جاڭا حابارلار

«يۇيحۋاتايدا اتى اڭىزعا اينالعان قاھارمان ـــ  شۇي باۋيە  

    كەلۋ قاينارى: شينجياڭ حالىق راديو ىستانسياسى    2018-11-04 10:23:06  

 اتالعان ايداردا بۇگىن: «يۇيحۋاتايدا اتى اڭىزعا اينالعان قاھارمان ـــ  شۇي باۋيەمەن (许包野) » تانىساسىزدار.   شۇي باۋيە ـــ 1900-جىلى 5-ايدا تايلاندتاعى ءبىر حۋاچياۋ وتباسىندا دۇنيەگە كەلگەن، 7 جاسىندا ەلگە ورالعان. 1920-جىلى شۇي باۋيە فرانسياعا بارىپ، جۇمىس ىستەي ءجۇرىپ وقيدى. 1923-جىلى  جۋ دىنىڭ تانىستىرۋىمەن، جۇڭگو كوممۋنيستىك پارتياسىنا مۇشە بولادى. 1926-جىلى شۇي باۋيە سۆوەت وداعىنىڭ استاناسى موسكۆاعا جىبەرىلىپ، شىعىس تانۋ داشۋەسىندە بەس جىل وقىتۋشى بولادى جانە جەرگىلىكتى ورىندا قوسىمشا سۋديالىق مىندەت اتقارادى.   18-قىركۇيەك ۋاقيعاسىنان كەيىن، كوممۋنيستىك ينتەرناتسيونال شۇي باۋيەنى جاسىرىن ەلگە قايتارادى، 1931-جىلدىڭ سوڭىندا،  شۇي باۋيە شاڭحايعا بارىپ، ج ك پ ۋاقىتتىق ورتالىق كوميتەتىنە كوممۋنيستىك ينتەرناتسيونالدىڭ احۋالىن مالىمدەيدى.     1932-جىلى 3-ايدا، شۇي باۋيە شيامىنعا بارادى. كوپ وتپەي، ج ك پ شيامىن ورتالىق قالالىق پارتكومنىڭ شۋجيى مىندەتىنە تاعايىندالادى. شۇي باۋيە باسشىلىق مىندەت اتقارىپ تۇرعان كەزدە، شيامىن ورتالىق قالالىق پارتكومعا قاراستى وڭتۇستىك فۋجيان وڭىرىندەگى 10 نەشە اۋدان- قالاداعى توڭكەرىستىك قوزعالىس قارىشتاپ دامىپ، پارتيا مۇشەلەرى  مىڭ ادامعا تايايدى، شيامىن وڭىرىندە «يمپەرياليزمگە قارسى ۇلكەن وداق»، «توڭكەرىستىك سەلبەستىك ۇيىمى»، «قىزىل جۇمىسشىلار ۇيىمى» سياقتى ۇيىمدار ىركەس-تىركەس قۇرىلىپ، جاڭجوۋ، چۋانجوۋ، ءان-شيداعى پارتيزاندار اترەتى بارىنشا نىعايادى.     1934-جىلى 7-ايدا، شۇي باۋيە ج ك پ جياڭسۋ ولكەلىك پارتكومنىڭ شۋجيىلىعىنا تاعايىندالادى، جياڭسۋ ولكەلىك پارتكومنىڭ بۇرىنعى تۇراقتى مۇشەسى، باس حاتشىسى ياڭ گۋاڭحۋانىڭ كومەگىندە، جياڭسۋ ولكەلىك پارتكومنىڭ ورگانىن باسشىلىق ەتىپ  قايتا قالپىنا كەلتىردى جانە قايتا ۇيىمداستىرىپ قۇرادى. سول جىلى 10-ايدا، ج ك پ حىنان ولكەلىك پارتكوم ويراندالعاننان كەيىن، پارتيا ورتالىق كوميتەتى شۇي باۋيەنى تاعى حىنان ولكەسىنە اۋستىرىپ ولكەلىك پارتكومنىڭ شۋجيى مىندەتىنە تاعايىندايدى.    1935-جىلى 2-ايدا، ساتقىنداردىڭ وپاسىزدىق جاساۋىمەن، شۇي باۋيە تۇتقىندالادى. تۇرمەدە جاۋ ونى اياۋسىز قينايدى، ونىڭ ونە بويىنان ساۋ تامتىعى قالماي، باسى جارلىپ، اياعى سىنادى، 1935-جىلى كوكتەمدە جاراقاتى اسقىنعان شۇي باۋيە نانجيڭ تۇرمەسىندە قۇربان بولادى.   


بەرىپ كەت ورامالىڭدى

دوستار

الىستاعى اق ەركە