جاڭا حابارلار

جارناسى بازارعا شىققان شينجياڭنىڭ تۇڭعىش سەرىكتەستىگى شينحۇڭشين: شەكارا وڭىردەن حالىقارالىق كاپيتال بازارىنا قادام تاستادى

    كەلۋ قاينارى: شينجياڭ گازەتى    2018-10-29 17:16:33  
بەتاشار
رەفورما جاساپ، ەسىك اشقان 40 جىلدا، وتانىمىزدىڭ بايتاق دالاسىندا تاريحي زور وزگەرىستەر جارىققا شىعىپ، كۇللى دۇنيەنى جالت قاراتقان تابىستارعا قول جەتتى. وتانىمىزدىڭ باتىس سولتۇستىك شەكاراسىنداعى شينجياڭ رەفورما جاساپ، ەسىك اشۋدىڭ شىعىس جەلىمەن قانات قاعىپ، كەلەلى وزگەرىستەرگە كەنەلىپ، تاريحي ىلگەرىلەۋشىلىكتەرگە قول جەتكىزىپ، ايبىندى دا تارتىمدى جىر - داستان جازىپ، كوپتەگەن «تۇڭعىشتاردى» ومىرگە اكەلدى: شينجياڭداعى جارنا بازارىنا شىققان تۇڭعىش سەرىكتەستىك، شينجياڭداعى تۇڭعىش مەملەكەت دارەجەلى جوعارى، جاڭا تەحنيكالىق اشۋ رايونى، شينجياڭداعى تۇڭعىش دوكتورلىق دارەجە ءتۇيىنى، شينجياڭداعى تۇڭعىش جالپىلىق قورعامالى باجى رايونى، شينجياڭنىڭ تۇڭعىش جۇڭگو - ەۆروپا كەزەكشى پويەزى... گازەتىمىز بۇگىننەن باستاپ «شىعىستىڭ ايبىندى تولقىنى، ۇدەرە العا تارتقان جاڭا ءداۋىر − رەفورما جاساپ، ەسىك اشقان 40 جىلدى قۇتتىقتايمىز. ءىز» «ۇمىتىلماس تۇڭعىشتار» جەلىلەس حابارىن شىعارىپ، وسى «تۇڭعىشتاردى» ساراپتاۋ، سارالاۋ ارقىلى تاريح پاراعىنا جازىلعان دامۋ جانە قۇرىلىس جەتىستىكتەرىن ەستەلىككە الىپ، شينجياڭنىڭ رەفورما جاساپ، ەسىك اشقان 40 جىلداعى كەرەمەت ۇدەرىستەرىن ايگى ەتەمىز.
  24 جىلدىڭ الدىنداعى شىنجىن اكتسيا بازارىندا جارناسى بازارعا شىققان شينجياڭ حۇڭيۋان امانات قارجى قوسۋ شەكتى جارنا سەرىكتەستىگى (شينحۇڭشين) جارناسى بازارعا شىققان شينجياڭنىڭ تۇڭعىش سەرىكتەستىگى سانالادى.
  قازىرگى تاڭدا «شينحۇڭشين» جاڭارىپ تۇلەپ، شىنۋان حۇڭيۋان بولىپ وزگەرىپ، شينجياڭنان شىعىپ، بۇكىل ەلگە بەت الۋمەن بىرگە، مەملەكەت قاقپاسىنان اتتاپ، لوندون، توكيو، سينگاپۋر، سەۋل سياقتى جەرلەردە بولىمشە قۇرىلىمدارىن قۇردى.
  «شينحۇڭشيننىڭ» بۇرىنعى تەگى 1988 - جىلى 3 - ايدا ءۇرىمجى قالاسى شيحىبا ارتقى كوشەسىندەگى 139 - ءنومىرلى قاراپايىم شاعىن عيماراتتا دۇنيەگە كەلگەن جۇڭگو حالىق قۇرىلىس بانكەسى شينجياڭ امانات - قارجى قوسۋ سەرىكتەستىگى بولاتىن.
