جاڭا حابارلار

رەفورما جاساۋعا، ەسىك اشۋعا قايتالاي اتتانۋ سەنىمى مەن بەكىمىن نىعايتىپ، قالانىڭ قابىلەت دارەجەسى مەن وزەكتى باسەكەلىك قابىلەتىن جەدەل جوعارىلاتۋ كەرەك

    كەلۋ قاينارى: شينجياڭ گازەتى    2018-11-09 16:21:28  

شي جينپيڭ شاڭحايدا تەكسەرۋ جۇرگىزگەندە مىنالاردى باسا دارىپتەدى

11 - ايدىڭ 6 - كۇنىنەن 7 - كۇنىنە دەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شاڭحايدا تەكسەرۋ جۇرگىزدى. سۋرەتتە: 11 - ايدىڭ 6 - كۇنى تۇستەن كەيىن شي جينپيڭ جاڭجياڭ عىلىم ورتالىعىنىڭ كورمە زالىن تەكسەرىپ، شاڭحايدىڭ عىلىم - تەحنيكالىق جاڭالىق اشۋ جانە عىلىم - تەحنيكا جەتىستىكتەرىن كادەگە جاراتۋ جاعدايىن ۇعىسۋدا.
سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  شينحۋا اگەنتتىگىنىڭ 11 - ايدىڭ 7 - كۇنى شاڭحايدان بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا شاڭحايدا قىزمەت تەكسەرگەندە مىنالاردى باسا دارىپتەدى: جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ جانە تياناقتاندىرىپ، رەفورما جاساۋعا، ەسىك اشۋعا قايتالاي اتتانۋ سەنىمى مەن بەكىمىن نىعايتىپ، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنا تاباندى بولىپ، جاڭا دامۋ ۇستانىمىن جاپپاي دايەكتىلەندىرىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، وسىزاماندانعان ەكونوميكالىق جۇيەنى جەدەل قۇرىپ، ءۇش ۇلكەن قامال الۋ شايقاسىن ويداعىداي جۇرگىزىپ، قالانىڭ قابىلەت دارەجەسى مەن وزەكتى باسەكەلىك قۋاتىن جەدەل جوعارىلاتىپ، بۇكىل ەلدىڭ رەفورما، دامۋ جالپى جاعدايىنا اناعۇرلىم ويداعىداي قىزمەت ەتۋ كەرەك.
  11 - ايدىڭ 6 -، 7 - كۇندەرى شي جينپيڭ تۇڭعىش كەزەكتى جۇڭگو حالىقارالىق يمپورت كورمەسىنىڭ اشىلۋ سالتىنا جانە قاتىستى قيمىلدارعا قاتىناسقاننان كەيىن، ج ك پ ورتالىق كوميتەتى ساياسي بيۋروسىنىڭ مۇشەسى، شاڭحاي قالالىق پارتكومنىڭ شۋجيى لي چياڭنىڭ جانە قالا باستىعى يىڭ يۇڭنىڭ سەرىك بولۋىندا شاڭحايدىڭ كاسىپورىندارى مەن الەۋمەتتىك اۋماقتارىن، قالا اينالىمىن كەشەندى باسقارۋ ورتالىعىن، جوعارى، جاڭا عىلىم - تەحنيكا باقشا رايونىن ارالاپ، پارتيا 19 - قۇرىلتايىنىڭ رۋحىن دايەكتىلەندىرۋ، تياناقتاندىرۋ جانە كەزەكتەگى ەكونوميكالىق جاعداي، عىلىم - تەحنيكادا جاڭالىق اشۋدى ىلگەرىلەتۋ، قالا باسقارۋ مەن الەۋمەتتىك اۋماقتى جونگە سالۋدى كۇشەيتۋ جونىندە تەكسەرۋ - زەرتتەۋ جۇرگىزدى.
  لۋجيازۇيدەگى شاڭحاي ورتالىق سارايىنىڭ جالپى بيىكتىگى 632 مەتر، ول جۇڭگوداعى ءبىرىنشى، دۇنيە جۇزىندەگى ەكىنشى بيىك عيمارات، شاڭحايداعى نىشاندىق قۇرىلىستاردىڭ ءبىرى. 