جاڭا حابارلار

ەكونوميكانىڭ جاھاندانۋى − كەرى بۇرۋعا كەلمەيتىن تاريحي اۋقىم

    كەلۋ قاينارى: شينجياڭ گازەتى    2018-11-08 17:24:17  

−ءتوراعا شي جينپيڭنىڭ تۇڭعىش كەزەكتى جۇڭگو حالىقارالىق يمپورت كورمەسىنىڭ اشىلۋ سالتىندا سويلەگەن ارقاۋ ءسوزى تۋرالى
حالىق گازەتىنىڭ شولۋشىسى

تاريحتىڭ دوڭعالاعى توقتاۋسىز العا ىلگەرىلەيدى، ءداۋىردىڭ اعىمى جوڭكىلە العا جىلجيدى، تەك جاعدايعا بەيىمدەلگەندە عانا ءداۋىر كوشىن باستاپ، بولاشاقتى يگەرۋگە بولادى.
  «دۇنيە جۇزىندەگى پاراساتتى جانداردىڭ بارلىعى ەكونوميكانىڭ جاھاندانۋىنىڭ كەرى بۇرۋعا كەلمەيتىن تاريحي اۋقىم ەكەنىن، الەمدىك ەكونوميكانىڭ دامۋىنا قۋاتتى قوزعاۋشى كۇش ازىرلەگەنىن تانىپ وتىر». تۇڭعىش كەزەكتى جۇڭگو حالىقارالىق يمپورت كورمەسىنىڭ اشىلۋ سالتىندا سويلەگەن ارقاۋ سوزىندە، ءتوراعا شي جينپيڭ تاريحي زاڭدىلىققا كوز جەتكىزىپ، ءداۋىر اعىمىن مەڭگەرىپ، ەكونوميكانىڭ جاھاندانۋىنىڭ دامۋ اۋقىمىن تەرەڭ بايىمداپ، ءار ەلدىڭ ەسىك اشۋ مەن سەلبەستىكتى بەلسەنە ىلگەرىلەتىپ، بىرگە دامۋدى ىسكە اسىرۋى جونىندەگى 3 باستامانى ايقىن العا قويدى. قورعامپازدىق، سىڭار جاقتىلىق باس كوتەرىپ، ەكونوميكانىڭ جاھاندانۋى بۇراڭدىققا تاپ بولعان ساتتە، ءتوراعا شي جينپيڭنىڭ ارقاۋ ءسوزى اناعۇرلىم كورىكتى دۇنيە قۇرۋدىڭ دۇرىس باعدارىن كورسەتىپ، دۇنيە جۇزىنە ەسىك اشىپ، سەلبەسىپ، بىرگە دامۋدىڭ قۋاتتى وڭ ەنەرگياسىن تاراتتى.
  ادامزات تاريحي زاڭدىلىقتى تاني الادى، وعان بەيىمدەلە الادى، ونى قولدانا الادى، ءبىراق تاريحي زاڭدىلىقتىڭ رول اتقارۋىن توسۋعا امالسىز. ەكونوميكانىڭ جاھاندانۋى تاۋار مەن كاپيتالدىڭ اينالۋىن، عىلىم - تەحنيكا مەن وركەنيەتتىڭ العا باسۋىن، ءار ەلدەگى حالىقتاردىڭ ارالاسۋىن جەبەدى، ول قوعامدىق وندىرگىش كۇشتەردىڭ دامۋىنىڭ وبيەكتيۆ تالابى جانە عىلىم - تەحنيكانىڭ العا باسۋىنىڭ داۋسىز ناتيجەسى، ونى الدەقانداي ادام، الدەقانداي مەملەكەت قولدان جاساعان جوق. ءتوراعا شي جينپيڭ اتاپ كورسەتكەندەي: «ونى تاريحي اۋقىم دەۋىمىزدىڭ سەبەبى ونىڭ دامۋى ادامنىڭ ەركىنە قاراي بۇرىلمايدى». الەمدىك ەكونوميكانىڭ تەڭىزى، ءسىز قالاساڭىز دا، قالاماساڭىز دا ءوز ورنىندا تۇرادى، ونان جالتارا المايمىز. ءار ەل ەكونوميكاسى اراسىنداعى