جاڭا حابارلار

باعراش اۋدانى: چۇڭياڭ مەرەكەسىندە قارتتارعا امانداسا باردى

    كەلۋ قاينارى: ءتاڭىرتاۋ تورابى    2018-10-18 17:03:54  


 
«تۋعان كۇنىڭىز قۇتتى بولسىن، بارلىق قارتتاردىڭ ۇزاق ءومىر سۇرۋىنە تىلەكتەسپىز»، «اتاي، اجەي، تۋعان كۇندەرىڭىز قۇتتى بولسىن»، «كەلىڭدەر، بالاۋىزشام ۇرلەپ، بالكۇلشە جەيىك»... 10-ايدىڭ 16-كۇنى، شينجياڭ باعراش اۋدانى مادەنيەت، دەنەتاربيە، راديو-كينو-تەلەۆيزيا مەكەمەسىنىڭ شاعاننۇر اۋىلى دۇندابۇق قىستاعىندا تۇراتىن قىزمەت اترەتى اتالعان قىستاقتىڭ 8-گرۋپپاسىنداعى 95 جاستاعى ساقا جاۋىنگەر حوۋ شىشاننىڭ ۇيىنە بارىپ چۇڭياڭ مەرەكەسىن قۇتتىقتادى، سونىمەن بىرگە 2 ساقا جاۋىنگەر مەن 3 ساقا پارتيا مۇشەسىنىڭ تۋعان كۇنىن تويلاپ بەردى.
  ساقا جاۋىنگەر حوۋ شىشان بيىل 95 جاستا، ا ق ش قا قارسى تۇرىپ، چاۋشيانعا كومەك بەرۋ سوعىسىنا قاتىناسقان، ارمياعا قاتىناسقان كەزدەرى ونىڭ ەسىندە انىق قالعان جوق، ءبىراق ول كوپشىلىككە: «مەن اسكەر بولعامىن، جاۋىنگەرمىن»،-دەپ ايتا الادى. حوۋ شىشان قارت: «جۇڭگو كوممۋنيستىك پارتياسىنا راقىمەت، قازىرگى تۇرمىسىمىز جاقسى، دەنساۋلىعىم دا جامان ەمەس، ەكى شىنى كەسپە جەي الامىن»،-دەدى.
  اسكەر بولعاننان سوڭ، تۇرمىسىم جاقسارا ءتۇستى، بۇل جۇڭگو كوممۋنيستىك پارتياسىنىڭ ارقاسى، پارتيانىڭ بىزگە جاقسى تۇرمىس كەشىرتكەنىنە العىس ايتامىن»،-دەدى بيىل 78 جاستاعى ساقا جاۋىنگەر ءاشىم بايىز.
  باعراش اۋدانى مادەنيەت، دەنەتاربيە، راديو-كينو-تەلەۆيزيا مەكەمەسىنىڭ دۇندابۇق قىستاعىندا «ۇعىسۋ، تيىمدىلىك جاساۋ، توعىستىرۋ» بويىنشا تۇراتىن قىزمەت اترەتىنىڭ باستىعى، ءبىرىنشى شۋجيى ۋاڭ شينيڭ بىلاي دەدى: «بىرنەشە قارتتىڭ اۋىلدىڭ دامۋىنا قوسقان ۇلەسى زور، قازىر ءبىز ولاردىڭ ءىزىن جالعاستىرۋىمىز، قىزمەتتى جاقسى ىستەپ، بۇقارانىڭ قيىنشىلىعىن شەشۋدى ماڭىزدى ورىنعا قويۋىمىز كەرەك. بۇگىن ءبىز بىرنەشە قارتقا توك كىلەم الا كەلدىك، ولاردىڭ قىستان قىسىلماي وتۋىنە تىلەكتەسپىز».

 

 

 


 


بەرىپ كەت ورامالىڭدى

دوستار

الىستاعى اق ەركە