  رەفورما جاساپ، ەسىك اشۋدىڭ ىشكەرىلەي ىلگەرىلەۋىنە مەڭزەس، جۇڭگو حالىق قۇرىلىس بانكەسى شينجياڭ امانات - قارجى قوسۋ سەرىكتەستىگى جاڭا ورايعا − جارنا ءتۇزىمىن وزگەرتۋگە ءدوپ كەلدى، سونداي - اق 1993 - جىلى 5 - ايدىڭ 25 - كۇنى شينجياڭ حۇڭيۋان امانات قارجى قوسۋ شەكتى جارنا سەرىكتەستىگىن تىركەتىپ قۇردى. 2000 - جىلى جارناسى بازاعا شىققان سوڭ «شينحۇڭشين» اتىن حۇڭيۋان اكتسياسى دەپ وزگەرتتى، 2015 - جىلى تاعى جاڭا جۇڭگونىڭ تۇڭعىش جارنا تۇزىمىندەگى اكتسيا سەرىكتەستىگى شىنيىن ۋانگو اكتسيا شەكتى جارنا سەرىكتەستىگىمەن بىرلەسىپ، شىنۋان حۇڭيۋان توبى شەكتى جارنا سەرىكتەستىگىن قۇرىپ، شىنجىن اكتسيا بازارىنىڭ نەگىزگى بازارىنا شىقتى.
  شىنۋان حۇڭيۋان اكتسيا كاسىپتەرىن وزەك، كاپيتال بازارىن سۇيەنىش، فينانستىڭ تۇتاس كاسىپ تىزبەگىمەن ناقتى ەكونوميكاعا قىزمەت وتەۋدى تاقىرىپ ەتەدى. وسىناۋ «جارناسى بازارعا شىققان توپ + اكتسيا سەرىكتەستىگى» سىندى قوس قاباتتى قۇرىلىمدا جوبالانعان فينانس - قارجى قوسۋدىڭ ەرەن «اۋياماتكاسى» شىنۋان حۇڭيۋاننىڭ كاپيتال بازارىن سۇيەنىش ەتكەن فينانستىق قىزمەت كورسەتۋدىڭ تۇتاس تىزبەگىن قۇرۋى جانە قىزمەتكەرلەرىنىڭ كاسىپتىك دامۋى ءۇشىن كەڭ ءورىس ازىرلەدى.
  «شينحۇڭشيننىڭ ەلدىڭ ارتىندا قالمايمىن دەيتىن رەفورما تانىمى شينجياڭنىڭ اكتسيا فينانسى ىستەرىنىڭ دامۋى ءۇشىن جاڭا جول اشىپ بەردى»، - دەيدى «شينحۇڭشيننىڭ» دامۋىنا، الۋەتتەنۋىنە كۋا بولعان شىنۋان حۇڭيۋاننىڭ ساقا قىزمەتشىسى سۇن جيان 7 - ايدىڭ 15 - كۇنى ءتىلشىنىڭ سۇحباتىن قابىلداعاندا «شينحۇڭشيننىڭ» دامۋ تاريحىن تىلگە تيەك ەتىپ. «سول كەزدە شينحۇڭشين شينجياڭدا قىسقىش جەگەن العاشقى ادامنىڭ وبرازىن كورسەتتى».
  شينحۇڭشيننەن شىنۋان حۇڭيۋانعا دەيىن شينجياڭنىڭ جارناسى بازارعا شىققان تۇڭعىش سەرىكتەستىگىنىڭ دامۋ تاريحى شينجياڭنىڭ تاماشا حيكاياسىن شەرتتى.
  «وتكەن عاسىردىڭ 90 - جىلدارىندا شينجياڭ سەرىكتەستىكتەرى جارناسىن بازارعا شىعارامىن دەسە، ورتالىق سان بەرەتىن. 2001 - جىلى عانا سان شەكتەۋ كۇشىنەن قالىپ، كىم جارناسىن بازارعا شىعارعىسى كەلسە، الدىمەن ءوتىنىش بەرىپ، قاراۋ - تەكسەرۋدەن وتكەن سوڭ، جارناسىن بازارعا شىعارا الاتىن بولدى». شينجياڭنىڭ باعالى قاعازدار كاسىبىنىڭ جوقتان بار بولعان دامۋ تاريحىنا كۋا بولعان جۇڭگو باعالى قاعازدار باقىلاۋ - باسقارۋ كوميتەتى شينجياڭ باقىلاۋ - باسقارۋ مەكەمەسىنىڭ بۇرىنعى شارلاۋشىسى گاۋ ديكۇننىڭ ايتۋىنشا، سول جىلى مەملەكەتتىك كەڭەس 50 ميلليون يۋاندىق كورسەتكىش بەرگەنىمەن، جارناسىن بازارعا شىعارۋدى قالايتىن كاسىپورىن بولماپتى، «شينحۇڭشين» ءوزى سۇرانىپ كەلىپ، جۇڭگو اكتسيا باقىلاۋ - باسقارۋ كوميتەتى شينجياڭ باقىلاۋ - باسقارۋ مەكەمەسىن ىرىقتىلىقپەن ىزدەپ كەلىپ، جارناسىن بازارعا شىعارۋدى تالاپ ەتىپتى.
