جاڭا حابارلار

اسكەر جاتتىقتىرۋدى، سوعىسقا دايىندالۋدى جاپپاي كۇشەيتىپ، جەڭىسكە جەتۋ قابىلەتىن جەدەل جوعارىلاتۋ كەرەك

    كەلۋ قاينارى: شينجياڭ گازەتى    2018-10-01 18:57:38  

شي جينپيڭ 79-جيتۋانجۇندى كوزدەن كەشىرگەندە مىنانى باسا دارىپتەدى

9 - ايدىڭ 27 - كۇنىنەن 28 - كۇنىنە دەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 79 - جيتۋانجۇندى كوزدەن كەشىرىپ، لياۋنيڭدا تۇراتىن اسكەري بولىمدەگى ورىنباسار شى دارەجەلىدەن جوعارى باسشى كادرلاردى ىقىلاستى تۇردە قابىلدادى. سۋرەتتە: 9 - ايدىڭ 27 - كۇنى تۇستەن كەيىن شي جينپيڭ 79 - جيتۋانجۇننىڭ قىزمەت مالىمەتىن تىڭدادى ءارى ماڭىزدى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

 شينحۋا اگەنتتىگىنىڭ 9 - ايدىڭ 29 - كۇنى شىنياڭنان بەرگەن حابارى (تىلشىلەر لي شۋانلياڭ، ۋاڭ تياندى). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9 - ايدىڭ 27 - كۇنى 79 - جيتۋانجۇندى كوزدەن كەشىرىپ، جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا جاعدايداعى اسكەري ىستەر ستراتەگيالىق باعىتىن دايەكتىلەندىرىپ، ارميانى ساياسي جاقتان قۇرۋعا، ارميانى رەفورما ارقىلى قۇدىرەتتەندىرۋگە، ارميانى عىلىم - تەحنيكا ارقىلى گۇلدەندىرۋگە، ارميانى زاڭمەن جونگە سالۋعا تاباندى بولىپ، ناقتى سوعىس تالاپتارىن دايەكتىلەندىرۋگە تاباندى بولىپ، بورىش پەن مىندەتكە تىعىز قابىستىرىپ، رەفورما جاساۋ مەن بۇرىلىس جاساۋدى تەرەڭدەتىپ، كوماندير - جاۋىنگەرلەردىڭ نەگىزگى تۇلعاسىن يگەرىپ، اسكەر جاتتىقتىرۋ مەن سوعىسقا دايىندالۋدى جاپپاي كۇشەيتىپ، جەڭىسكە جەتۋ قابىلەتىن جەدەل كوتەرىپ، پارتيا مەن حالىق جۇكتەگەن بورىش، مىندەتتەردى ويداعىداي وتەۋ كەرەكتىگىن باسا دارىپتەدى.
  التىن كۇز، لياۋشىن دالاسىندا اسپان جادىراپ، سامال ەسىپ، بار الاپتان تىرشىلىك لەبى ەسەدى. تۇستەن كەيىن ساعات 3 مولشەرىندە شي جينپيڭ 79 - جيتۋانجۇن بەلگىلى قۇرلىق اۆياتسيا لۇيىنىڭ جاتتىعۋ الاڭىنا باردى. ول الدىمەن اسكەري ءبولىمنىڭ قاتىستى مىندەتتەردى اتقارۋ جاعدايىنان بەرىلگەن مالىمەتتى تىڭدادى. اسكەري بولىمدەگى كوماندير - جاۋىنگەرلەردىڭ جۇرەكتىلىكپەن يدەيانى ازات ەتىپ، قولباسشىلىقتى سايكەستىرۋ، سوعىس ادىستەرىن قولدانۋ، قۇرال - جابدىقتاردى جاڭارتۋ سياقتى جاقتاردا كوپتەگەن جاڭالىق اشىپ جانە جاسامپازدىق جاساپ، ءتۇرلى مىندەتتەردىڭ ورىندالۋىنا پارمەندى كەپىلدىك ازىرلەگەنىن بىلگەندە، شي جينپيڭ توتەنشە قۋاندى.
  شي جينپيڭ اسكەري ءبولىمنىڭ نەگىزگى سوعىستىق قارۋ - جاراقتارى مەن جابدىقتارىن كوزدەن كەشىردى. قارۋلى تىك ۇشاقتاردىڭ تەحنيكالىق سوعىس قۋاتى قانداي؟ ناقتىلى قولدانىستا ىڭعايلى ما، جوق پا؟ جاقسارتۋعا ءتيىستى تۇستارى بار ما، جوق پا؟ شي جينپيڭ وسىنىڭ ءبارىن تاپتىشتەي سۇرادى. «جى − 10» قارۋلى تىك ۇشاق − ەلىمىز ءوزى زەرتتەپ جاساعان 3 - بۋىن سوعىس ۇشاعى، شي جينپيڭ وسى تۇرپاتتى تىك ۇشاققا شىعىپ، ارنايى دۋلىعانى كيىپ، ۇشاققا تيەلگەن قارۋ - جاراق پەن قاراۋ - نىساناعا الۋ جۇيەسىن ءوز قولىمەن باسقارىپ، قاتىستى جابدىقتاردىڭ جاعدايىن ۇعىستى.

