جاڭا حابارلار

قارا ورىك سيلىعى كوركەمونەر ۇيىرمەسىنىڭ «نەگىزگى ساتىعا شاتتىق سيلاۋ» اتىنداعى شينجياڭنان حال سۇراۋ ويىنى قويىلدى

    كەلۋ قاينارى: شينجياڭ حالىق راديو ىستانسياسى    2018-10-24 22:15:56  

ستانسيامىزدىڭ ءتىلشىسى دۇڭ جىيۇڭ مەن پراكتيكانت ءتىلشى لوۋ يۋانميڭنىڭ حابارى: جۇڭگو ادەبيەت-كوركەمونەرشىلەر بىرلەستىگى مەن جۇڭگو تەاترشىلەر قوعامى قارا ورىك سيلىعى كوركەمونەر ۇيىرمەسىنىڭ «نەگىزگى ساتىعا شاتتىق سيلاۋ» اتىنداعى شينجياڭنان حال سۇراۋ ويىنى 10-ايدىڭ 23-كۇنى كەشتە شينجياڭ حالىق سارايىندا قويىلدى.
ويىن 27-كەزەكتى قارا ورىك سيلىعىنىڭ يەگەرى ليڭ كى ورىنداعان «ۋيحۋشاندى اقىلمەن الۋ» اتىنداعى بەيجيڭ تەاترىمەن باستالدى. ىلە-شالا جۇڭگو تەاتر ويىنى سالاسىنداعى ەڭ جوعارى دارەجەلى سيلىق ــ قارا ورىك سيلىعىنىڭ ون نەشە يەگەرى ارت-ارتىنان ساحناعا شىعىپ، كورەرمەندەرگە حىنان تەاترى، چينچياڭ اۋەنى، حۋايجۇي تەاترى، پيڭجۇي تەاترى سياقتى ءتۇرلى تەاتر ويىن نومىرلەرىن قويدى. ليڭ كى بىلاي دەدى: «شينجياڭدا بەيجيڭ تەاترىنىڭ تامىرى تەرەڭ، «تاۋعا شىعىپ، جولبارىس سوعۋ» تەاترىن تۇڭعىش رەت ورىنداۋىم، كورەرمەندەر تانىس ىرعاقتى ەستي سالىسىمەن بارەكەلدى ايتىپ، ماعان شابىت بەردى، مەن دە قۇمارىمنان شىقتىم»،-دەدى.
ۇيلەرىنىڭ قاسىنان «قارا ورىك سيلىعىنا» يە بولعان مىقتى تەاترشىلاردىڭ تەاترىن ەستىپ، مەملەكەت دارەجەلى ويىن نومىرلەرىن تاماشالاعان شينجياڭدىق كورەرمەندەر ولاردى اۋىز جاپپاي القادى. كورەرمەن ايگۇل مامەت: «دەڭگەيى وتە جوعارى وسىنداي ويىن نومىرلەرىن تۇڭعىش رەت كورۋىم، ولاردىڭ شينجياڭعا كەلىپ، بىزگە تاماشا ويىن نومىرلەرىن قويىپ بەرگەنىنە العىس ايتامىن»،-دەدى.
ۇعىسۋعا قاراعاندا، جۇڭگو تەاترشىلەر قوعامىنىڭ قارا ورىك سيلىعى كوركەمونەر ۇيىرمەسىن جۇڭگو تەاترى سالاسىنداعى قارا ورىك سيلىعىنىڭ يەگەرلەرى ۇيىمداستىرىپ قۇرعان، 2005-جىلى قۇرىلعاننان بەرى، ولار ەلىمىزدىڭ جەر-جەرىن ارالاپ ويىن قويىپ، حالىق بۇقاراسىنا ءتارتىمدى تەاتر ويىن نومىرلەرىن سيلاپ كەلەدى. بۇل كوركەمونەر ۇيىرمەسىنىڭ التى جىلدان كەيىن شينجياڭعا كەلىپ، ەكىنشى رەت ويىن نومىرلەرىن قويۋى، كوركەمونەر ۇيىرمەسى بۇگىن تاعى بيڭتۋان 1-شىسى ارال قالاسىنا بارىپ، حال سۇراۋ ويىنىن قويادى ەكەن.


بەرىپ كەت ورامالىڭدى

دوستار

الىستاعى اق ەركە