جاڭا حابارلار

شي جينپيڭ ازيا - تىنىق مۇحيت ەكونوميكالىق سەلبەستىك ۇيىمىنىڭ 26 - رەتكى باسشىلار بەيرەسمي كەڭەسىنە قاتىناستى ءارى ماڭىزدى ءسوز سويلەدى

    كەلۋ قاينارى: شينجياڭ گازەتى    2018-11-20 19:25:57  

دۇنيە ءجۇزىنىڭ اۋقىمىن جىعا تانىپ، ەكونوميكانىڭ اينىمالى وزگەرىسىن يگەرىپ، ازيا-تىنىق مۇحيت سەلبەستىگىنىڭ اناعۇرلىم جوعارى دەڭگەيگە قادام باسۋىن ىلگەرىلەتۋدى باسا دارىپتەدى

ازيا - تىنىق مۇحيت ەكونوميكالىق سەلبەستىك ۇيىمىنىڭ 26 - رەتكى باسشىلار بەيرەسمي كەڭەسى 11 - ايدىڭ 18 - كۇنى پاپۋا - جاڭا گۆينەياسىنىڭ پورت مورسبيىندە وتكىزىلدى. مەملەكەت ءتوراعاسى شي جينپيڭ كەڭەسكە قاتىناستى ءارى «ءداۋىر ورايىن يگەرىپ، ازيا - تىنىق مۇحيت ءوڭىرىنىڭ گۇلدەنۋىن بىرگە قاراستىرايىق» دەگەن تاقىرىپتا ماڭىزدى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

 شينحۋا اگەنتتىگىنىڭ 11 - ايدىڭ 18 - كۇنى پورت مورسبيدەن بەرگەن حابارى (تىلشىلەر سۇن يۇڭ، حو شياۋگۋاڭ، لو جۇن). ازيا - تىنىق مۇحيت ەكونوميكالىق سەلبەستىك ۇيىمىنىڭ 26 - رەتكى باسشىلار بەيرەسمي كەڭەسى 11 - ايدىڭ 18 - كۇنى پاپۋا - جاڭا گۆينەياسىنىڭ پورت مورسبيىندە وتكىزىلدى. مەملەكەت ءتوراعاسى شي جينپيڭ كەڭەسكە قاتىناستى ءارى «ءداۋىر ورايىن يگەرىپ، ازيا - تىنىق مۇحيت ءوڭىرىنىڭ گۇلدەنۋىن بىرگە قاراستىرايىق» دەگەن تاقىرىپتا ماڭىزدى ءسوز سويلەپ، مىنالاردى باسا دارىپتەدى: ازيا - تىنىق مۇحيت وڭىرىندەگى ءارقايسى جاق ەكونوميكانىڭ جاھاندانۋىنىڭ دامۋ اۋقىمىنا ۇيلەسىپ، وڭىرلىك ەكونوميكانىڭ ءبىر تۇلعالانۋىن ىلگەرىلەتۋ ماقساتىن ۇستانىپ، اشىق الەمدىك ەكونوميكا قۇرۋدىڭ جالپى بەتالىسىن يگەرىپ، ازيا - تىنىق مۇحيت سەلبەستىگىنىڭ ارىنىن قۇلشىنا ساقتاپ، ورنىقتى قاداممەن اناعۇرلىم جوعارى دەڭگەيگە كوتەرىلۋى كەرەك.
  كەڭەس باستالۋدان ىلگەرى، شي جينپيڭ جانە كەڭەسكە قاتىناساتىن باسقا باسشىلار ىركەس - تىركەس كەلدى، ولاردى پاپۋا - جاڭا گۆينەياسىنىڭ زۇڭليى ونيل قىزۋ مەرەيمەن قارسى الدى.
