جاڭا حابارلار

مۇراتىنان ايىنىماي، اتاققادا، اقشاعا دا ازباعان ـــ جي يۇنچىڭ

    كەلۋ قاينارى: شينجياڭ حالىق راديو ىستانسياسى    2018-10-08 08:01:09  

«مۇراتىنان ايىنىماي، اتاققادا، اقشاعا دا ازباعان ـــ جي يۇنچىڭمەن (冀云程) » تانىساسىزدار:
    جي يۇنچىڭنىڭ اۋەلگى ەسىمى جي بۋچيڭ (冀步青 ) ، 1910- جىلى سانشي ولكەسىنىڭ پيڭياۋ اۋدانىندا دۇنيەگە كەلگەن. 1927- جىلى بەيپيڭ جۇڭگو داشۋەسىنە قابىلدانعان. 1931- جىلى جۇڭگو كوممۋنيستىك پارتياسىنا مۇشە بولعان.
   1933- جىلى 5- ايدا، جي يۇنچىڭ پارتيانىڭ ۇيعارىۋىمىن كوممۋنيست جي حۇڭچاڭنىڭ باسشىلىعىنداعى جاپونعا قارسى وداقتاس ارميانىڭ قۇرامىندا بولىپ، ساياسي قىزمەتپەن شۇعىلدانادى. جاپونعا قارسى وداقتاس ارميا ساتسىزدىككە ۇشىراعاننان كەيىن، تاييۋانعا قايتىپ بارىپ، توڭكەرستىك سەلبەستىك قوعامىنىڭ قىزمەتىنە جاۋاپتى بولىپ، جاسىرىن پارتيا ۇيىمىنداعى جولداستار مەن وتانشىل العاباسار جاستاردى قورعاپ جانە قۇتقارىپ، جاسىرىن پارتيا ۇيىمىن قالپىنا كەلتىرەدى جانە قايتادان قۇرادى.
1936- جىلى 2- ايدا، سانشيدەگى جەرگىلىكتى ميليتاريست يان شيشان (阎锡山) كوممۋنيستىك پارتياعا قارسى تۇرۋ بۇيرىعىن جاريالاپ،  كوممۋنيستتەردى ۇستاعاندارعا سيلىق بەرەدى،  تاييۋان اسپانىن اق ءتۇستى لاڭكەستىكتىڭ تۇمانى تورلايدى.  جي يۇنچىڭ حاۋىپتەن تايسالماي،  جۋ باۋشان (朱宝善)، لاي رويۇي (赖若愚 ) سياقتى جاسىرىن پارتيا ۇيىمىنىڭ جاۋاپتى جولداستارىن قالادان شىعارىپ، ءوزى قىزمەت ورنىن تاپجىلماي قورعايدى.
   1936- قىلى 3- ايدىڭ 3- كۇنى جي يۇنچىڭ باقىتقا قارسى قولعا تۇسەدى، جاۋ الدىمەن وعان ۇلكەن ءمانساپ بەرىپ، مول يگىلىكپەن ازدىرماق بولادى، ءبىراق مۇنىڭ ەشقانداي ءونىمى بولماعانىن كورگەننەن كەيىن، وعان ءتۇرلى جان تۇرشىگەرلىك جازا قولدانادى، الايدا ول مۇلدە باس يمەيدى. 3- ايدىڭ 26- كۇنى جي يۇنچىڭ تاييۋانىڭ  وڭتۇستىك ۇلكەن قاقپاسىنىڭ سىرتىنداعى جازا الاڭىندا ەرلىكپەن قۇربان بولادى، سول كەزدە ول نەبارى 26 جاستا عانا ەدى.
 


بەرىپ كەت ورامالىڭدى

دوستار

الىستاعى اق ەركە