قارجى اعىنىن، تەحنيكا اعىنىن، ءونىم اعىنىن، شارۋاشىلىق اعىنىن، ادام اعىنىن ادەيى ءۇزىپ تاستاپ، الەم ەكونوميكاسىنىڭ تەڭىزىن وقشاۋدان وقشاۋ ۇساق كول، شاعىن وزەن دەڭگەيىنە قايتارۋ مۇمكىن ەمەس، تاريحي اعىمعا دا ۇيلەسپەيدى. ەكونوميكانىڭ جاھاندانۋىنىڭ تاريحي اۋقىمىن كەرى بۇرۋعا كەلمەيتىندىگىنىڭ، قالايدا جوڭكىلە العا باساتىنىنىڭ قيسىنى ءدال وسىندا.
  ەكونوميكانىڭ جاھاندانۋىنىڭ تاريحي اۋقىمىنا ۇيلەسۋ ءۇشىن، ەسىك اشۋ مەن سەلبەسۋگە نىق سەنىم بايلاپ، حاۋىپ - قاتەر مەن سىن - سايىستارعا بىرگە توتەپ بەرۋ كەرەك. قازىرگى دۇنيە 100 جىلدان بەرى بولماعان ۇلى وزگەرىس جاعدايىنا ءدوپ كەلدى. جاڭا كەزەكتى زور دامۋ، زور وزگەرۋ، زور رەتتەلۋ بارىسىندا، ءار ەلدىڭ ەكونوميكالىق، قوعامدىق دامۋىنىڭ بايلانىسى كۇن ساناپ نىعايدى. سونىمەن بىرگە، سىڭار جاقتىلىق، قورعامپازدىق بارعان سايىن اسقىنىپ، كوپ جاقتىلىق پەن كوپ جاقتى ساۋدا ءتۇزىلىسى اۋىر سوققىعا تاپ بولدى. ءسوز جوق، كورە بىلۋگە ءتيىستىسى دۇنيە ءجۇزىن مازالاعان كوپتەگەن ماسەلەلەرگە ەكونوميكانىڭ جاھاندانۋى تۇرتكى بولىپ وتىرعان جوق، دۇنيە ءجۇزىن مازالاعان ماسەلەلەردىڭ كىناسىن ەكونوميكانىڭ جاھاندانۋىنا وپ - وڭاي ارتا سالۋ شىندىققا ۇيلەسپەيدى، بۇل ماسەلەنىڭ شەشىلۋىنە دە ءتيىمسىز. كۇرمەۋى مول كۇردەلى جاعدايدان زاڭدىلىقتى يگەرىپ، اۋقىمعا كوز جەتكىزىپ، سىن - سايىس اتاۋلىعا سەلبەسە توتەپ بەرىپ، ەكونوميكانىڭ جاھاندانۋىنىڭ بەتالىسىنا ويداعىداي جەتەكشىلىك ەتىپ، ەكونوميكانىڭ جاھاندانۋىنىڭ ۇنامسىز ىقپالىن جويىپ ءارى باسەيتىپ، ۇستانىم جاعىندا اشىقتىق پەن سيىسىمدىلىققا اناعۇرلىم باسا نازار اۋدارىپ، باعىت - باعدار جاعىندا جالپىعا بىردەيلىك پەن تەپە - تەڭدىككە اناعۇرلىم باسا نازار اۋدارىپ، تيىمدىلىك جاعىندا ادىلەتتىلىك پەن تەڭ يگىلىكتەنۋگە اناعۇرلىم باسا نازار اۋدارۋ عانا اۋقىمعا ۇيلەسەتىن دۇرىس تاڭداۋ بولماق. اشىق ساياساتتىق بەتالىسقا تاباندى بولىپ، قورعامپازدىق پەن سىڭار جاقتىلىققا ايقىن تۋ ۇستاي وتىرىپ قارسى تۇرىپ، ساۋدا مەن قارجى سالۋدىڭ ەركىندەسۋى مەن قولايلىلانۋىن ىلگەرىلەتكەندە عانا، ەكونوميكانىڭ جاھاندانۋىنىڭ ۇنامدى اسەرى كوبىرەك اشىققا شىعارىلىپ، ءار ەلدى، ءار ۇلتتى ءتىپتى ويداعىداي يگىلىككە كەنەلتەدى.
