جاڭا حابارلار

ولاردى وزدەرىنىڭ باقىتتى تۇرمىسىن جاراتۋعا شابىتتاندىردى

    كەلۋ قاينارى: شينجياڭ حالىق راديو ىستانسياسى    2018-11-09 11:48:34  
ستانسيامىزدىڭ ءتىلشىسى جين لەيدىڭ حابارى: 11-ايدىڭ 6-كۇنى، شينجياڭداعى جوعارى مەكتەپ وقۋشىلارىنىڭ ۋاكىلدەرى حوتان قالاسى مەن حوتان اۋدانىنداعى كاسىپتىك ونەرگە تاربيەلەۋ-باۋلۋ ورتالىعىن ەكسكورسيالاپ، كۋرسانتتارمەن اۋىس-كۇيىس جاساپ، ولاردى ءدىني ۇشقارى يدەيادان ارىلىپ، قۇلشىنا ۇيرەنىپ جانە قىزمەت ىستەپ، كۇرەس جاساۋى ارقىلى وزدەرىنىڭ باقىتتى تۇرمىسىن جاراتۋعا شابىتتاندىردى.
حوتان اۋداندىق كاسىپتىك ونەرگە تاربيەلەۋ-باۋلۋ ورتالىعىنىڭ ءبي بولمەسىندە، كۋرسانتتار ويناقى اۋەنگە ىلەسىپ، ويىن نومىرىنە جاتتىعىپ جاتتى، جوعارى مەكتەپ وقۋشىلارىنىڭ كىرگەنىن كورگەن ولار ستۋدەنتتەرى ماشىراپ ءبيىن بىرگە بيلەۋگە ءىلتيپات ەتتى. كۋرسانت نۇرمامەت روزىمامەت كىشكەنتايىنان ءبي بيلەگەندى جاقسى كورەتىن، الايدا ءدىني ۇشقارى يدەيانىڭ ىقپالىندا، ول ءوزىنىڭ اۋەسىنەن ءبىر مەزەت ءباز كەشكەن بولاتىن، ول بىلاي دەدى: «بۇرىن باسقالاردىڭ ۇيلەنۋ تويىندا بيلەگەندە، ءدىني ۇشقارى يدەيانىڭ ىقپالىنا ۇشىرايتىنبىز، ولار قىز-جىگىتتەردىڭ بيلەۋىنە جول قويمايتىن. الايدا مەن وسى جەرگە كەلگەننەن كەيىن، كوپ بىلىمدەردى ۇيرەندىم، يدەيامىز دا وزگەردى، قازىر بۇل جەردە كۇندە ءبي بيلەي الامىز، تۇرمىسىمىز كوڭىلدى ءارى ءماندى ءوتىپ جاتىر».
اڭگىمەلەسۋ بارىسىندا، جوعارى مەكتەپ وقۋشىلارىنىڭ ۋاكىلدەرى كۋرسانتتاردى مەملەكەتتە ورتاق قولدانىلاتىن ءتىل-جازۋدى، زاڭ بىلىمدەرىن جانە كاسىپتىك ونەردى مۇقيات ۇيرەنىپ، ءدىني ۇشقارى يدەيانىڭ بۇعاۋىنان ارىلىپ، يدەيادا، كوزقاراستا بۇرىلىس جاساۋعا شابىتتاندىردى. شينجياڭ مەدەتسينا داشۋەسىنىڭ وقۋشىسى ءيپارا نۇرمامەت بىلاي دەدى: «ءومىر جونىندەگى ۇمىتتەردى ويانىپ، ءدىني ۇشقارى يدەيانىڭ بۇعاۋىنان ارىلىپتى، ولاردىڭ اناعۇرلىم كوركەم بولاشاق جاراتا الاتىنىنا سەنىمىمىز كامىل. قازىرگى زامان ستۋدەنتى سالاۋاتىمەن، ءبىز ءدىني ۇشقارى يدەيانى سانالىلىقپەن تەجەپ، عىلىمعا قۇرمەت ەتىپ، مەملەكەت پەن قوعامعا ۇلەس قوسۋىمىز كەرەك».
كۋرسانتتاردىڭ قوعامعا شىققاننان كەيىنگى كاسىپتەنۋىنە مۇمكىندىك جاساۋ ءۇشىن، كاسىپتىك ونەرگە تاربيەلەۋ-باۋلۋ ورتالعى تاعى كۋرسانتتاردى زاۆودتارعا ناقتىلى جاتتىعۋ جاساۋعا جىبەردى، سوندا وسى كۋرسانتتار ۇيلەرىنە قايتقاننان كەيىن دە قىستاقتاعى شاعىن زاۆودتاردا كاسىپتەنە الاتىن بولادى. حوتان قالالىق كاسىپتىك ونەرگە تاربيەلەۋ ورتالىعىنداعى كيىم-كەشەك فابريكاسىنىڭ سەحىنا بارعاندا، جوعارى مەكتەپ وقۋشىلارىنىڭ ۋاكىلدەرى