جاڭا حابارلار

راديو ستانسياسىنىڭ جۇمىسشى-قىزمەتكەرلەرى تۋىستارىمەن باس قوسىپ،  وزگەشە ءبىر قاربىز مەرەكەسىن الدىن الا وتكىزدى

    كەلۋ قاينارى: شينجياڭ حالىق راديو ىستانسياسى    2018-09-20 11:11:36  

  ستانسيامىزدىڭ ءتىلشىسى چاي لين مەن پراكتيكانت ءتىلشى گۋان شياۋشياۋدىڭ حابارى :

9- ايدىڭ 18- كۇنى، شينجياڭ حالىق راديو ستانسياسى گۇما اۋدانى موجى قالاشىعىنىڭ ساي قىستاعى، ازعانباع قىستاعى جانە لوڭگا قىستاعىنداعى 34 تۋىسىن ۇرىمجىگە كەلىپ، «تۋىستاردىڭ تۋىسشىلاي كەلۋى» اتىنداعى بىرىككەن دوستىق قيمىلىن وتكىزۋگە ۇسىنىس ەتتى، راديو ستانسياسىنىڭ جۇمىسشى-قىزمەتكەرلەرى تۋىستارىمەن باس قوسىپ،  وزگەشە ءبىر قاربىز مەرەكەسىن الدىن الا وتكىزدى.  ستانسيامىزدىڭ ءتىلشىسى چاي لين مەن پراكتيكانت ءتىلشى گۋان شياۋشياۋدىڭ حابارى :
    (كوپشىلىكتىڭ «مەرەيلى قاربىز مەرەكەسى» ، «ۇلتتار ىنتىماعىنىڭ بەرەكەلى شاڭىراعىندا» بىرىككەن دوستىق قيمىلىنا كەلگەندەرىڭىزدى قارسى الامىز، ۇلتتار ىنتىماعىنىڭ جارسىمدىلىعىن بىرلىكتە جىرلايىق). بىرىككەن دوستىق قيمىلىندا، شينجياڭ حالىق راديو ستانسياسىنىڭ جۇمىسشى-قىزمەتكەرلەرى تۋىستاردىڭ 34 ۋاكىلىمەن ءبىر اراعا باس قوسىپ، ءان ايتىپ، ءبي بيلەپ، كەشكى استا بىرگە بولىپ، ءوزارا تارتۋ ۇسىندى. شينجياڭ حالىق راديو ستانسياسى حانزۋ تىلىندەگى حابار راديوسىنىڭ رەداكتورى يە چيڭ تۋىسىنا ەكى سومكا جانە ءبىر قالبىر ايگۇلشە دايىندادى. ول بىلاي دەدى: ەكى جىلدان بەرى، ۇزبەي تۋىسشىلاۋ، ءوزارا بارىس-كەلىس جاساۋ ارقىلى سۇيسپەنشىلىگىمىز بارىنشا تەرەڭدەدى. وسى رەت تۋىسىم قاربىز مەرەكەسى قارساڭىندا ۇرىمجىگە كەلىپ وتىر، تۋىسىما ەكى سومكا جانە ءبىر قالبىر ايگۇلشە ازىرلەدىم، بۇل بەرەكەمىزدىڭ سيموۆلى، ءبىز جۇڭحۋا ۇلتىنىڭ ءداستۇرلى مەرەكەسىن بىرگە وتكىزدىك.
    بىرىككەن دوستىق قيمىلىنان ءبىر كۇن بۇرىن ، شينجياڭ حالىق راديو ستانسياسىنىڭ جۇمىسشى-قىزمەتكەرلەرى تاعى تۋىستارىن ۇيلەرىنە اپارىپ، سىرتقا شىعارىپ، ورتالىق قالانى ارالاتتى. شينجياڭ حالىق راديو ستانسياسى موڭعۇل ءتىلى راديوسىنىڭ ءتىلشىسى بادىمجاب: «بۇرىن ءار جولى تۋىسىما جالعىز باراتىنمىن، وسى رەت تۋىسىم كەلدى، تۋىسىما اكە-شەشەمدى، بالامدى تۇگەل تانىستىردىم، تۋىسىمدى حالىقارالىق ۇلكەن بازارعا اپاردىم. سۇيسپەنشىلىگىمىز بارىنشا تەرەڭدەدى،-دەدى».
   بادىمجاپتىڭ تۋىسى ايىمنيسا مامەت: «ۇرىمجىگە تۇڭعىش رەت كەلۋىم، بۇرىنعىدان دا كوپ تۋىسپەن تانىستىم، ولاردىڭ بارلىعى ماعان جاقسى قارايلاستى، قازىر ءبىز ءبىر وتباسىنىڭ ادامدارىمىز»،-دەدى.
   تۋىستارىنىڭ كوز اياسىن كەڭەيتىپ، ولاردىڭ كەدەيلىكتەن قۇتىلىپ، اۋقاتتانۋ سەنىمىن كۇشەيتۋ ءۇشىن، شينجياڭ حالىق راديو ستانسياسى تاعى وسى 34 تۋىستى شينجياڭ اۋىل شارۋاشىلىق كورمەسى، اۆتونوميالى رايوندىق مۇراجاي سياقتى جەرلەردى ەكسكورسيالاۋعا ارنايى ۇيىمداستىردى. گۇما اۋدانى موجى قالاشىعى ساي قىستاعى  پارتيا ياچەيكاسىنىڭ ورىنباسار شۋجيى، قىستاق تۇرعىندار كوميتەتىنىڭ مەڭگەرۋشىسى احىمەتجان وسمان بىلاي دەدى: مۇراجايدى ەكسكورسيالاعاننان كەيىن، شينجياڭنىڭ تاريحىنىڭ ۇزاق، ءار ۇلت حالىق بۇقاراسىنىڭ ەجەلدەن تارتىپ ىنتىماقتى ەكەنىن ۇعىندىق. اۋىل شارۋاشىلىق كورمەسىنەن كوپتەگەن گۇلدى كوردىك، قىستاقتاعى ديحانداردىڭ اۋلاسىن جاڭالاعاندا، گۇل ەگۋ تەحنيكاسىن ەنگىزەمىز. 
   موجى قالاشىعى ازعانباع قىستاعىنداعى تۋىستاردىڭ ۋاكىلى امانيسا مامەت: «ۇرىمجىگە ەكى جىلدىڭ الدىندا كەلگەنمىن، قازىر ءۇرىمجىنىڭ دامۋى بۇرىنعىدان دا تەز ەكەن، بۇعان ماقتانامىن»،-دەدى.

 


بەرىپ كەت ورامالىڭدى

دوستار

الىستاعى اق ەركە