2007 - جىلى شي جينپيڭ شاڭحايدا قىزمەت ىستەگەن مەزگىلدە شاڭحاي ورتالىق سارايىنىڭ قۇرىلىسىنا باسا نازار اۋدارىپ، كوپ مارتە لۋجيازۇي رايونىندا جۇمىس باسىندا تەكسەرۋ - زەرتتەۋ جۇرگىزىپ، لۋجيازۇي رايونىنىڭ جوباسىن تىكەلەي زەرتتەپ، شاڭحاي ورتالىق سارايىنىڭ جوباسىن ءوزى قاراپ بەكىتىپ، قاتىستى قىزمەتتەردى ىلگەرىلەتىپ، شاڭحاي ورتالىق سارايىن جاسىل، زەردەلى، گۋمانيتارلى حالىقارالىق ماڭداي الدى بىرەگەي قۇرىلىس ەتىپ سالۋدى تالاپ ەتكەن بولاتىن. سارايدىڭ 22 - قاباتىنداعى لۋجيازۇي فينانس ورتالىعىنىڭ پارتيا قۇرىلىسى قىزمەت وتەۋ سەنترى − لۋجيازۇي فينانس - ساۋدا رايونى جالپىلىق پارتكومى قۇرعان عيمارات پارتيا قۇرىلىسى شەبى. 11 - ايدىڭ 6 - كۇنى تۇستەن بۇرىن شي جينپيڭ وسى جەرگە كەلىپ، ورتالىقتىڭ پارتيا قۇرىلىسى قىزمەتىن ورىستەتۋى سياقتى جاعدايلاردى تاپتىشتەي ۇعىستى. پارتيا قۇرىلىسى قىزمەت وتەۋ سەنترىنىڭ اۋە باقشاسى زەرتتەۋ - تالقى، اۋىس - كۇيىس رايونىندا 3 كاسىپورىننىڭ پارتيا ياچەيكاسى بىرلەسىپ «فينانس قالاسىمەن بىرگە جەتىلەمىن» اتتى نەگىزگى تاقىرىپتىق پارتيا كۇنى قيمىلىن وتكىزىپ جاتىپتى، شي جينپيڭ ولاردىڭ اراسىنا كەلىپ، ولارمەن شىن ىقىلاسپەن اڭگىمەلەستى. شي جينپيڭ شاڭحايدىڭ لۋجيازۇي فينانس ورتالىعىنىڭ كاسىپتەر شوعىرلانعان، كاسىپورىندار توپتالعان، دارىندىلار جينالعان ءىس جۇزىندىك جاعدايىن تياناق ەتىپ، پارتيا قۇرىلىسى قىزمەتىنىڭ وي جەلىسى مەن ۇلگىسىن جاڭالاپ، عيماراتتاعى ءار ءتۇرلى مەنشىك تۇزىمىندەگى كاسىپورىندارداعى نەگىزگى ساتى پارتيا ۇيىمدارى مەن پارتيا مۇشەلەرىنە ۇيرەنۋ، جەتەكشىلىك ەتۋ، باسقارۋ، قىزمەت وتەۋ، قيمىل وتكىزۋ تۇعىرىن ازىرلەگەن ءادىسىن تولىق تۇراقتاندىردى. شي جينپيڭ مىنالاردى اتاپ كورسەتتى: پارتيا قۇرىلىسى قىزمەتىنىڭ قيىن ءتۇيىنى نەگىزگى ساتىدا، جارقىن ءتۇيىنى دە نەگىزگى ساتىدا. ەكونوميكالىق قۇرام مەن جۇمىسقا ورنالاسۋ ءتاسىلىنىڭ بارعان سايىن ءار الۋاندانۋىنا بايلانىستى، جاڭا ەكونوميكالىق ۇيىمدار مەن جاڭا قوعامدىق ۇيىمداردا جۇمىسقا تۇرعان پارتيا مۇشەلەرى بارعان سايىن كوبەيدى، ونداعى پارتيا مۇشەلەرىن تاربيەلەۋ، باسقارۋ قىزمەتىن ويداعىداي ىستەپ، ولاردى ءوز رولدارىن بەلسەنە ساۋلەلەندىرۋگە باستاۋ كەرەك. نەگىزگى ساتى پارتيا قۇرىلىسىندا ءارى تاڭداۋلى ءداستۇردى ساۋلەلەندىرۋ، ءارى داۋىرمەن بىرگە العا باسۋ، جاڭا جاعدايعا ۇزدىكسىز بەيىمدەلىپ، نەگىزگى ساتى پارتيا قۇرىلىسىنىڭ سالاسىن كەڭەيتىپ، پارتيا مۇشەلەرى قاي جەردە قىزمەت ىستەپ، تۇرمىس كەشىرسە، سول جەردى پارتيا ۇيىمىمەن قامتىپ، پارتيا مۇشەلەرى قايدا بولسا سوندا ۇيىم، باسپانا بولۋعا مۇمكىندىك جاساۋ كەرەك. شاڭحايدىڭ نەگىزگى ساتى پارتيا قۇرىلىسى قىزمەتىن كۇشەيتۋ جاعىندا ۇزدىكسىز ىزدەنىس جاساپ، الدا ءجۇرۋىن ءۇمىت ەتەمىن. ءبىزدىڭ پارتيا مۇشەلەرى بار ءار ءتۇرلى كاسىپورىنداردا پارتيا ۇيىمدارىن قۇرۋداعى ماقساتىمىز − كاسىپورىندارداعى پارتيا مۇشەلەرىن باسقارىپ جانە ولارعا قىزمەت وتەپ، قىزمەتكەرلەردى تارتىپكە، زاڭعا بويسۇنۋعا، كاسىپورىنداردىڭ ەرەجە - تۇزىمدەرىنە بويسۇنۋعا ىنتىماقتاستىرىپ جانە جۇمىلدىرىپ، پارتيا مۇشەلەرىنىڭ ۇزدىك ونەگەلىك رولىن ساۋلەلەندىرۋ. بۇل كاسىپورىننىڭ باسقارۋدى كۇشەيتۋىنە پايدالى، كاسىپورىننىڭ اقاۋسىز دامۋىن ىلگەرىلەتۋگە پايدالى.
