جاڭا حابارلار

رايونىمىزدىڭ تۇرعىن ءۇيدى جالعا بەرۋ توقتامىنىڭ ۇلگى نۇسقاسى جاريالاندى

    كەلۋ قاينارى: شينجياڭ حالىق راديو ىستانسياسى    2018-10-26 11:28:11  

ستانسيامىزدىڭ حابارى: اۆتونوميالى رايوندىق تۇرعىنءۇي جانە قالا-اۋىل قۇرىلىسى مەڭگەرمەسى مەن اۆتونوميالى رايوندىق ونەركاسىپ-ساۋدانى اكىمشىلىك جاقتان باسقارۋ مەكەمەسى رايونىمىزدىڭ امالياتىمەن ۇشتاستىرىپ، «اۆتونوميالى رايوننىڭ تۇرعىن ءۇيدى جالعا بەرۋ توقتامىنىڭ ۇلگى نۇسقاسىن (سىناق رەتىندە اتقارىلادى)» جاريالاپ، رايونىمىزدىڭ تۇرعىن ءۇيدى جالعا بەرۋ بازارىنداعى ارەكەتتى ونان ارى جۇيەگە ءتۇسىرىپ، تۇرعىن ءۇيدى جالعا بەرۋگە قاتىستى ادامنىڭ زاڭدى ۇقىق-مۇدەسىن قامتاماسىزداندىراتىن بولدى.
ۇعىسۋعا قاراعاندا، «ۇلگى نۇسقاسى» جالعا بەرۋشى مەن جالعا الۋشى سىندى ەكى ۇلكەن بولىمىنەن قۇرالىپ، جالپى 14 تارماق. تارماقتا بىلاي دەپ ايقىن بەلگىلەندى: توقتامدا جالعا بەرۋشى مەن جالعا الۋشىنىڭ نەگىزگى ينفورماتسياسى، ءۇيدىڭ نەگىزگى جاعدايى، ءۇيدى جالعا بەرۋ جانە تىزىمدەپ ەستەلىككە الۋ جاعدايى، جالعا بەرۋ شەكتى مەرزىمى جانە جالعا بەرۋ اقىسى، جالعا بەرۋ جانە كەپىل اقشا، وزگە دە قاتىستى اقىلاردى ۇستىنە الۋ ءتاسىلى، ساۋدالاسۋ ءتاسىلى، ءۇيدى قورعاۋ جانە جوندەۋ، وتكەرمەلەپ جالعا بەرۋ، توقتامدى كۇشىنەن قالدىرۋ، توقتامعا قايشىلىق جاساۋ جاۋاپكەرلىگى، تالاس-تارتىستى شەشۋ ءتاسىلى، توقتامنىڭ كۇشكە يە بولۋى سياقتى مازمۇندار ايقىن جازىلۋى كەرەك.
بۇل توقتام نۇسقاسى ۇلگى نۇسقا رەتىندە جاسالعان، اۆتونوميالى رايوننىڭ قالا، اۋدان (رايون)، قالاشىق رايونى ىشىندەگى تۇرعىن ءۇيدى جالعا بەرۋگە ۇيلەسەدى. باسقا تۇردەگى ءۇيدى جالعا بەرۋدى وسىدان ۇلگى الىپ پايدالانۋعا بولادى. «ۇلگى نۇسقادا» تاعى دا مىناداي تالاپ قويىلدى: «توقتام جاساسۋدان بۇرىن، جالعا الۋشى جانە جالعا بەرۋشى ەكى جاقتىڭ قاتىستى ادامى كۇشكە يە ازاماتتىق كۋالىگىن كورسەتەدى، جالعا بەرۋشى جالعا الاتىن ادامعا ءۇيدىڭ مەنشىك ۇقىعى كۋالىگى نەمەسە باسقادا ءۇي قاينارى كۋالىگىن كورسەتۋى قاجەت. ءۇي ورتاق مەنشىكتەگى ۇيگە جاتسا، ۇقىقتى ادامنىڭ جالعا بەرۋگە قوسىلۋ سپاتىن كورسەتۋ قاجەت؛ ءۇيدى وتكەرمەلەپ جالعا بەرۋدە، بۇرىنعى جالعا بەرۋشىنىڭ وتكەرمەلەپ جالعا بەرۋگە قوسىلۋ سپاتى بولۋى قاجەت».


بەرىپ كەت ورامالىڭدى

دوستار

الىستاعى اق ەركە