جاڭا حابارلار

اۋىل شارۋاشىلىعى ونىمدەرىن ساتىپ الۋدىڭ «ەڭ الدىڭعى ءبىر كيلومەترىن» اشتى

    كەلۋ قاينارى: شينجياڭ گازەتى    2018-11-21 14:47:30  

رايونىمىز اۋىل شارۋاشىلىعى ونىمدەرىن شينجياڭ ىشىندە ساتىپ الۋدىڭ شارۋالارعا ءتيىمدى، حالىققا پايدالى تورىن بەلسەنە قۇردى

11 - ايدىڭ 17 - كۇنى لوپنۇر اۋدانى حۇيكاڭ اۋىل شارۋاشىلىق عىلىم - تەحنيكاسىن اشۋ شەكتى سەرىكتەستىگىنىڭ قىزمەتكەرى وڭدەلگەن ءتاتتى المۇرت قويمالجىڭىن قوراپتاۋدا. بۇل سەرىكتەستىك لوپنۇر اۋدانىنداعى حالىقتىق كاسىپورىن، جالپى 6 ميلليون يۋان قارجى قوسىلعان، جىلىنا 60 توننا ءتاتتى المۇرت قويمالجىڭىن وندىرەدى، بۇل جەرگىلىكتەگى المۇرت ەگەتىن شارۋالاردىڭ جەمىس ونىمدەرىن ساتۋ ماسەلەسىن شەشىپ قانا قالماستان، جەرگىلىكتى ورىننان 20 نەشە ادامدى جۇمىسقا قابىلدادى، ونىمدەرى نەگىزىنەن بەيجيڭ، ۋحان، شاڭحاي سياقتى جەرلەرگە ساتىلادى.
سۋرەتتى لي في تۇسىرگەن

