جاڭا حابارلار

وتان ءۇشىن قۇربان بولىپ، ۇلتقا داڭق اپەرگەن ـــ ۋاڭ ميڭجاڭ

    كەلۋ قاينارى: شينجياڭ حالىق راديو ىستانسياسى    2018-11-05 11:16:51  

   اتالعان ايداردا «وتان ءۇشىن قۇربان بولىپ، ۇلتقا داڭق اپەرگەن ـــ ۋاڭ ميڭجاڭمەن ( 王铭章) » تانىساسىزدار:
     ۋاڭ ميڭجاڭنىڭ لاقابى جى جۇڭ، 1893- جىلى سىچۋان ولكەسىنىڭ شيندۋ اۋدانى تايشيڭ اۋىلىندا دۇنيەگە كەلگەن. 1914- جىلى 7- ايدىڭ 4 - كۇنى ۋاڭ ميڭجاڭ قۇرىلىق ارميا وفيتسەرلەر  مەكتەبنىڭ 3- قارار جاياۋ اسكەرلەر بولىمىنەن وقۋ تاۋىسقاننان كەيىن، سىچۋان ارمياسىنىڭ ليۋ سۇنحۋ باستاعان قوسىنىنا ءبولىنىپ، باستابىندا پراكتيكانت پايجاڭ، كەيىن پايجاڭ بولادى. 1916- جىلدىڭ باسىندا، يۋان شىكايدىڭ مەملەكەت ۇقىعىن قولىنا الىپ، پاتشا اتانۋىنا قارسى تۇرۋ ءۇشىن، ساي- ى مەملەكەتتى قورعاۋ ارمياسىن باستاپ، سىچۋانعا بارىپ، يۋان شىكايمەن تىرەسەدى. ۋاڭ ميڭجاڭ سىچۋان ارمياسىنىڭ 2- شىسىنا ىلەسىپ، سوعىسقا قاتىناسىپ، لۋشيان، ناشي اۋداندارى وڭىرىنە دەيىن بارىپ سوعىس جۇرگىزىپ، ليان باستىقتىعىنا كوتەرىلەدى. 1920- جىلى، سىچۋان- يۇننان سوعىسى تاعى دا تۋىلىپ، ۋاڭ ميڭجاڭ سىچۋان ارمياسى 7- شىسى 25- تۋاننىڭ باستىعى، ىلە- شالا 11- لۇيدىڭ باستىعى بولادى. 1924- جىلى، سىچۋان سوعىسى توقتاعاننان كەيىن، اسكەري ءبولىمدى باستاپ دى -ياڭ اۋدانىنداعى قورعانىس ورنىنا اپارىپ، 13- شىسنىڭ باستىقتىعىنا وسىرىلەدى.
ۋاڭ ميڭجاڭ سولتۇستىككە جورىق جاساۋ سوعىسى توقتاعاننان كەيىن، بۇيرىق بويىنشا سىچۋان ارمياسىن قايتا قۇرىپ، ۋاڭ ميڭجاڭ ۇلتتىق توڭكەرىستىك ارمياسىنىڭ 29- ارمياسى 4- شىسىنىڭ باستىعى بولادى. 1935- جىلى، ى-مي - شان تاۋىنداعى اسكەري جاتتىعۋ جاساۋ تۋانىنا بارىپ، جاتتىعۋعا قاتىناسىپ، قۇرىلىق ارمياسىنىڭ شاۋجياڭ شەنىن الىپ، 41- ارميا 122- شىسىنىڭ باستىعى بولادى، كەلەسى جىلى دارەجەسى جۇڭجياڭعا كوتەرىلەدى.
    1937- جىلى لوگۋچياۋ ۋاقيعاسى تۋىلعاننان كەيىن، ۋاڭ ميڭجاڭ جاپون شاپقىنشىلارىنا قارسى تۇرىپ، مەملەكەتتى قۇتقارۋ، «مىلتىقتى ءبىر تۇتاس سىرتقى جاۋلارعا كەزەۋ» سىندى توڭكەرىستىك دارىپتەمەنى باتىل قورعاپ، سىچۋاننان شىعىپ جاۋدى جويىپ، مەملەكەت ءۇمىتىن اقتاۋعا ءوتىنىش ەتەدى. 1938- جىلدىڭ باسىندا، ۋاڭ ميڭجاڭ 41- ارميانىڭ الدىڭعى شەپتىڭ باس قولباسشىسىنا تاعايىندالىپ، اسكەري ءبولىمدى باستاپ، شۇيجۋ شايقاسىنا قاتىناسىپ، بۇيرىق بويىنشا تىڭشيان اۋدانىندا جاپونيا ارمياسىن تورىۋىلداپ سوققىلايدى. 3- ايدىڭ 14- كۇنى، شۇيجۋدىڭ سىرتىنداعى تىڭشياندى قورعاۋ شايقاسى رەسمي باستالىپ، جاپونيا ارمياسىنىڭ 10- شى تۋانى ايروپلاننىڭ قورعاۋىندا تىڭشيان اۋدانىنا جاپپاي شابۋىل جاسايدى، ۋاڭ ميڭجاڭ باستاعان اسكەري ءبولىم جاپونيا ارمياسىمەن ءۇش كۇن- ءۇش تۇن قاندى شايقاس جۇرگىزەدى. 3- ايدىڭ 17- كۇنى تۇستەن كەيىن، اسكەر كۇش جاعىندا باسىم تۇسكەن جاپونيا ارمياسى تىڭشيان اۋدانىنىڭ وڭتۇستىك قالا قورعانى مەن شىعىس قامالدى باسىپ الادى دا، قاپتاعان جاۋ قالاعا لاپ قويادى.  ۋاڭ ميڭجاڭ قالاداعى اسكەري بولىمدەرگە جاپونيا ارمياسىمەن شايقاس جۇرگىزۋ بۇيرىعىن ءتۇسىرىپ، باتىس قامالدى قورعاۋ ءۇشىن قيان- كەسكى سوعىسىپ، كومەكشى اسكەردى كۇتەدى، ارى باتىس قامالعا بارىپ، قامالدى قورعاعان اسكەرلەرگە قولباسىشلىق ەتىپ، جالعاستى سوعىسپاق بولىپ، باتىس قامالدىڭ سىرتىنداعى ەلەكتر لامپاسى زاۆوتىنىڭ ماڭىنا بارعاندا، جاپونيا ارمياسى وق بوراتادى، ۋاڭ ميڭجاڭنىڭ الدە نەشە جەرىنەن وق ءتيىپ قۇربان بولادى، كەيىن وعان قۇرىلىق ارمياسىنىڭ شاڭجياڭى شەنى بەرىلەدى.     
 


بەرىپ كەت ورامالىڭدى

دوستار

الىستاعى اق ەركە