  ماقۇلدىق العان سوڭ، شينحۇڭشين دەرەۋ اۆتونوميالى رايوننىڭ ەلەكتر قۋاتى سەرىكتەستىگى سياقتى 8 ورىنمەن بىرگە شينجياڭ حۇڭيۋان امانات - قارجى قوسۋ شەكتى جارنا سەرىكتەستىگىن قۇرادى.
  تاريح مىنانى ەستەن شىعارمايدى: 1993 - جىلى 4 - ايدىڭ 18 - كۇنى «شينحۇڭشين» جارنا بەلەتىن «ساتىپ الۋ كۋالىگىن» اشىق ساتتى، سول كەزدە ءۇرىمجى قالاسىنان 15 ءتۇيىن قۇرىپ، ادامدار قاتارعا تۇرىپ، ءنومىر الدى، ءبىر ءنومىر العانداردىڭ 1000 جارنا بەلەتىن ساتىپ الۋىنا بولادى. كەيبىر قالا تۇرعىندارى ماقتالى شاپان، ماقتالى كورپەسىن، ورىندىعىن كوتەرىپ كەلىپ، تۇنىمەن قاتارعا تۇرىپ، ءنومىردىڭ تاراتىلۋىن كۇتتى.
  1994 - جىلى 2 - ايدىڭ 2 - كۇنى شينحۇڭشين شىنجىن اكتسيا بازارىندا جارناسىن بازارعا ءساتتى شىعارىپ، شينجياڭ كاسىپورىندارىنىڭ جارنا بازارىنا شىعۋىنىڭ شىمىلدىعىن اشتى. قازىر شينجياڭ قاراستىلىعىندا جارناسى بازارعا شىققان 53 سەرىكتەستىك بار.
  1996 - جىلى مەملەكەت ساياسات شىعارىپ، بانكە سالاسىن، امانات سالاسىن كاسىپ سالاسىنا ايىرىپ باسقارۋدى اتقاردى. بانكەلەردىڭ قاراستىلىعىنداعى كەيبىر امانات سەرىكتەستىكتەرى نەگىزىنەن كۇشىنەن قالدىرىلدى، ناتيجەسى كورنەكتى «شينحۇڭشين» مەملەكەت بويىنشا فينانس كاسىپ سالاسىندا ساقتالىپ قالعان، جارناسى بازارعا شىققان 4 سەرىكتەستىكتىڭ بىرىنە اينالدى.
  2000 - جىلى مەملەكەت امانات پەن اكتسيانى ايىرۋ ساياساتىن العا قويدى، شينجياڭ حۇڭيۋان امانات - قارجى قوسۋ شەكتى جارنا سەرىكتەستىگى جالپىلىق تۇردەگى بازارعا شىققان سەرىكتەستىككە جاپپاي وزگەرتىلدى ءارى اتى حۇڭيۋان اكتسيا جارنا شەكتى سەرىكتەستىگىنە وزگەرتىلىپ، جۇڭگونىڭ كاپيتال بازارىنداعى جارناسى بازارعا شىققان تۇڭعىش اكتسيا بازارىنا اينالدى.
  شينجياڭدا قۇرىلىپ، شينجياڭدا تىركەلگەن شىنۋان حۇڭيۋان توبى شەكتى جارنا سەرىكتەستىگى ناقتى ەكونوميكانىڭ تيبىنە بۇرىلىس جاساۋىنا قىزمەت وتەۋدى قاشاندا ءوز مىندەتى ەتىپ، شينجياڭنىڭ جەرگىلىكتى ەكونوميكاسىنىڭ دامۋىن قولدادى ءارى ىشكى ولكەلەردەگى تەڭىز جاعالاۋىنداعى وركەندەگەن وڭىرلەرمەن بايلانىس جاساۋ، سايكەسۋ ارقىلى شينجياڭنان بىرتىندەپ مەملەكەتكە، دۇنيە جۇزىنە بەت الدى.
  قازىر «شينحۇڭشيننەن» دامىپ، كەمەلدەنگەن «شىنۋان حۇڭيۋان» جۇڭگو قارجى قوسۋ شەكتى جاۋاپكەرشىلىك سەرىكتەستىگى، ورتالىق حۇيجين قارجى قوسۋ شەكتى جاۋاپكەرشىلىك سەرىكتەستىگى سياقتى جارناگەر ورىنداردىڭ زور كۇشپەن قولداۋىندا، كاپيتال بازارىن سۇيەنىش ەتەتىن، ەلىمىزدەگى بەتكە ۇستار قارجى قوسۋ جارنا تىزگىندەۋ توبى بولۋ نىساناسىنا قاراي ارشىندى قاداممەن ىلگەرىلەۋدە.

بەرىپ كەت ورامالىڭدى

دوستار

الىستاعى اق ەركە