جاڭا حابارلار

رايونىمىز الەۋمەتتىك مادەنيەت قىزمەت وتەۋ قۇرىلعى قۇرىلىسى اياق الىسىن جەدەلدەتىپ، بۇقارانىڭ مادەنيەت تۇرمىسىن بايىتتى

    كەلۋ قاينارى: شينجياڭ حالىق راديو ىستانسياسى    2018-11-09 11:44:18  
ستانسيامىزدىڭ ءتىلشىسى دۇڭ جىيۇڭنىڭ، ەرىكتى تىلشىلەر لي پۋ، انكارلاردىڭ حابارى: سوڭعى جىلداردان بەرى، رايونىمىز كىتاپحانا، اسەمونەر سارايى، قىستاق دارەجەلى مادەنيەت قيمىل ورتالىعى سياقتى الەۋمەتتىك مادەنيەت قىزمەت وتەۋ قۇرىلعى قۇرىلىسىن سالۋ اياق الىسىن جەدەلدەتتى، ءارى وسى قۇرىلعىلارعا سۇيەنىپ، باي مازمۇندى مادەنيەت قيمىلدارىن ورىستەتۋ ارقىلى ءار ۇلت بۇقاراسىنىڭ مادەنيەت قيمىلىنان ورتاق يگىلىكتەنۋىنە مۇمكىندىك جاسادى.
جۋىردا، شايار اۋدانى جاڭا ءمالى قالاشىعى اۋىل-قىستاق مادەنيەت شاعىن ساحناسى رەسمي قۇرىلدى ءارى بۇقاراعا تەگىن اشىلىپ، قيمىل الاڭىنىڭ كەڭ، قۇرىلعىلارىنىڭ قولايلىلىعىمەن ءار ۇلت بۇقاراسىن باۋرادى. جاڭا ءمالى قالاشىعى حىپيڭ قىستاعىنىڭ ديحانى مۇكارام الاۋدۇن تىلشىگە، قازىر ۋاقىتى بولا قالسا، قىستاقتاعى شاعىن ساحناعا باراتىنىن ايتا كەلىپ: «شاعىن ساحنا قۇرىلعاننان كەيىن، قىستاقتاعى بارابان اترەتىنە قوسىلىپ، اپەكە-سىڭىلىلەرمەن بىرگە، قيمىل ورىستەتىپ، مادەنيەت ۇيرەنۋدەن سىرت، تاعى دەنە شىنىقتىرام، وتە قۋانشتامىن، تۇرمسىمىز جاقسى»،-دەدى.
بيىل، شايار اۋدانى جاڭا ءمالى قالاشىعى قارجى توپتاپ، اۋىل-قالاشىق كىتاپحاناسىنىڭ كىتاپ وقۋ ءۇيى، مادەنيەت شاعىن ساحناسى، مادەنيەت، دەنە-تاربيە الاڭى سياقتى مادەنيەت قىزمەت وتەۋ ورىندارىنىڭ قۇرىلعىلارىن كەمەلدەندىرىپ، الەۋمەتتىك مادەنيەت قىزمەت وتەۋدى قىستاقتارعا دەيىن جالپىلاستىرۋدان سىرت، تاعى قىستاقتاردا امبەباپ مادەنيەت قىزمەت وتەۋ ورتالىعىن سالۋعا شابىتتاندىردى جانە ونى قولدادى. شايار اۋدانى جاڭا ءمالى قالاشىعى تەرەكارىق قىستاعى پارتيا ياچەيكاسىنىڭ شۋجيى تايىر ابىلا بىلاي دەدى: «بيىل قىستاعىمىز جاسىل توراپحانا، قىزمەت وتەۋ ورتالىعىن قۇرۋدان سىرت، تاعى قىستاق ديحاندارىنىڭ قيمىل وتاۋىن اشتى، قىستاق ديحاندارى ۋاقىتى شىققاندا، جاسىل توراپحاناعا بارىپ ۇيرەنىپ، ءبىلىم دەڭگەيىن جوعارلاتۋمەن بىرگە، قىستاق ديحاندار قيمىل وتاۋىنان پايدالانىپ، مادەنيەت قيمىلىن ورىستەتىپ، بۇقارانىڭ مادەني تۇرمىسىن بايىتتى».