 ءتىلشىمىز ليۋ ي 11 - ايدىڭ 19 - كۇنى ۇرىمجىدەن حابارلايدى. «بازار ياحشى». جاڭعاق ساتۋدان تاپقان 10 مىڭ 800 يۋاندى قولىنا العان قاراقاش اۋدانى ماڭلاي اۋىلى باشماڭلاي قىستاعىنىڭ تۇرعىنى ابىليكىم مامەت باس بارماعىن كوتەرىپ العىسىن ءبىلدىردى. قولىنداعى مۇشەلىك كارتچكا ارقىلى ابىليكىم وسىزاماندانعان بازاردىڭ بولەك بوگەنايىن سەزىندى.
  11 - ايدىڭ باسىندا، حوتان اۋدانى باقچي قالاشىعىنداعى شينجياڭ جاڭعاق (حوتان) تولايىم ساۋدا بازارىنىڭ ەلەكتروندىق ساۋدا قىزمەت زالى، قامبادا ساقتاۋ ساۋدا ورتالىعى سياقتىلاردىڭ قۇرىلىسى ىركەس - تىركەس ءبىتىپ، ابىليكىم جاڭا بازاردا ەلەكتروندىق ساۋدا ىستەگەن تۇڭعىش شارۋاعا اينالدى. ءسويتىپ، حوتاندىق شارۋالار وسى ارادا جاڭعاق ساتۋدا شىت جاڭا وسىزاماندانعان ساۋدا ۇلگىسىن قولداناتىن بولدى.
  «قازىر بازاردىڭ قۇرىلىسى ءالى تولىق بىتكەن جوق، ءبىراق جەرگىلىكتى ورىنداعى شارۋالار وزدىكتەرىنەن وسى اراعا كەلىپ جاڭعاق ساۋداسىن جاسايدى، ەلەكتروندىق ساۋدا زالى جۇمىس باستاعان العاشقى كۇنى ءبىر ميلليون 800 مىڭ يۋاننىڭ ۇستىندە ساۋدا جاسالىپ، مەجەدەن اسىپ كەتتى»، - دەدى شينجياڭ جەمىس - جيدەك توبى ەلەكتروندىق ساۋدا تۇعىرىنىڭ جاۋاپتىسى دي كاييۋان.
  جاڭا بازار وزىق ەلەكتروندىق ساۋدا ەسەپ جابۋ ءتاسىلىن قولداندى، ساتىپ الۋشى جاق الدىن الا بازاردا ەسەپ اشىپ، الدىن الا قارجىنى اماناتقا قويادى، شارۋالار جاڭعاعىن ساتقاننان كەيىن، ساتىپ الۋشى جاق بەرگەن ەسەپ جابۋ تالونىمەن ەسەپ جابۋ تەرەزەلىگىندە اقشانى الادى، بۇل شارۋالاردىڭ ناق اقشامەن ساۋدا جاساۋ قاجەتىن قاناعاتتاندىرۋمەن قاتار، اق تالون بەرۋدەن ساقتانىپ، شارۋالاردىڭ ۇقىق - مۇددەسىنە شىنايى كەپىلدىك ەتتى.
  تانىستىرۋعا قاراعاندا، باقچي قالاشىعىنىڭ جاڭعاق ساۋدا بازارى كەمەلدى قامبادا ساقتاۋ، جيناۋ، ۇلەستىرۋ سياقتى سايكەستى قۇرىلعىلارىمەن تولىق قۇرىلىپ بولعان سوڭ، جىلىنا 350 مىڭ توننا جاڭعاق ساۋداعا سالىنادى ەكەن، شارۋالار وسى ارادا جاڭعاقتارىن ساتىپ، تۇراقتى ءارى اتىز باسىنداعى باعادان جوعارى ساتۋ باعاسىنان يگىلىكتەنەدى ەكەن.
  ابىليكىم باسىنان وتكەرگەن وزگەرىس − رايونىمىزدىڭ اۋىل شارۋاشىلىعى ونىمدەرىن شينجياڭ ىشىندە ساتىپ الۋدىڭ شارۋالارعا ءتيىمدى، حالىققا پايدالى تورىن بەلسەنە قۇرعاندىعىنىڭ ىقشام كورىنىسى. حوتان اۋدانى لايقا اۋىلى داكۇي قىستاعىنداعى جاڭعاق ساۋداگەرى ءالي نۇر دا كاسىپ سالاسىنىڭ وسىزاماندانۋىنىڭ كەرەمەتىن سەزىندى. شينجياڭ جەمىس - جيدەك توبىنىڭ كومەگىندە ءالي نۇر سەلبەستىك كووپەراتيۆىنىڭ شارۋاشىلىق كولەمىن ۇلعايتىپ، جاڭعاق سۇرىپتاۋ، جۋۋ جابدىقتارىن ەنگىزىپ، قىستاق تۇرعىندارىنان ساتىپ العان جاڭعاقتاردى وڭدەپ، بۇكىل ەل بازارىنا ساتاتىن بولدى.
  «بۇرىن ءبىر جىلدا 300 توننا جاڭعاق ساتىپ الاتىنبىز، قازىر 20 مىڭ تونناعا دەيىن ساتىپ الامىز». ءالي نۇردىڭ ايتۋىنشا، جەمىس - جيدەك توبىنىڭ قامداۋ تىزبەگى جۇيەسىنىڭ ارقاسىندا، سەلبەستىك كووپەراتيۆىنىڭ قابىلەتى بارىنشا ارتىپ، جەرگىلىكتى قىستاق تۇرعىندارى ۇيدەن شىقپاي - اق جاڭعاقتارىن بۇكىل ەلدىڭ، ءتىپتى، شەتەلدىڭ بازارىنا ساتا الادى ەكەن. دي كاييۋان بىلاي دەپ تانىستىردى: سوڭعى جىلدارى، شينجياڭ جەمىس - جيدەك توبى جەتەكشى كاسىپورىنداردىڭ جەتەكتەۋ رولىن بەلسەنە ساۋلەلەندىرىپ، وڭتۇستىك شينجياڭ اۋىل - قىستاقتارىندا شارۋا دەلدالداردى جانە شارۋالار كاسىپتىك سەلبەستىك كووپەراتيۆتەرىن قولداپ جانە جەتىلدىرىپ، كەدەي وتباسىلارىن ءوندىرۋ، قامداۋ، ساقتاۋ سياقتى كاسىپ تىزبەگى بۋىندارىنا ات سالىسۋعا جەتەكتەدى. قازىر كاسىپورىن 30 نەشە سەلبەستىك كووپەراتيۆىن باستاپ قۇرىپ، شارۋالاردان 3000نان استام ادامدى مۇشەلىككە قابىلداپ، 1000نان استام شارۋا دەلدالدى جەتىلدىرىپ، 100 مىڭنان استام شارۋانى جەتەكتەدى.
  بيىل شينجياڭ جەمىس - جيدەك توبى جوباداعى جالپى قۇرىلىس اۋدانى 610 مىڭ شارشى مەتر كەلەتىن شينجياڭ ىشىندەگى قامبادا ساقتاۋ، ساتىپ الۋ، وڭدەۋ، جيناۋ، ۇلەستىرۋ ورتالىعى نىساندارىنان التاۋىن جوبالاپ، جاڭادان قۇردى. قازىر قاعىلىق اۋدانى، ءپايزاۋات اۋدانى سياقتى جەرلەردەگى كوپتەگەن قامبادا ساقتاۋ، وڭدەۋ، ساتۋ، جيناۋ، ۇلەستىرۋ ورتالىعى نىساندارى جەدەل سالىنۋدا، كەلەر جىلى اۋىل شارۋاشىلىعى ونىمدەرىن ساتىپ الۋ ماۋسىمىنان بۇرىن ىسكە قوسىلادى.
  دي كاييۋان بىلاي دەدى: «كەلەشەكتە قامبادا ساقتاۋ، وڭدەۋ، ساتۋ، جيناۋ - ۇلەستىرۋ ورتالىقتارىنا سۇيەنە وتىرىپ، شينجياڭ جەمىس - جيدەك توبى قالىڭ شارۋالاردى، شارۋالار سەلبەستىك كووپەراتيۆتەرىن، شارۋا دەلدالداردى اۋىل شارۋاشىلىعى ونىمدەرىن ءبىر تۇتاس ولشەم بويىنشا وڭدەۋ، قامبادا ساقتاۋ، ساتۋ، ءۇشىنشى جاقتىڭ تولەۋى سياقتى قىزمەت وتەۋمەن قامداپ، شينجياڭنىڭ ەرەكشە اۋىل شارۋاشىلىعى ونىمدەرىن شينجياڭ ىشىندە ساتىپ الۋ دەڭگەيىن ءوسىرىپ، اۋىل شارۋاشىلىعى ونىمدەرىن ساتىپ الۋداعى ەڭ الدىڭعى ءبىر كيلومەتردى اشادى».


بەرىپ كەت ورامالىڭدى

دوستار

الىستاعى اق ەركە