جاڭا حابارلار

 ناشار تۇرمىس داعدىلارى دەنساۋلىققا اسا زياندى

    كەلۋ قاينارى: شينجياڭ حالىق راديو ىستانسياسى    2018-10-21 23:10:19  

 ا ق ش-تىڭ «ەرلەر دەنساۋلىعى»جۋرنالىندا باسىلعان ءبىر ماقالادا ادامدارداعى ۇنەمى كەزدەسەتىن ناشار تۇرمىس داعدىلار جيناقتالعان.
  1. بەتتى ۋقالاۋ  ابىرجىعان كەزدە مۇرىندى ۋقالاپ، قالجىراعاندا قولمەن يەكتى تايانۋ    سياقتى قۇبىلىستار ادامداردا ۇنەمى كەزدەسەدى.  ا ق ش مەملەكەتتىك دەنساۋلىق ساقتاۋ زەرتتەۋ اكادەمياسىنىڭ ساناعىنا نەگىزدەلگەندە، ادامدار ورتا ەسەپپەن ءار ساعاتتا 4 رەت بەتىن ۋقالايدى ەكەن.  ا ق ش اريزونا داشۋەسىنىڭ زەرتتەۋ نايجەسىنە نەگىزدەلگەندە، ءاربىر 6.5 كۆادرات سانتيمەتر ۇستەلدەگى باكتەريانىڭ مولشەرى دارەتحاناداعىدان 100 ەسە كوپ بولىپ، ۇستەلمەن جاناسقاننان كەيىن بەتتى ۋقالاسا باكتەريامەن وڭاي جۇعىمدالىپ، تەرى اۋرۋلارى مەن جۇقپالى اۋرۋلارعا شالدىعۋ قاتەرىن جوعارىلاتادى ەكەن.  نيۋ-يورك قالاسىنىڭ تەرى اۋرۋلار ءبولىمىنىڭ شيپاگەرى ۋيتنەي دوكتور بەتتى ۇنەمى ۋقالاعاندا تەرى ساڭلاۋلارى بىتەلىپ، ەكى اپتادان كەيىن بورتكەن پايدا بولاتىندىعىن ايتتى.  2. كوپ وتىرۋ  كوپتەگەن زەرتتەۋلەردە كوپ وتىرعاندا سەمىزدىك، جۇرەك اۋرۋى، قانتتى نەسەپ اۋرۋى جانە ميعا قان قۇيىلۋ  سياقتى اۋرۋلارعا شالدىعۋ قاتەرىن جوعارىلاتاتىندىعى دالەلدەندى.  ا ق ش باتىس سولتۇستىك      داشۋەسىنىڭ زەرتتەۋ ناتيجەسىنە نەگىزدەلگەندە، ءار كۇنى ءبىر ساعات ارتىق وتىرعاندا مۇگەدەكتىككە شالدىعۋ قاتەرىن 50 پايىز ارتتىرادى ەكەن. ءار كۇنى تاباندىلىقپەن دەنە شىنىقتىرعانىڭىزبەن ۇزاق وتىرساڭىز دەنساۋلىقتى زياندايدى. سوندىقتان 30-60 مينۋتتا ءبىر رەت ارەكەت جاساپ تۇرعان ءجون.  3. قوعامدىق قارىم-قاتىناس توراپ بەكەتتەرىن ءجيى جاڭالاپ تۇرۋ  قىزمەت ۋاقىتىندا ميكرو بلوك، ۋيچات سياقتى قوعامدىق قارىم-قاتىناس جۇمساق بولشەكتەرىنەن ءجيى پايدالانۋ  قىزمەتكە ىقپال جاساپ قالماستان، نەكە ىسىنە كەسىرىن تيگىزەدى.   چيليدىڭ زەرتتەۋ ناتيجەسىنە نەگىزدەلگەندە، قوعامدىق قارىم-قاتىناس جۇمساق بولشەكتەرىن ءجيى پايدالاناتىن ادامدار كوپ پايدالانبايتىن نەمەسە بۇكىلدەي پايدالانبايتىن ادامدارمەن سالىستىرعاندا وتكەن 12 اي ىشىندە نەكەدەن اجىراسۋ سالىستىرماسى 2 ەسە جوعارى بولادى ەكەن.  زەرتتەرمەندەر قوعامدىق قارىم-قاتىناس جۇمساق بولشەكتەرىنىڭ ادامداردا باقتالاستىق، قىزعانشاقتىق پايدا قىلاتىندىعىن ءارى توراپ ارقىلى بايلانىس جاساۋدان كوڭىلدەس تابۋداي تۇرپايىلىقتى كەلتىرىپ شىعاراتىندىعىن ايتتى.
