جاڭا حابارلار

تاسقىنداعان جىگەرىن باقىتتى تۇرمىس جاراتۋعا ارناعان ـــــ لين چيڭ

    كەلۋ قاينارى: شينجياڭ حالىق راديو ىستانسياسى    2018-10-05 09:29:31  

«تاسقىنداعان جىگەرىن باقىتتى تۇرمىس جاراتۋعا ارناعان ـــــ لين چيڭ» مەن تانىساسىزدار:
   لين چيڭ، اۋەلگى ەسىمى لي يۋانفاڭ، تاعى  ءبىر ەسىمى لي سۋرۋ، 1911- جىلى، گۇيجوۋ ولكەسىنىڭ بيجيە اۋدانىندا دۇنيەگە كەلگەن. 1929- جىلى، جۇڭگو كوممۋنيستىك جاستار وداعىنا كىرگەن. 1930- جىلى، شاڭحايعا بارىپ، شىعىس شاڭحاي رايوندىق كوممۋنيستىك جاستار وداعى كوميتەتىندە قىزمەت ىستەگەن. 1931- جىلى، جۇڭگو كوممۋنيستىك پارتياسىنا قابىلدانعان.
1932- جىلى، لين چيڭدى ۇلى بريتانيا جالعا  العان وڭىردەگى ساقشى مەكەمەسى تۇتقىندايدى. 1933- جىلى، تۇرمەدەن شىققاننان كەيىن اۋىلى بيجيەگە قايتىپ، جاپون شاپقىنشىلارىنا قارسى تۇرىپ، وتاندى قۇتقارۋ قوزعالىسىنا اتسالىسادى  ءارى كۇرەس بارىسىندا العا باسار جاستاردى پارتياعا كىرگىزەدى. 1934- جىلى 1- ايدا، لين چيڭ سياقتىلار بيجيەدە پارتيا ياچەيكاسىن قۇرادى  ءارى پارتيا ياچەيكاسىنىڭ شۋجيلىعى مىندەتىن اتقارادى، بۇل پارتيانىڭ گۇيجوۋدا قۇرعان ءبىرىنشى ياچەيكاسى ەدى.
1935- جىلى 1- ايدا، ورتالىق قىزىل ارمياسى  ۇزاق جورىق جاساپ زۇن-يعا بارادى. لين چيڭ مۇنى ەستي سالا زۇن-يعا بارىپ، ورتالىق جەرگىلىكتى قىزمەت ءبولىمىنىڭ باستىعى لي ۋيحاندى ىزدەپ بارىپ، گۇيجوۋداعى پارتيانىڭ ۇيىمدىق جاعدايى مەن قىزمەت جاعدايىنان مالىمەت بەرەدى. 
    لي ۋيحان ورتالىق اتىنان گۇيجوۋداعى جاسىرىن پارتيانىڭ قىزمەتىن تۇراقتاندىرادى  ءارى لين چيڭ سياقتىلارعا جۇڭگو كوممۋنيستىك پارتياسى گۇيجوۋ ولكەلىك قىزمەت كوميتەتىن ۇيىمداستىرۋعا نۇسقاۋ بەرەدى، لين چيڭ شۋجي، قوسىمشا زۇن-ي اۋداندىق پارتكومنىڭ شۋجيى مىندەتىن اتقارادى. كوپ وتپەي، گۇيجوۋ جاسىرىن پارتيا ۇيىمى قۇپيا قىزمەت ىستەۋ ارقىلى جاۋدىڭ اسكەري كارتاسى مەن قۇپيا تەلەگراف تاڭباسى داپتەرىن قولعا ءتۇسىرىپ، ونى ورتالىقتىڭ ارناۋلى ۋاكىلى ءپان حاننيانعا تاپسىرىپ بەرىپ، قىزىل ارميانىڭ ۇزاق جورىعىنا ۇلەس قوسادى. سونىمەن بىرگە، لين چيڭ تاعى زۇن-يدان الا كەلگەن قىزىل ارميا سوعىس حابارلارىن باسقالارعا قۇپيا تاراتىپ وقىتادى  ءارى جۋرنالدان پايدالانىپ، قىزىل ارميانى، جاپون شاپقىنشىلارىنا قارسى تۇرۋدى ۇگىتتەيدى.
    سول جىلى 7- ايدىڭ 19- كۇنى، لين چيڭ باقىتقا قارسى تۇتقىندالادى. 9- ايدىڭ 11- كۇنى، لين چيڭ نە ءبارى 24 جاسىندا ەرلىكپەن قۇربان بولادى.
 


بەرىپ كەت ورامالىڭدى

دوستار

الىستاعى اق ەركە