جاڭا حابارلار

شي جينپيڭ قاتىناس باستاۋ سالتىنا قاتىناستى ءارى شياڭگاڭ - جۋحاي - اۋمىن كوپىرىندە رەسمي قاتىناس باستالاتىندىعىن جاريالادى

    كەلۋ قاينارى: شينجياڭ گازەتى    2018-10-25 19:29:17  

حان جىڭ سالتقا قاتىناستى ءارى ءسوز سويلەدى

شياڭگاڭ - جۋحاي - اۋمىن ۇلكەن كوپىرىندە رەسمي قاتىناس باستاۋ سالتى 10 - ايدىڭ 23 - كۇنى تۇستەن بۇرىن گۋاڭدۇڭ ولكەسىنىڭ جۋحاي قالاسىندا وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ سالتقا قاتىناسىپ، كوپىردە رەسمي قاتىناس باستالاتىندىعىن جاريالادى ءارى كوپىردى كوزدەن كەشىردى.سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

 شينحۋا اگەنتتىگىنىڭ 10 - ايدىڭ 23 - كۇنى جۋحايدان بەرگەن حابارى (تىلشىلەر حو شياۋگۋاڭ، جاڭ شياۋسۇڭ، جوۋ چياڭ). ءبىر كوپىر ءۇش جەردى ۇلاستىردى، جاراتىلىستىق بوگەت داڭعىل جولعا اينالدى. شياڭگاڭ - جۋحاي - اۋمىن ۇلكەن كوپىرىندە رەسمي قاتىناس باستاۋ سالتى 10 - ايدىڭ 23 - كۇنى تۇستەن بۇرىن گۋاڭدۇڭ ولكەسىنىڭ جۋحاي قالاسىندا وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ سالتقا قاتىناسىپ، كوپىردە رەسمي قاتىناس باستالاتىندىعىن جاريالادى ءارى كوپىردى جاعالاي كورىپ، پارتيا ورتالىق كوميتەتى اتىنان كوپىردى جوبالاۋعا، سالۋعا، باسقارۋعا قاتىناسقان قالىڭ قىزمەتكەرلەرگە شىن جۇرەكتەن العىس ايتتى، ولاردان ىقىلاسپەن حال سۇرادى.
  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ سالتقا قاتىناستى ءارى ءسوز سويلەدى. شياڭگاڭ - جۋحاي - اۋمىن ۇلكەن كوپىرى ليڭديڭياڭدى كەسىپ ءوتىپ، شىعىستا شياڭگاڭ ەرەكشە اكىمشىلىك رايونىمەن جالعاسىپ، باتىستا گۋاڭدۇڭ ولكەسىنىڭ جۋحاي قالاسى مەن اۋمىن ەرەكشە اكىمشىلىك رايونىنا ۇلاسادى، جالپى ۇزىندىعى 55 كيلومەتر، «ءبىر ەل، ەكى ءتۇزىم» بويىنشا گۋاڭدۇڭ، شياڭگاڭ، اۋمىن سىندى ءۇش جەردىڭ تۇڭعىش رەت سەلبەسە وتىرىپ بىرگە سالعان تەڭىزدى ەندەي وتەتىن ەرەكشە ءىرى قاتىناس ينجەنەرياسى. كوپىردىڭ اشىلۋى گۋاڭدۇڭ، شياڭگاڭ، اۋمىن ۇلكەن شىعاناق رايونى قۇرىلىسىن ىلگەرىلەتۋدە كەلەلى ماڭىز الادى.
  قاتىناس باستاۋ سالتى جۋحاي كەدەندىك تەكسەرۋ عيماراتىنىڭ شەكارادان شىعۋ ۇلكەن زالىندا وتكىزىلدى. ساعات 9دان 30 مينۋت وتكەندە، قوناق قارسى الۋ مۋزيكاسىنىڭ شىعانداعان ءۇنى ىشىندە شي جينپيڭ قاتارلىلار سالت وتەتىن زالعا كىردى، بۇكىل زالدا وتىرعاندار ورىندارىنان تۇرىپ قىزۋ شاپالاق سوقتى.