  سونان كەيىن، شي جينپيڭ 119 - قاباتتاعى كورۋ زالىنا كەلىپ، شاڭحايدىڭ قالا كوركىنە بيىكتەن كوز تاستادى. شىعىس مەرۋەرتى، عالامدىق فينانس ورتالىعى، جينماۋ سارايى، ياڭپۋ كوپىرى، الەمدىك كورمە باقشا رايونى... ءيىن تىرەسكەن كلاسسيكالىق قۇرىلىستار اسەم كوركىمەن كوز تارتادى. بۇگىنگى مەن وتكەندى سالىستىرا بەينەلەنگەن زالداعى سۋرەتتەر شاڭحايدىڭ عاسىرلىق ۇلى وزگەرىسىن جاندى تۇردە ەلەستەتەدى. شي جينپيڭ ءالسىن - ءالى كىدىرىپ كوز تاستاپ، كوپشىلىكپەن پىكىر اۋىسىپ، شاڭحاي قالاسىنىڭ دامۋ بارىسىن ەسكە الدى. ول مىنالاردى ءبىلدىردى: رەفورما جاساپ، ەسىك اشقاننان بەرى، جۇڭگودا وراسان زور وزگەرىستەر جارىققا شىقتى، شاڭحاي سونىڭ ءبىر جاندى مىسالى. شاڭحاي − ەلىمىزدەگى ەڭ ۇلكەن ەكونوميكالىق ورتالىق قالا جانە چاڭجياڭ اتىراۋى وڭىرىندەگى سەلبەستىك پەن اۋىس - كۇيىستىڭ باستاماشىسى، قالانىڭ وزەكتى باسەكەلىك قابىلەتى مەن حالىقارالىق باسەكەلىك قابىلەتىن ۇزدىكسىز جوعارىلاتۋ كەرەك. شاڭحايدىڭ «كەڭ قۇشاق جايۋ، كەمەلدىلىككە ۇمتىلۋ، اشىق ويلى، پاراساتتى بولۋ، كەڭ تىنىستى، مەيىرلى بولۋ» دەگەن قالا رۋحىن ساۋلەلەندىرىپ، شاڭحايدىڭ ءىس جۇزىندىك جاعدايىن تياناق ەتىپ، دۇنيە جۇزىندەگى ءىرى قالالاردىڭ دامۋ تاجىريبەلەرىنەن ۇلگى الىپ، سوتسياليستىك وسىزاماندانعان حالىقارالىق ءىرى ورتالىق قالا قۇرۋعا كۇش سالۋ كەرەك.
  شاڭحايدىڭ حۇڭكوۋ رايونىنىڭ حالقى تىعىز ورنالاسقان. تۇرعىنداردىڭ الەۋمەتتىك اۋماقتاعى ءار الۋان تۇرمىس قاجەتىن قاناعاتتاندىرۋ ءۇشىن، حۇڭكوۋ رايونى 35 قالا تۇرعىنى ايالداماسىن اشىپ، «15 مينۋتتىق الەۋمەتتىك اۋماق تۇرمىسىنا قىزمەت وتەۋ شەڭبەرىن» قۇلشىنا قالىپتاستىردى. شي جينپيڭ حۇڭكوۋ رايونى قالا تۇرعىندارى ايالداماسىنىڭ جياشيڭ جولى ءمالى باسقارماسىنداعى 1 - بولىمشەسىنە كىرىپ، جالپىلىق قىزمەت وتەۋ تەرەزەلىگى، قارتتار ءۇيى، پارتيا قۇرىلىسى قىزمەت پۋنكتى سياقتىلاردى ءبىر - بىرلەپ كوردى. قارتتار ۇيىندە بىرنەشە قارت تۇرعىن قولونەر بۇيىمدارىن جاساۋمەن اينالىسىپ وتىرىپتى، باس شۋجي ولارمەن ىقىلاستى بەينەدە امانداستى، قارتتار باس شۋجيدىڭ قولىن تەبىرەنە الىپ، باس شۋجيگە وزدەرىنىڭ باقىتقا شومعان قارتتىق ومىرلەرىن باياندادى. شي جينپيڭ مىنالاردى اتاپ كورسەتتى: ەلىمىز قارتتانعان قوعامعا ءوتتى، قارتتاردىڭ قارتايعاندا زەينەت كورىپ، باقىتتى تۇرمىس كەشىپ، ساۋ - سالەمەت ۇزاق جاساۋى − ءبىزدىڭ ورتاق تىلەگىمىز. پارتيا ورتالىق كوميتەتى زەينەتكەرلىككە قىزمەت وتەۋ قىزمەتىنە باسا نازار اۋدارىپ وتىر، ساياساتتى تىڭعىلىقتى تياناقتاندىرىپ، اناعۇرلىم كوپ قارتتاردى يگىلىكتەندىرۋ كەرەك. قالا تۇرعىندارى ايالداماسىندا تۇرعىندار كوميتەتى مەن كاسىپورىننان كەلگەن بىرنەشە جاس ازامات الەۋمەتتىك اۋماقتا قوقىر - قوقسىقتى تۇرگە ايىرۋدى جالپىلاستىرۋدىڭ ادىستەرى جونىندە پىكىر اۋىسىپ وتىر ەدى. شي جينپيڭ بۇعان ايرىقشا دەن قويىپ، قاتىستى جاعدايلاردى ەگجەي - تەگجەيلى ۇعىستى. جاستاردىڭ ءبىرى الەۋمەتتىك يگىلىك قيمىلىنىڭ جاڭا سالتقا اينالعاندىعىن ايتتى. شي جينپيڭ مىنالاردى باسا دارىپتەدى: قوقىر - قوقسىقتى تۇرگە ايىرۋدىڭ ءوزى جاڭا سالت! قوقىر - قوقسىقتى جان - جاقتى ءبىر جاقتى ەتۋ جالپى حالىقتىڭ ات سالىسۋىنا مۇقتاج، شاڭحاي وسى قىزمەتتى ءجىتى، مىقتى يگەرىپ، جاقسى ىستەۋى كەرەك. شي جينپيڭ ولارعا مىنالاردى قاداعالاي تاپسىردى: قالانى جونگە سالۋدىڭ «سوڭعى ءبىر شاقىرىمى» الەۋمەتتىك اۋماقتا. الەۋمەتتىك اۋماق − پارتيا مەن ۇكىمەتتىڭ بۇقارامەن بايلانىس جاسايتىن، بۇقاراعا قىزمەت وتەيتىن جۇيكە ۇشى، الەۋمەتتىك اۋماق تۇرعىندارىن ۋايىمداتقان، مازالاعان، ابىرجىتقان ىستەردى دەر كەزىندە سەزىپ، بىردەن - بىردەن ۇتىمدى شەشۋ كەرەك. جۇرت كوڭىلى − تارازى. ءبىز بۇقاراعا كوڭىل تورىمىزدەن ورىن بەرگەندە عانا، بۇقارا ءبىزدى كوكەيىندە ساقتايدى. الەۋمەتتىك اۋماقتى جونگە سالۋدى كۇشەيتۋدە ءارى نەگىزگى ساتى پارتيا ۇيىمدارىنىڭ باسشىلىق رولىن ساۋلەلەندىرىپ، ءارى تۇرعىنداردىڭ ءوزىن - ءوزى باسقارۋ فۋنكتسياسىن ساۋلەلەندىرىپ، الەۋمەتتىك اۋماق تۇرعىندارىنىڭ بەلسەندىلىگىن، ىرىقتىلىعىن جۇمىلدىرىپ، بارلىق ادام ات سالىسۋدى، بارلىق ادام جاۋاپتى بولۋدى، بارلىق ادام ۇلەس قوسۋدى، بارلىق ادام تەڭ يگىلىكتەنۋدى ىسكە اسىرۋ كەرەك. قوشتاسار ساتتە، حابار تاۋىپ جەتكەن تۇرعىندار باس شۋجيدى القا - قوتان قاۋمالاپ، باس شۋجيمەن جاپا - تارماعاي قول الىستى.