  4. ۇساق-تۇيەك تاعامداردى كوپ جەۋ  كوپتەگەن ادامدار ءبىر جاعىنان قىزمەت ىستەپ، ەندى ءبىر جاعىنان ۇساق-تۇيەك تاعامداردى جەۋدى ۇناتادى، ۇلى بريتانيا ليۆەرپۋل داشۋەسىنىڭ زەرتتەرمەندەرى ادامدار ءبىر جاعىنان قىزمەت ىستەپ، ەندى ءبىر جاعىنان ۇساق-تۇيەك تاعامداردى جەسە نازارى ءبىر جەرگە شوعىرلانباي، كوپ مولشەردە جەگەن ازىقتىقتاردان سىمىرگەن جىلۋ مولشەرى جوعارى بولاتىندىعىن، ونىڭ ۇستىنە، مۇنداي ارتىق تاماقتانۋدىڭ اسەرى كەشكە جاقىنعا دەيىن جالعاسسا، جىلۋ ەنەرگياسىن كوپ مولشەردە سىمىرۋدەن وڭاي سەمىرەتىندىگىن بايقاعان.  زەرتتەرمەندەر تاماق ىشكەندە ەكى ۇداي بولماي، قىزمەت ۇستەلىندە تاماق ىشپەۋ كەرەكتىگىن، سونىمەن بىرگە، ءبىر جاعىنان قىزمەت ىستەپ، ەندى ءبىر جاعىنان تاماق ىشۋگە بولمايتىندىعىن ەسكەرتتى.
  5. كوزدى ۋقالاۋ  ماۋجىراعاندا، كىتاپ وقىعاندا نەمەسە كومپيۋتەردىڭ الدىندا كوپ وتىرعاندا قولمەن كوزدى ۋقالايمىز.  ا ق ش-تاعى ۋاكە داشۋەسى كوز اۋرۋلار ءبولىمىنىڭ  پروفەسسورى كەيس. ۋالتەر كوزدى ۋقالاۋ  كوز ءمۇيىز قابىعىن جۇقارتىپ، كورۋ قۋاتىن السىرەتەتىندىگىن، ونىڭ ۇستىنە لازەر ساۋلەسى وپەراتسياسىن جاساتۋ ارقىلى كورۋ قۋاتىن قالپىنا كەلتىرۋگە بولمايتىندىعىن ايتتى. ەگەر كومەسكى كوزىلدىرىك تاقساڭىز كوزدى ۋقالاۋعا ءتىپتى دە بولمايدى، ەگەر كوزىڭىزدە  ۇنەمى قۇرعاۋ، قىشۋ سياقتى جايسىزدانۋلار پايدا بولسا، شيپاحاناعا بارىپ ەمدەلگەنىڭىز ءجون.
  6. دارەت قىسۋ  كوپتەگەن ادام ماجىلىسكە قاتىناسۋ نەمەسە جۇمىس ءبىتىرۋ سالدارىنان دارەتكە وتىرماي شىدامدىلىق ىستەيدى، ءبىر ەكى رەت بولسا وقاسى جوق، الايدا ادەتكە اينالدىرساڭىز، بۇلشىق ەتتى زاقىمداپ، نەسەپ جولىنىڭ قابىنۋى، قۋىق قابىنۋ سياقتى ماسەلەلەردى كەلتىرىپ شىعارادى، اۋىر بولعاندا بۇلشىق ەتتىڭ سەرپىمدىلىگى السىرەپ، ۇلكەن-كىشى دارەت توقتاماۋ سياقتى جاعدايلارعا دۋشار ەتەدى.
  7. قىزمەت ۇستەلىن رەتتەمەۋ      ا ق ش مينەسوتا داشۋەسىنىڭ زەرتتەۋ ناتيجەسىنە نەگىزدەلگەندە، رەتسىز قىزمەت ۇستەلى دە ادامداردىڭ دەنساۋلىعىنا ىقپال جاسايدى ەكەن.  زەرتتەرمەندەر ەكى گرۋپپاداعى ادامداردى رەتسىز قىزمەت ۇستەلى مەن رەتتى قىزمەت ۇستەلىندە قىزمەت ىستەتكەن، 10 مينۋتتان كەيىن ولارعا الما مەن كامپيت اپارىپ بەرگەن، ناتيجەدە قىزمەت ۇستەلى رەتتى ادامداردىڭ 67 پايىزى الما، قىزمەت ۇستەلى رەتسىز ادامداردىڭ 80 پايىزى كامپيتتى تاڭداعان.
 


بەرىپ كەت ورامالىڭدى

دوستار

الىستاعى اق ەركە