  كوپىردىڭ قۇرىلىس جاعدايى تانىستىرىلعان بەينە جازبانى كورگەننەن كەيىن، ج ك پ ورتالىق كوميتەتى ساياسي بيۋروسىنىڭ مۇشەسى، گۋاڭدۇڭ ولكەلىك پارتكومنىڭ شۋجيى لي شي، شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى، اۋمىن ەرەكشە اكىمشىلىك رايونىنىڭ اكىمى سۇي شى - ان جانە حان جىڭ ىلگەرىندى - كەيىندى ءسوز سويلەدى.
  ساعات 10 مولشەرىندە شي جينپيڭ ءتوراعالار مىنبەسىنە شىعىپ: «شياڭگاڭ - جۋحاي - اۋمىن كوپىرىندە رەسمي قاتىناس باستالادى! - دەپ جاريالادى، بۇكىل زالدان قىزۋ شاپالاق ءۇنى كوتەرىلدى.
  قاتىناس باستاۋ سالتى اياقتالعاننان كەيىن، شي جينپيڭ قاتارلىلار اۆتوكولىكپەن جۋحاي كەدەندىك تەكسەرۋ زالىنان جولعا شىعىپ، شياڭگاڭ - جۋحاي - اۋمىن كوپىرىن جاعالاي ءجۇرىپ كوردى. ليڭديڭياڭدا بۇلت اراسىنان كۇن ساۋلەسى تارامدالا شاشىراپ، اسپان رەڭدەس كوگىلدىر تەڭىزدەن ساۋمال سامال ەستى، شياڭگاڭ - جۋحاي - اۋمىن كوپىرى بەينە الىپ ايداعارداي كوگىلدىر تەڭىزدە كوسىلىپ جاتتى.
  شىعىس جاساندى ارالشاسى - شياڭگاڭ - جۋحاي - اۋمىن كوپىرىنىڭ سۋ ءۇستى جەلىسى مەن سۋ استى تۋنەلىن تۇتاستىراتىن بولەگى، كوپىر قۇرىلىسىنداعى شەشۋشى تۇيىندىك ينجەنەريا. شي جينپيڭ قاتارلىلار اۆتوكولىكپەن وسى اراعا كەلىپ، باتىسىنداعى مىنبەگە شىعىپ، كوپىرگە كوز سالدى، سۋرەت، مودەل ارقىلى كوپىردىڭ قۇرىلىس جاعدايىن ەگجەي - تەگجەيلى ۇعىستى ءارى كوپىردى باسقارۋشى جانە سالۋشى، ت. ب جاقتاردىڭ ۋاكىلدەرىمەن كەزدەسىپ، ولارمەن ءبىر - بىرلەپ قول الىسىپ، ىقىلاستى اڭگىمەلەستى. ول مىنانى اتاپ كورسەتتى: شياڭگاڭ - جۋحاي - اۋمىن كوپىرى - مەملەكەتتىك ينجەنەريا، مەملەكەتتىڭ ماڭىزدى قۇرىلعىسى. سىزدەر كوپىردى جوبالاۋعا، سالۋعا، ىسكە قوسۋعا، قورعاۋعا قاتىناسىپ، اقىل - پاراساتتارىڭىزدى ساۋلەلەندىرىپ، كوپتەگەن الەمدىك قيىن ماسەلەلەردى شەشىپ، الەمدەگى ەڭ وزىق باسقارۋ تەحنيكاسى مەن تاجىريبەسىن توپتاپ، مىندەتتى سانىنا، ساپاسىنا كەپىلدىك ەتە ورىندادىڭىزدار، مەن سىزدەردىڭ جەتىستىكتەرىڭىزدى ماقتانىش ەتەمىن، سىزدەردىڭ قايتالاي ساقاداي سايلانىپ، تىڭ بيىكتەرگە ۇزدىكسىز شىعا بەرۋلەرىڭىزدى ءۇمىت ەتەمىن.

