جاڭا حابارلار

تاباندىلىقپەن ۇلەس قوسۋ − ەڭ سۇلۋ قاسيەت

    كەلۋ قاينارى: شينجياڭ گازەتى    2018-10-04 15:21:29  

− مەملەكەت مەرەكەسى كەزىندە قىزمەت ورىندارىنان تاپجىلماعان ەڭبەكشىلەر تۋرالى 
 

 


مەملەكەت مەرەكەسىنىڭ دەمالىسى كوپتەگەن ادامدار ءۇشىن باس قوسۋ مەن سەيىل - سەرۋەننىڭ جاقسى مەزگىلى سانالادى، ادامدار تۋىستارىن، دوستارىن ارالاپ، سىرتقا شىعىپ ساياحاتتايدى. ءبىراق، تيانشاننىڭ تۇستىگى مەن تەرىستىگىندە كوپتەگەن ادامدار دەمالىسىنان باز كەشىپ، قىزمەت ورىندارىنان تاپجىلماي، «كوپشىلىكتىڭ» اماندىعى ءۇشىن ءوز وتباسىمەن قاۋىشۋدى قايىرىپ قويىپ، ءبىز ءۇشىن قولايلى قاتىناس، قولايلى قىزمەت، تازا ورتا ازىرلەدى... تاباندىلىقپەن ۇلەس قوسۋ مەرەكەدەگى ەڭ سۇلۋ قاسيەتكە اينالدى.  
 قىستاق تۇرعىندارىنىڭ ەلەكتردى حاۋىپسىز پايدالانۋىن قامتاماسىز ەتتى   
  10 - ايدىڭ 2 - كۇنى تۇستەن كەيىن، مەملەكەت ەلەكتر جەلىسى حوتان اۋدانى ەلەكترمەن قامداۋ سەرىكتەستىگى ساتۋ ءبولىمىنىڭ مەڭگەرۋشىسى جاڭ شينچياڭ مەن قىزمەتتەستەرى جۇمىس كەڭسەسىندە 2 - كۇنگى ءىسساپارعا قاجەتتى قۇرالدارىن دايىنداپ جاتتى. 10 - ايدىڭ 3 - كۇنىنەن 6 - كۇنىنە دەيىن، ولار حوتان اۋدانى قاستاسى اۋىلى قاراڭعىتاۋ جانە نىساۋ قىستاقتارىنا بارىپ، ەلەكتر جەلىسىنە جاڭا قوسىلعان 556 قىستاق تۇرعىنىنىڭ ەلەكتر جولدارى مەن ەلەكتر اسپاپتارىن تەكسەرىپ، جوندەپ بەرمەك. حوتان ايماعىنىڭ اۋىر كەدەي قىستاقتاردىڭ ەلەكتر جەلى قۇرىلىسىن جاڭالاۋ مىندەتىنىڭ ءبىرى رەتىندە، 33 ميلليون 950 مىڭ يۋان قارجى سالىنعان قاراتاۋ 35 كيلوۆولتتىق كەرنەۋ وزگەرتىپ ەلەكتر جەتكىزۋ ينجەنەرياسىنىڭ قۇرىلىسى 9 - ايدىڭ 30 - كۇنى ءبىتىپ، اتالعان ەكى قىستاق وسىنىڭ يگىلىگىن كوردى.  
 «ءار ۇلت بۇقاراسىنىڭ ەلەكتردەن حاۋىپسىز، الاڭسىز پايدالانۋىن، مەملەكەت مەرەكەسى دەمالىسىن قۋانىشتى وتكىزۋىن قامتاماسىز ەتۋ ءۇشىن، مەنىڭ كوپتەگەن قىزمەتتەستەرىم قىزمەت ورىندارىنان 24 ساعات تاپجىلمادى. ەلەكترمەن قامداۋدى قامتاماسىز ەتۋ − حالىق تۇرمىسىنا ساياتىن ۇلكەن ءىس، 500دەن استام قىستاق تۇرعىنىنىڭ تۇراقتى ەلەكتر پايدالانۋىنا، مەملەكەت مەرەكەسىنە قاتىستى باعدارلامالاردى ناقتى ۋاقىتتا قابىلداۋىنا مۇمكىندىك جاساعاندىعىمىز ءۇشىن، ءبىز ەلەكتر قىزمەتكەرى رەتىندە ايرىقشا ماقتانىش سەزىنەمىز»، - دەيدى جاڭ شينچياڭ.  
 حالىققا قولايلى قىزمەت جول ءجۇرۋدى قامتاماسىز ەتتى  