  جەرگىلىكتى ۋاقىت ساعات 10نان 30 مينۋتتاي وتكەندە، كەڭەس باستالدى. كەڭەستى ونيل باسقاردى. ازيا - تىنىق مۇحيت ەكونوميكالىق سەلبەستىك ۇيىمىنىڭ وسى رەتكى باسشىلار بەيرەسمي كەڭەسىنىڭ نەگىزگى تاقىرىبى − «سيىسىمدى ورايدى يگەرىپ، سيفرلانعان بولاشاققا قۇشاق اشايىق». كەڭەسكە قاتىناسقان ەكونوميكالىق تۇلعالاردىڭ باسشىلارى «سيفرلانعان بولاشاقپەن بايلانىسىپ، سيىسىمدى ارتۋدى ىسكە اسىرۋ» سياقتى ءتۇيىندى كەڭەستىك تاقىرىپتار بويىنشا ىشكەرىلەي كوزقاراس الماستىرىپ، سەلبەستىك بارىسىن ەسكە الىپ، ازيا - تىنىق مۇحيت ءوڭىرىنىڭ كەلەشەگىن اقىلداستى.
  شي جينپيڭ سوزىندە مىنالاردى اتاپ كورسەتتى: قازىرگى دۇنيە جۇزىندە، دامۋ مەن وزگەرىستىڭ تولقىنى تولاسسىز كوتەرىلۋدە. تاريحي العا باسۋدىڭ جول ايىرىعىندا تۇرعاندا، ءبىز دۇنيە ءجۇزىنىڭ اۋقىمىن جىعا تانىپ، ەكونوميكانىڭ تامىرىن يگەرىپ، بولاشاق باعداردى ايقىنداپ، ءداۋىردىڭ باستى سۇراۋىنا جاۋاپ بەرۋىمىز كەرەك.
  ءبىرىنشى، وڭىرلىك ەكونوميكانىڭ ءبىر تۇلعالانۋىن ىلگەرىلەتۋگە تاباندى بولىپ، اشىق ازيا - تىنىق مۇحيت ەكونوميكاسىن قالىپتاستىرۋ. ءبىز ساۋدا مەن قارجى قوسۋدىڭ ەركىندەنۋى مەن قولايلىلانۋىن ۇزدىكسىز ىلگەرىلەتۋگە ءتيىسپىز. ءارءتۇرلى ەركىن ساۋدا ورنالاستىرۋلارى جونىندە، ءبىز اشىق، سيىسىمدى، جاريا بولۋ پرينسيبىنە تاباندى بولىپ، ءوزارا سايكەسۋدى جەبەپ، ءتيىمدى ىقپالداستىقتى ىسكە اسىرۋىمىز قاجەت. ەرەجەگە نەگىزدەلگەن كوپ جاقتى ساۋدا ءتۇزىلىسىن باتىل قورعاپ، قورعامپازدىققا ايقىن تۋ ۇستاي وتىرىپ قارسى تۇرۋىمىز كەرەك. دۇنيە جۇزىلىك ساۋدا ۇيىمى رەفورماسىندا كوپ جاقتى ساۋدا ءتۇزىلىسىنىڭ وزەكتى قۇنى مەن نەگىزگى پرينسيپتەرىنە تاباندى بولۋىمىز كەرەك. ەكونوميكانىڭ جاھاندانۋىنىڭ اناعۇرلىم اشىق، سيىسىمدى، جالپىعا ءتيىمدى، تەپە - تەڭ، بىرگە يگىلىككە كەنەلۋ باعدارىن بويلاپ دامۋىنا جەتەكشىلىك ەتۋىمىز كەرەك.

