جاڭا حابارلار

 قاراپايىم اسكەردەن جەتىلىپ، وتان ءۇشىن قۇربان بولعان ــــ ليۋ گۇي-ۋ

    كەلۋ قاينارى: شينجياڭ حالىق راديو ىستانسياسى    2018-11-06 12:12:21  

  ليۋ گۇي-ۋ، جاناما اتى شين شان، 1902- جىلى، رىحىنىڭ  ليڭنانىندا دۇنيەگە كەلگەن (بۇگىنگى لياۋنيڭ ولكەسىنىڭ چاۋياڭ قالاسى). 1924- جىلى، باتىس سولتۇستىك ارميانىڭ ايگىلى قولباسشىسى سۇڭ جىيۋان  رىحىعا بارىپ تۇرعاندا، ليۋ گۇي- ۋ اسكەرگە قاتىناسادى. كەيىن باي فىڭشياڭنىڭ باسشىلىعىنداعى جەرگىلىكتى قارۋلىلارعا قوسىلادى، ونىڭ سايىسكەرلىگى مەن ادامگەرشىلىگى باي فىڭشياڭنىڭ القاۋىنا بولەنەدى. سايىستا ءۇرتىس ەڭبەك كورسەتكەندىكتەن ليۋ گۇي- ۋ بانجاڭ، پايجاڭنان بىرتىندەپ شاۋشياۋ دارەجەلى ليانجياڭعا دەيىن وسەدى. 1934- جىلى، ليۋ گۇي-ۋ اتتى اسكەرلەر 6- شىسى 18- تۋانىنىڭ شاڭشياۋ دارەجەلى تۋانجاڭدىعىنا وسىرىلەدى.
    1936- جىلى 12- ايدىڭ باسىندا، جاڭ شۋەلياڭ شي-ءاندا  جياڭ جيەشىدەن ىشكى سوعىستى توقتاتۋدى قايتا- قايتا ءوتىنىپ، ءوتىنىشى سەلگە كەتكەننەن كەيىن، «اسكەري كۇشپەن كوندىرۋگە» بەكىنەدى. 12- ايدىڭ 8- كۇنى، جاڭ شۋەلياڭ  باي فىڭشياڭ، ليۋ گۇي-ۋ قاتارلىلاردى شاقىرىپ اقىلداسىپ، شىعىس سولتۇستىك ارميا اتتى اسكەرلەر 6- شىسىنىڭ باستىعى باي فىڭشياڭ، قورعاۋشى اترەت 2- يىڭىنىڭ باستىعى سۇن ميڭجيۋلاردىڭ  ليۋ گۇي- ۋمەن بىرگە ارەكەتتەنۋىن  ۇيعارادى. 12- ايدىڭ 12- كۇنى، ليۋ گۇي- ۋ باي فىڭشياڭ قاتارلىلارمەن بىرگە اسكەي ءبولىمدى باستاپ، حۋاچيڭچىعا تۇتقيىل شابۋىلداپ، جياڭ جيەشىنى ءساتتى ۇستاپ، جياڭ جيەشىنى ءوزى اۆتوموبيلگە شىعارادى. شي -ءان وقيعاسى ەلىمىزدىڭ ىشكى سوعىستى توقتاتىپ،  سىرتقا جاۋلارعا  بىرلىكتە قارسى تۇرۋعا جەبەدى. 12- ايدىڭ 14- كۇنى، ليۋ گۇي- ۋدى جاڭ شۋەلياڭ اتتى اسكەرلەر 6- شىسىنىڭ شاۋجياڭ دارەجەلى شىجاڭدىعىنا وسىرەدى. 
 1937- جىلى «7- شىلدە» وقيعاسى تۋىلادى، ليۋ گۇي-ۋ دەرەۋ جاپون شاپقىنشىلارىنا قارسى سوعىسۋدى وتىنەدى. 8- ايدىڭ 8- كۇنى، ليۋ گۇي-ۋ اتتى اسكەرلەر 6- شىسىن باستاپ،  ما جانشان باسشىلىعىنداعى شىعىس سولتۇستىككە جورىق ارمياسىنا قوسىلىپ، الدىڭعى شەپكە اتتانىپ، جاپون شاپقىنشى ارمياسىنا سوققى بەرەدى.
    جاپون شاپقىنشىلارىنا  قارسى سوعىس جاپپاي باستالعاننان كەيىن، ليۋ گۇي-ۋدىڭ اتتى اسكەرلەر 6- شىسى ءسۇييۋاندى قورعاۋ اۋىر مىندەتىن ۇستىنە الادى. ول اسكەري ءبولىمدى باستاپ، ءسۇييۋانداعى الدىڭعى شەپتە جاپون ارمياسىمەن 8 اي بويى قاندى شايقاس جاساپ، جاۋعا قايتا-قايتا تويتارىس بەرەدى.
    1938- جىلى 4- ايدىڭ 21- كۇنى تۇندە، ما جانشاننىڭ اسكەري ءبولىمى  قازىرگى ىشكى مۇڭعۇلدىڭ باۋتوۋ قالاسى گۋياڭ اۋدانىننىڭ حۇڭيوۋگانزى قىستاعىندا تۇنەپ جاتقاندا، جاپون ارمياسىنىڭ قورشاۋىندا قالادى. ليۋ گۇي-ۋ قورعانۋ اترەتىنە قولباسشىلىق ەتىپ، قايتا - قايتا شابۋىل جاساپ، ەرتەسى تاڭەرتەڭ از اسكەرمەن قالىڭ جاۋعا توتەپ بەرە الماي، جاۋلاردىڭ كۇشتى سوققىسىندا  اسكەري ءبولىم بىتىراپ كەتەدى. ليۋ گۇي-ۋگە سوعىستا جاۋدىڭ زەڭبىرەك وعى ءتيىپ اۋىر جارالانادى، الايدا ول جان قۇرالىن الىپ، تاباندىلىقپەن شايقاس جاسايدى، كەيىن، جاراقاتى وتە اۋىر بولعاندىقتان، وتان ءۇشىن ەرلىكپەن قۇربان بولادى. 
 
 
 
 


بەرىپ كەت ورامالىڭدى

دوستار

الىستاعى اق ەركە