جاڭا حابارلار

كاسىپ جاعىنداعى كەدەيلەردى سۇيەمەلدەۋ ــــــ كەدەيلىكتەن دالمە-ءدال قۇتىلدىرىپ، اۋقاتتاندىرۋدىڭ جولىن كەڭەيتتى

    كەلۋ قاينارى: شينجياڭ حالىق راديو ىستانسياسى    2018-11-09 11:52:03  
پارتيا 19-قۇرىلتايى بايانداماسىندا: «كەدەيلىكتەن قۇتىلدىرۋدان قامال الۋ شايقاسىندا باتىل جەڭىسكە جەتىپ، كەدەي حالىق سانى مەن كەدەي رايونداردى بۇكىل ەلمەن قاتار دوڭگەلەك داۋلەتتى قوعامعا باستاۋ ـــ پارتيامىز بەرگەن ايبىندى ۋادە»، ـــ دەپ اتاپ كورسەتىلدى. رايونىمىزدىڭ جەر ـ جەرى جەرگىلىكتى ورىننىڭ ءىس جۇزىندىگىنە ۇيلەسەتىن ەگىمشىلىك، باعىمشىلىك، مانەرلەۋ، جاساۋ جانە ساياحات كاسىبىن دامىتىپ، «اۋداندا كەدەيلەردى سۇيەمەلدەۋدە تىرەكتى كاسىپ، قىستاقتا كەدەيلەردى سۇيەمەلدەۋدە جەتەكشى كاسىپ، وتباسىلارىندا كىرىستى ارتتىرىپ، اۋقاتتاندىراتىن نىسان بولۋ» سىندى كاسىپ جاعىندا سۇيەمەلدەۋ جۇلگەسىن نەگىزىنەن قالىپتاستىردى.
ءار كۇنى مۇقيات باقىلاۋ كەرەك، ماسەلەن قوياننىڭ اۋزىن، باقايشىقتارىنىڭ جارالانعان-جارالانباعانىن، دەنەسىندە قوتىر-كونتەك بار-جوعىن بايقاۋ كەرەك، وسىلاردىڭ ءبارىن كۇندە تەكسەرىپ تۇرعان ءجون.
بىرنەشە كۇننەن بەرى، قاراقاش اۋدانى ساۋدا-ونەركاسىپ شەكتى سەرىكتەستىگىنىڭ قويان باعىمشىلىعى بازاسىندا، سەرىكتەستىكتىڭ باس مەڭگەرۋشىسى جاۋ داپىڭ جۇمىسشىلارعا قويان باعۋ تەحنيكاسىن ءتۇسىندىردى. قاراقاش اۋدانى بۇرشاقشى اۋىلى كاساچاقلىق قىستاعىنان كەلگەن قىزمەتكەر تۇرسىنگۇل روزىمامەت مۇنى وتە مۇقيات تىڭدادى، ول بىلاي دەدى: «بۇل جەردە قويان باعۋ بازاسى قۇرىلعاننان كەيىن، وسى جەرگە كەلىپ قىزمەت ىستەپ، قويان باعۋ تەحنيكاسىن ۇيرەندىم، ايىنا 3 مىڭ يۋاننىڭ ۇستىندە كىرىس كىرگىزەمىن، بۇل جەرگە كەلىپ، قىزمەت ىستەگەنىمە قاتتى قۋاندىم، تۇرمىسىم بارعان سايىن جاقساردى».
بيىل 7-ايدا، قاراقاش اۋدانى ەنگىزگەن گانسۋ باتىس بولەك قۇبا ءتۇز قويان كاسىبى شەكتى سەرىكتەستىگى بۇرشاقشى اۋىلىندا تيانجياڭ ساۋدا-ونەركاسىپ قويان كاسىبى باقشاسىن قۇردى، كاسىپ باقشاسى شينجياڭعا كومەكتەسۋ نىسانى قارجىسىن ارحيۆ تۇرعىزىلىپ، كارتچكا تاراتىلعان كەدەي وتباسىنىڭ جارنا نەگىزگى قارجىسى ەتىپ، «كاسىپورىن، بازا، ديحان وتباسى بىرلەسكەن» اينالىم ۇلگىسىن قولدانىپ، 400 ديحان وتباسىن قويان باعۋ كاسىبىنە قاتىناسۋعا باۋرادى. قازىر، قاراقاش اۋدانى قويان كاسىبىن كەدەيلىكتەن قۇتىلدىرۋدان قامال الۋداعى تىرەكتى كاسىپ رەتىندە اۋدان كولەمىندە جالپىلاستىردى. قاراقاش اۋداندىق پارتكومنىڭ تۇراقتى مۇشەسى چىن شين بىلاي دەدى: «ءبىز قويان كاسىبىن جاقىن ماڭداعى 4 اۋىل، قالاشىقتا دامىتۋدى جالپىلاستىرىپ، كەلەر جىلدىڭ اياعىندا اسىل تۇقىمدى قوياننىڭ سانىن 100 مىڭعا، جىلىنا وندىرىلەتىن ساپالى سويىس قويانىنىڭ سانىن 5 ميلليونعا جەتكىزىپ، سول ارقىلى قاراقاش اۋدانىنىڭ كەدەيلىكتەن قۇتىلۋدان قامال الۋ شايقاسىنىڭ اقاۋسىز دامۋىن ىلگەرىلەتۋدى جوسپارلاپ وتىرمىز».