11 - ايدىڭ 6 - كۇنىنەن 7 - كۇنىنە دەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شاڭحايدا تەكسەرۋ جۇرگىزدى. سۋرەتتە: 11 - ايدىڭ 6 - كۇنى تۇستەن بۇرىن شي جينپيڭ شاڭحاي ورتالىق سارايىنىڭ 22 - قاباتىنداعى لۋجيازۇي فينانس ورتالىعىنىڭ پارتيا قۇرىلىسى قىزمەت وتەۋ سەنترىندە تاقىرىپتىق پارتيا كۇنى قيمىلىن بىرلەسىپ وتكىزىپ جاتقان كاسىپورىنداعى پارتيا مۇشەلەرىمەن ىقىلاستى اڭگىمەلەسۋدە.
سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  11 - ايدىڭ 6 - كۇنى تۇستەن كەيىن شي جينپيڭ پۋدۇڭ جاڭا رايونى قالا اينالىمىن كەشەندى باسقارۋ ورتالىعىنا كەلىپ، ۇلكەن ەكران ارقىلى شاڭحايدىڭ قالانى قۇنتتاپ باسقارۋ جانە حالىقارالىق ساۋدا ءبىر تەرەزەلىگىنىڭ اينالىم جاعدايىن ۇعىستى. شي جينپيڭ مىنالاردى باسا دارىپتەدى: قالانى جونگە سالۋ − مەملەكەتتىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدىڭ ماڭىزدى مازمۇنى. ماڭداي الدى قالانىڭ باسقارۋى دا ماڭداي الدى بولۋى، عىلميلانۋ، قۇنتتالۋ، زەردەلىلەنۋ جاعىنا كۇش سالۋعا نازار اۋدارۋ كەرەك. وسى زامانعى عىلىم - تەحنيكالىق تاسىلدەر ارقىلى زەردەلىلەنۋدى ىسكە اسىرۋعا شەبەر بولۋ ءارى كەستە تىككەندەي ىجداعاتتىلىقپەن، ۇستامدىلىقپەن، شەبەرلىكپەن قۇنتتاۋ دەڭگەيىن جوعارىلاتىپ، قالانىڭ قاسيەتى مەن ماركاسىن كەستەلەۋ كەرەك. شاڭحاي ۇزدىكسىز ىزدەنىس جاساپ، ەرەكشە ءىرى قالانى باسقارۋدىڭ جۇڭگوشا جاڭا جولىن اشىپ، قالا باسقارۋ دەڭگەيىن ۇزدىكسىز جوعارىلاتۋ كەرەك.
  شي جينپيڭ ياڭشان كەمەجايىنىڭ قۇرىلىسى مەن دامۋىنا ۇنەمى كوڭىل ءبولىپ كەلەدى، وسى جەردە ياڭشان كەمەجايىنىڭ 4 - مەرزىمدىك اۆتوماتتاندىرىلعان كەمەتۇراعىمەن بەينە ەكران ارقىلى بايلانىس جاساپ، كەمەتۇراقتىڭ قۇرىلىس جانە اينالىم جاعدايى تۋرالى تانىستىرۋدى تىڭدادى. ول مىنالاردى اتاپ كورسەتتى: ەكونوميكالىق قۇدىرەتتى ەل بولۋ ءۇشىن، قالايدا تەڭىزدەگى قۇدىرەتتى ەل، تەڭىز تاسىمالىنداعى قۇدىرەتتى ەل بولۋ كەرەك. ياڭشان كەمەجايىنىڭ سالىنۋى مەن جۇمىس جۇرگىزۋى شاڭحايدىڭ حالىقارالىق تەڭىز تاسىمال ورتالىعى مەن ەركىن ساۋدا سىناق رايونى قۇرىلىسىن جەدەلدەتىپ، سىرتقا ەسىكتى ايقارا اشۋىنا اناعۇرلىم جاقسى شارت - جاعداي ازىرلەيدى. دۇنيە جۇزىندە ماڭداي الدى بولۋعا بەل بۋعان ەرىك - جىگەر مەن باتىلدىق بولۋى، ىستەگەن ەكەنبىز كەمەلىنە كەلتىرە ىستەپ، اناعۇرلىم كوپ الەمدىك بىرىنشىلىكتى قۇلشىنا جاراتۋىمىز كەرەك. ول شاڭحايدىڭ ياڭشان كەمەجايىن ويداعىداي قۇرىپ، ويداعىداي باسقارىپ، ويداعىداي دامىتىپ، جۇمساق ورتا قۇرىلىسىن كۇشەيتىپ، كەمەجايدىڭ جۇمىس جۇرگىزۋ - باسقارۋ قابىلەتىن، كەشەندى قىزمەت كورسەتۋ قابىلەتىن ۇزبەي جوعارىلاتىپ، ەلىمىزدىڭ ەسىك اشۋدى جاپپاي كەڭەيتۋى، «ءبىر بەلدەۋ، ءبىر جولدى» بىرگە قۇرۋى بارىسىندا اناعۇرلىم زور رول اتقارۋىن ءۇمىت ەتتى.
