جاڭا حابارلار

حۋبەي-حىنان-شانشي توڭكەرىستىك رايونىن قۇرۋشى ـــ ۋ حۋانشيان (吴焕先)

    كەلۋ قاينارى: شينجياڭ حالىق راديو ىستانسياسى    2018-10-03 12:20:18  
ۋ حۋانشيان، 1907-جىلى، حۋبەي ولكەسىنىڭ حۋاڭ-ءان اۋدانى زىيۇن رايونى سىجياۋ ساۋمىن قىستاعىندا (قازىرگى حىنان ولكەسى شينجياڭ اۋدانى جيانچاڭحى اۋىلى جۋلين قىستاعىندا) دۇنيەگە كەلگەن. 1923-جىلى، ماچىڭ B تۇرپاتتى جىبەك قۇرتى كاسىبى مەكتەبىنە ەمتيحان بەرىپ قابىلدانادى، سودان باستاپ، توڭكەرىستىك يدەيانى قابىلداي باستايدى. 1925-جىلى، جۇڭگو كوممۋنيستىك پارتياسىنا مۇشە بولادى. كەيىن تۋعان جەرىنە قايتىپ، ديحاندار قوعامىن ۇيىمداستىرىپ، ديحاندار قارۋلى كۇشىن قۇرادى.
1927-جىلى 11-ايدا، ۋ حۋانشيان زىيۇن رايونىنداعى ديحان قارۋلى كۇشتەرىن باستاپ، حۋاڭما كوتەرىلىسىنە قاتىناسادى. كەيىن ءبىر ءبولىم قارۋلى كۇشتى باستاپ، حۋاڭما رايونى مەن گاڭشان اۋدانىنىڭ وڭتۇستىگىندە تاباندىلىقپەن قارۋلى كۇرەس جۇرگىزىپ، چايشانباۋدى سەنتر ەتكەن حۋبەي-حىنان شەكاراسى توڭكەرىستىك رايونىن قۇرۋعا شارت ازىرلەيدى. كەيىن حۋبەي-حىنان شەكاراسى توڭكەرىستىك كوميتەتى جەر كوميتەتىنىڭ ءتوراعاسى، ج ك پ حۋبەي-حىنان-انحۇي ەرەكشە كوميتەتىنىڭ مۇشەسى، حۋاڭ-ءان اۋداندىق پارتكومنىڭ شۋجيى، جۇڭگو جۇمىسشى-ديحان قىزىل ارميا 4-ارمياسى 12-شىسى ساياسي ءبولىمىنىڭ مەڭگەرۋشىسى، قىزىل 4-باعىت ارمياسى 25-ارميا 73-شىسىنىڭ ساياسي جەتەكشىسى بولادى. حۋبەي-حىنان-انحۇي توڭكەرىستىك رايوننىڭ بىرنەشە رەتكى «قورشاپ جويۋعا» قارسى تۇرۋ شايقاسىنا قاتىناسادى.
1932-جىلى 10-ايدا، قىزىل 4 باعىت ارميانىڭ نەگىزگى كۇشى توڭكەرىستىك رايوننان كەتكەننەن كەيىن، ۋ حۋانشيان اۋەلى حۋبەيدىڭ شىعىس سولتۇستىك رايونىنداعى پارتيزاندار باس قولباسشىلىق ءبولىمىنىڭ باس قولباسشىسى بولىپ، 25-ارميانى قايتا قۇرۋعا قاتىناسىپ جانە وعان باسشىلىق ەتىپ، ارميا باستىعى بولادى.
1934-جىلى 11-ايدا، ج ك پ ورتالىق كوميتەتىنىڭ نۇسقاۋىمەن، ۋ حۋانشيان اسكەري ءبولىمدى باستاپ، ۇزاق جورىققا قاتىناسادى، جاۋدىڭ قورشاۋى مەن قۋعىنداۋىن جانە توسقاۋىلىن تالقانداپ، شانشيدىڭ وڭتۇستىگىندەگى چينليڭشان تاۋلى رايونىنا بارىپ، بۇقارانى كەڭ كولەمدە اتتانىسقا كەلتىرىپ، دەموكراتيالىق اكىمياتتى قۇرادى، جەرگىلىكتى قارۋلى كۇشتەردى ۇيىمداستىرىپ جانە قىزىل ارميانىڭ نەگىزگى كۇشىن دامىتىپ، پارتيزاندىق سوعىس جۇرگىزىپ، حۋبەي-حىنان-شانشي توڭكەرىستىك رايوندى قۇرۋعا باسشىلىق ەتىپ، ىلگەرىندى-كەيىندى ج ك پ حۋبەي-حىنان-شانشي ولكەلىك پارتكومنىڭ ورىنباسار شۋجيى، ۋاقىتتىق شۋجيى بولادى. 1935-جىلى 7-ايدا، ۋ حۋانشيان اسكەري ءبولىمدى باستاپ، باتىسقا جورىق جاساپ، ج ك پ ورتالىق كوميتەتى مەن قىزىل ارميانىڭ سولتۇستىككە جورىعىنا كومەكتەسەدى. سول جىلى 8-ايدىڭ 21-كۇنى، قىزىل ارميانىڭ 25-ارمياسى وڭتۇستىكتى بەتكە الىپ، گانسۋدىڭ جيڭچۋان اۋدانى سىپو قىستاعىنىڭ ماڭىنداعى رۇيحى وزەنىنەن وتكەندە، گومينداڭ ارمياسىنىڭ تۇتقيىل شابۋىلىنا ۇشىرايدى. ۋ حۋانشيان اسكەري ءبولىمنىڭ ماڭىزدى بەكىنىستى يەلەۋ شايقاسىنا قولباسشىلىق ەتىپ، جاۋمەن ايقاسقان ساتتە باقىتقا قارسى وق دارىپ، 28 جاسىندا ەرلىكپەن قۇربان بولادى.

بەرىپ كەت ورامالىڭدى

دوستار

الىستاعى اق ەركە