   10 - ايدىڭ 1 - كۇنى ساعات 9 مولشەرىندە، شينجياڭعا ىشكى ولكەلەردەن ءوز اۆتوكولىكتەرىمەن ساياحاتتاپ كەلگەن 20 نەشە ساياحاتشى تۇرپان - ءۇرىمجى - داحۋاڭشان جوعارى دارەجەلى تاس جولىنىڭ شاڭشاحى ايقاسپالى كوپىرى تۇسىنا جەتكەندە اۆتوكولىكتەرىنەن كىنارات شىقتى. اۆتونوميالى رايوندىق قوعام حاۋىپسىزدىگى مەڭگەرمەسى قاتىناس ساقشى باس اترەتى جوعارى دارەجەلى تاس جول قاتىناس ساقشى تارماق اترەتى كازىۋان ۇلكەن اترەتى 1 - ورتا اترەتىنىڭ باستىعى چىڭ جىۋي ساياحاتشىلاردى جەتكىزىپ قويۋ جونىندە دەرەۋ جولاۋشى تاسىمال كاسىپورنىمەن حابارلاسىپ، كەدەرگىنى جويۋ جۇمىسىن سايكەستىرىپ، كىنارات شىققان اۆتوكولىككە كومەكتەستى. ساياحاتشىلاردىڭ ابىرجىڭقىراپ تۇرعانىن كورگەن ول جەتكىزىپ قويۋعا كەلەتىن اۆتوكولىك جارتى ساعاتتا جەتەدى، ساياحاتتايتىن ۋاقىتتارىڭىزعا نۇقسان جەتە قويمايدى دەپ، بوعدا كولى مەن قاناستىڭ كوركەم كورىنىستەرىن تامساندىرا تانىستىرىپ، ولاردىڭ شينجياڭداعى ساياحاتىنىڭ كوڭىلدى بولۋىن تىلەدى. «شينجياڭنىڭ حالىق ساقشىلارىنا راقىمەت، قىزمەت وتەۋلەرىڭىز وتە جاقسى ەكەن!» دەپ ساياحاتشىلار جابال القاۋ ايتىپ، قىزۋ قول شاپالاق سوقتى.  
 مەملەكەت مەرەكەسى دەمالىسىندا، شينجياڭ جوعارى جىلدامدىقتى تاس جول قاتىناس ساقشىلارى تۇگەلدەي قىزمەت ورىندارىندا بولدى، سونىمەن بىرگە 24 ساعات حالىققا قولايلى قىزمەت وتەۋ ىستىق لەنياسىن اشىپ، حالىققا قولايلى قىزمەت وتەيتىن 40 نەشە كولىك شىعارىپ، حالىقتى ءسۇيۋ ايالداماسىن قۇرىپ، حالىققا قولايلى قىزمەت ەتىپ، قالىڭ جۇرتشىلىقتىڭ مەرەكە كەزىندەگى ساپار حاۋىپسىزدىگىنە كەپىلدىك ەتتى.   ۋاقىت ۇتىپ، قۇرىلىس مەرزىمىن يگەردى  
  10 - ايدىڭ 1 - كۇنى، ليانيۇنگاڭ - قورعاس جوعارى جىلدامدىقتى تاس جولىنىڭ (G30) شياۋساۋحۋدان ۇرىمجىگە دەيىنگى بولىگىن كەڭەيتىپ سالۋ نىسانىنىڭ (قىسقاشا شياۋساۋحۋ - ءۇرىمجى نىسانى) 5 - توقتام بولىگىنىڭ 23 كيلومەترگە تاياۋ قۇرىلىس الاڭىندا، اسفالت جاتقىزۋ ماشيناسى، جول تاپتاۋ ماشيناسى، كران سياقتى ءىرى تۇرپاتتى ماشينالار قاربالاس جۇمىس جۇرگىزۋدە. اسفالت جاتقىزۋ ورنىندا ماشينالار گۇرىلدەپ تۇر، 35 جاستاعى شى لەي اسفالت جاتقىزۋ ماشيناسىن مۇقيات جۇرگىزىپ كەلەدى، 18 جىلدىق جۇمىس تاجىريبەسى بار ول، ءبىر جاعىنان، ماشينانى جۇرگىزىپ، ءبىر جاعىنان، اسفالت جاتقىزۋ ماشيناسىنىڭ استىنداعى اسفالتتىڭ تەگىستەلۋ - تاپتالۋ تۇزۋلىگى مەن قالىڭدىعىن تەكسەرىپ كەلەدى. «قازىر قۇرىلىس جۇرگىزۋدىڭ التىن مەزگىلى، ءبىز قۇرىلىس مەرزىمىن ۋاقىتتى ۇتا يگەرۋىمىز كەرەك»، - دەدى شى لەي. 
  شياۋساۋحۋ - ءۇرىمجى نىسانى شياۋساۋحۋ تۇتاسپالى ايقاسپالى كوپىرىنىڭ الدىنان باستالىپ، تۇرپاننان شياۋساۋحۋعا دەيىنگى جوعارى جىلدامدىقتى تاس جول نىسانىنىڭ اياقتالعان جەرىمەن ءتۇيىلىسىپ، اياعىندا شىعىس قالا اينالمالى جوعارى جىلدامدىقتى تاس جولىنىڭ جاڭادان سالىنعان ۇلانباي باتىسىمەن ءوزارا تۇتاسادى. «قازىر نىساننىڭ جالپى جەلىسىندە 2500دەن استام جۇمىسشى جۇمىس ورنىنان تاپجىلماي، نىسان قۇرىلىسىن بار كۇشپەن جەدەلدەتۋدە»، - دەدى شياۋساۋحۋ - ءۇرىمجى نىسانىنىڭ قولباسشىسى ۇسەنجان يبرايىم.  
 ءوندىرىس حاۋىپسىزدىگىن باستى ورىنعا قويدى  