  ەكونوميكانىڭ جاھاندانۋىنىڭ تاريحي اۋقىمىنا ۇيلەسۋ ءۇشىن، ەسىك اشۋدى، سەلبەسۋدى بەلسەنە ىلگەرىلەتىپ، بىرگە دامۋدى ىسكە اسىرۋ قاجەت. ەسىك اشۋ، سەلبەسۋ − عىلىم - تەحنيكانىڭ العا باسۋى مەن وندىرگىش كۇش دامۋىنىڭ داۋسىز لوگيكاسى، حالىقارالىق ەكونوميكا - ساۋدانىڭ ومىرشەڭدىك قۋاتىن نىعايتۋداعى ماڭىزدى قوزعاۋشى كۇش، الەمدىك ەكونوميكانىڭ ورنىقتى قالپىنا كەلۋىن ىلگەرىلەتۋدەگى رەال تالاپ، ادامزات قوعامىنىڭ ۇزدىكسىز العا باسۋىن جەبەۋدەگى داۋىرلىك تالاپ. «ەسىك اشىپ توعىسۋعا تاباندى بولىپ، ءوزارا ءتيىمدى سەلبەستىك كەڭىستىگىن كەڭەيتۋ كەرەك»، «جاڭالىق اشۋ ارقىلى جەتەكشىلىك ەتۋگە تاباندى بولىپ، جاڭا، كونە دەمەۋشى قۋاتتاردىڭ الماسۋىن جەدەلدەتۋ كەرەك»، «سيىسىمدى، جالپىعا بىردەي بولۋعا تاباندى بولىپ، ءار ەلدىڭ بىرگە دامۋىن ىلگەرىلەتۋ كەرەك»، ءتوراعا شي جينپيڭنىڭ ارقاۋ سوزىندەگى ءار ەلگە ارناپ العا قويىلعان باستاما ەكونوميكانىڭ جاھاندانۋىنىڭ تاريحي اۋقىمىن يگەرۋ جانە وعان بەيىمدەلۋ ءارى الەمدىك ەكونوميكانىڭ قۇرىلىمى تەرەڭ وزگەرىسكە ۇشىراعان جاعدايدا، ەكونوميكانىڭ جاھاندانۋىن ىلگەرىلەتىپ، ءار ەلدەگى حالىقتارعا اناعۇرلىم ويداعىداي باقىت جاراتاتىن شىنايى تالعام بولىپ تابىلادى. ۇلى قاعيدالار وتە قاراپايىم بولادى، ونىڭ ءمانى ىسكەرلىكتە. اناعۇرلىم جۇرەكتى بولىپ، شىنايى ارەكەت قولدانىپ، اشىق الەمدىك ەكونوميكانى بىرگە گۇلدەندىرىپ، ەكونوميكانىڭ جاھاندانۋىنىڭ اناعۇرلىم اشىق، سيىسىمدى، جالپىعا بىردەي، تەپە - تەڭ، تەڭ يگىلىكتەنۋ بەتالىسىمەن دامۋىن ىلگەرىلەتكەندە عانا، ءار ەلدەگى حالىقتاردى ەكونوميكانىڭ جاھاندانۋى مەن الەمدىك ەكونوميكانىڭ ارتۋ جەتىستىكتەرىنەن تەڭ يگىلىكتەندىرۋگە بولادى.
  تاريحتى ەر جۇرەكتەر جاسايدى. تولقىندى داۋىلعا تاپ بولىسىمەن شىعاناققا قايتقان كەمە ماڭگى قارسى جاعاعا جەتە المايدى. تاريحي اۋقىمعا ۇيلەسىپ، ءداۋىردىڭ اعىمىن مەڭگەرىپ، قول ۇستاسا تىلەكتەس بولىپ، تار جول، تايعاق كەشۋدەن بىرگە وتسەك، ءبىز، ءسوز جوق، دۇنيە ءجۇزىن ونان ارى كورىكتەندىرىپ، حالىقتى ونان ارى باقىتتى ەتە تۇسەمىز.
  (شينحۋا اگەنتتىگىنىڭ 11 - ايدىڭ 6 - كۇنى بەيجيڭنەن بەرگەن حابارى)


بەرىپ كەت ورامالىڭدى

دوستار

الىستاعى اق ەركە