شياڭگاڭ - جۋحاي - اۋمىن ۇلكەن كوپىرىندە رەسمي قاتىناس باستاۋ سالتى 10 - ايدىڭ 23 - كۇنى تۇستەن بۇرىن گۋاڭدۇڭ ولكەسىنىڭ جۋحاي قالاسىندا وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ سالتقا قاتىناسىپ، كوپىردە رەسمي قاتىناس باستالاتىندىعىن جاريالادى ءارى كوپىردى كوزدەن كەشىردى. سۋرەتتە: شي جينپيڭ شياڭگاڭ - جۋحاي - اۋمىن ۇلكەن كوپىرىنىڭ شىعىس جاساندى ارالشاسىندا ۇلكەن كوپىردىڭ تولىق بەينەسىن كوزدەن كەشىرۋدە. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

شي جينپيڭ مىنانى باسا دارىپتەدى: شياڭگاڭ - جۋحاي - اۋمىن كوپىرى قۇرىلىسى كوپتەگەن الەمدىك ەڭدەردى جاراتتى، توتەنشە كەرەمەت، ءبىر ەلدىڭ اسۋلاردى باعىندىرىپ، وزەندەردى نوقتالايتىن كۇرەس رۋحىن ايگىلەپ، ەلىمىزدىڭ جالپىلىق مەملەكەت قۋاتىن، دەربەس جاڭالىق اشۋ قابىلەتىن ايگىلەپ، دۇنيە ءجۇزى بويىنشا ۇزدىك ناتيجە جاراتاتىن ۇلت رۋحىن ايگىلەدى. بۇل كوپىر - ارماندى ىسكە اسىرۋ كوپىرى، تىلەكتەستىك كوپىرى، سەنىم كوپىرى، گۇلدەنۋ كوپىرى. كوپىردىڭ سالىنىپ قاتىناستىڭ باستالۋى ءبىزدىڭ جۇڭگوشا سوتسياليزم جولى سەنىمىمىزدى، نازارياسى سەنىمىمىزدى، ءتۇزىمى سەنىمىمىزدى، مادەنيەتى سەنىمىمىزدى ونان ارى بەكەمدەپ، سوتسياليزمنىڭ ەڭبەكتەن كەلەتىندىگىن، جاڭا ءداۋىردىڭ دە ەڭبەكتەن كەلەتىندىگىن تولىق ۇعىندىردى. شياڭگاڭ - جۋحاي - اۋمىن كوپىرى سىندى الىپ ينجەنەريانى جوعارى ساپامەن ويداعىداي سالىپ، سارا ينجەنەريانى، ۇلگى ينجەنەريانى، تىنىشتىق ينجەنەريانى، تازا ينجەنەريانى كۇش سالا تۇلعالاپ، كوپىردى ويداعىداي پايدالانىپ، ويداعىداي باسقارىپ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسى ءۇشىن ماڭىزدى رول اتقارۋ كەرەك.
  حان جىڭ قاتىناس باستاۋ سالتىندا ءسوز سويلەپ، مىنانى ءبىلدىردى: گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن ىلگەرىلەتۋ - باس شۋجي شي جينپيڭ تىكەلەي جوسپارلاپ، تىكەلەي ورنالاستىرۋ جاساپ، تىكەلەي ىلگەرىلەتكەن كەلەلى مەملەكەتتىك ستراتەگيا. شياڭگاڭ - جۋحاي - اۋمىن كوپىرىنىڭ سالىنىپ قاتىناستىڭ باستالۋى ءۇش جەردىڭ ادامدارىنىڭ اۋىس - كۇيىسىنە، ەكونوميكا - ساۋدا بارىس - كەلىسىنە پايدالى، گۋاڭدۇڭ، شياڭگاڭ، اۋمىن ۇلكەن شىعاناق رايونىنىڭ دامۋىن جەبەۋگە پايدالى، جۋجياڭ اتىراۋىنىڭ جالپىلىق قۋاتىن ارتتىرۋعا پايدالى ءارى شياڭگاڭنىڭ، اۋمىننىڭ مەملەكەتتىڭ دامۋ جالپى جاعدايىمەن توعىسۋىن، ىشكى وڭىرلەردىڭ، شياڭگاڭنىڭ، اۋمىننىڭ ءوزارا ءتيىمدى سەلبەستىگىن قولداۋ جونىنەن كەلەلى مانگە يە. حالىقتى وزەك ەتكەن دامۋ يدەياسىندا تاباندى بولۋ، بىرەگەي كوپىر، بىرەگەي وتكەل ينجەنەريالارى نەگىزىندە قاتىناسقا ساپالى قىزمەت وتەپ، شياڭگاڭ - جۋحاي - اۋمىن كوپىرىن گۋاڭدۇڭ، شياڭگاڭ، اۋمىن وڭىرلەرىنىڭ حالىق تىلەگى كوپىرىنە اينالدىرۋ كەرەك. قاراپ بەكىتۋ بارىستارىن ىشكەرىلەي ىقشامداپ، كەدەننەن ءوتۋ ۋاقىتىن قىسقارتىپ، شياڭگاڭ - جۋحاي - اۋمىن كوپىرىن شياڭگاڭنىڭ، اۋمىننىڭ جانە ىشكى وڭىرلەردىڭ سايكەسە جاڭالىق اشىپ، توعىسا دامۋىنىڭ دانەكەرىنە اينالدىرۋ كەرەك. ينجەنەريا قۇرىلىسىنداعى شەشۋشى تەحنيكالاردى كاسىپ سالاسىنىڭ ولشەمىنە جانە ەرەجەسىنە اينالدىرىپ، شياڭگاڭ - جۋحاي - اۋمىن كوپىرىن جۇڭگو كوپىرىنىڭ «سىرتقا شىعۋىنداعى» تانىمالدىق بەلگىسىنە اينالدىرۋ كەرەك.
  ديڭ شۋەشياڭ، ليۋ حى جوعارىداعى قيمىلدارعا قاتىناستى. دۇڭ جيانحۋا، حى حوۋحۋا، لياڭ جىنيىڭ قاتىناس باستاۋ سالتىنا قاتىناستى. حى ليفىڭ قاتىناس باستاۋ سالتىن باسقاردى.
  ورتالىق جانە مەملەكەتتىك ورگانداردىڭ قاتىستى تاراۋلارىنىڭ، گۋاڭدۇڭ ولكەسىنىڭ، شياڭگاڭ ەرەكشە اكىمشىلىك رايونىنىڭ، اۋمىن ەرەكشە اكىمشىلىك رايونىنىڭ قاتىستى جاۋاپتىلارى ءارى گۋاڭدۇڭ، شياڭگاڭ، اۋمىن جاقتىڭ كوپىردى سالۋعا قاتىناسقان ورىنداردىڭ، شياڭگاڭ - جۋحاي - اۋمىن كوپىرىن باسقارۋ مەكەمەسىنىڭ، كوپىردى جوبالاۋشى، باقىلاۋشى، سالۋشى ورىنداردىڭ ۋاكىلدەرى، ت. ب قاتىناس باستاۋ سالتىنا قاتىناستى.
  ۇعىسۋعا قاراعاندا، 2009 - جىلى 12 - ايدىڭ 15 - كۇنى شياڭگاڭ - جۋحاي - اۋمىن كوپىرى ينجەنەرياسى رەسمي قۇرىلىس باستاعان. 2017 - جىلى 7 - ايدىڭ 7 - كۇنى تۇلعالىق ينجەنەريا تۇتاس جەلى بويىنشا تۇتاسقان. كوپىردى جوبالاۋ تانىمى، سالۋ تەحنيكاسى، قۇرىلىسقا ۇيىمداستىرۋ، باسقارۋ ءتاسىلى جاقتاردا ءبىرسىپىرا جاڭالىقتاردىڭ اشىلۋى ەلىمىزدىڭ تۋنەل، ارال كوپىرىن جوبالاۋ، سالۋ، باسقارۋ ورەسىنىڭ الەمدىك الدىڭعى لەككە وتكەندىگىن ايگىلەيدى. كوپىردە 10 - ايدىڭ 24 - كۇنى ساعات 9دا رەسمي اۆتوكولىك قاتىنايدى.


بەرىپ كەت ورامالىڭدى

دوستار

الىستاعى اق ەركە