جاڭا حابارلار

شينجياڭ تەمىر جولىنىڭ جىلدىق جۇك تاسىمال مولشەرى 100 ميلليون توننادان استى

    كەلۋ قاينارى: شينجياڭ حالىق راديو ىستانسياسى    2018-10-28 16:36:28  

ستانسيامىزدىڭ ءتىلشىسى جين لەيدىڭ حابارى: 10-ايدىڭ 27-كۇنى 53 ۆاگوننان قۇرالعان، 5 مىڭ توننا دامدەندىرگىش تيەلگەن جۇك تاسىمال پويەزى ءۇرىمجى باتىس ۆاگزالىنان اتتانىپ، شىعىستاعى ليانيۇنگاڭ شىعىس ۆاگزالىن بەتكە الىپ جولعا شىقتى. بۇل ءارى شينجياڭ تەمىر جولىنىڭ جىلدىق جۇك تاسىمال مولشەرىنىڭ 100 ميلليون توننادان اسقاندىعىنان دەرەك بەرەدى.
ءۇرىمجى باتىس ۆاگزالىنىڭ ايالداماسىندا، سەرىكتەستىگىنىڭ جۇگى تيەلگەن پويەزدىڭ الىسقا اتتانعانىن كورگەن جياڭسۋ پەيشيان يۇندا تاسىمال شەكتى سەرىكتەستىگى تەمىر جول تاسىمال ءبولىمىنىڭ مەڭگەرۋشىسى ۋاڭ بين قاتتى تەبىرەندى. بۇگىنگى كۇنى تەمىر جول ارقىلى ونىڭ جۇكتەرى بۇكىل ەلىمىزدىڭ تەمىر جولىنداعى 126 پويەز ۆاگزالىنا توتە جەتىپ، حاۋىپسىز، قولايلى، ءونىمدى تەمىر جول تاسىمالى ونىڭ ساۋداسىنىڭ كولەمىن بارعان سايىن كەڭەيتتى، ول بىلاي دەدى:«بۇرىن جۇك ۆاگزالدا 5، 6 كۇن ايالداعاننان كەيىن بارىپ جونەلتىلەتىن، قازىر ءبىر تاۋلىكتەن اسپايتىن ۋاقىتتا پويەزگە توتە تيەلىپ جونەلتىلەدى. 5 جىلدىڭ الدىندا ءبىر جىلداعى جۇك تاسىمال مولشەرىم 20 توننا عانا بولاتىن، قازىر ءبىر جىلداعى جۇك تاسىمال مولشەرىم 200 تونناعا جەتەدى».
1958-جىلى، لانجۋ-شينجياڭ تەمىر جولى شينجياڭعا دەيىن جاتقىزىلدى، 2004-جىلعا كەلگەندە، شينجياڭ تەمىر جولىنىڭ ءبىر جىلداعى جۇك تاسىمال مولشەرى 50 ميلليون توننادان اسىپ، وسى بارىسقا جەتۋ ءۇشىن 46 جىل ۋاقىت كەتتى. وسىدان كەيىن، رايونىمىزدىڭ تەمىر جول قۇرىلىسىنىڭ قادامى جەدەلدەپ، ىلگەرىندى-كەيىندى 14 نىسان اتقارىلىپ پويەز قاتىناپ، جول تورابى قۇرىلىمى ۇزدىكسىز كەمەلدەندىپ، تاسىمال جاعىندا قامتاماسىزداندىرۋ، قىزمەت وتەۋ قۋاتى ۇزدىكسىز جوعارىلادى. 2004-جىلدان باستاپ، باس-اياعى 14 جىل عانا ۋاقىتتا، شينجياڭ تەمىر جولىنىڭ جىلدىق جۇك تاسىمال مولشەرى 50 ميلليون توننادان 100 ميلليون تونناعا جەتتى. جۇڭگو تەمىر جول باس سەرىكتەستىگى ءۇرىمجى توبى سەرىكتەستىگى جۇك تاسىمال باسقارماسىنىڭ ورىنباسار باستىعى شۋە چىڭشي: « جۇك تاسىمال مولشەرى 100 ميلليون توننادان استى، جىل سوڭىنا بارعاندا 125 ميلليون تونناعا جەتەدى، تۇتاس جول، بارلىق تەمىر جول مەكەمەسى بويىنشا ارتۋ دارەجەسى الدىڭعى ورىندى يەلەيدى»، ـــ دەدى.
اۆتونوميالى رايوندىق دامۋ-رەفورما كوميەتى ەكونوميكا زەرتتەۋ مەكەمەسى ەكونوميكا زەرتتەۋ ورنىنىڭ باستىعى يان حايلۇڭ، تەمىر جول شينجياڭ ەكونوميكاسىنىڭ، قوعامىنىڭ دامۋ كورسەتكىشى ەكەنىن، تەمىر جول جۇك تاسىمال مولشەرى 100 ميلليون توننادان اسىپ، شينجياڭ ەكونوميكاسىنىڭ، قوعامىنىڭ دامۋىن ىلگەرىلەتىپ، «ءبىر بەلدەۋ، ءبىر جول» قۇرىلىسىنا قىزمەت وتەگەنىن تانىستىرا كەلىپ بىلاي دەدى: «تەمىر جول تاسىمال مولشەرىنىڭ ارتۋى شينجياڭنىڭ باياندى ەسىك اشۋ، دامۋ قادامىنىڭ ۇزدىكسىز جەدەلدەپ، شينجياڭنىڭ ءار قايسى وڭىرىمەن ەكونوميكا قارىم-قاتىناسىن قويۋلاتىپ، كاسىپتىڭ دارەجەسىن جوعارىلاتۋدى جەبەگەنىن اڭعارتادى، قاتىستى وسىزامانعى زات اينالىمى، فينانستىك قىزمەت وتەۋ كاسىبى جانە باسقا دا قوسىمشا قىزمەت وتەۋلەر دە وسى قادامعا ىلەسىپ، قىرۋار كاسىپتەنۋ ماسەلەسىن شەشىپ، شينجياڭنىڭ اناعۇرلىم تەز، اناعۇرلىم قولايلى سىرتقا شىعارۋىنا مۇمكىندىك جاساپ، حالىقارالىق بازار ءورىسىن كەڭەيتۋگە ات سالىسىپ، بۇكىل ەل بازارىنا ءسىڭىسىپ، وزەكتى رايوننىڭ قۇنى مەن رولىن ساۋلەلەندىرە الادى».


بەرىپ كەت ورامالىڭدى

دوستار

الىستاعى اق ەركە