جاڭا حابارلار

جۇڭگو جۇمىسشى-ديحان قىزىل ارمياسىنىڭ ءبىر مۇشەسى، جاۋجۇرەك قولباسى ـــ شيە سۇڭ

    كەلۋ قاينارى: شينجياڭ حالىق راديو ىستانسياسى    2018-11-01 10:59:55  

«جۇڭگو جۇمىسشى-ديحان قىزىل ارمياسىنىڭ ءبىر مۇشەسى، جاۋجۇرەك قولباسى ـــ شيە سۇڭمەن» ( (谢嵩  تانىساسىزدار.    شيە سۇڭنىڭ تاعى ءبىر اتى شيە شياۋيۇن. ول 1924-جىلى حۋنان ارمياسىنا قاتىناسىپ اسكەر بولادى، 1928-جىلى 7-ايدا پيڭجياڭ كوتەرىلسىنە قاتىناسادى، سول جىلى كۇزدە جۇڭگو كوممۋنيستىك پارتياسىنا مۇشە بولادى.  1930-جىلدان باستاپ، شيە سۇڭ ىلگەرىندى-كەيىندى جۇڭگو جۇمىسشى-ديحان قىزىل ارمياسى 5-ارمياسىنىڭ ەرەكشە مىندەت اتقارۋ ۇلكەن اترەتىنىڭ باستىعى بولادى، قىزىل 7-ارميا 19-شىسى 55-تۋانىنىڭ باستىعى، جياڭشي اسكەري رايونى گانجياڭ اۋدانى ۇلگى تۋانىنىڭ باستىعى، قىزىل 3-ارميا تۋانى 4-شىسى 12-تۋانىنىڭ باستىعى بولىپ، ورتالىق توڭكەرىستىك رايونداعى تالاي رەتكى «قورشاپ جويۋعا» قارسى تۇرۋ كۇرەسىنە قاتىناسادى.   

   5-رەتكى «قورشاپ جويۋعا» قارسى تۇرۋ كەزىندەگى داياڭجياڭ شايقاسىندا، شيە سۇڭ الدىڭعى شەپكە بارىپ، اسكەري بولىمگە قولباسشىلىق ەتىپ، وزدەرىنەن ون ەسە كوپ جاۋمەن قيان-كەسكى شايقاسىپ، سوعىستا بەس رەت جارالانادى. 1934-جىلى 8-ايدىڭ 1-كۇنى، ورتالىق توڭكەرىستىك اسكەر ىستەر كوميتەتى ونى 3-دارەجەلى قىزىل جۇلدىز وردەنىمەن ماراپاتتايدى.     1934-جىلى 10-ايدا، ورتالىق قىزىل ارميا ۇزاق جورىقتى باستادى، جاۋدىڭ اسكەري كۇشىن جەلىكتىرىپ، ورتالىق قىزىل ارميانىڭ سولتۇستىككە جورىعىنا بوگەت بولعان توسقاۋىلدى ازايتۋ ءۇشىن، شيە سۇڭ بۇيىرىق بويىنشا 12-تۋاندى باستاپ، گۋاڭدۇڭ باعىتىنا شەرىۋ تارتادى. نەگىزگى اسكەري كۇشتى حاۋىپسىز جەرگە كوشىرىپ، جاۋدى الجاستىرۋ ماقساتىنا جەتكەننەن كەيىن، ول تاعى قوسىن باستاپ جاۋدى شەبەرلىكپەن شىرعالاپ الجاستىرىپ، نەگىزگى اسكەري قوسىندى تەز ارادا قۋىپ جەتەدى.   ۇزاق جورىقتا، شيە سۇڭ كوپ رەت قوسىن باستاپ، نەگىزگى شايقاس مىندەتىن ۇستىنە الىپ، وزەندەردى كەشىپ ءوتىپ، تاۋ-تاستى كەزىپ، سوعىستا تالاي رەت ەڭبەك كورسەتەدى. سولتۇستىك شانشيگە بارعاننان كەيىن، شيە سۇڭ شانشي-گانسۋ ولكەلىك اسكەري ىستەر ءبولىمنىڭ ساممۋجاڭى بولىپ، قىزىل 29-ارميانى ۇيىمداستىرىپ قۇرۋ قىزمەتىنە قاتىناسادى. 1937-جىلى 1-ايدا، شيە سۇڭ جاپون شاپقىنشىلارىنا قارسى تۇرۋ اسكەري-ساياسي داشۋەسىنە ءتۇسىپ وقىدى.    جاپون شاپقىنشىلارىنا قارسى تۇرۋ شايقاسى جاپپاي باستالعاننان كەيىن، شيە سۇڭ سانشيعا جىبەرىلىپ، سوعىس بولعان وڭىردەگى باس اتتانىسقا كەلتىرۋ كوميتەتى قارۋلى اسكەري ءبولىمى سوعىس جاساۋ ءبولىمنىڭ باستىعى، پارتيزاندار 1-باعىت اسكەري ءبولىمىنىڭ سىليڭيۋانى بولادى. 1937-جىلدىڭ سوڭىندا، شيە سۇڭ يان-ءانعا مالىمەت بەرۋ قىزمەتىنە كەتىپ بارا جاتقان جولىندا، قاتىناس شىرعالاڭىنا ۇشىراپ اۋىر جارالانادى، 1938-جىلدىڭ باس شەنىندە، شانشي ولكەسىنىڭ سۇيدى اۋدانىندا 35 جاسىندا قۇربان بولادى. 


بەرىپ كەت ورامالىڭدى

دوستار

الىستاعى اق ەركە