جاڭا حابارلار

شينجياڭ ينتەرنەت ينفورماتسيا كەڭسەسى قاتارلى قاتىستى تاراۋلار زاڭعا قايشى ينفورماتسيالاردى تاراتقان تيپتىك 10 دەلونى تەكسەرىپ ءبىر جاقتىلى ەتتى

    كەلۋ قاينارى: شينجياڭ گازەتى    2018-10-06 18:05:59  

 جاقىندا، شينجياڭ ينتەرنەت ينفورماتسيا كەڭسەسى، اۆتونوميالى رايوندىق قوعام حاۋىپسىزدىگى مەڭگەرمەسى مالىمدەگەن دەرەكتەرگە نەگىزدەلىپ، 17-توپتاعى توراپتا زاڭعا قايشى ينفورماتسيالاردى تاراتقان تيپتىك 10 دەلونى زاڭ-ەرەجە بويىنشا تەكسەردى ءارى اشكەرەلەدى. تەكسەرۋ ارقىلى دەلوعا قاتىستى ادامدار ينتەرنەت قاتارلى تۇعىردان پايدالانىپ، زورلىقتى كۇش لاڭكەستىككە، ءدىني ۇشقارىلىققا، ۇلتتىق بولشەكتەۋشىلىككە، سونداي-اق وسەك - اياڭ، جالعان ينفورماتسيا قاتارلى مازمۇندارعا قاتىستى جازۋ، سۋرەت، دىبىس - كەسكىندەردى ۇگىتتەگەن، ساقتاعان، تاراتقان، «جۇڭحۋا حالىق رەسپۋبليكاسىنىڭ قىلمىستىق ىستەر زاڭى»، «جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭى»، «جۇڭحۋا حالىق رەسپۋبليكاسىنىڭ توراپ حاۋىپسىزدىگى زاڭى»، «جۇڭحۋا حالىق رەسپۋبليكاسىنىڭ اماندىق باسقارۋ جازا زاڭى»، «ينتەرنەتتە ينفورماتسيالىق قىزمەت وتەۋدى باسقارۋ ءادىسى»، «شينجياڭ ۇيعۇر اۆتونوميالى رايونىنىڭ توراپتا جالعان ينفورماتسيالاردى تاراتۋدان ساقتانۋ جانە جازالاۋ ەرەجەسى» قاتارلى زاڭدار مەن ەرەجەلەرگە قايشىلىق جاساعان. قوعام حاۋىپسىزدىگى قاتارلى تاراۋلار قاتىستى ادامداردى زاڭ-ەرەجە بويىنشا ءبىر جاقتىلى ەتتى. 

 ءبىرىنشى دەلو: ءۇرىمجى قالاسىنداعى توراپكەر ا XX تىڭ لاڭكەستىكتى ۋاعىزدايتىن زاتتاردى زاڭسىز ساقتاۋ دەلوسى 

 2018-جىلى 8-ايدىڭ 1-كۇنى، توراپكەرلەر ا XX تىڭ (ەر، ۇيعۇر، 40 جاستا، ءۇرىمجى قالاسىنىڭ ادامى) كومپيۋتەرىندە زورلىقتى كۇش لاڭكەستىككە قاتىستى قىرۋار دىبىس-كەسكىندەردى ساقتاعاندىعىن اشكەرەلەگەن. انىقتاۋ ارقىلى قاتىستى زاڭ-ەرەجەلەرگە ساي، قوعام حاۋىپسىزدىگى ورگانى زاڭعا نەگىزدەلە وتىرىپ، ا XX تى قىلمىستىق ىستەر بويىنشا قولدا ۇستاپ تۇردى. 

 ەكىنشى دەلو: اقسۋ ايماعىنداعى توراپكەر اي XX تىڭ ۇشقارىلىقتى ۋاعىزدايتىن زاتتاردى تاراتۋ دەلوسى 

 2018-جىلى 8-ايدىڭ 1-كۇنى، توراپكەرلەر اي XX تىڭ (ەر، ۇيعۇر، 22 جاستا، اقسۋ ايماعى باي اۋدانىنىڭ ادامى) ءۇنحات دوستىق شەڭبەرىندە ءدىني ۇشقارىلىق يدەيانى ۋاعىزدايتىن سۋرەتتەردى تاراتقاندىعىن اشكەرەلەگەن. انىقتاۋ ارقىلى قاتىستى زاڭ-ەرەجەلەرگە ساي، قوعام حاۋىپسىزدىگى ورگانى زاڭعا نەگىزدەلە وتىرىپ، اي XX تى قىلمىستىق ىستەر بويىنشا قولدا ۇستاپ تۇردى. 

