جاڭا حابارلار

تۋىسىم-مەنىڭ جاناشىرىم

    كەلۋ قاينارى: شينجياڭ حالىق راديو ىستانسياسى    2018-11-09 11:42:22  
سانجى قالالىق راديو ستانسياسىنىڭ ءتىلشىسى جاڭ يۋانيۋان مەن ەرىكتى ءتىلشى چىن شياۋدىڭ حابارى: سانجى قالالىق مەملەكەت جەر بايلىعى مەكەمەسىنىڭ كادىرى پىڭ حايشۋاڭ تۋىسقانى گۇلزيلانىڭ ءوندىرىسى مەن تۇرمىس قيىنشىلىعىن شەشۋىنە بەلسەنە كومەكتەسىپ، تۋىسىنا شىنايى سۇيىسپەنشىلىگىن ارنادى.
10-ايدىڭ 29-كۇنى، سانجى قالاسىندا جاۋىن جاۋىپ، تەمپەراتۋرا تومەندەدى، سول كۇنگى قار ارالاس جاڭبىردا تەمپەراتۋرا ءنول سەلتسي گرادۋستان تومەندەدى. سەرىكتەسىپ تۋىسقاندىق قاتىناس ورناتقان پىڭ حايشۋاڭ سول كۇنى تاڭەرتەڭ 4 توننا قىستىق كومىردى سانجى قالاسى سانگۇڭ قالاشىعى ىرگۇڭ قىستاعىنىڭ تۇرعىنى گۇلزيلانىڭ وتباسىنا جەتكىزىپ بەردى. لاپاس استىندا ءۇيۋلى جاتقان كومىردى كورگەن كۇلزيلا قاتتى اسەرلەنىپ: «كومىر الۋعا اقشام جوق بولىپ، باسىم قاتىپ وتىرعاندا، پىڭ اعام ماعان كومىر ءتۇسىرىپ بەردى، قاتتى ريزا بولدىم، ءۇيىمىز دە جىلىندى، وتە قۋانىشتىمىن»،-دەدى.
بيىل 45 جاستاعى كۇلزيلانىڭ رەۆماتويتتىق سالدانۋ ناۋقاسىنا شالدىققانىنا ۇزاق جىل بولعان، ۇزاق جىل دوڭگەلەكتى ورىندىقتا وتىرىپ كەلگەن، ءجۇرىپ-تۇرۋى قولايسىز ەدى. ۇيىندە سال اۋرۋىنا شالدىققان تاعى ءبىر ءسىڭىلىسى جانە 70 جاستاعى شەشەسى بار. وسى رەت قىستىق كومىر ءتۇسىرىپ بەرگەندە، گۇلزيلا وتباسىنىڭ كونە دارەتحاناسىنىڭ قۇلاعالى تۇرعانىن كورگەن پىڭ حايشۋاڭ قالتاسىنان 300 يۋان اقشا شىعارىپ، تام قالاۋشى شاقىرىپ، كونە كىرپىشتەردى قايتا جيناتىپ، تۋىسىنا قايتادان دارەتحانا سالدىرتىپ بەرەدى. بەرىك ءارى جاڭا دارەتحاناسىن كورگەن گۇلزيلا اسەرلەنگەنىنەن اۋزىنا ءسوز تۇسپەي: «قاتتى قۋاندىم، نە دەپ راحىمەت ايتارىمدى بىلمەي قالدىم، پىڭ اعام ماعان شىنىندا كوپ كومەك كورسەتتى»،-دەدى.
جايشىلىقتا، گۇلزيلا وتباسى جالعىز ساۋىن سيىرعا سۇيەنىپ كۇنەلتەتىن. بيىل 5-ايدا، گۇلزيلامەن سەرىكتەسىپ، تۋىسقاندىق قاتىناس ورناتقاننان كەيىن، پىڭ حايشۋاڭ مەكەمەدەگى كادرلار مەن جۇمىسشى-قىزمەتكەرلەرگە باستاماشى بولىپ جانە اتتانىسقا كەلتىرىپ گۇلزيلاعا اقشالاي، زاتتاي جىلۋ اتايدى. سونىمەن قاتار، پىڭ حايشۋاڭ تۋىسى ءۇشىن ەڭ تومەنگى تۇرمىستى قامتاماسىزداندىرۋ جانە بەستە قامتاماسىزداندىرىلاتىن وتباسىلارى كومەك قاراجاتىن الۋدى ءوتىنىش ەتەدى. وتباسى كىرىسىن ارتتىرۋ ءۇشىن، بيىل 6-ايدا، پىڭ حايشۋاڭ گۇلزيلاعا جۇمىرتقالايتىن تاۋىق اپارىپ بەرەدى. قازىر، تۋىسى تاۋىق جۇمىرتقاسىن ساتۋدان اپتاسىنا 150 يۋان كىرىس كىرگىزەدى. پىڭ حايشۋاڭنىڭ كومەگىندە، قازىر كۇلزيلا وتباسىنىڭ تۇرمىسى كۇننەن-كۇنگە جاقسارۋدا.
پىڭ حايشۋاڭ بىلاي دەدى: «قىزمەت اترەتىنىڭ سەلبەسۋىمەن وعان بەستە قامتاماسىزداندىرىلاتىن وتباسى جانە تومەن كىرىستەگىلەرگە بەرىلەتىن كومەك قاراجاتىن ءبىتىرىپ بەردىك، سونىمەن قاتار، وتباسى كىرىس قاينارىن قالاي ارتتىرۋ جونىندە ۇنەمى ولارمەن اقىلداسىپ تۇرامىن. ساۋىن سيىر باعىپ، ءسۇت ساتۋ ارقىلى كىرىسىن ارتتىرىپ، ءتۇرلى تاسىلدەرمەن ءال-اۋقاتىن جاقسارتۋىنا كۇش سالۋدامىز».

بەرىپ كەت ورامالىڭدى

دوستار

الىستاعى اق ەركە