جىل باسىنان بەرى، رايونىمىز باعىمشىلىق كاسىبىن كۇش سالا دامىتۋ ارقىلى كەدەيلەردى سۇيەمەلدەۋدىڭ شاعىن سومالى سەنىمدى قارىز اقشا ساياساتىن تياناقتاندىرىپ، وڭتۇستىك شينجياڭداعى ءۇش ايماق، ءبىر وبىلىستىڭ اسىل تۇقىمدى مال، ءۇي قۇستارى فەرماسىن، مال-ءۇي قۇستارىن كولەمدى باعۋ فەرماسىن قۇرۋىن قولداپ، كەدەي وتباسىلاردىڭ باعىمشىلىقتى ورىستەتۋىن سۇيەمەلدەدى.
اۆتونوميالى رايون تاعى ەڭبەككۇش شوعىرلانعان كاسىپتەردى دامىتۋ ارقىلى اناعۇرلىم كوپ كەدەي وتباسىلارىنىڭ كەدەيلىكتەن قۇتىلىپ، اۋقاتتانۋىن جەبەدى. تاياۋدا، يىڭىسار اۋدانى جاڭا جەر اۋىلى شوڭارىق قىستاعىنداعى اعاش كاسىبى سەلبەستىگى بىرىككەن كوپەراتيۆىنىڭ قىزمەتكەرلەرى تاپسىرىس بەرىلگەن ءبىر توپ ءۇي جيھازدارىن ۇستەمەلەپ ىستەۋمەن بولدى. سەلبەستىك بىرىككەن كوپەراتيۆىنىڭ جاۋاپتىسى مامەتجان مامەت بىلاي دەدى: «بۇل كوپەراتيۆتە 7 كەدەي وتباسى كاسىپتەندى، ەڭبەكاقىسى ەڭ جوعارىلارى ايىنا 2 مىڭ 500 يۋان، ەڭ تومەندەرىنىڭ ءوزى ايىنا مىڭ يۋان اينالاسىندا. قازىر بۇل كوپەراتيۆ قۇنى 70 مىڭ يۋاننان ارتىق ءۇي جيھازدارىن وندىرەدى».
سونىمەن بىرگە، رايونىمىزدىڭ جەر-جەرى مول ساياحات بايلىعىنا سۇيەنىپ، ساياحات جاعىندا كەدەيلەردى دالمە-ءدال سۇيەمەلدەۋ يجەنەرياسىن ىلگەرىلەتتى. موري قازاق اۆتونوميالى اۋدانى بايياڭحى اۋىلى شيچۋان قىستاعى بيىل سۇيەك ءمۇسىنى قولونەر تەحنولوگيا بۇيىمدارى سەرىكتەستىگىن قۇرعاننان كەيىن، قىستاقتاعى مۇگەدەك بەرىكبول كاسىپورىننىڭ سۇيەك مۇسىندەۋشى جۇمىسشىسىنا اينالدى، ول بىلاي دەدى: «مەن بۇل جەرگە كەلە سالىپ جۇمىسقا كىرىستىم، ماعان ارناۋلى ۇستاز جەتەكشىلىك ەتىپ، سۇيەك مۇسىندەۋ تەحنيكاسىن ۇيرەتتى، ايىنا ماعان 5 مىڭ يۋان ەڭبەكاقى بەرەدى، قازىر تۇرمىسىمىنان الاڭدامايتىن بولدىم». سەرىكتەستىكتىڭ جاۋاپتىسى قابدىل: «ءبىز جاساعان ايداعار ءمۇسىنى، شوتكى، قامشى، ۇستەل سياقتى الۋان-ءتۇرلى سۇيەك ويمالارى كۇندەلىك ساتىلادى»، ــ دەدى.
وتكەن جىلى، رايونىمىزدان 443 مىڭ 800 كەدەي حالىق سانى كەدەيلىكتەن قۇتىلىپ، 331 كەدەي قىستاق كەدەيلىك تىزىمدىگىنەن شەگىندىرىلىپ، 3 كەدەي اۋدان كەدەيلىك قالپاعىن الىپ تاستادى، بيىل، تاعى 454 مىڭ 800 ادامدى كەدەيلىكتەن قۇتىلدىرىپ، 510 كەدەي قىستاقتى كەدەيلىك تىزىمدىگىنەن شەگىندىرىپ، 3 كەدەي اۋداننىڭ كەدەيلىك قالپاعىن الىپ تاستاۋ جوسپارلاندى.

بەرىپ كەت ورامالىڭدى

دوستار

الىستاعى اق ەركە