 ءۇشىنشى دەلو: حوتان ايماعىنداعى توراپكەر ماي XX تىڭ لاڭكەستىكتى ۋاعىزدايتىن زاتتاردى زاڭسىز ساقتاۋ دەلوسى 

 2018-جىلى 8-ايدىڭ 3-كۇنى، توراپكەرلەر ماي XX تىڭ (ەر، ۇيعۇر، 35 جاستا، حوتان ايماعى حوتان اۋدانىنىڭ ادامى) قولفونىندا زورلىقتى كۇش لاڭكەستىككە قاتىستى قىرۋار دىبىس-كەسكىندەردى ساقتاعاندىعىن اشكەرەلەگەن. انىقتاۋ ارقىلى قاتىستى زاڭ-ەرەجەلەرگە ساي، قوعام حاۋىپسىزدىگى ورگانى زاڭعا نەگىزدەلە وتىرىپ، ماي XX تى قىلمىستىق ىستەر بويىنشا قولدا ۇستاپ تۇردى. 

 ءتورتىنشى دەلو: ىلە قازاق اۆتونوميالى وبلىسىنداعى توراپكەر شياۋ XX تىڭ ۇشقارىلىقتى ۋاعىزدايتىن زاتتاردى زاڭسىز ساقتاۋ دەلوسى  2018-جىلى 8-ايدىڭ 6-كۇنى، توراپكەرلەر شياۋ XX تىڭ (ەر، ۇيعۇر، 26 جاستا، ىلە قازاق اۆتونوميالى وبلىسى قۇلجا قالاسىنىڭ ادامى) كوكەك البومىندا ءدىني ۇشقارىلىق يدەيانى ۋاعىزدايتىن كوپتەگەن سۋرەتتەردى ساقتاعاندىعىن اشكەرەلەگەن. انىقتاۋ ارقىلى قاتىستى زاڭ-ەرەجەلەرگە ساي، قوعام حاۋىپسىزدىگى ورگانى زاڭعا نەگىزدەلە وتىرىپ، شياۋ XX تى قىلمىستىق ىستەر بويىنشا قولدا ۇستاپ تۇردى.  بەسىنشى دەلو: بۇراتالا موڭعۇل اۆتونوميالى وبلىسىنداعى توراپكەر ما XX قاتارلى ءۇش ادامنىڭ توراپ الدامشىلىعى دەلوسى  

2018-جىلى 8-ايدىڭ 26-كۇنى، توراپكەرلەر ما XX تىڭ (ەر، حۇيزۋ، 33 جاستا، بۇراتالا موڭعۇل اۆتونوميالى وبلىسى جىڭ اۋدانىنىڭ ادامى)، مي XX تىڭ (ەر، حۇيزۋ، 20 جاستا، بۇراتالا موڭعۇل اۆتونوميالى وبلىسى جىڭ اۋدانىنىڭ ادامى)، ما XX تىڭ (ەر، دۇڭشياڭزۋ، 28 جاستا، بۇراتالا موڭعۇل اۆتونوميالى وبلىسى جىڭ اۋدانىنىڭ ادامى) ءۇنحات يقۋاتىنان پايدالانىپ كوپتەگەن توراپتاستاردى قوسىپ، سالت باستى جاس ايەل بەينەسىنە ەنىپ، توراپتاستاردىڭ اقشاسىن الداپ العان، دەلوعا قاتىستى سوما 120 مىڭ يۋانعا جەتكەندىگىن اشكەرەلەگەن. انىقتاۋ ارقىلى قاتىستى زاڭ-ەرەجەلەرگە ساي، قوعام حاۋىپسىزدىگى ورگانى زاڭعا نەگىزدەلە وتىرىپ، ما XX، مي XX، ما XX قاتارلى 3 ادامدى قىلمىستىق ىستەر بويىنشا قولدا ۇستاپ تۇردى. 

 التىنشى دەلو: ىلە قازاق اۆتونوميالى وبلىسىنداعى توراپكەر دا XX تىڭ توراپ الدامشىلىعى دەلوسى  2018-جىلى 9-ايدىڭ 12-كۇنى، توراپكەرلەر دا XX تىڭ (ەر، قازاق، 20 جاستا، ىلە قازاق اۆتونوميالى وبلىسى قورعاس اۋدانىنىڭ ادامى) ءۇنحات دوستىق شەڭبەرىندە شوفەرلىك كۋالىگىن بىتىرۋگە قاتىستى جالعان ينفورماتسيا تاراتىپ، كۇيتۇن، التاي، اتۇش، حوتان، كورلا قاتارلى جەرلەردەگى بۇقارانى الداعاندىعىن، دەلوعا قاتىستى سوما 50 مىڭ يۋانعا جەتكەندىگىن اشكەرەلەگەن. انىقتاۋ ارقىلى قاتىستى زاڭ-ەرەجەلەرگە ساي، قوعام حاۋىپسىزدىگى ورگانى زاڭعا نەگىزدەلە وتىرىپ، دا XX تى قىلمىستىق ىستەر بويىنشا قولدا ۇستاپ تۇردى. 

 جەتىنشى دەلو: اقسۋ ايماعىنداعى توراپكەر تاڭ XX تىڭ وسەك-اياڭ تاراتۋ دەلوسى 

 2018-جىلى 8-ايدىڭ 19-كۇنى، توراپكەرلەر تاڭ XX تىڭ (ەر، حانزۋ، 25 جاستا، اقسۋ ايماعى شايار اۋدانىنىڭ ادامى) ءۇنحات توبىندا: «شينجياڭ اقسۋ ايماعى شايار اۋداندىق قاماقحاناداعى 20 مىڭنان استام قىلمىسكەر تۇرمەدەن قاشىپ، بۇلىك تۋىلدى، بىزدەن 5 كيلومەتر قاشىقتىقتا، قازىر شۇعىل شەگىنىڭدەر»،-دەگەن داقپىرت تاراتقاندىعىن اشكەرەلەگەن. انىقتاۋ ارقىلى قاتىستى زاڭ-ەرەجەلەرگە ساي، قوعام حاۋىپسىزدىگى ورگانى زاڭعا نەگىزدەلە وتىرىپ، تاڭ XX تى اكىمشىلىك ىستەر بويىنشا قولدا ۇستاپ تۇردى. 

 سەگىزىنشى دەلو: اقسۋ ايماعىنداعى توراپكەر كاي XX تىڭ وسەك-اياڭ تاراتۋ دەلوسى  2018-جىلى 9-ايدىڭ 2-كۇنى، توراپكەرلەر كاي XX تىڭ (ەر، ۇيعۇر، 21 جاستا، اقسۋ ايماعى كەلپىن اۋدانىنىڭ ادامى) جەكەلىك ءۇنحات تەكشەسىندە: «ءۇرىمجى قالاسىندا ءبىر جۇپ ەر-ايەل قوناق ۇيگە جاتقان، ايەل ناركوزدەنگەننەن كەيىن بۇيرەگى الىپ كەتىلگەن»،-دەگەن داقپىرت تاراتقاندىعىن اشكەرەلەگەن. انىقتاۋ ارقىلى قاتىستى زاڭ-ەرەجەلەرگە ساي، قوعام حاۋىپسىزدىگى ورگانى زاڭعا نەگىزدەلە وتىرىپ، كاي XX تى اكىمشىلىك ىستەر بويىنشا قولدا ۇستاپ تۇردى.  توعىزىنشى دەلو: اقسۋ ايماعىنداعى توراپكەر دي XX تىڭ بادىك ينفورماتسيالاردى تاراتۋ دەلوسى 

 2018-جىلى 9-ايدىڭ 4-كۇنى، توراپكەرلەر دي XX تىڭ (ەر، ۇيعۇر، 21 جاستا، اقسۋ ايماعى كەلپىن اۋدانىنىڭ ادامى) جەكەلىك ۇلتتىق تىلدەگى ءۇنحات تەكشەسىندە بادىك ينفورماتسيالاردى اۋدارىپ، تاراتقاندىعىن اشكەرەلەگەن. انىقتاۋ ارقىلى قاتىستى زاڭ-ەرەجەلەرگە ساي، قوعام حاۋىپسىزدىگى ورگانى زاڭعا نەگىزدەلە وتىرىپ، دي XX تى اكىمشىلىك ىستەر بويىنشا قولدا ۇستاپ تۇردى. 

