جاڭا حابارلار

بۇيرەك قىزمەتىنە ىقپال كورسەتەتىن نەگىزگى فاكتورلار

    كەلۋ قاينارى: شينجياڭ حالىق راديو ىستانسياسى    2018-10-08 16:56:17  

 
   بۇيرەك - ادام دەنەسىندەگى ماڭىزدى مۇشە. ەگەر بۇيرەكتەن ماسەلە تۋىلسا، ءبىزدىڭ قالىپتى تۇرمىسىمىزعا ىقپال جاساۋدان سىرت، ءتۇرلى اۋرۋلارعا شالدىقتىرىپ قالماستان، سالماقتى بولعاندا ومىرگە حاۋىپ ءتوندىرۋى مۇمكىن. جاقىنعى جىلداردان بەرى، بۇيرەك اۋرۋىنا شالدىعۋشىلاردىڭ سانى مەن بۇيرەك اۋرۋىنىڭ پايدا بولۋ مولشەرى جىل سايىن ارتۋدا، بۇل ءبىزدىڭ كۇندەلىكتى ازىقتانۋىمىزدىڭ بۇيرەك اۋرۋىمەن تىعىز بايلانىستى ەكەنىن تۇسىندىرەدى.
  تۇز قۇرامى جوعارى تاعامدار
  تۇز - ءبىزدىڭ تۇرمىسىمىزداعى ماڭىزدى دامدەندىرگىشتىڭ ءبىرى. رەفورما جاساپ، ەسىك اشقاننان بەرى، حالىقتىڭ تۇرمىس دەڭگەيى بىرتىندەپ جوعارىلاپ، جۇرتتىڭ ءبارى دە تۇزعا قولى جەتەتىن بولدى. سونىمەن قاتار، ادامداردىڭ تۇز ءسىمىرۋ مولشەرى دە كۇن سايىن ارتا ءتۇستى. قازىر بۇل جاعداي ءبىزدى قان قىسىمى جوعارلاۋ اۋرۋىنا شالدىقتىرۋدان تىس، بۇيرەككە دە زور قىسىم ءتۇسىرىپ وتىر. ەگەر، بۇيرەك دەركەزىندە دەنەدەگى ورگانيكالىق زات الماستىرۋدان قالىپتاسقان كەرەكسىز زاتتاردى دەنە سىرتىنا شىعارا الماسا، بۇل كەرەكسىز زاتتار ۇزاق مەزگىل جينالعاننان كەيىن، بۇيرەككە اۋىر زاردابىن تيگىزەدى.
   جوعارى بەلوكتى تاعامدار
  بەلوك - ادام دەنەسىنە قاجەتتى قورەك زات. وتە قالىپتى مولشەردە تۇتىنعاندا مايدىڭ ءسىمىرىلۋىن تەجەۋگە سەپتىگىن تيگىزىپ قالماستان، سەمىرۋدىڭ الدىن الۋ رولىن اتقارادى. مۇنان تىس، دەنەدەگى ىشكى مۇشەلەرگە دە ءتيىمدى بولادى. ءبىراق، دەنەمىزدىڭ سىمىرگەن بەلوك مولشەرى قاجەتتەن اسىپ كەتكەن كەزدە، بۇيرەك ۇزاق ۋاقىت شەكتەن تىس كۇيدە قىزمەت ىستەيدى دە، بۇيرەكتىڭ قۋاتى السىرەيدى. ەگەر، بۇيرەك قىزمەتىندە ەجەلدەن ماسەلە بار بولسا، سوڭىندا قىسىمعا توزە الماعاندىقتان، اۋىر دارەجەدەگى بۇيرەك اۋرۋىنا شالدىقتىرادى.
   بۇيرەكتى قۋاتتاندىراتىن دارىلەر
  كوپتەگەن ەرلەر بۇيرەكتى قورعاۋعا ايرىقشا ءمان بەرەدى، دەنەسىندە ماسەلە بار - جوعىنا قاراماستان ءدارى دۇكەندەرىنە بارىپ، بۇيرەكتى قۋاتتاندىراتىن دارىلەردى الىپ ىشەدى. امالياتتا، ءدارىنى دۇرىس جولمەن پايدالانباعاندا بۇيرەككە كەرى اسەر كورسەتەدى. ادەتتە، بۇل دارىلەردىڭ قۇرامىنداعى زاتتار بۇيرەكتىڭ زات الماستىرۋى ارقىلى دەنە سىرتىنا ىعىستىرىلاتىندىقتان، ءدارىنى كوزسىزدىكپەن تۇتىنعاندا، بۇيرەكتىڭ جۇگىن اۋىرلاستىرادى. مۇنان تىس، ءىشىنارا دارىلەر بۇيرەكتى زاقىمدايدى، اسىرەسە، باكتەرياعا قارسى دارىلەر مەن اۋىرعاندى باساتىن دارىلەردىڭ زاقىمى ءبىرشاما اۋىر بولادى. سوندىقتان، تۇرمىستا وسىلارعا كوڭىل بولگەن ءجون.
  بۇيرەك اقاۋسىزدىعىنا كەپىلدىك ەتەمىز دەسەك، كۇندەلىكتى تۇرمىستا ءسوزسىز ازىققا كوڭىل ءبولۋىمىز ءتيىس. اش قالۋعا دا، تويا جەۋگە دە بولمايدى. مۇنان سىرت، وڭدەپ - مانەرلەگەن ازىقتاردى شاما بار از جەگەن ءجون. سەبەبى، مۇنداي ازىقتاردىڭ قۇرامىنداعى قوسپالاردىڭ تۇز قۇرامى مول بولادى دا، بۇيرەكتى زاقىمدايدى. تەمەكى مەن اراقتان الىستاپ، دەنە شىنىقتىرىپ، ۇنەمى شيپاحاناعا بارىپ تەكسەرىلىپ تۇرعان ءجون.


بەرىپ كەت ورامالىڭدى

دوستار

الىستاعى اق ەركە