جاڭا حابارلار

ۋاڭ شينكۋان قىستاق تۇرعىنى قايسار نۇردۇننىڭ بودەنە باعىمشىلىعىمەن شۇعىلدانۋىنا جەتەكشىلىك ەتىپ، تەحنيكا، قارجى جاعىندا سۇيەمەلدەۋ ارقىلى  «ءىنىسىنىڭ» اۋقاتتانۋ ارمانىن جۇزەگە اسىردى 

    كەلۋ قاينارى: شينجياڭ حالىق راديو ىستانسياسى    2018-10-12 08:06:22  

  بيىل  جىل باسىندا، اقسۋ قالاسىنىڭ بەشتۇگىمان  اۋىلى سايعان ءمالى قىستاعىنداعى ەرەكشە ءۇي قۇستارىن باعۋ شەبەرى ۋاڭ شينكۋان قىستاق تۇرعىنى قايسار نۇردۇننىڭ بودەنە باعىمشىلىعىمەن شۇعىلدانۋىنا جەتەكشىلىك ەتىپ، تەحنيكا، قارجى جاعىندا سۇيەمەلدەۋ ارقىلى  «ءىنىسىنىڭ» اۋقاتتانۋ ارمانىن جۇزەگە اسىردى.    ـــ «بۇدان كەيىن وسى ساپانى ساقتاساڭ بولعانى».
    ـــ  «جارايدى...»
    9- ايدىڭ 26 - كۇنى، قايسار نۇردۇن 300 كيلوگرام بودەنە جۇمىرتقاسىن اعاسى ۋاڭ شينكۋاننىڭ اقسۋداعى ۋانشۇن بودەنە ەرەكشە ءۇي قۇستارى باعىمشىلىعى ديحاندار كوپەراتيۆىنە ساتىپ بەردى. ول ءار كۇنى بودەنە جۇمىرتقاسىن ساتۋدىڭ وزىنەن ءبىر مىڭ 200 يۋان كىرىس كىرگىزەدى، بۇرىندارى  قايسار نۇردۇن بۇل ءىستى ويلاپ تا كورمەگەن ەدى.
    ەكى جىلدىڭ الدىندا، قايسار نۇردۇن اعاسى ۋاڭ شينكۋاننىڭ كوپەراتيۆىنىڭ شوفەرى بولاتىن. قىزمەتتە مۇقيات، جاۋاپكەرلىگى كۇشتى بولعاندىقتان، ۋاڭ شينكۋان دا  ونى ەرەكشە جاقتىرىپ قالادى، سودان باستاپ ەكەۋى ءبىرىن - ءبىرى اعا- ءىنى دەپ اتاسىپ كەتەدى. بيىل شاعان مەرەكەسى وتىسىمەن، قايسار نۇردۇن دا  اعاسىنا كوپەراتيۆكە كىرىپ، بودەنە باعۋ ويىن ايتادى، ۋاڭ شينكۋان مۇنى ەستىپ، قاتتى قۋانىپ، وعان 13 مىڭ بودەنە شوجەسىن تەگىن بەرەدى. ۋاڭ شينكۋان: « ول كوپشىلىكتىڭ بودەنە باعۋدان نەداۋىر قوماقتى پايدا تاپقانىن كورىپ، ول دا بودەنە باعۋ ويى بار ەكەنىن ايتتى، كەڭەسۋ بارىسىندا ول كەيبىر تەحنيكادان حابارى جوق ەكەنىن دە جاسىرعان جوق، مەن وعان تەحنيكا ۇيرەنەتىنىمدى، ايتقانىم بويىنشا ىستەپ جاقسى باقسا، اقشا تابۋىنا كەپىلدىك ەتەتىنىمدى ايتتىم»، ــ دەدى.
    سودان باستاپ، ۋاڭ شينكۋان بودەنە باعۋ تەحنيكاسىن ىنىسىنە ەش بۇكپەسىز ۇيرەتەدى. ەكى ايدان كەيىن، ءىنىسىنىڭ ۇيىندەگى بودەنە جۇمىرتقالاپ، ءار كۇنى 100 كيلوگرام بودەنە جۇمىرتقاسىن 400 يۋاننان ارتىق اقشاعا ساتادى. بۇعان قايسار نۇردۇن  ەرەكشە قۋاندى، ول : « ءبىر مىڭ بودەنە كۇنىنە 100 كيلوگرام جۇمىرتقا باسادى، ءبىر ايدا 13 مىڭ يۋان اقشا تاپتىم»، ــ دەدى.
    بودەنە باعۋ ونىمدىلىگىنىڭ وسىنشاما جاقسى ەكەنىن كورگەن قايسار نۇردۇن دا 8 -ايدىڭ باسىندا، ءوزىنىڭ كوپەراتيۆىن قۇرۋدى ويلاسا دا، الايدا اعاسىنىڭ كوڭىلىن اۋىرتىپ الۋدان الاڭدادى. ويلاماعان جەردە ۋاڭ شينكۋان وعان رەنجىگەنى بىلاي تۇرسىن، كەرىسىنشە  30 مىڭ بودەنە شوجەسىن بەرەدى. قازىر، قايسار بودەنە باعۋدان كۇنىنە ءبىر مىڭ 200 يۋان تازا كىرىس كىرگىزەدى، ول اعاسى ۋاڭ شينكۋانعا ىشتەي العىس ءبىلدىردى، ول :« ۋاڭ شينكۋان اعام ءوز اعام سياقتى، اقشادان تارىققاندا، قيىنشىلىعىم بولعاندا،  اعام ىڭعايلايدى، جۇمىسىم شىقسا دا اعام قول ۇشىن بەرەدى، قازىر بودەنە باعۋدان قوماقتى كىرىس كىرگىزىپ وتىرمىن، اعاما راحمەت ايتامىن»،- دەدى.  


بەرىپ كەت ورامالىڭدى

دوستار

الىستاعى اق ەركە