جاڭا حابارلار

كۇنەس اۋدانى «عالامتوردى، ساياحاتتى، ەرەكشە اۋىل شارۋاشىلىق ونىمدەرىن» ۇشتاستىرىپ دامىتۋ جاڭا ۇلگىسى ارقىلى اۋىل شارۋاشىلىق ونىمدەرىن ساتۋ جولىن كەڭەيتىپ، ديحانداردىڭ كىرىسىن ارتتىردى

    كەلۋ قاينارى: شينجياڭ حالىق راديو ىستانسياسى    2018-11-09 20:38:08  
ستانسيامىزدىڭ پراكتيكانت ءتىلشىسى لو يۋانميڭنىڭ حابارى: تاياۋدا، كۇنەس اۋدانى اۋداننىڭ الەۋمەتتىك ايگىلى ماركاسى «ناراتتىڭ كەڭ ساحاراسىن» جاريالاپ، كۇنەس اۋدانىنىڭ ۇزدىك ساپالى اۋىل شارۋاشىلىق ەرەكشە ونىمدەرىن تانىستىردى. قارا ارا بالى، جالبىرشاقتى ساڭىراۋقۇلاق، سازدىقتا وسەتىن كۇرىش سياقتى كۇنەستىڭ ەرەكشە اۋىل شارۋاشىلىق قوسىمشا ونىمدەرى نارات ساۋدا بازارى تورابىندا ساتىلدى. كۇنەس اۋدانى «عالامتوردى، ساياحاتتى، ەرەكشە اۋىل شارۋاشىلىق ونىمدەرىن» ۇشتاستىرىپ دامىتۋ جاڭا ۇلگىسى ارقىلى اناعۇرلىم كوپ ەگىنشى-مالشىنىڭ ساياحاتتى دامىتۋ ارقىلى كىرىسىن ارتتىرۋىنا مۇمكىندىك جاسادى.
كۇنەس اۋدانى نارات ساياحات كورىنىس رايونى جانە ناراتتاعى گۇل تەڭىزى كورىنىس رايونى باۋراعان قالىڭ ساياحاتشىدان پايدالانىپ، O2O سەزىنۋ سارايى، جەرگىلىكتى ەرەكشە ونىمدەر سارايى سياقتى تاسىلدەر ارقىلى ساياحاتشىلارعا جەرگىلىكتى ەرەكشە اۋىل شارۋاشىلىق قوسىمشا ونىمدەرىن ايگىلەدى ءارى نارات ساۋدا بازارى تورابىندا ونىمدەرىن ساتتى. شينجياڭ باتىس ءوڭىر حيكاياسى توراپ عىلىم-تەحنيكا شەكتى سەرىكتەستىگىندەگى لي لۋيۇي بىلاي دەدى: ساياحات كورىنىس رايونى ساۋدانى باسقاعا ويىستىرۋدى، عالامتوردى دانەكەر ەتىپ ۇزاق مەزگىل قايتالاي ساتىپ الۋدى جۇزەگە اسىردى. قازىر، جالبىرشاقتى ساڭىراۋقۇلاق، قارا ورىك، بال، ورگانيكالى قوي، جىلقى ەتى، ورگانيكالى كۇرىش، ۇزىن تالشىقتى ماقتالى كورپە سياقتى ۇزدىك ساپالى 100 تۇردەن استام اۋىل شارۋاشىلىق ەرەكشە ونىمدەرى ساتىلىپ، ساياحات، عالامتور، كەدەيلەردى سۇيەمەلدەۋ ۇشتاسقان جاڭا ۇلگىنى جۇزەگە اسىردىق.
ىلەدەگى تالشىقتى ماقتالى وتباسىندىق توقىما بۇيىمدارى شەكتى سەرىكتەستىگىنىڭ باس مەڭگەرۋشىسى شۇي ۋيدۇڭ تىلشىگە بىلاي دەدى: وسى ۇلگى سەرىكتەستىكتىڭ ساتىلىم ارناسىن كەڭەيتتى، بۇرىن كۇنەس اۋدانىندا ساتىلاتىن، قازىر، ىشكى ولكەدەگى كەيبىر حاريدارلار مەن ىشكى ولكەدەگى كولەمدى ساۋدا سەرىكتەستىكتەرى وسى ونىمدەردى ساتىپ الۋعا سەلبەسىپ وتىر.
عالامتوردىڭ جالپىلاسۋىنا جانە كۇنەس اۋدانىنىڭ نەگىزگى قۇرىلعىلارىنىڭ بىرتىندەپ كەمەلدەنۋىنە وراي، «عالامتور-ساياحات-ەرەكشە اۋىل شارۋاشىلىق ونىمدەرىن» ۇشتاستىرىپ دامىتۋ ۇلگىسى دە جەرگىلىكتى ەگىنشى-مالشىلاردىڭ كەدەيلىكتەن قۇتىلىپ، اۋقاتتانۋىنداعى ماڭىزدى قوزعاۋشى كۇشكە اينالدى. كۇنەس اۋدانىنىڭ ورىنباسار اكىمى، ياڭجوۋدىڭ شينجياڭعا باعىتتامالى كومەكتەسۋ قولباسشىلىق گرۋپپاسىنىڭ ورىنباسار باستىعى لۋ جىلين بىلاي دەدى: بۇرىن تاماشا اۋىل شارۋاشىلىق ونىمدەرى ۇيلەرىندە تۇراتىن، ەشكىم جەمەيتىن ءيا ساتىلمايتىن، عالامتورمەن جانە ەلەكتروندى ساۋدامەن بىرلەستىرۋ ارقىلى ەگىنشى-مالشىلاردىڭ قولىنداعى شىلان، جۇگەرى، جاڭعاق، بال سياقتى جاسىل، ۇزدىك ساپالى اۋىل شارۋاشىلىق ونىمدەرىن ەلەكتروندى ساۋدا جولدارى ارقىلى ساتۋدامىز، تۇتاس شينجياڭدا، ەلىمىز كولەمىندە ساتىلۋدا، وسى ارقىلى ەگىنشى-مالشىلاردىڭ كىرىسىن زور دارەجەدە جوعارىلاتىپ، ەگىنشى-مالشىلاردىڭ كەدەيلىكتەن قۇتىلۋدان قامال الۋىن جەبەۋگە بولادى.

بەرىپ كەت ورامالىڭدى

دوستار

الىستاعى اق ەركە