جاڭا حابارلار

  ورتا جاستاعىلار مەن قارتتاردىڭ تاڭەرتەڭگى استى ىشپەۋى دەنساۋلىققا اسا زياندى

    كەلۋ قاينارى: شينجياڭ حالىق راديو ىستانسياسى    2018-10-10 10:46:23  

    1.  تاڭەرتەڭگى استى ىشپەۋ ءومىردى قىسقارتادى
   ادامنىڭ دەنساۋلىعى ادام دەنەسىندەگى بيولوگيالىق ساعاتتىڭ رەتكە سالۋىنا سۇيەنەدى، تاڭەرتەڭگى استى ىشپەسە بيولوگيالىق ساعاتتىڭ قالىپتى اينالىسى بۇزىلىپ،   ۋاقىت ۇزارا كەلە ءومىردى قىسقارتادى.
  2. ۇلكەن ميعا ىقپال جاسايدى
   تاڭەرتەڭگى اس ۇلكەن مي قيمىلىنىڭ ەنەرگيا قاينارى، ەگەر تاڭەرتەڭگى اس  ىشىلمەسە ، ادام دەنەسى ۇلكەن ميعا قاجەتتى بولعان قان قانتىمەن قامداي المايدى دا قالجىراۋ، زەيىنى شوعىرلانباۋ،رۋحسىزدانۋ سياقتى جايسىزدانۋلار پايدا بولادى.    3. اسقازان مەن ىشەكتى زاقىمدايدى
  تاڭەرتەڭگى استى ىشپەگەندە، اسقازان ۇزاق ۋاقىت اش كۇيدە بولىپ، اسقازان قابىنۋ، اسقازان جاراسى سياقتى اۋرۋلارعا شالدىقتىرادى.
  4. تاڭەرتەڭگى استى ىشپەگەندە وڭاي سەمىرەدى
   كەيبىرەۋلەر تاڭەرتەڭگى استى ىشپەگەندە  ەنەرگيانىڭ  سىمىرىلۋىن ازايتىپ، دەنە سالماعىن جەڭىلدەتۋگە بولادى دەپ قارايدى. الايدا قورەكتىك تولىقتاۋ جاعىنان الىپ قاراعاندا، ەڭ الدىمەن سارىپ بولاتىنى كومىر-سۋ قوسىلىسى مەن بەلوك، ەڭ سوڭىندا سارىپ بولاتىنى ماي، سوندىقتان تاڭەرتەڭگى استى ىشپەي مايدى سارىپ ەتۋگە بولمايدى. كەرىسىنشە تاڭەرتەڭگى اس ىشىلمەگەندە   ونىڭ ورنىنا تۇسكى جانە كەشكى اس  كوپ ىشىلەتىندىكتەن ، ادام وڭاي سەمىرەدى.
  5. تاڭەرتەڭگى استى ىشپەسە قانداعى قانت قۇرامى  ازايادى.
  تاڭەرتەڭگى استى ىشپەگەندە نەمەسە از ىشكەندە قانداعى قانت قۇرامىنىڭ قويۋلىعىن دەركەزىندە تولىقتاۋعا بولمايدى دا تۇستەن بۇرىن باسى اينالۋ، قوبالجۋ، قول-اياعى دارمەنسىزدەنۋ، رۋحسىزدانۋ سياقتى جاعدايلار پايدا بولادى، ءتىپتى قانداعى قانت قۇرامىنىڭ  تومەندىگىنەن  ەسىنەن  تانۋ سياقتى قۇبىلىستار تۋىلىپ، قالىپتى قىزمەتكە ىقپال جاسايدى. 
 


بەرىپ كەت ورامالىڭدى

دوستار

الىستاعى اق ەركە