جاڭا حابارلار

قاھارماندىق قاسيەتى ارقىلى بولاشاققا جول اشقان ـــ شيۋان شيافۋ 宣侠父

    كەلۋ قاينارى: شينجياڭ حالىق راديو ىستانسياسى    2018-11-09 11:47:13  
شيۋان شيافۋ، 1899-جلى 12-ايدا، جىجياڭ ولكەسىنىڭ جۋجي اۋدانىندا دۇنيەگە كەلگەن، 1923ـ جىلى، حاڭجۋدا سوتسياليستىك جاستار وداعىنا كىرىپ، كوپ وتپەي جۇڭگو كوممۋنيستىك پارتياسىنا مۇشە بولادى. 1924-جىلى، شيۋان شيافۋ حۋڭپۋ اسكەري مەكتەپتىڭ 1-قارارىنا ەمتيحان بەرىپ قابىلدانادى. شيۋان شيافۋ 1925-جىلى، لي داجاۋدىڭ كورسەتۋىمەن، جاڭجياكۋداعى فىڭ يۇيشياڭنىڭ حالىقتىق ارميانىڭ اسكەري بولىمىندە مادەنيەت جانە وقۋ-اعارتۋ قىزمەتىن ستەيدى. سول جىلى 10-ايدا، حالىقتىق ارميانىڭ 2-شىسىنا ىلەسىپ، باتىسقا جورىق جاساپ، لانجۋعا بارادى. سول جىلى قىستا، گانسۋداعى تۇڭعىش پارتيا ۇيىمى ـــ ج ك پ گانسۋ ەرەكشە ياچەيكاسىن قۇرۋعا قاتىاسىپ، ياچەيكانىڭ مۇشەسى بولادى.
زور توڭكەرىس ساتسىزدىككە ۇشىراعاننان كەيىن، شيۋان شيافۋ 1927-جىلى 8-ايدا، تۋعان جەرىنە قايتىپ، جەرگىلىكتى ورىندا ديحاندار قوزعالىسىن ۇيىمداستىرۋعا قاتىناسادى جانە وعان باسشىلىق ەتەدى. 1929-جىلى، شاندۇڭداعى فىڭ يۇيشياڭ اسكەري بولىمىنە بارىپ، اسكەري تاسىمال قىزمەتىمەن شۇعىلدانادى، 1931-جىلدىڭ باسىندا، گومينداڭ پارتياسى 25-ارمياسىنىڭ باس اقىلشىسى بولىپ، زاڭدى سالاۋاتىنان پايدالانىپ، وسى اسكەري بولىمدە استىرتىن ج ك پ ۇيىمىن قۇرىپ، جاپون شاپقىنشىلارىنا قارسى تۇرىپ، وتاندى قۇتقارۋ قيمىلىن ورىستەتەدى.
18-قىركۇيەك وقيعاسىنان كەيىن، شيۋان شيافۋ نانجيڭ، شانشيدىڭ جينچىڭ، جاڭجياكۋ سياقتى جەرلەرىنە بارىپ، جاپون شاپقىنشىلارىنا، جياڭ جيەشىعا قارسى تۇرۋ قيمىلىنا بايلانىس جاساپ، فىڭ يۇيشياڭ قاتارلىلاردىڭ جاپون شاپقىنشىلارىنا قارسى وداقتاس ارميانى قۇرۋىن جەبەيدى. 1933-جىلدىڭ باسىندا، سۇن ديانيىڭ ( 孙殿英) اسكەري ءبولىمى 41-ارمياسىنىڭ باس حاتشىسى بولادى. 1934-جىلى، كوكتەمدە، شيۋان شيافۋ مەن جي حۇڭچاڭ (吉鸿昌) قاتارلىلار تيانجيندە «جۇڭگو حالقىنىڭ فاشيزيمگە قارسى ءىرى وداعىن» ۇيىمداستىرادى ءارى جي حۇڭچاڭمەن بىرگە شاڭحايعا بارىپ، جاسىرىن پارتياعا كىرۋ ءراسمياتىن وتەيدى. 1935-جىلى، شياڭگاڭعا بارىپ، جاپون شاپقىنشىلارىنا، جياڭ جيەشىعا قارسى تۇرۋعا بايلانىس جاساپ، لي جيشىن (李济深 ) قاتارلىلاردىڭ ۇلتتىق توڭكەرىستىك وداق قۇرۋىنا كۇش سالادى. 1936-جىلى، گۋاڭدۇڭ-گۋاڭشي وقيعاسىنان كەيىن، 19-قۇرىلىق ارميانى قايتا قۇرۋعا قاتىناسىپ، ساياسي ءبولىمنىڭ مەڭگەرۋشىسى، قوسىمشا 61-شىنىڭ سانمۋجاڭى بولادى.
شي-ءان وقيعاسى تۋىلعاننان كەيىن، شيۋان شيافۋ شي-ءانعا جۋ ىنلايدىڭ قىزمەتىنە سەلبەسۋگە جىبەرىلەدى. 1937-جىلى 5-ايدا، يان-ءانعا بارىپ، ج ك پ مەملەكەتتىك قۇرىلتايىنا قاتىناسادى. 9-ايدا، شيۋان شيافۋ 18-توپتى ارميانىڭ (8-ارميانىڭ) جوعارى دارەجەلى اقىلشىسى بولىپ، گومينداڭ پارتياسىنىڭ جوعارى ساتىداعى بىرلىكساپ قىزمەتىمەن شۇعىلدانىپ، ىلگەرىندى-كەيىندى حۋ زۇڭنان (胡宗南)، لي زۇڭرىن (李宗仁)، فىڭ يۇيشياڭ (冯玉祥) قاتارلىلارعا ىنتىماقتاسا وتىرىپ، جاپون شاپقىنشىلارىنا قارسى تۇرۋ، سىرتقى جاۋعا بىرلەسىپ، توتەپ بەۋ دارىپتەمەسىن ۇگىتتەيدى. 1938-جىلى 7-ا يدىڭ 31-كۇنى، شيۋان شيافۋ دى جياڭ جيەشى جىبەرگەن تىڭشىلار استىرتىن ولتىرەدى.

بەرىپ كەت ورامالىڭدى

دوستار

الىستاعى اق ەركە