  جاڭجياڭ عىلىم ورتالىعى شاڭحايدىڭ عىلىم - تەحنيكالىق جاڭالىق اشۋ سەنترىنىڭ وزەكتى رايونى جانە عىلىم - تەحنيكادا مەملەكەت دارەجەلى بيىك بەلەس رەتىندە وعان ءبىر توپ ءىرى عىلىم قۇرىلعىلارى، عىلىم تۇعىرلارى جانە بىرەگەي جاڭالىقشىل مەكەمە - ورىندار شوعىرلانعان. كورسەتۋ زالىندا شي جينپيڭ عىلىم ورتالىعىنىڭ دامۋ بارىسى جانە جوسپار قۇرىلىسى جاعدايى جونىندەگى تانىستىرۋدى تىڭداپ، ءىرى عىلىم قۇرىلعىلارى، ينتەگرالدى تىزبەك، اۋە - عارىش، بيولوگيالىق دارىلەر سياقتى كورمە رايوندارىن ارالادى. شي جينپيڭ سول جەردەگى عىلىم - تەحنيكا قىزمەتكەرلەرىمەن ىقىلاسپەن اڭگىمەلەستى، ول مىنالاردى باسا دارىپتەدى: عىلىم - تەحنيكا مەملەكەتتىڭ بولاشاعى مەن تاعدىرىنا ءدال بۇگىنگىدەي تەرەڭ ىقپال جاساعان، حالىقتىڭ تۇرمىسى مەن ىرىس - قۇتىنا ءدال بۇگىنگىدەي تەرەڭ ىقپال جاساعان ەمەس. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى ساتىندە، عىلىم - تەحنيكالىق جاڭالىق اشۋدىڭ كوكەي تەستىلىك سەزىمى مەن بورىشتىلىق سەزىمىن كۇشەيتىپ، عىلىم - تەحنيكالىق جاڭالىق اشۋدى اناعۇرلىم ماڭىزدى ورىنعا قويىپ، «قاقپا الدىنا كەلگەن دوپتى» جاقسى تەۋىپ، عىلىم - تەحنيكالىق جاڭالىق اشۋدىڭ جاڭالىق اشۋ ارقىلى دامۋعا دەم بەرۋ ستراتەگياسىن اتقارۋ، جاڭا - كونە قوزعاۋشى قۋاتتاردىڭ اۋىسۋىن جەدەلدەتۋ بارىسىندا ماڭىزدى رول اتقارۋىنا مۇمكىندىك جاساۋ كەرەك. پارتيا ورتالىق كوميتەتىنىڭ عىلىم - تەحنيكالىق جاڭالىق اشۋ جونىندەگى ستراتەگيالىق ورنالاستىرۋى مەن ساياسات - شارالارىن مۇقيات تياناقتاندىرىپ، نەگىزدىك زەرتتەۋدى جانە قولدانىلمالى نەگىزدىك زەرتتەۋدى كۇشەيتىپ، ءتول جاڭالىق اشۋ قابىلەتىن جوعارىلاتىپ، كاسىپورىنداردىڭ نەگىزگى تۇلعالىق رولىن ساۋلەلەندىرۋگە باسا ءمان بەرىپ، ءبىلىم مەنشىگى ۇقىعىن قورعاۋدى كۇشەيتىپ، جاڭالىقشىل دارىندىلارعا قۇرمەت ەتىپ، جاڭالىق اشۋدىڭ ومىرشەڭدىگىن قاۋلاتىپ، جاڭا وركەندەگەن كاسىپتەر مەن جاڭالىقشىل كاسىپورىنداردى جەتىلدىرىپ، الۋەتتەندىرىپ، عىلىم - تەحنيكا جەتىستىكتەرىنىڭ كادەگە جاراۋىن جەدەلدەتىپ، جاڭالىق اشۋ جۇيەسىنىڭ جالپى تۇلعالىق ونىمدىلىگىن ارتتىرۋ كەرەك. جاڭجياڭ مەملەكەتتىك كەشەندى عىلىم ورتالىعى قۇرىلىسىن الەمدىك كوز ايامەن، حالىقارالىق ولشەممەن ىلگەرىلەتىپ، حالىقارالىق وزىق دەڭگەيدەگى تاجىريبەحانالاردى، عىلمي زەرتتەۋ مەكەمە - ورىندارىن، زەرتتەۋ - اشۋ قۇرىلىمدارىن، زەرتتەۋ تۇرىندەگى داشۋەلەردى شوعىرلاندىرا قۇرىپ، الەمدىك بىرەگەي ماڭىزدى عىلىم - تەحنيكالىق نەگىزدىك قۇرىلعىلار شوعىرىن جەدەل تۇلعالاۋ كەرەك.