كۋرسانتتاردىڭ ەلەكتروندى تىگىن ماشيناسىن جاتتىق مەڭگەرىپ،كيىم تىگىپ جاتقانىن كوردى، ولاردىڭ ءار بىرەۋى ءبىر كيىم تىگۋدىڭ ءبىر باسقىشىنا جاۋاپتى ەكەن، ۇلاسپالى ءوندىرىستىڭ ەڭ سوڭىندا، وقۋشىلاردىڭ الدىنا ءبىر ءبۇتىن كيىم تىگىلىپ شىقتى. ستۋدەنتتەردىڭ قويعان سۇراۋىنا كۋرسانت ءورقىز ابدوللا زور سەنىممەن بىلاي دەپ جاۋاپ بەردى: «مەن بۇرىن ايەلدەر ۇيدە بالا باعىپ، تاماق عانا ىستەيدى دەپ ويلاۋشى ەدىم، قازىر وزگەردىم، ايەلدەردىڭ دە تەرەزەسى ەرلەرمەن تەڭ ەكەنىن ءبىلدىم، ايەلدەر دە ءوز كۇشىنە سۇيەنىپ، اقشا تابا الادى ەكەن. الدىڭعى ايدا مەن ءبىر مىڭ 300 يۋان اقشا تاپتىم، وسى ايدا قۇلشىنىپ، ءبىر مىڭ 500 يۋان السام دەيمىن. مەن اقشا تاۋىپ بالالارىما كوپ كىتاپ الىپ بەرەمىن، بالالارىمنىڭ مەنەن الدە قايدا الۋەتتى بولۋىن ءۇمىت ەتەمىن».
ءورقىز ابدۇللانىڭ تانىستىرۋىن تىڭداعان جوعارى مەكتەپ وقۋشىلارى وعان سۇيىنە قارادى، شينجياڭ اۋىل شارۋاشىلىق داشۋەسىنىڭ وقۋشىسى ۋاڭ يۇيشۋان (王宇譞(xuan)) بىلاي دەدى: «مەكتەپكە كىرىپ نەگىزگى بىلىمدەردى ۇيرەنىپ، ودان تارىيەلەپ-باۋلۋعا يە بولىپ، كاسىپتەنگەنگە دەيىنگى بارىس تۇگەلدەي ءبىر-بىرىمەن تىعىز بايلانىستى، ولار كاسىپتىك شەبەرلىك ۇيرەنسە، وتباسىنا اناعۇرلىم كوپ كىرىس كىرگىزىپ، كەدەيلىكتەن قۇتىلىپ، يدەيا جاقتاعى مەشەۋلىكتەن ارىلىپ، ەڭسەسىن كوتەرىپ جۇرە الاتىن بولادى».
كۋرسانتتاردىڭ ونەرلەرىنە سۇيەنىپ، كاسىپتەنۋىن جۇزەگە اسىرعانىن كورگەن شينجياڭ داشۋەسىنىڭ كەلەر جىلى وقۋ تاۋىساتىن ستۋدەنتى ءنۇربيا ناجىمەدىن بىلاي دەدى: «ولار ۇيرەنۋىن تامامداعاننان كەيىن، ۇكىمەت ولاردى جۇمىسقا ورنالاسىرادى، بۇل جۇمىس ورنى ولارعا وتە لايىقتى، ولاردىڭ بۇدان كەيىنگى باياندى دامۋى ءۇشىن دە وتە ءتيىمدى، ولاردىڭ وتباسىلارىنىڭ كەدەيلىكتەن قۇتىلۋ ماسەلەسىن دە شەشەدى».شينجياڭ اۋىل شارۋاشىلىق داشۋەسىنىڭ وقۋشىسى يزات تۇرداقىن ۇلى، وسى رەتكى ەكسكورسيالاۋدىڭ وزىنە كوپ وي سالعانىن، بۇدان كەيىن جاقسى وقىپ، كۇرەس جاساۋ ارقىلى بولاشاقتا باقىتتى تۇرمىس جاراتاتىنىن ايتا كەلىپ بىلاي دەدى: «پارتيا مەن ۇكىمەت باستان-اقىر ولاردى قولداپ، ولارعا كوڭىل ءبولىپ، ايالاعاندىعى، شىت جاڭا قايتادان باستاۋدىڭ ورايىن بەردى، قازىرگى كۇيگە كەلتىردى، ولار وسى ورايدى ەرەكشە قادىرلەيدى، ولاردىڭ ەرەكشە قۇلشىنىپ جاتقانىن كورىپ، قازىرگى زامان ستۋدەنتى بولعان مەن مەكتەپتە بەلسەندىلىكپەن قۇلشىنا ۇيرەنۋىم كەرەكتىگىن سەزىندىم. باقىت قاجىرلى كۇرەس جاساۋدان كەلەدى، قوس قولىمىزعا سۇيەنىپ، بولاشاقتا اناعۇرلىم باقىتتى، تاماشا تۇرمىس كەشىرۋىمىز كەرەك».

بەرىپ كەت ورامالىڭدى

دوستار

الىستاعى اق ەركە