جاڭا حابارلار

قىزىل ارميانىڭ ايگىلى ەرجۇرەك ساردارى ـــ ساي حۇي -ۋىن 

    كەلۋ قاينارى: شينجياڭ حالىق راديو ىستانسياسى    2018-10-07 10:40:37  

اتالعان ايداردا «قىزىل ارميانىڭ ايگىلى ەرجۇرەك ساردارى ـــ ساي حۇي -ۋىنمەن (蔡会文) » تانىساسىزدار:
     ساي حۇي -ۋىن،  1908 - جىلى 11- ايدا حۋنان ولكەسىنىڭ يوۋشيان اۋدانى لياڭجياڭ اۋىلى شانتيان قىستاعىندا دۇنيەگە كەلگەن. 1925- جىلى چاڭشا اۋداندىق ورتا مەكتەپكە ەمتيحان بەرىپ قابىلدانىپ، وتانشىل وقۋشىلار قوزعالىسىنا قاتىناسىپ، ماركسيزمدى قابىلداي باستايدى. 1926- جىى 3- ايدا جۇڭگو كوممۋنيستىك جاستار وداعىنا، سول جىلدىڭ جازىندا جۇڭگو كوممۋنيستىك پارتياسىنا مۇشە بولادى. 
    1927- جىلى 2 - ايدا، ساي حۇي -ۋىن ولكەلىك باس جۇمىسشى ۇيىمى مەن ولكەلىك ديقاندار قوعامى بىرلەسىپ قۇرعان جۇمىسشى- ديقان قورعانىس ارمياسىنىڭ كادرلاردى جاتتىقتىرۋ اتىرەتىنىڭ ۇيرەنۋىنە تاڭداپ قابىلدانادى، ما- رى ۋاقيعاسىنان كەيىن قۋعىنعا ۇشىراپ، ۋحانعا بارادى، 7- ايدا ۋچاڭ حالىقتىق توڭكەرىستىك ارمياسىنىڭ 2- باعىت ارمياسى باس قولباسشىلىق ىشتابىنىڭ قورعاۋشىلار تۋانىنا كىرىپ، 1- يىڭ 1- ليانىنىڭ پارتيا ۋاكىلى بولادى. سول جىلى 9- ايدا، حۋنان مەن جياڭشيدىڭ شەكاراسىنداعى كۇزگى جيىن - تەرىن كوتەرىلىسىنە قاتىناسىپ، جۇمىسشى- ديقان توڭكەرىستىك ارمياسى 1- ارمياسىنىڭ 1 - شىسى 1- تۋانى 1 - ليانىنىڭ پارتيا ۋاكىلى بولىپ، اسكەري بولىمگە ىلەسىپ، جيڭگاڭشانعا شىعىپ، جيڭگاڭشان توڭكەرىستىك بازاسىن قۇرۋ شايقاسىنا قاتىناسادى. كەيىن جۇڭگو جۇمىسشى- ديقان قىزىل ارمياسى 4- ارميا 31- تۋانى پليموتشىلار ليانىنىڭ پارتيا ۋاكىلى، جەتەكشىلەر اتىرەتىنىڭ پارتيا ۋاكىلى بولادى.
   1929 -جىلى 2 - ايدا، ساي حۇي -ۋىن اسكەري ءبولىمدى باستاپ، قىزىل ارميانىڭ 4- ارمياسىنا ىلەسىپ، جياڭشيدىڭ وڭتۇستىگىندەگى مينشيگە دەيىن ۇزدىكسىز سوعىس جۇرگىزەدى، كوپ وتپەي قىزىل ارميانىڭ 4- ارميا 3- باس اتىرەتى 1- تارماق اتىرەتىنىڭ ساياسي كوميسسارلىعىنا تاعايىندالادى. سول جىلى 12- ايدا، گۋتيان ماجىلىسىنە قاتىناسادى. 1930- جىلى 8 - ايدا قىزىل ارميانىڭ 1- ارميا  تۋانى3- ارميانىڭ ساياسي كوميسسارى بولىپ، ارميا باستىعى حۋاڭ گۇڭ- لۋەمەن (黄公略 )  بىرگە اسكەري ءبولىمدى باستاپ، ورتالىق توڭكەرىستىك بازاسىنىڭ 1 -، 2 - ، 3 - رەتكى «قورشاپ جويۋعا» قارسى شايقاسىنا قاتىناسادى، 3- ارميانىڭ 1-  رەتكى «قورشاپ جويۋعا» قارسى شايقاسىندا گومينداڭ ارمياسى 18- شىسىنىڭ باستىعى جاڭ حۇيزاندى (张辉瓒 ) تىرىدەي ۇستايدى، وسى ەڭبەگى ءۇشىن  كەزىندە ماۋ زىدۇڭ وعان ولەڭ ارناپ، القاعان بولاتىن.
  1933- جىلى كوكتەمدە، ساي حۇي -ۋىن ارميا باستىعى شياۋ كىمەن بىرگە قىزىل ارميانىڭ 8- ارمياسىنا قولباسشىلىق ەتىپ، حۋنان- جياڭشي توڭكەرىستىڭ بازاسىنىڭ 4- رەتكى «قورشاپ جويۋعا» قارسى شايقاسىنا قاتىناسىپ، سوعىس سايىن جەڭىسكە جەتىپ وتىرادى. سول جىلى 6- ايدا ، قىزىل ارميانىڭ 6- ارميا تۋانى 47- شىسىنىڭ ساياسي كوميسسارلىعىنا تاعايىندالادى. 1934- جىلى گۋاڭدۇڭ-جياڭشي اسكەري رايونىنىڭ باس قولباسشىسى بولادى، 10- ايدا ورتالىق قىزىل ارميا نەگىزگى كۇشى ۇزاق جورىققا اتتانۋدان بۇرىن، گاننان ولكەلىك پارتكومنىڭ مۇشەسى، ولكەلىك اسكەري رايوننىڭ باس قولباسشىسى بولىپ، شياڭ يىڭ (项英 )، چىن- يلارمەن (陈毅 )بىرگە ورتالىق توڭكەرىستىك رايوندا تاباندىلىقپەن كۇرەس جاسايدى.
   1936- جىلدىڭ باسىندا، ساي حۇي -ۋىن اسكەري ءبولىمدى باستاپ اينالا شەپ جايىپ، سوعىس جۇرگىزىۋ بارىسىندا گومينداڭ ارمياسىنا جولىعىپ، قات- قابات قورشاۋدا قالىپ، قورشاۋدى بۇزىپ، جاۋمەن ايقاسۋ بارىسىندا كوپ جەرىنە وق ءتيىپ، اۋىر جارالانىپ ۇستالادى. جاۋلار اۋىر جارالانعان ساي حۇي -ۋىننىڭ اۋزىنان پارتيا مەن پارتيزانداردىڭ ماڭىزدى مالىمەتىنە يە بولۋ ارام ويىندا بولادى، الايدا ول بۇلاردى ايتۋدان باتىل باس تارتادى جانە جان اياماي قارسىلاسادى. جاۋلار ونى باۋىزداپ، جانتۇرشىگەرلىك تاسىلمەن ولتىرەدى. ءسويتىپ، قىزىل ارميانىڭ وسى ءبىر تاڭداۋلى قولباسشىسى 28 جاسىندا ەرلىكپەن قۇربان بولادى.         


بەرىپ كەت ورامالىڭدى

دوستار

الىستاعى اق ەركە