جاڭا حابارلار

  ومىرىڭىزگە پايدالى كەڭەستەر

    كەلۋ قاينارى: شينجياڭ حالىق راديو ىستانسياسى    2018-10-10 10:42:53  

    ءبىرىنشى، بىرەۋ ماعان ەكونوميكالىق جاقتان كومەك قولىن سوزادى دەپ بوس قيالعا سالىنباڭىز. ويتكەنى، اقشا ءار ءبىر ادام ءۇشىن ەرەكشە ماڭىزدى. كەرىسىنشە بەرۋدى ۇيرەنىڭىز.
 ەكىنشى، دوسىڭنىڭ كورسەتكەن كومەگى ىزگىلىك پەن ادامگەرشىلىك سانالادى. ەگەر ول كومەك قولىن سوزا الماسا ونى سوگۋگە، كوڭىلىڭىزدە دىق ساقتاۋعا حاقىلى ەمەسسىز. ويتكەنى، ول دا سىزگە بورىشتار ەمەس. سوندىقتان، كوپ ىسكە تۇسىنستىكپەن قاراي ءبىلىڭىز.
 ءۇشىنشى، ەگەر باسىڭىزعا كۇن تۋعاندا باسقالاردىڭ كومەكتەسپەيتىنىن بىلەر بولساڭىز، تەك وزىڭىزگە عانا سەنىڭىز. ەشكىمگە ارقا سۇيەمەۋگە، قايسار بولۋعا، كوڭىلدى بولۋعا، باقىتتى بولۋعا قۇلشىنىڭىز. ويتكەنى، سوقتىقپالى-سوقپاقتى ومىرىڭىزدە بەينەتتى دە زەينەتتى دە كورەتىن بولاسىز. سول ءۇشىن قايسار بولا ءبىلىڭىز.  ءتورتىنشى، بىرەۋدىڭ قالتاسىنا قاراپ دوستاسۋعا اۋەستەنبەڭىز. ويتكەنى، ونىڭ ىرعىن بايلىعىنىڭ سىزبەن ەشبىر قاتىسى جوق. ونىڭ قولبالاسىنا اينالىپ قالۋىڭىز مۇمكىن. ال قوڭىر قالتالى دوسىڭىز ەڭ سوڭعى ءبىر ٴءۇزىم نانىن سىزگە بەرە الادى.    بەسىنشى، ەكونوميكالىق قۋاتى مىعىم دوستارىڭىزعا باسا نازار اۋدارىپ، رۋحاني بايلىعى مىعىم دوستارىڭىزعا سەلقوس قاراۋشى بولماڭىز. قالتالى دوستارىڭىز ءسىزدى دامگە شاقىرىپ، قىزىققا بەلشەڭىزدەن باتىرا الادى.   ال رۋحاني بايلىعى مىعىم دوستارىڭىز ءسىزدى كەڭ بايتاق دالاعا، ءمولدىر بولاق جاعاسىنا باستايدى. وندا ءدامى ءتىل ۇيىرەتىن تاعام،  كوفە، ءبي بيلەيتىن ورتا بولماعانىمەن ول سىزگە سەرىك بولىپ شارىق ۇرادى، ەكەۋىڭىزدە شاتتىققا  شوماسىز، ءوزىڭىزدى ءوزىڭىز قادىرلەي ءبىلىڭىز.
 التىنشى، بۇل دۇنيەدە كىم كىمدى دە تاڭداي قاقتىرار ارداقتى دا باياندى ماحابباتتىڭ بار ەكەندىگى شىندىق. ءبىراق، بۇل ۇلى سەزىم توقىماشى قىز بەن سيىرشى جىگىتكە،  دۇنيەگە ءماشقۇر روميا مەن جۋلەتتاعا عانا ءتان. ويتكەنى، ولار ۇزاق جاساي المادى. ال ءبىزدىڭ جايىمىز باسقاشا. سول سەبەپتى قاسىڭىزداعىلاردى قاستەرلەي ءبىلىڭىز.
 جەتىنشى، مەيلى سەن نە ءۇشىن نەكەلەنگەن بولساڭ دا بالاڭ ومىرگە كەلگەن ەكەن قانشاما كەلەڭسىزدىكتەر بولسادا، قانشاما كەدەرگىلەر بولسادا وتباسىڭا جىلىلىق باعىشتاۋعا بورىشتىسىڭ. ويتكەنى، سەن اكەسىڭ ! ءار قاشان اۋرتپالىقتى ارقالاي ءبىلىڭىز.  سەگىزىنشى، جاستىق داۋرەن كوزدى اشىپ-جۇمعانشا وتە شىعادى دا ايالسىز جىلدار اجارىڭا ورنەگىن سالادى. ۋاقىتتىڭ امىرىنە ەشكىمدە توقتاۋ ايتا الماق ەمەس. ءبىراق، ءبىز ءار ءبىر ءساتىمىزدى قاستەرلەپ، كوڭىلىمىزدى كوكتەمدەي باۋلي ءبىلۋىمىز كەرەك.
 توعىزىنشى، قاسارىسىپ الماڭىز. ءبارى دە ويىڭىزداعىداي بولۋى مۇمكىن ەمەس.


بەرىپ كەت ورامالىڭدى

دوستار

الىستاعى اق ەركە