  11 - ايدىڭ 7 - كۇنى تۇستەن كەيىن شي جينپيڭ شاڭحاي قالالىق پارتكوم مەن ۇكىمەتتىڭ قىزمەت مالىمەتىن تىڭداپ، شاڭحايدىڭ تۇرلىشە جاقتاعى قىزمەتىن تولىق تۇراقتاندىردى. ول شاڭحاي قالاسىنان ۇزدىكسىز تۇردە بۇكىل ەلدەگى رەفورما جاساۋدىڭ، ەسىك اشۋدىڭ اتويشىسى، جاڭالىق اشۋدىڭ، دامۋدىڭ باستاۋشىسى بولىپ، ەڭ اۋىر جۇكتى ارقالاۋعا، ەڭ قيىن ماسەلەنى شەشۋگە باتىل بولىپ، جول اشا اتوي سالۋ، ۇلگى كورسەتىپ جەتەكتەۋ، شەپ بۇزىپ، قامال الۋ رولىن ساۋلەلەندىرىپ، بۇكىل ەلدىڭ رەفورما، دامۋ ىستەرى ءۇشىن اناعۇرلىم كەسەك ۇلەس قوسۋدى ءۇمىت ەتتى.
  شي جينپيڭ مىنالاردى باسا دارىپتەدى: جۇڭحۋا ۇلتىنىڭ ۇلى گۇلدەنۋى استە ايعاي - سۇرەنمەن وڭاي - وسپاق ىسكە اسا سالاتىن شارۋا ەمەس، ءسوز جوق، كوپتەگەن جاڭا تاريحي ەرەكشەلىكتەرگە يە ۇلى كۇرەستەر جۇرگىزۋ كەرەك. ءبىز ءالى ۇلكەن ىستەر تىندىراتىن تاريحي وراي مەزگىلىندە تۇرمىز، بولاشاعىمىز ايرىقشا نۇرلى، سىن - سايىستار دا ەرەكشە قاتاڭ. قازىر ەلىمىز دامۋىنىڭ سىرتقى ورتاسىندا كورنەكتى وزگەرىس تۋىلىپ، ەلىمىز ەكونوميكاسى جوعارى جىلدامدىقپەن ارتۋ ساتىسىنان جوعارى ساپالى دامۋ ساتىسىنا بۇرىلىس جاسادى، دامۋدىڭ بىركەلكى، تولىق بولماۋ ماسەلەسى مەن ءتۇرلى پەريودتىق، قۇرىلىمدىق، تۇزىلىستىك فاكتورلار ارالاسا قاباتتاسىپ، قىزمەتتىڭ قيىندىعىن ارتتىردى. دەسەدە، ءبىز ستراتەگيالىق تاباندىلىقتى ساقتاپ، زەيىن - قۋاتتى شوعىرلاندىرىپ ءوز ءىسىمىزدى ويداعىداي ىستەسەك، ءبىز كوزدەگەن نىسانا، ءسوز جوق، جۇزەگە اسادى.
  شي جينپيڭ مىنالاردى باسا دارىپتەدى: شاڭحايدىڭ پارتيا مەن مەملەكەت قىزمەتىنىڭ جالپى جاعدايىنداعى ورنى ايرىقشا ماڭىزدى، شاڭحايدىڭ قىزمەتىن ويداعىداي ىستەۋدە جالپى جاعداي تانىمى، جالپى جاعداي كوزقاراسى بولۋ، بۇكىل مەملەكەتكە قىزمەت ەتۋ بارىسىندا شاڭحايدى دامىتۋ كەرەك. شي جينپيڭ شاڭحايعا 5 جاقتان قىزمەت تالابىن قويدى.
  ءبىرىنشى، بۇكىل مەملەكەتتىڭ رەفورما، دامۋ جالپى جاعدايىنا اناعۇرلىم ويداعىداي قىزمەت ەتۋ. شاڭحاي ەركىن ساۋدا سىناق رايونى جاڭا اۋماعىن اشۋ، شاڭحاي اكتسيا ايىرباس ورنىندا عىلىم - تەحنيكالىق جاڭالىق اشۋ تاقتاسىن ورناتۋ جانە تىركەۋ ءتۇزىمىن تۇيىندە سىناق ەتۋ، چاڭجياڭ اتىراۋىن ءبىر تۇلعالاندىرىپ دامىتۋ مەملەكەتتىك ستراتەگياسىن اتقارۋ سىندى 3 جاڭا ەلەۋلى مىندەتتى ويداعىداي ورىنداپ، جوعارى ساپالى دامۋدى ىلگەرىلەتۋ تالابىنا تاباندى بولىپ، جاڭا داۋىردەگى شاڭحاي دامۋىنىڭ ستراتەگيالىق باسىمدىعىن تۇلعالاۋ كەرەك. مەملەكەتتىڭ ءبىر تۇتاس جوسپارلاۋى، ءبىر تۇتاس ورنالاستىرۋى بويىنشا، «ءبىر بەلدەۋ، ءبىر جول» قۇرىلىسى، چاڭجياڭ ەكونوميكالىق بەلدەۋىن دامىتۋ سياقتى مەملەكەتتىك ستراتەگيالارعا بار كۇشپەن قىزمەت ەتۋ كەرەك. چاڭجياڭ اتىراۋىن اناعۇرلىم جوعارى ساپامەن ءبىر تۇلعالاندىرىپ دامىتۋدى ىلگەرىلەتۋ بارىسىندا سەركەلىك، باستاماشىلدىق رولىن ونان ارى ساۋلەلەندىرىپ، چاڭجياڭ اتىراۋىن ءبىر تۇلعالاندىرىپ دامىتۋ جۇمىسىن ويداعىداي ىستەپ، ونى ەلىمىز دامۋىنداعى قۋاتتى، جالىندى ءوسۋ ۇيەگىنە اينالدىرۋ كەرەك.
