جاڭا حابارلار

شينجياڭ ساۋدا ۇيىرمەسى تۇڭعىش كەزەكتى جۇڭگو حالىقارالىق يمپورت كورمەسى وتكىزىلگەن جەردە جىبەك جولى ەكونوميكالىق بەلدەۋى وزەكتى رايونىن تانىستىرۋ جانە ءتۇيىندى نىسانعا قول قويۋ سالتىن وتكىزدى

    كەلۋ قاينارى: شينجياڭ حالىق راديو ىستانسياسى    2018-11-09 11:45:41  
ستانسيامىزدىڭ ءتىلشىسى لان تياننىڭ حابارى: 11-ايدىڭ 8-كۇنى تۇستەن بۇرىن، شينجياڭ ساۋدا ۇيىرمەسى تۇڭعىش كەزەكتى جۇڭگو حالىقارالىق يمپورت كورمەسى وتكىزىلگەن جەردە جىبەك جولى ەكونوميكالىق بەلدەۋى وزەكتى رايونىن تانىستىرۋ جانە ءتۇيىندى نىسانعا قول قويۋ سالتىن وتكىزدى، شينجياڭ حالىقارالىق قۇرىلىق پورتى توبى شەكتى جاۋاپكەرلىك سەرىكتەستىگى، شينجياڭ ازيا-ەۆروپا حالىقارالىق ماتەريال ساۋدا ورتالىعى، ەرەكشە ترانسفورماتور شەكتى جارنا سەرىكتەستىگى، شينجياڭ مال شارۋاشىلىعى عىلىم اكادەمياسى سياقتى كاسىپورىندار مەن ورىندار شەتەل ساۋداگەرلەرىمەن جەكە-جەكە توقتام جاساستى.
قيمىل وتكىزىلگەن جەردە، ءۇرىمجى قالاسى، شينجياڭ حالىقارالىق قۇرىلىق پورتى توبى شەكتى جاۋاپكەرلىك سەرىكتەستىگى، ەرەكشە ترانسفورماتور شەكتى جارنا سەرىكتەستىگى، گەرمانيا رەيىن حاۆزەن ماشينا جاساۋ سەرىكتەستىگى « جاڭا دانەكەر، جاڭا قىزمەت وتەۋ، جاڭا وراي» باستى تاقىرىبىن ارقاۋ ەتە وتىرىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەكە-جەكە تانىستىردى. گەرمانيا رەيىن حاۆزەن ماشينا جاساۋ سەرىكتەستىگىنىڭ دۇنيە جۇزىلىك باس القاسى مايك رودەس بىلاي دەدى: « وتە-موتە ›ءبىر بەلدەۋ، ءبىر جول‹ دارىپتەمەسىنىڭ جەبەۋىندە، جۇڭگونىڭ وزىق تەحنيكالىق تاجىريبەلەرى مەن دارىندىلار جاعىندا قىزمەت وتەۋىن جىبەك جولى بويىنداعى ەلدەرگە اپارىپ، جەرگىلىكتى ورىننىڭ ەنەرگيا جانە ەلەكتر تورابى قۇرىلىسىن جەبەيمىز، بۇگىن، ءبىز ەرەكشە ترانسفورماتور شەكتى جارنا سەرىكتەستىگىمەن تاعى دا سەلبەسىپ، ›ءبىر بەلدەۋ، ءبىر جول‹ ورايىنان پايدالانىپ، ءوز ارتىقشىلىقتارىمىزدى ساۋلەلەندىرىپ، جۇڭگونىڭ، دۇنيە ءجۇزىنىڭ ەلەكتر تورابىنىڭ اناعۇرلىم دامۋىن بىرگە ىلگەرىلەتەمىز».
ەرەكشە ترانسفورماتور شەكتى جارنا سەرىكتەستىگى، ABB توبى، گەرمانيا ۋيشاي سەرىكتەستىگى سياقتى دۇنيە جۇزىندەگى 500 مىقتى كاسىپورىننىڭ، كاسىپ جاعىنداعى تىرەكتى كاسىپورىننىڭ بىرنەشەۋىمەن سەلبەسۋ تاپسىرىسى توقتامىن جاساستى. ەرەكشە ترانسفورماتور شەكتى جارنا سەرىكتەستىگىنىڭ باس جوراسى جاڭ شين بىلاي دەدى: «وسى نىسانداردىڭ ىرگە تەبۋى ›13-بەسجىلدىق‹ پىلان مەزگىلىندەگى جاڭا ەنەرگيا كاسىبىنە بۇرىلىس جاساپ، دامىتۋدى جەبەيدى جانە دارەجەسىن بارىنشا جوعارىلاتادى. ولاردىڭ وزىق تەحنيكاسىن، تاڭداۋلى ونىمدەرىن شينجياڭعا ەنگىزۋ ارقىلى ورتا ازيا مەن وڭتۇستىك ازيا وڭىرىنە قىزمەت وتەيتىن ەنەرگيانى دامىتۋدىڭ جاڭالىق اشۋداعى باستاماشىسى ەتىپ، جوعارى ساپالى دامۋدىڭ جاڭا تەحنيكاسى مەن جاڭا ولشەمىن جۇزەگە اسىرىپ، كورشى ەلدەرمەن سەلبەستىك جاساپ، ەكى جاقتىڭ دا پايدا تاۋىپ، بىرلىكتە قۇرۋىن جانە بىرلىكتە يگىلىكتەنۋىن جۇزەگە اسىرامىز».
شينجياڭ حالىقارالىق قۇرلىق پورتى توبى شەكتى جاۋاپكەرلىك سەرىكتەستىگى دۋيسبۋرگ پورتى توبى سياقتى كاسىپورىندارمەن ستراتەگيالىق سەلبەستىك نوباي كەلىسىمىنە قول قويدى. ءۇرىمجى قالالىق پارتكومنىڭ تۇراقتى مۇشەسى، ءۇرىمجى حالىقارالىق قۇرلىق پورتى رايونى قۇرىلىس كوميتەتىنىڭ مەڭگەرۋشىسى باقىت قىدىرباي ۇلى بىلاي دەدى: «ءۇرىمجى بولىمشە توبى وسى رەتكى حالىقارالىق يمپورت كورمەسى ورايىنان پايدالانىپ، كەڭ كولەمدى سەلبەستىك قاتىناسىن ورناتتى، مىسالى: ەلىمىزدەگى التى كاسىپتىك يمپورت-ەكسپورت ساۋدا قوعامىمەن ستراتەگيالىق سەلبەستىك كەلىسىمىن جاساستى، پولشا تەمىرجول سەرىكتەستىگىمەن، سونداي-اق دۇنيە جۇزىندەگى ايگىلى زات اينالىم سەرىكتەستىگىمەن ستراتەگيالىق سەلبەستىككە جانە قارجىلاندىرۋ كەلىسىمىنە قول قويدى، بۇل حالىقارالىق قۇرلىق پورتى رايونىنىڭ الداعى دامۋى مەن جۇڭگو-ەۆروپا كەزەكشى تاسىمال پويەزىنىڭ بۇرىنعىدان دا كەڭ كولەمدى، جوعارى ساپالى قاتىناۋىندا ەرەكشە ماڭىزدى ىلگەرىلەتۋ رولىن اتقارادى».

بەرىپ كەت ورامالىڭدى

دوستار

الىستاعى اق ەركە