5، تىركەلگەن قارجى سوماسى 9 ميلليون 500 مىڭ دوللار بولىپ، جوعارى - جاڭا تەحنيكا نىسانى 155كە جەتىپ، ءۇرىمجى جوعارى - جاڭا تەحنيكا اشۋ رايونى دامۋدىڭ العاشقى قادامىن نىق باستى.
  رەفورما جاساپ، ەسىك اشۋدىڭ ىشكەرىلەي ورىستەتىلۋىنە ىلەسە، ءۇرىمجى جوعارى - جاڭا تەحنيكا اشۋ رايونىنىڭ دامۋى ەل نازارىن اۋداردى. 2010 - جىلى بۇكىل شينجياڭداعى جوعارى - جاڭا تەحنيكا كاسىپورىندارىنىڭ تەڭ جارتىسىنان كوبى ءۇرىمجى جوعارى - جاڭا تەحنيكا اشۋ رايونىنا شوعىرلانىپ، وڭىرلىك ءوندىرىستىڭ جالپى قۇنى 12 ميلليارد 194 ميلليون يۋانعا جەتىپ، جەرگىلىكتى قازىنا - سالىق كىرىسىن ءبىر ميلليارد 534 ميلليون يۋانعا جەتكىزدى.
  الايدا، ىرگە تەپكەن كاسىپورىنداردىڭ بارعان سايىن كوبەيۋىنە بايلانىستى، جەر تارشىلىعى بىرتىندەپ ءۇرىمجى جوعارى - جاڭا تەحنيكا اشۋ رايونىنىڭ دامۋىن تەجەيتىن بوگەتكە اينالدى. سول كەزدە، جالپى اۋماعى 143 شارشى كيلومەتر كەلەتىن ءۇرىمجى قالاسى جوعارى - جاڭا تەحنيكا اشۋ رايونىندا 400 مىڭنان استام ادام تۇرمىس كەشىرەدى، قالا قۇرىلىسى، حالىق تۇرمىسىن جاقسارتۋ سياقتى قوعامدىق دامۋ سالاسىنىڭ ءتۇرلى جاقتارىنا مول قارجى قاجەت بولاتىن، سوندىقتان ءتىپتى دە تەبىندى ءوندىرىس كاسىبىنىڭ قولداۋى مەن ەكونوميكالىق تىرەككە مۇقتاج ەدى.
  2011 - جىلى 1 - ايدىڭ 2 - كۇنى اۆتونوميالى رايوندىق پارتكومنىڭ شەشىمى مەن ورنالاستىرۋىنا ساي، ناقتى اكىمشىلىك رايونداردى رەتتەۋدى قامتىماۋ نەگىزىندە، ءۇرىمجى جوعارى - جاڭا تەحنيكا اشۋ رايونى مەن ءۇرىمجى جاڭا قالا رايونى «اشۋ رايونى مەن اكىمشىلىك رايوندى باسقارۋ ءتۇزىلىسىن بىرىكتىرۋدى» اتقارىپ، «ەكى ماڭدايشالىق، ءبىر باسشىلىق القاسى» بويىنشا باسقارۋ ءتۇزىلىسىن ىسكە قوستى.
  2<1+1 اسەرى بىرىكتىرىلگەننەن كەيىنگى ءۇرىمجى جوعارى - جاڭا تەحنيكا اشۋ رايونى (جاڭا قالا رايونى) بىرتىندەپ شينجياڭداعى ەڭ ومىرشەڭ وڭىرلەردىڭ بىرىنە اينالدى. 8 جىلدىق قايراتتانا العا باسۋدان كەيىن، 2017 - جىلى ءۇرىمجى جوعارى - جاڭا تەحنيكا اشۋ رايونى (جاڭا قالا رايونى) وڭىرلىك ءوندىرىستىڭ جالپى ءونىم قۇنىن 100 ميلليارد 500 ميلليون يۋانعا جەتكىزدى؛ جوعارى - جاڭا تەحنيكا كاسىپورنى 160قا جەتىپ، ءۇرىمجى قالاسىنداعى جوعارى - جاڭا تەحنيكا كاسىپورىندارى جالپى سانىنىڭ %57ىن، بۇكىل شينجياڭنىڭ %30ىن ۇستادى.
  قازىرگە دەيىن، بۇكىل شينجياڭدا ءۇرىمجى جوعارى - جاڭا تەحنيكا كاسىپ سالاسى اشۋ رايونى (جاڭا قالا رايونى)، سانجى مەملەكەتتىك جوعارى - جاڭا تەحنيكا كاسىپ سالاسى اشۋ رايونى، شىحىزى مەملەكەتتىك جوعارى - جاڭا تەحنيكا كاسىپ سالاسى اشۋ رايونى سياقتى مەملەكەت دارەجەلى 3 جوعارى - جاڭا تەحنيكا كاسىپ سالاسى اشۋ رايونى قۇرىلدى.


بەرىپ كەت ورامالىڭدى

دوستار

الىستاعى اق ەركە