  ەكىنشى، ەكونوميكانىڭ جوعارى ساپالى دامۋىن ىلگەرىلەتۋ. ساپا وزگەرىسىن، ونىمدىلىك وزگەرىسىن، قوزعاۋشى قۋات وزگەرىسىن ىرىقتىلىقپەن ىلگەرىلەتىپ، قالا ەكونوميكاسىنىڭ تىعىزدىعىن جوعارىلاتۋعا، ۇسىنىلىم - ءوندىرىلىم تيىمدىلىگىن جوعارىلاتۋعا كۇش سالىپ، الەمدىك بايلىقتاردى جايعاستىرۋ قابىلەتىن جوعارىلاتۋعا كۇش سالىپ، جاڭالىق اشۋ وشاعى قابىلەتىن كۇشەيتۋگە كۇش سالىپ، وسىزاماندانعان ەكونوميكالىق جۇيەنى جەدەل ورناتۋ كەرەك. الەمدىك عىلىم - تەحنيكانىڭ الدىڭعى لەگىن كوزدەپ، عىلىم - تەحنيكالىق جاڭالىق اشۋدىڭ بولجامدىق ورنالاستىرىلۋىن كۇشەيتىپ، نازاردى شەشۋشى سالالارعا شوعىرلاندىرىپ، سايلاۋىت كۇشتەردى توپتاپ، ەلەۋلى سەرپىلىسكە ەرتەرەك قول جەتكىزىپ، جاڭالىق اشۋدى جوعارى ساپالى دامۋدىڭ قۇدىرەتتى قوزعاۋشى قۋاتىنا اينالدىرۋ كەرەك. جوعارى ساپالى دامۋدىڭ كۇش سالۋ ءتۇيىنىن ناقتى ەكونوميكاعا اۋدارىپ، ناقتى ەكونوميكا، عىلىم - تەحنيكالىق جاڭالىق اشۋ، وسى زامانعى فينانس، ادام كۇشى بايلىعى سايكەسە داميتىن كاسىپ سالاسى جۇيەسىن جەدەل ورناتىپ، شاڭحايدىڭ الەمدىك قالالار جۇيەسىندەگى ىقپال كۇشى مەن باسەكەلىك قابىلەتىن جاپپاي جوعارىلاتۋ كەرەك.
  ءۇشىنشى، رەفورما جاساۋدىڭ، جاڭالىق اشۋدىڭ تەرەڭدەي دامۋىن ىلگەرىلەتۋ. يدەيانى ونان ارى ازات ەتىپ، وزگەرىستى ءدال تانىپ، وزگەرىسكە عىلمي ۇيلەسىپ، وزگەرىسكە ىرىقتىلىقپەن ۇمتىلىپ، رامكالاردىڭ، ويلاۋداعى قالىپپازدىقتىڭ بۇعاۋىن باتىل تالقانداپ، ماڭىزدى سالالارداعى جانە شەشۋشى بۋىندارداعى رەفورمالاردى ىشكەرىلەي ىلگەرىلەتىپ، جۇيەلىك شوعىرلاۋدى كۇشەيتىپ، مەملەكەتتىك مال - مۇلىك پەن مەملەكەت مەنشىگىندەگى كاسىپورىندار، حالىقتىق شارۋاشىلىق، ساۋدا ىستەرى ءتۇزىمى، قوعامدىق سەنىمدىلىك، دارىندىلاردىڭ دامۋى، قالا باسقارۋ، حالىق تۇرمىسىن قامتاماسىز ەتۋ سياقتى رەفورما شارالارىنىڭ كەمەلدەنۋىن جانە تياناقتانۋىن ۇزدىكسىز ويداعىداي يگەرىپ، رەفورمانىڭ كەشەندى اسەرىن ۇلعايتۋ كەرەك. كاپيتال بازارى رەفورماسىن تەرەڭدەتىپ، جەرگىلىكتى ورىنداعى اناعۇرلىم كوپ عىلىم - تەحنيكالىق جاڭالىق اشۋشى كاسىپورىنداردى دامۋعا، الۋەتتەنۋگە باۋراۋ جانە ولاردى جەتىلدىرۋ كەرەك. ەڭ جوعارى ولشەمدى، ەڭ جوعارى دەڭگەيدى كوزدەپ، اكىمشىلىك ىستەردە قىزمەت كورسەتۋدى ساپالىلاندىرىپ، حالىقارالىق بىرەگەي ساۋدا ورتاسىن قالىپتاستىرۋ كەرەك. اناعۇرلىم تەرەڭ ساتىدا، اناعۇرلىم كەڭ سالادا، اناعۇرلىم زور كۇشپەن جان - جاقتى، جوعارى دەڭگەيدەگى ەسىك اشۋدى ىلگەرىلەتىپ، ۇزاق بولاشاقتىق دامۋ ءۇشىن بەرىك نەگىز قالاۋ كەرەك. حالىقتىق كاسىپورىنداردىڭ دامۋىن ىنتالاندىراتىن، قولدايتىن، جەتەكتەيتىن ساياسات - شارالاردى باستاماشىلدىقپەن دايەكتىلەندىرىپ، حالىقتىق كاسىپورىنداردىڭ دامۋى ءۇشىن تاماشا تۇزىمدىك ورتا ازىرلەۋ كەرەك.
