جاڭا حابارلار

شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭنىڭ مەملەكەت ءتوراعاسى بولىپ سايلانعاندىعىن تەلەگرامما جولداپ قۇتتىقتادى

    كەلۋ قاينارى: شينجياڭ گازەتى    2018-10-25 19:23:00  
  شينحۋا اگەنتتىگىنىڭ 10 - ايدىڭ 23 - كۇنى بەيجيڭنەن بەرگەن حابارى. 10 - ايدىڭ 23 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭنىڭ مەملەكەت ءتوراعاسى بولىپ سايلانعاندىعىن تەلەگرامما جولداپ قۇتتىقتادى.
  شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو مەن ۆيەتنام ءبىر - بىرىمەن دوس كورشى جانە ماڭىزدى سەرىك، ءداستۇرلى دوستىعى ارىدان جالعاسىپ كەلەدى. بىلتىردان بەرى، ءسىز ەكەۋىمىز اراعا 2 جىل سالىپ تاعى دا ءوزارا ساپاردا بولىپ، جاڭا جاعدايدا ەكى پارتيانىڭ، ەكى ەلدىڭ قارىم - قاتىناسىن ىلگەرىلەتۋ جونىندە ءبىر قىدىرۋ ورتاق تانىمعا كەلدىك. ەكى ەلدىڭ قارىم - قاتىناسى ۇزدىكسىز جاقسارىپ، دامىپ كەلەدى، ەكى جاقتىڭ پارتيانى جونگە سالۋداعى، ەلدى جونگە سالۋداعى تاجىريبە اۋىس - كۇيىسى كۇن سايىن جيىلەپ، ءار سالاداعى ناقتى ىستەر سەلبەستىگى ۇزدىكسىز تەرەڭدەپ، ەكى ەل حالقىنا ناقتى يگىلىك جەتكىزدى. مەن جۇڭگو - ۆيەتنام قارىم - قاتىناسىنىڭ دامۋىنا وسكەلەڭ ءمان بەرەمىن، سىزبەن بىرگە «16 ارىپتىك» باعىت پەن «4 جاقسى» رۋحتىڭ جەتەكشىلىگىندە، جۇڭگو مەن ۆيەتنامنىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناس ورناتقاندىعىنىڭ 10 جىلدىعىن وراي ەتە وتىرىپ، ەكى جاقتى قارىم - قاتىناسقا ساياسي جەتەكشىلىكتى كۇشەيتىپ، ەكى ەلدىڭ جالپى بەتتىك ستراتەگيالىق سەلبەستىگىنىڭ جاڭا ساتىعا كوتەرىلۋىن ىلگەرىلەتۋدى قالايمىن.

بەرىپ كەت ورامالىڭدى

دوستار

الىستاعى اق ەركە