جاڭا حابارلار

تاڭداۋلى بولشەۆيك ــــ يە چىڭحۋان

    كەلۋ قاينارى: شينجياڭ حالىق راديو ىستانسياسى    2018-11-07 10:33:30  

  يە چىڭحۋان، 1914- جىلى دۇنيەگە كەلگەن، حىناننىڭ شينشيان اۋدانىنىڭ ادامى. 1929- جىلى، توڭكەرىسكە قاتىناسىپ، سول جىلى جۇڭگو كوممۋنيستىك پارتياسىنا كىرەدى. 1930- جىلى، حۋبەي- حىنان- انحۇي قىزىل ارمياسىنا قاتىناسادى. جاپون شاپقىنشىلارىنا قارسى تۇرۋ سوعىسى باستالعاننان كەيىن، يە چىڭحۋان 8- ارميا 129- شىسى 386- لۇيى 772- تۋانىنىڭ تۋانجاڭدىعىنا تاعايىندالىپ، اسكەري ءبولىمدى باستاپ، ىلگەرىندى- كەيىندى چاڭشىڭكوۋ، شىنتوۋليڭ سياقتى ايگىلى شايقاستارعا قاتىناسىپ، 129- شىنىڭ جاپون شاپقىنشىلارىنا قارسى تۇرۋ جاپپاي   سوعىسىنىڭ العاشقى مەزگىلىندەگى ءۇش رەتكى شايقاستا تۇگەلدەي جەڭىسكە جەتۋىنە ەلەۋلى ۇلەس قوسادى.
1938- جىلى 4- ايدىڭ باسىندا، جاپون ارمياسى 9 عا ءبولىنىپ، سانشيدىڭ شىعىس وڭتۇستىگىنە كولەمدى شابۋىل جاسايدى. 4- ايدىڭ 15- كۇنى، ۋشياڭ اۋدانى قالاشىعىن باسىپ العان 3 مىڭنان استام جاپون ارمياسى تۇندەلەتىپ،浊漳 جوجاڭ وزەنىن بويلاپ، شىعىسقا قاراي شەگىنەدى. 129- شىنىڭ شىجاڭى ليۋ بوچىڭ  وسى ءتيىمدى شايقاس ورايىن مىقتى يگەرۋ بەكىمىنە كەلىپ، مىقتى اسكەري كۇشتى شوعىرلاندىرىپ، جەدەل قۋالاپ سوققىلاپ، وسى جاپون ارمياسىن ارەكەت بارىسىندا تالقاندايدى. يە چىڭحۋان 772- تۋان سياقتى اسكەري بولىمدەردى باستاپ، قۋعىنداپ سوققىلاۋعا باستاماشىلىق ەتىپ،  ءبىر كۇننەن ارتىق قۋعىنداپ سوققىلاۋ ارقىلى  129- شىنىڭ اسكەري ءبولىمى  وسى جاپون ارمياسىن نەگىزىنەن جويادى. وسى ساتتە  مىڭنان استام جاۋ كومەككە كەلەدى. يە چىڭحۋان بۇيرىقتى تاپسىرىپ الىپ، دەرەۋ شەگىنەدى. كەنەت ءبىر تال وق ونىڭ باسىنا ءتيىپ، يە چىڭحۋان ەرلىكپەن قۇربان بولادى، سول كەزدە ول نەبارى 24 جاستا عانا ەدى.
    يە چىڭحۋان قۇربان بولعاننان كەيىن، باس سىليڭ جۋ دى 8- ارميانىڭ باس شتابىنا   ارنايى بارىپ، وسى جەڭىمپاز قولباسشىنىڭ سۇيەگىمەن قوشتاسادى، ليۋ بوچىڭ شىجاڭ  ازا ءبىلدىرۋ جينالىسىندا: «يە تۋانجاڭ توڭكەرىسكە قاتىناسقاننان كەيىن،  پارتيانىڭ تاربيەسىن اقتاپ، اقىرى تاڭداۋلى بولشەۆيككە اينالدى»،- دەيدى. 


بەرىپ كەت ورامالىڭدى

دوستار

الىستاعى اق ەركە