 ونىنشى دەلو: سىچۋان ولكەسىندەگى توراپكەر حى XX تىڭ لاڭكەستىككە قاتىستى ءسوز تاراتۋ دەلوسى 

 2018-جىلى 9-ايدىڭ 5-كۇنى، توراپكەرلەر حى XX تىڭ (ەر، حانزۋ، 25 جاستا، سىچۋان ولكەسى چىڭدۋ قالاسى جوعارى جاڭا تەحنيكالى كاسىپ اشۋ رايونىنىڭ ادامى) ميكروبلوكتا لاڭكەستىك پەن بولشەكتەۋشىلىككە قاتىستى ءسوز تاراتقاندىعىن اشكەرەلەگەن. انىقتاۋ ارقىلى قاتىستى زاڭ-ەرەجەلەرگە ساي، قوعام حاۋىپسىزدىگى ورگانى زاڭعا نەگىزدەلە وتىرىپ، حى XX تى اكىمشىلىك ىستەر بويىنشا قولدا ۇستاپ تۇردى. 

 قوعام حاۋىپسىزدىگى ورگانى مىنانى ەسكەرتەدى: توراپ كەڭىستىگى — زاڭ قۇرىعى جەتپەيتىن جەر ەمەس، ينتەرنەتتەن پايدالانىپ زورلىقتى كۇش لاڭكەستىككە، ۇلتتىق بولشەكتەۋشىلىككە، ءدىني ۇشقارىلىققا قاتىستى، سونداي - اق ۇلتتار ىنتىماعىن، وتاننىڭ تۇتاستىعىن بۇلدىرەتىن جازۋ، سۋرەت، دىبىس - كەسكىندەردى ۇگىتتەگەندەردىڭ، ساقتاعانداردىڭ، تاراتقانداردىڭ؛ قوپارىلىس جابدىق، مىلتىق، شەكتەلگەن قۇرال-جابدىق جاساۋ ءادىسىن، ونەرىن ۇيرەتكەندەردىڭ، سونداي-اق جالعان ينفورماتسيالاردى تاراتۋ، قورلاۋ، قۇقاي كورسەتۋ، جالعان فاكت قۇراستىرىپ باسقالارعا جالا جابۋ قاتارلى مازمۇنداعى جازۋ، سۋرەت، دىبىس - كەسكىندەردى تاراتقانداردىڭ جاۋاپكەرلىگى زاڭ - ەرەجە بويىنشا قۋزاستىرىلادى. جوعارىدا ايتىلعان جازۋ، سۋرەت، دىبىس - كەسكىندەردى ساقتاعاندار لەزدە وزدىگىنەن ءوشىرۋى، جويىپ تاستاۋى كەرەك، ءوزى وشىرە الماسا نەمەسە جويا الماسا، جەرگىلىكتى قوعام حاۋىپسىزدىگى ورگاندارىنىڭ سايكەسىپ ءبىر جاقتى ەتۋىنە تاپسىرىپ بەرۋىنە بولادى. قالىڭ توراپكەرلەردىڭ قاتىستى زاڭ - ەرەجەلەرگە قاتاڭ بويسۇنىپ، توراپتان مادەنيەتتى، زاڭ بويىنشا پايدالانىپ، اقاۋسىز، ءتارتىپتى ينتەرنەت ورتاسىن ورتاق قورعاۋىن ءۇمىت ەتەمىز.  قالىڭ توراپكەرلەردىڭ توراپتاعى زاڭعا، ەرەجەگە قايشى ينفورماتسيالاردى بەلسەندى تۇردە اشكەرەلەۋىن قارسى الامىز، اشكەرەلەپ، ەڭبەك سىڭىرگەندەر دەر كەزىندە سيلانادى. 

 اشكەرەلەۋ ءتاسىلى:  توراپ ءادرىسى : www.xjwljb.com  تەلەفون : 2384777-0991  ەلەكتروندى حات ساندىعى xjwljb@xjts.cn  ميكروبلوگ : @新疆网络举报  ءۇنحات تەكشەسى : 新疆网络举报  ساقشىعا مالىمدەپ، اشكەرەلەۋ تەلەفون ءنومىرى : 110  كەلتەحات ارقىلى ساقشىعا مالىمدەۋ ءنومىرى : 12110 


بەرىپ كەت ورامالىڭدى

دوستار

الىستاعى اق ەركە