جاڭا حابارلار

شىعىس سولتۇستىكتىڭ قىرانى، اۋە ارمياسىنىڭ سوعىس ارداگەرى ــــ جاپون شاپقىنشىلارىنا قارسى سوعىستىڭ اۋە ارميا قاھارمانى ــ گاۋ جىحاڭ

    كەلۋ قاينارى: شينجياڭ حالىق راديو ىستانسياسى    2018-10-31 11:36:53  

 اتالعان ايداردا، «شىعىس سولتۇستىكتىڭ قىرانى، اۋە ارمياسىنىڭ سوعىس ارداگەرى ــــ جاپون شاپقىنشىلارىنا قارسى سوعىستىڭ اۋە ارميا قاھارمانى ــ گاۋ جىحاڭ (高志航) »مەن تانىساسىزدار:      گاۋ جىحاڭنىڭ بۇرىنعى اتى گاۋ ميڭجيۋ (高铭久)، جاناما اتى زى حىڭ. 1908- جىلى 6- ايدا، دۇنيەگە كەلگەن، لياۋنيڭ ولكەسى (قازىر جيلين ولكەسىنە قاراستى) تۇڭحۋا قالاسىنىڭ ادامى. 1924- جىلى، گاۋ جىحاڭ شىعىس سولتۇستىك قۇرىلىق ارمياسىنىڭ اسكەر-وفيتسەرلەردى تاربيەلەۋ كلاسىنا ءتۇسىپ وقيدى، سوڭىندا ونىڭ ارمانى ورىندالىپ، فرانسياعا بارىپ، اسكەري ايروپىلان ۇشىرۋدى ۇيرەنەدى.     1929- جىلى 1- ايدا، گاۋ جىحاڭ ەلگە ورالىپ، شىعىس سولتۇستىك اۆياتسيا باسقارماسى قىران تارماق اترەتىنە ءبولىنىپ، شاۋ ۋي دارەجەلى ۇشقىش بولادى. ايروپلان ۇشىرۋ جاتتىعۋى بارىسىندا، ول ايروپلان ۇشىرۋداعى ەرەكشە تەحنيكاسى ارقىلى وفيتسەرلەر- جاۋىنگەرلەردىڭ القاۋىنا جانە قۇرمەتىنە بولەنەدى.     1931- جىلى، گاۋ جىحاڭنىڭ شەنى شاۋ شياۋ دارەجەسىنە كوتەرىلىپ، قىران تارماق اترەتىنىڭ باستىعى بولادى. 1935-جىلى، ول بۇيرىق بويىنشا يتالياعا بارىپ، سوعىس ايروپىلانىن ساتىپ اكەلەدى. 1936- جىلى 5- ايدا، گاۋ جىحاڭ ەلگە ورالىپ، اۋە ارمياسى جەتەكشىلەر باس اترەتىنىڭ ورىنباسار باستىعى، 6- اۆياتسيا ۇلكەن اترەتىنڭ باستىعى، 4- اۆياتسيا ۇلكەن اترەتىنىڭ باستىعى سياقتى مىندەتتەردى اتقارادى.     1937- جىلى 8- ايدىڭ 13- كۇنى، سۇڭحۋ شايقاسى بۇرق ەتە تۇسەدى. جاپونيا تەڭىز ارمياسى 3- سوعىس كەمە قۇراماسىنىڭ سىليڭى چاڭگۋ چۋنچيڭ حاڭجۋ، نانچاڭ، حۇڭچياۋ سياقتى اۋە جايلاردى بومبىلاپ، جۇڭگونىڭ اۋە ارمياسى كۇشىن تالقانداماق بولادى. 8- ايدىڭ 14- كۇنى، چاڭگۋ چۋانچيڭ تايبيدەگى «96 تۇرپاتتى» قۇرىلىقتا بومبىلاۋشى ايروپىلانىن ىسكە قوسىپ، حاڭجۋداعى جيانچياۋ اۋە جايىن بومبىلاۋ بۇيرىعىن تۇسىرەدى. سول كەزدە، جيانچياۋ اۋە جايىنا ەندى قونعان گاۋ جىحاڭنىڭ ايروپلان اترەتى ۇزاق جول باسىپ قالجىراعانى مەن  جانارمايدىڭ ازايعانىنا قاراماي، باتىلدىقپەن قايتا كەڭىستىككە كوتەرىلىپ، بۇلت اراسىندا جاۋ ايروپىلانىمەن قيان- كەسكى  ايقاسادى. گاۋ جىحاڭ ايروپلاندى ۇشىرىپ ىرىقتى ورىنعا شىعىپ، ورايدى ۇتىپ، ءبىر جاپونيا ايروپلانىنىڭ وڭ قاناتىنداعى نەگىزگى جانارماي ساندىعىن دالدەپ اتىپ، ونى  سول ساتتىڭ وزىندە- اق چيانتاڭجياڭ وزەنى جاعاسىنا قۇلاتادى، بۇل جۇڭگو اۋە ارمياسى اتىپ تۇسىرگەن جاپونيا ارمياسىنىڭ تۇڭعىش سوعىس ايروپىلانى ەدى. وسىدان كەيىن، 23- ورتا اترەتىنىڭ مۇشەسى لياڭ تيانچىڭ (梁添成) مەن 22- ورتا اترەتتىڭ باستىعى جىڭ شاۋيۇي ( 郑少愚) دە بىردەن جاۋ ايروپىلانىن اتىپ تۇسىرەدى. جارىم ساعاتقا جەتپەيتىن سوعىستا، 4- ۇلكەن اترەت جاپونيا اۋە ارمياسىنىڭ 3 ايروپلانىن قۇلاتىپ، ءبىر ايروپلانىن ءبۇلدىرەدى، ءبىز جاقتان ءبىر سوعىس ايروپىلانى جەڭىل دارەجەدە زاقىمدالادى.    1937- جىلى 11 - ايدا، گاۋ جىحاڭ بۇيرىق بويىنشا لانجۋعا بارىپ، سوۆەت وداعىنىڭ جۇڭگوعا كومەككە بەرگەن سوعىس ايروپلانىن الىپ قايتادى. ول حىناننىڭ جۋجياكۋ اۋە جايىنا بارعاندا، اۋا رايى ەرەكشە ناشار بولعاندىقتان، اۋە جايدا بۇيرىق كۇتەدى. 11- ايدىڭ 21- كۇنى، جاپونيا ارمياسىنىڭ 11 ايروپىلانى اۋە جايعا تۇتقيىل شابۋىل جاسايدى، گاۋ جىحاڭ ايروپلان بولمەسىنە كىرىپ، ۇشۋعا دايىندالىپ، سوعىسقا اتتانباق بولعان ساتتە، بومبى جارقىشى ءتيىپ، 30 جاسىندا قازا بولادى.  


بەرىپ كەت ورامالىڭدى

دوستار

الىستاعى اق ەركە