شايار اۋدانى جاڭا ءمالى قالاشىعى رايونىمىزدىڭ الەۋمەتتىك مادەنيەت قىزمەت وتۋ ءتۇزىلىسى قۇرىلىسىن ىلگەرىلەتۋىنىڭ شاعىن كارتيناسى. وتكەن جىلى، مەملەكەت اۆتونوميالى رايوننىڭ الەۋمەتتىك مادەنيەت جاعىندا قىزمەت وتەۋ قۇرىلعىلارىنا ورتالىقتىڭ مەجە-ەسەبىنەن 89 ميلليون 880 مىڭ يۋان قارجى بوساتىپ، 44 نىسان قۇرىلىسىن قولدادى. بيىل، اقسۋ ايماعى 332 قىستاق، الەۋمەتتىك اۋماقتا امبەباپ مادەنيەت قىزمەت وتەۋ ورتالىعىن جاڭادان سالدى. سانجى وبلىسى 8 ميلليون يۋان قارجى قوسىپ، ونى الەۋمەتتىك مادەنيەت ءتۇزىلىسى قۇرىلىسىنا جۇمسادى؛ قازىرگە دەيىن، رايونىمىز ءار دارەجەلى، ءتۇرلى الەۋمەتتىك كىتاپحانا، مادەنيەت سارايى، مۇراجاي، اسەمونەر سارايى، اۋىل-قالاشىق، ءمالى امبەباپ مادەنيەت پۋنكيتى سياقتى الەۋمەتتىك مادەنيەت جاعىندا قىزمەت وتەۋ قۇرىلىمىنان 9 مىڭ 430 ىن سالىپ، 37 مىڭ 700 دەن ارتىق ادامدى كاسىپتەندىردى، رايون، ايماق، اۋدان، اۋىل، قىستاق سىندى بەس دارەجەلى الەۋمەتتىك مادەنيەت جاعىندا قىزمەت وتەۋ جۇيەسى نەگىزىنەن قالىپتاستى.
الەۋمەتتىك مادەنيەت جاعىندا قىزمەت ەتۋ قۇرىلعىسىن كەمەلدەندىرۋدەن سىرت، سوڭعى جىلداردان بەرى، رايونىمىز تاعى رۋحاني مادەنيەتپەن قامداۋ جاعىنا كۇش سالدى. جۋىردا، ءۇرىمجى قالالىق كىتاپحانا جۇڭگوداعى جاقسى كىتاپتار ارناۋلى پوكايىن اشىپ، قالا تۇرعىندارىنا سارا تۋىندىلاردى تانىستىردى، وسى كىتاپتار ادەبيەت، عىلىم، تاريح سياقتى مازمۇنداعى كىتاپتاردى ءوز ىشىنە الادى. ءار اپتانىڭ سوڭىندا، كىتاپحانا قىرۋار وقىرماندى قارسى الادى. قالا تۇرعىنى ليۋ شييۇڭ: «كىتاپ وقىعاندى ۇناتامىن، وقىعان كىتاپتارىمان ۇنەمى ەستەلىك الامىن، كىتاپ وقۋدى ۇناتاتىن دوستارمەن بىرگە، كەڭەسىپ، اسەرىمىزدى ءوزارا ءبولىسۋ وتە جاقسى»،-دەدى.
قازىر، رايونىمىز تاعى شىعىس جەلى ينجەنەرياسى، شارۋالار كىتاپحاناسى، اۋىل-قىستاقتا كينو قويۋ ينجەنەرياسى، راديو-تەلەۆيزيا باعدارلامالارىن وتباسىلارىنا جەتكىزۋ سياقتى مادەنيەت جاعىندا حالىققا تيىمدىلىك جاساۋ ينجەنەرياسىن ۇزدىكسىز اتقارىپ، ءار ۇلت حالىق بۇقاراسىنىڭ مادەني تۇرمىسىن بايتتى. اۆتونوميالى رايوندىق مادەنيەت مەڭگەرمەسى الەۋمەتتىك مادەنيەت باسقارماسىنىڭ باستىعى ۋاڭ شۋشىڭ بىلاي دەدى: «الدا مادەنيەت ارقىلى جەتەكشىلىك ەتۋدىڭ رولىن ويداعىداي ساۋلەلەندىرىپ، ۇكىمەتتىڭ الەۋمەتتىك مادەنيەت جاعىندا قىزمەت وتەۋدى ساتىپ الۋ تەبىنىن ۇزبەي ارتتىرىپ، ءتۇرلى بايلىقتى تولىق پايدالانىپ، نەگىزگى ساتىداعى بۇقارانىڭ سان-سالالى مادەنيەت فورماسىن كورۋىنە، ەستۋىنە جانە ودان يگىلىكتەنۋىنە مۇمكىندىك جاسايمىز».

بەرىپ كەت ورامالىڭدى

دوستار

الىستاعى اق ەركە