ازيا - تىنىق مۇحيت ەكونوميكالىق سەلبەستىك ۇيىمىنىڭ 26 - رەتكى باسشىلار بەيرەسمي كەڭەسى 11 - ايدىڭ 18 - كۇنى پاپۋا - جاڭا گۆينەياسىنىڭ پورت مورسبيىندە وتكىزىلدى. مەملەكەت ءتوراعاسى شي جينپيڭ كەڭەسكە قاتىناستى ءارى «ءداۋىر ورايىن يگەرىپ، ازيا - تىنىق مۇحيت ءوڭىرىنىڭ گۇلدەنۋىن بىرگە قاراستىرايىق» دەگەن تاقىرىپتا ماڭىزدى ءسوز سويلەدى. كەڭەس باستالاردان بۇرىن، شي جينپيڭ ازيا - تىنىق مۇحيت ەكونوميكالىق سەلبەستىك ۇيىمىنداعى ەكونوميكالىق تۇلعالاردىڭ باسقا دا باسشىلارىمەن، ۋاكىلدەرىمەن توپتىق سۋرەتكە ءتۇستى.
سۋرەتتى شينحۋا اگەنتتىگىنىڭ ءتىلشىسى ديڭ لين تۇسىرگەن

 ەكىنشى، جاڭالىق اشۋدى جەتەكشى ەتۋگە تاباندى بولىپ، جاڭا قوزعاۋشى كۇشتى جەتىلدىرۋ. ءبىز «ينتەرنەت جانە سيفرلى ەكونوميكا باعدار كارتاسىن» جاپپاي، تەڭگەرىمدى تياناقتاندىرىپ، سيفرلى ەكونوميكانىڭ ارتۋ كومەسكى قۋاتىن اشىققا شىعارىپ، سيفرلى نەگىزدىك قۇرىلعىلار مەن قابىلەت قۇرىلىسىن كۇشەيتىپ، سيفرلى ەكونوميكانىڭ شارپىمدىلىعىن ارتتىرىپ، سيفر جىلعاسىن جويىپ، تۇرلىشە دامۋ ساتىسىندا تۇرعان مۇشەلەردىڭ سيفرلى ەكونوميكانىڭ دامۋ جەتىستىكتەرىنەن تەڭ يگىلىكتەنۋىنە مۇمكىندىك تۋدىرىپ، ازيا - تىنىق مۇحيت وڭىرىندەگى حالىقتاردى سيفرلى ەكونوميكانىڭ دامۋىنىڭ جەدەل كولىگىنە شىعارۋعا ءتيىسپىز.
  ءۇشىنشى، ءوزارا بايلانىسقان، ءوزارا تۇتاسقان جەلىنى كەمەلدەندىرۋگە تاباندى بولىپ، سيىسىمدى، ءوزارا ارەكەتتەس دامۋدى جەبەۋ. ءبىز ءوزارا بايلانىستىرۋ، ءوزارا تۇتاستىرۋ جوباسىن ىشكەرىلەي تياناقتاندىرىپ، 2030 - جىلعا دەيىنگى باياندى دامۋ كەڭەستىك ءتارتىبىن جەتەكشى ەتىپ، اناعۇرلىم كوپ ناقتى شارا قولدانىپ، دامۋدى اناعۇرلىم تەڭگەرىپ، ارتۋدى اناعۇرلىم باياندى ەتىپ، ورايدى اناعۇرلىم تەڭەستىرىپ، قوعامدى اناعۇرلىم سيىسىمدى ەتۋىمىز قاجەت.
  ءتورتىنشى، سەرىكتەستىك قاتىناستى تەرەڭدەتۋگە تاباندى بولىپ، ورتاق سايىستارعا قول ۇستاسا توتەپ بەرۋ. ءبىز دامۋدى تەڭ قاراستىرۋ دەگەن ورتاق بولگىشكە تاباندى بولىپ، ورتاق سايىستاردى شەشۋ جونىندە ىزدەنىس جاساۋعا ءتيىسپىز. الۋان تۇرلىلىكتىڭ ناقتى جاعدايىنا تابان تىرەپ، ءارقايسىمىز تاڭداعان دامۋ جولىنا قۇرمەت ەتىپ، اشىق، سيىسىمدى بولۋ نەگىزىندە توعىسىپ جانە ءوزارا ۇلگى الىپ، قالىپتى باسەكەلەسۋمەن بىرگە ءوزارا پايدالى سەلبەستىك ورناتىپ، ازيا - تىنىق مۇحيت تاعدىرلاس ورتاق تۇلعاسىن بىرگە قۇرۋىمىز كەرەك.
  شي جينپيڭ مىنالاردى اتاپ كورسەتتى: بيىل جۇڭگونىڭ رەفورما جاساپ، ەسىك اشقاندىعىنىڭ 40 جىلدىعى. جۇڭگو رەفورمانى مىزعىماستان جاپپاي تەرەڭدەتەدى، سىرتقا ەسىك اشۋ نەگىزگى مەملەكەت ساياساتىنان جازبايدى. جۇڭگو حالىقتى وزەك ەتكەن دامۋ يدەياسىنا تاباندى بولىپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى جاڭا دامۋ ۇستانىمىن امالياتتا ايگىلەيدى. جۇڭگو ەكونوميكاسىنىڭ ۇزاق مەزگىل ورنىقتى بولۋ، جاقسارۋ جالپى اۋقىمى ۇزدىكسىز جالعاسا بەرەدى. جۇڭگو ازيا - تىنىق مۇحيت وڭىرىندەگى ءار جاقپەن بىرگە سيفرلى ەكونوميكا سەلبەستىگىن تەرەڭدەتىپ، اناعۇرلىم مول مۇددە ءتۇيىلىسى مەن ەكونوميكالىق ارتۋ ءتۇيىنىن جەتىلدىرىپ، ازيا - تىنىق مۇحيت ءوڭىرى ەكونوميكاسىنا قۇدىرەتتى جاڭا دەمەۋشى قۋات ۇستەۋدى قالايدى. جۇڭگو ءار ەلمەن بىرگە بىرگە اقىلداسۋعا، بىرگە قۇرۋعا، بىرگە يگىلىكتەنۋگە تاباندى بولىپ، «ءبىر بەلدەۋ، ءبىر جولدى» جوعارى ساپامەن، جوعارى ولشەممەن، جوعارى دەڭگەيمەن قۇرىپ، ازيا - تىنىق مۇحيت ءوڭىرى مەن دۇنيە جۇزىندەگى ءار ەل حالقىنا اناعۇرلىم زور دامۋ ورايىن ازىرلەيدى.
  شي جينپيڭ مىنالاردى باسا دارىپتەدى: ازيا - تىنىق مۇحيت وڭىرىندەگى باسشىلاردىڭ ازيا - تىنىق مۇحيت ەكونوميكالىق سەلبەستىك ۇيىمىنىڭ 2020 - جىلدان كەيىنگى سەلبەستىك كەلەشەگىن ويداعىداي جوبالاۋ جاۋاپكەرشىلىگى بار. جۇڭگو ازيا - تىنىق مۇحيت سەلبەستىگىنىڭ بەلسەندى باستاماشىسى جانە تاباندى اتقارۋشىسى. جۇڭگونىڭ دامۋى ازيا - تىنىق مۇحيت وڭىرىندەگى ءار جاقتىڭ تىعىز سەلبەستىگىنەن ايرىلا المايدى ءارى ازيا - تىنىق مۇحيت ءوڭىرىنىڭ دامۋىنا كەڭ ءورىس اشادى. جۇڭگو ازيا - تىنىق مۇحيت سەلبەستىگىنىڭ ۇدەرىسىنە ىشكەرىلەي ات سالىسىپ، ءار جاقپەن ناقتى سەلبەستىكتى تەرەڭدەتىپ، ازيا - تىنىق مۇحيت ءوڭىرىنىڭ دامۋى مەن گۇلدەنۋىنە جاڭا ۇلەس قوسادى.
  كەڭەسكە قاتىناسقان ەكونوميكالىق تۇلعالاردىڭ باسشىلارى مىنالاردى ءبىلدىردى: ازيا - تىنىق مۇحيت ءوڭىرىنىڭ دامۋ بولاشاعى جاقسارۋدا. ءبىراق، ساۋدا قامالى مەن قورعامپازدىقتىڭ سايىسىنا دا ءدوپ كەلىپ وتىر. قازىرگى جاعدايدا، تاراپتار كوپ جاقتىلىق پەن كوپ جاقتى ساۋدا ءتۇزىلىسىن باتىل قورعاپ، قورعامپازدىققا قارسى تۇرىپ، ازيا - تىنىق مۇحيت ەكونوميكالىق سەلبەستىك ۇيىمىنىڭ ساۋدانى جەبەۋ جانە قارجى قوسۋدىڭ ەركىندەنۋى مەن قولايلىلانۋى، سونداي - اق تەپە - تەڭ، جاڭاشىل، باياندى، سيىسىمدى ارتۋدى ىسكە اسىرۋ جاعىندا ۇزدىكسىز تۇردە ماڭىزدى رول ساۋلەلەندىرۋىنە قولداۋ كورسەتىپ، ازيا - تىنىق مۇحيت ءوڭىرى ەركىن ساۋدا رايونىنىڭ قۇرىلىسىن ىلگەرىلەتىپ، ومىرشەڭدىككە تولى، اشىق ازيا - تىنىق مۇحيت ءوڭىرىن قول ۇستاسا بىرگە قۇرۋ كەرەك. ءار جاق ازيا - تىنىق مۇحيت ەكونوميكالىق سەلبەستىك ۇيىمىنىڭ 2020 - جىلدان كەيىنگى سەلبەستىك كەلەشەگىن جەدەل بەلگىلەپ، ءارقايسى ەكونوميكالىق تۇلعالاردا سيفرلانۋ مەن جاڭالىق اشۋدىڭ جەتىستىكتەرىن جالپىلاستىرۋى كەرەك.
  سول كۇنى تۇستەن بۇرىن، شي جينپيڭ ازيا - تىنىق مۇحيت ەكونوميكالىق سەلبەستىك ۇيىمى ەكونوميكالىق تۇلعالاردىڭ باسشىلارىمەن بىرگە دۇنيە ءجۇزىنىڭ ەكونوميكالىق جاعداي جونىندەگى بەيرەسمي كەڭەسكە قاتىناسىپ، دۇنيە جۇزىلىك اقشا قورى ۇيىمىنىڭ ءتوراعاسى لاگاردەنىڭ الەم ەكونوميكاسىنىڭ جاعدايى جونىندەگى تانىستىرۋىن تىڭدادى.


بەرىپ كەت ورامالىڭدى

دوستار

الىستاعى اق ەركە