جاڭا حابارلار

توڭكەرىسشىل پروفەسسور ـــ چيان ي - شى 

    كەلۋ قاينارى: شينجياڭ حالىق راديو ىستانسياسى    2018-11-02 10:56:43  

 اتالعان ايداردا «توڭكەرىسشىل پروفەسسور ـــ چيان ي - شىمەن 钱亦石  » تانىساسىزدار:       چيان ي - شى، 1889 - جىلى حۋبەي ولكەسىنىڭ شياننيڭ اۋدانىنداعى وقىمىستى وتباسىندا دۇنيەگە كەلگەن. 1916 - جىلى مەملەكەت قۇرعان ۋچاڭ جوعارى دارەجەلى پەداگوگيكا مەكتەبىنە ەمتيحان بەرىپ وتەدى. 1924 - جىلى دۇڭ بي- ۋ مەن چىن تانچيۋدىڭ تانىستىرۋىمەن، جۇڭگو كوممۋنيستىك پارتياسىنا مۇشە بولادى.      1928 - جىلى 1-ايدا ، چيان ي - شى پارتيانىڭ ۇيعارىمى بوينشا، جاپونيانىڭ توكيو قالاسىنا جاسىرىن بارادى. سول جەردە،  ياڭ شيانجياڭمەن، دۇڭ بي - ۋمەن بىرگە توكيودا وقىپ جاتقان وقۋشىلار اراسىنداعى كوممۋنيستىك پارتيانىڭ قۇپيا ۇيىمىنا باسشىلىق ەتەدى. سول جىلى 8 - ايدا، ورتالىق دۇڭ بي - ۋ مەن چيان ي - شىنى سوۆەت وداعىنىڭ موسكۆا قالاسىنداعى ەرەكشە كۋرسكە ۇيرەنۋگە جىبەرەدى. 1930- جىلى ، چيان ي - شى تەمىر جول جۇمىسشىسىنشا جاسانىپ شاڭحايعا ورالىپ، مادەنيەت قيمىلىمەن شۇعىلدانا باستايدى.      1932 - جىلدان باستاپ، چيان ي - شى شاڭحاي زاڭ -ساياسات شۋەيۋانى مەن جينان داشۋەسىندە ۇسىنىسپەن پروفەسسور بولادى. بۇدان سىرت، ول تاعى «دۇنيە ءجۇزى بىلىمدەرى» سياقتى جۋرنالداردا جۇزگە تاياۋ عىلمي ماقالا جاريالايدى.  13 - تامىز سۇڭحۋداعى جاپون شاپقىنشىلارىنا قارسى سوعىس بۇرق ەتە تۇسكەننەن كەيىن، جۋ ىنلايدىڭ نۇسقاۋى بويىنشا، چيان ي - شى 8 - توپ ارمياسى قىزمەت وتەۋ اتىرەتىنىڭ شاۋجياڭ اترەت باستىعى مىندەتىن اتقارىپ، 30 نەشە جازۋشى، كوركەمونەرشىنى باستاپ، جاپون شاپقىنشىلارىنا قارسى تۇرۋ  الدىڭعى  شەبىنە بارىپ، شاڭحاي، حاڭجۋ   رايونىنداعى حالىقتى اتتانىسقا كەلتىرىپ، ارميا مەن حالىقتىڭ جاپون شاپقىنشىلارىنا قارسى بىرلەسكەن شايقاسىن جۇرگىزەدى. ءوزىن ۇمىتا قىزمەتكە ارالاسىپ، ابدەن شارشاۋدان دەرتكە شالدىققان ول، 1938 - جىلى 1 - ايدا شاڭحايدا 49 جاسىندا ناۋقاس سەبەنىنەن قايتىس بولادى.


بەرىپ كەت ورامالىڭدى

دوستار

الىستاعى اق ەركە