  10 - ايدىڭ 1 - كۇنى ءتىلشى شينجياڭ جۇڭتاي توبىنىڭ تولىق قارجىلى بالا سەرىكتەستىگى − شينجياڭ جۇڭتاي حيمياسى توقسۇن ەنەرگيا - حيميا شەكتى سەرىكتەستىگىنە بارعاندا، ماشينالاردىڭ گۇرىلدەپ، قىزمەتكەرلەردىڭ قاربالاس بولىپ جاتقانىن كوردى. ساعات 8دەن 30 مينۋت وتكەندە، توقسۇن ەنەرگيا - حيميا شەكتى سەرىكتەستىگى كالتسي كاربيد 3 - سەحىنىڭ حاۋىپسىزدىك تەكسەرۋشىسى چىن يۇڭلياڭ كۇندەگىدەي سەحقا كەلىپ، بان - زۋلاردىڭ جۇمىس الدى جيىنىنا قاتىناسىپ، ونان كەيىن ءوندىرىس باسىنا باردى. «ءوندىرىس حاۋىپسىزدىگىندە <دەمالىس> بولمايدى، سەحتىڭ حاۋىپسىزدىك تەكسەرۋشىسى رەتىندە، ءبىز، ءسوز جوق، جۇمىس باسىن قالت جىبەرمەي قاداعالاپ، كومەسكى قاتەرلەردى دەر كەزىندە ارىلتىپ وتىرۋىمىز كەرەك». ماسەلە بايقالسا، ول دەرەۋ سەحتىڭ ۋيچات توبىندا «جاريا ەتىپ»، جاۋاپتى ادامنان تۇزەتۋدى تالاپ ەتەدى.  

 ۇعىسۋعا قاراعاندا، وسى سەرىكتەستىك ءوندىرىس حاۋىپسىزدىگى كومەسكى قاتەرلەرىن جاپپاي تەكسەرىپ جانە جونگە سالىپ، مەملەكەت مەرەكەسى دەمالىسى كەزىندەگى ءتۇرلى حاۋىپسىز ءوندىرىس - تيجارات جۇرگىزۋ قىزمەتىنىڭ ءتارتىپتى ورىستەتىلۋىنە كەپىلدىك ەتىپتى.   (تىلشىلەرىمىز چىن چياڭۋي، لۋ فىڭباۋ، لي ياڭ، سۇي يۇنيان، ۋاڭ يۇڭفەي، ەرىكتى تىلشىلەر ديڭ نانا، حۋ شياۋجۇن)


بەرىپ كەت ورامالىڭدى

دوستار

الىستاعى اق ەركە