جاڭا حابارلار

شينجياڭ چارقىلىق 12-كەزەكتى كروران مادەنيەتى-شىلان مەرەكەسى اشىلدى

    كەلۋ قاينارى: شينجياڭ حالىق راديو ىستانسياسى    2018-10-26 11:55:28  

ستانسيامىزدىڭ ءتىلشىسى زىڭ يەنىڭ حابارى: تۇڭعىش كەزەكتى «جۇڭگو ديحاندار مول ءونىم مەرەكەسىنىڭ» شينجياڭ چارقىلىق 12-كەزەكتى كروران مادەنيەتى-شىلان مەرەكەسى 10-ايدىڭ 25-كۇنى چىڭدۋدا اشىلىپ، وزگەشە جاسامپازدىققا يە، باي مازمۇندى 15 مادەنيەت، ساياحات، ەكونوميكا ساۋدا قيمىلى جەرگىلىكتى سان مىڭداعان بۇقارانى بەلسەنە قاتىناسۋعا باۋرادى.
اشىلۋ سالتى «كرورانداعى اسەم ءبي» اتتى كونسەرت نومىرىمەن باستالىپ، «كروران ەلشىسى» سايلانىپ، 100 مىڭ شىلاندى اقىسىز جەۋ، چارقىلىق سارى جاقۇتىن كورمەگە قويىپ ساتۋ، چارقىلىقتىڭ ساياحات كەن ونىمدەرى بايلىعىن كورمەگە قويۋ سياقتى باي مازمۇندى قيمىلداردان سول اراداعى سيلى قوناقتار مەن چىڭدۋ قالاسىنىڭ تۇرعىندارى چارقىلىق شىلانىنىڭ ساپاسىن جانە چارقىلىق اۋدانىنىڭ ەرەكشە كەلبەتىن ءتۇسىندى.
قازىر، چارقىلىق اۋدانى 300 مىڭ مۋ جەرگە سورتتى شىلان ەكتى. شىلان ءونىمىن كەڭ بازارعا بەت الدىرۋ ءۇشىن، وتكەن جىلدان باستاپ، چارقىلىق اۋدانى سىرتقا بەت الىپ شىلان مەرەكەسىن وتكىزدى، بيىلعى قيمىلدى چىڭدۋعا ورنالاستىردى. ءدامى ءتىل ۇيرەتىن، قابىعى جۇقا ەتى قالىڭ، سىرتقى كورىنىسى ادەمى چارقىلىق شىلانى، اسا كوپ جەرگىلىكتى قالا تۇرعىنىن ءدامىن تاتىپ كورۋگە باۋرادى. چىڭدۋ قالاسىنىڭ تۇرعىنى ۋاڭ حانىم: «وتە ءدامدى ەكەن، بىرنەشە دوربا شىلان ساتىپ الدىق»،-دەدى.
وسى كۇنى چارقىلىق شىلانىن ارناۋلى ساتۋ دۇكەنى چىڭدۋ حاي-با-ۋاڭ ازىق-تۇلىك زات اينالىمى باقشا رايونىندا ىرگە تەۋىپ، ارالىق بۋىن ازايىپ، سىچۋانداعى تۇتىنۋشىلاردىڭ ءۇيىنىڭ الدىندا ناعىز چارقىلىق شىلانىن ساتىپ الۋىنا مۇمكىندىك جاسالدى.
ساماۋىر سورپاسى مادەنيەتى چىڭدۋدا زاماندار بويى جالعاسىپ كەلەدى، وسى رەتكى شىلان مەرەكەسىندە چارقىلىق اۋدانى سىچۋاننىڭ ساماۋىر سورپاسى كاسىبىمەن شۇعىلدانۋشىلارمەن بىرگە چارقىلىق شىلانى ءنارلى ساماۋىر سورپاسىن شىعارىپ، چىڭدۋداعى لاۋ-ما-توۋ ساماۋىر سورپاسى شۋ-دا-شيا ساماۋىر سورپاسى، شياۋ لۇڭكان ساماۋىر سورپاسى سياقتى تانىمالى ساماۋىر سورپاسى دۇكەندەرىندە رەسىمي ساتىلدى. سىچۋان شۋ-دا-شيا ساماۋرىر سورپاسىن زەرتتەپ اشۋشى ماۋ سىكى: «شىلان ساماۋىر سورپاسىنىڭ ەڭ باستى ەرەكشەلىگى قۋاتتاندىرۋ، شىلاننىڭ قانت قۇرامى ادەتتەگى قانتپەن ۇقسامايدى، ساماۋىر سورپاسىنا قوسىلعاننان كەيىن سورپانىڭ ءدامى ءتىل ۇيىرەدى»،-دەدى.
چارقىلىق اۋداندىق پارتكومىنىڭ ورىنباسار شۋجيى، اۋدان اكىمى اسەنجان: «كەلەسى كەزەكتە ساپانى جوعارىلاتىپ ونىمدىلىكتى ارتتىرۋدى ءتۇيىن ەتەمىز، سونىمەن بىرگە تيجارات تاسىلىندە ەلەكتروندى ساۋدا، تىكەلەي ساتۋ، سونداي-اق كورمە وتكىزۋ سياقتى ءتۇرلى جولدار ارقىلى شىلاننىڭ ساۋداسىن ونان ارى جەبەپ، شىلان ەگەتىن ديحانداردىڭ مۇددەسىنە، كىرىستىڭ ءۇرتىس، ورنىقتى ارتۋىنا كەپىلدىك ەتەمىز»،-دەدى.


بەرىپ كەت ورامالىڭدى

دوستار

الىستاعى اق ەركە