  ءتورتىنشى، قوعامدىق جونگە سالۋدا جاڭالىق اشۋدى تەرەڭدەتۋ. قوعامدىق جونگە سالۋدىڭ قوعامدانۋ، زاڭ ارناسىنا ءتۇسۋ، زەردەلىلەنۋ، ارنايىلانۋ دەڭگەيىن جوعارىلاتىپ، نازىك تۇستارعا كۇش سالىپ، ناتيجە شىعارۋعا اناعۇرلىم ءمان بەرۋ كەرەك. حالىقتى وزەك ەتكەن دامۋ يدەياسىنا تاباندى بولىپ، بىرگە قۇرۋعا، بىرگە جونگە سالۋعا، بىرگە يگىلىكتەنۋگە تاباندى بولىپ، قىزمەتتىڭ سالماعىن تومەنگە قويۋعا، كۇشتەردى تومەنگە تۇسىرۋگە تاباندى بولىپ، حالىق بۇقاراسى كوڭىل ءبولىپ وتىرعان جۇمىسقا ورنالاسۋ، وقۋ - اعارتۋ، ەمدەۋ، زەينەتكەرلىك سياقتى كورنەكتى ماسەلەلەردى ويداعىداي شەشۋگە كۇش سالىپ، نەگىزگى الەۋمەتتىك قىزمەت وتەۋدىڭ دەڭگەيى مەن ساپاسىن ۇزدىكسىز جوعارىلاتىپ، بۇقارانى اناعۇرلىم مول تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلدىرۋ كەرەك.
  بەسىنشى، پارتيا قۇرىلىسىنىڭ ساپاسى مەن دەڭگەيىن جوعارىلاتۋ. جاڭا داۋىردەگى پارتيا قۇرىلىسىنىڭ باس تالابىن مۇقيات دايەكتىلەندىرىپ، پارتيانى پارتيا باسقارۋعا، پارتيانى جاپپاي قاتاڭ جونگە سالۋعا تاباندى بولىپ، پارتيانىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ءتارتىپ قۇرىلىسىن جاپپاي ىلگەرىلەتۋ كەرەك. قاتاڭ بولۋدى ءبىرىنشى ورىنعا قويۋعا، جاپپاي قاتاڭ بولۋعا، سوڭىنا دەيىن قاتاڭ بولۋعا تاباندى بولىپ، پارتيانى باسقارۋدىڭ، پارتيانى جونگە سالۋدىڭ جاۋاپكەرشىلىگىن قاتاڭ تياناقتاندىرۋ كەرەك. جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرىپ، ساياسي ولشەمدى ءبىرىنشى ولشەم ەتۋگە تاباندى بولىپ، ادال، كىرشىكسىز، جاۋاپكەرلىك ارقالايتىن جوعارى ساپالى كادرلار قوسىنىن قۇرىپ، كادرلار قوسىنىنىڭ ساياسيدا سەنىم ارتۋعا، ارقا سۇيەۋگە، الاڭسىز بولۋعا تاتيتىنداي بولۋىنا شىنايى كەپىلدىك ەتۋ كەرەك. جاڭا ءداۋىر جۇڭگوشا سوتسياليزم يدەياسىن ۇيرەنۋدى كۇشەيتىپ، يدەيالىق سانا مەن نازاريالىق دەڭگەيدى ۇزدىكسىز جوعارىلاتىپ، مۇرات - سەنىمدى بەكەمدەپ، «ءتورت تانىمدى» ۇزدىكسىز كۇشەيتىپ، «ءتورت سەنىمدى» بەكەمدەپ، رۋحاني كالتسيدى تولىقتاپ، يدەيانىڭ تىزگىنىن مىقتى ۇستاۋ كەرەك. ءار سالاداعى، ءار جاقتاعى كاسىپتىك دارىندىلاردى جەدەل باۋلىپ، كادرلاردى سانالى تۇردە بىلىمدەرىن جاڭالاۋعا، ونەرلەرىن ۇشتاۋعا، بوران - شاشىننىڭ سىناعىنان وتۋگە، دۇنيەنى تانۋعا، قارىم - قايراتىن بەكەمدەۋگە، قابىلەت - دارىنىن وسىرۋگە جەتەكتەۋ كەرەك. ىسكەرلەردى جۇمىسقا قويۋ جولىن كەڭىنەن اشىپ، ءار جاقتاعى ۇزدىك دارىندىلاردى كەڭىنەن توپتاۋ كەرەك. پارتيانىڭ نەگىزگى ساتى ۇيىمدىق قۇرىلىسىن كۇشەيتىپ، بايلىقتى، قىزمەت ەتۋدى، باسقارۋدى نەگىزگى ساتىعا ءتۇسىرىپ، نەگىزگى ساتىنى بەكەمدەپ، ءاربىر نەگىزگى ساتى ۇيىمىن بەرىك شايقاس قامالى ەتىپ قۇرىپ شىعۋ كەرەك. يدەولوگيا قىزمەتىنە ايرىقشا ءمان بەرىپ، سوتسياليستىك وزەكتى قۇن كوزقاراسىن اسقاقتاتۋ، وڭ ەنەرگيانى ساۋلەلەندىرۋ كەرەك.
  قىزمەت تەكسەرۋ كەزىندە، شي جينپيڭ شاڭحايدا شاڭحايدا تۇراتىن اسكەري بولىمدەردىڭ ورىنباسار شى دارەجەسىنەن جوعارى باسشى كادرلارىن جانە تۋان دارەجەلى ورىنداردىڭ نەگىزگى كومانديرلارىن ىقىلاسپەن قابىلداپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان شاڭحايدا تۇراتىن اسكەري بولىمدەردەگى بارلىق كوماندير - جاۋىنگەرلەرگە شىن ىقىلاستى سالەم جولدادى. جاڭ يوۋشيا قابىلداۋدا بىرگە بولدى.
  ديڭ شۋەشياڭ، ليۋ حى، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار بىرگە تەكسەرۋ جۇرگىزدى.


بەرىپ كەت ورامالىڭدى

دوستار

الىستاعى اق ەركە