9 - ايدىڭ 27 - كۇنىنەن 28 - كۇنىنە دەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 79 - جيتۋانجۇندى كوزدەن كەشىرىپ، لياۋنيڭدا تۇراتىن اسكەري بولىمدەگى ورىنباسار شى دارەجەلىدەن جوعارى باسشى كادرلاردى ىقىلاستى تۇردە قابىلدادى. سۋرەتتە: 9 - ايدىڭ 28 - كۇنى تۇستەن بۇرىن شي جينپيڭ شىنياڭدا لياۋنيڭدا تۇراتىن اسكەري بولىمدەگى ورىنباسار شى دارەجەلىدەن جوعارى باسشى كادرلاردى ىقىلاستى تۇردە قابىلدادى.
سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

 شي جينپيڭ ناقتى سوعىستىق اسكەري جاتتىعۋعا باسا ءمان بەردى، ول اۋەجايدىڭ قولباسشىلىق مۇناراسىنا شىعىپ، اسكەريءبولىمنىڭ قوزعالىستىق جاتتىعۋىن كوردى. ونداعان تىك ۇشاق سوعىستىق رەتءتارتىپ بويىنشا الدىڭعى بارلاۋ توبىن، اتۋ - سوققىلاۋ توبىن، قونۋ - سوققىلاۋ توبىن جانە اۋەدە قامتاماسىزداندىرۋ توبىن، اتىس - جاردەم توبىن قۇراپ، رەت - رەتىمەن قولباسشىلىق مۇنارادان ءوتتى، تومەن كەڭىستىكتە جاسىرىن قوزعالۋ، اۋە شابۋىلىنا قارسى قورعانىس جۇيەسىن بىتىراي بۇزىپ ءوتۋ جانە اۋەدە سوعىس جۇرگىزۋ، اۋە شابۋىلىنا قارسى قورعانىس جۇيەسىنەن تاكتيكالىق جالتارۋ، تاكتيكالىق قۇرامامەن تاياۋدان بارلاۋ، قونۋ - سوققىلاۋ، اۋەدە جاقىن قاشىقتىقتان اتۋ - جاردەم بەرۋ سياقتى تاكتيكالىق ساباقتار ىركەس - تىركەس وتكىزىلدى. لەزدە ۇشاقتار ازىناپ، تەمىر قاناتتار سۋىلداپ، ارنايى جاساقتار اسپاننان ءتۇسىپ، جەدەل ارەكەتكە كەلدى. شي جينپيڭ ءالسىن - ءالى دۇربىمەن زەر سالا قاراپ، اسكەري ءبولىمنىڭ ىسىلعان ساپاسىنا قۇپتاۋ ءبىلدىردى. جاتتىعۋ اياقتالاردا، اسكەري ءبولىمنىڭ كومانديرى تىك ۇشاقتىڭ باسىن كوماندالىق مۇنارا جاققا بۇرىپ جانە قوزعاپ، ەرەكشە تاسىلمەن ءتوراعا شي جينپيڭگە قۇرمەت ءبىلدىردى.
  جاتتىعۋ الاڭىنان شىققاننان كەيىن، شي جينپيڭ 79 - جيتۋانجۇن ورگانىنا بارىپ، جيتۋانجۇن ورگانىنداعى بارلىق كادرلار مەن قاراستى اسكەري بولىمدەگى تۋاننان جوعارى كادرلاردى قابىلداپ، ولارمەن شىنايى قول الىسىپ، ەستەلىك سۋرەتكە ءتۇستى.
  ودان سوڭ، شي جينپيڭ جيتۋانجۇننىڭ قىزمەت بايانداماسىن تىڭدادى ءارى ماڭىزدى ءسوز سويلەدى. ول مىنالاردى باسا دارىپتەدى: جاۋىنگەرلىك قوسىن يدەياسىن كۇشەيتىپ، جاۋىنگەرلىك كۇش ولشەمىنە تاباندى بولىپ، ناقتى سوعىس جاعدايىنان قول ۇزەتىن يدەيا مەن ارەكەتتەردى باتىل تويتارىپ، ناقتى سوعىس تالاپتارىن اسكەردى جاتتىقتىرۋ مەن سوعىسقا دايىندالۋدىڭ بارلىق جاعىندا جانە بۇكىل بارىسىندا تياناقتاندىرۋ كەرەك. بورىش ارقالاۋدى كۇشەيتىپ، ماسەلەنى نىشان ەتۋدەن جازباي، سوعىس مىندەتىمەن، سوعىس قارسىلاسىمەن، سوعىس ورتاسىمەن قابىستىرا ستراتەگيالىق جانە تاكتيكالىق ىرىقتىلىق ۇقىقتى مىقتاپ مەڭگەرۋ كەرەك. بۇكىل ارميانىڭ بىرلەسكەن جاۋىنگەرلىك جۇيەسىمەن توعىسىپ، قۇرلىق ارمياسىن تۇرلەندىرۋ قۇرىلىسىنىڭ تالابىن دايەكتىلەندىرىپ، جيتۋانجۇن قۇرىلىسىن باسقارۋ جانە سوعىسقا قولدانۋ تاسىلدەرىن جاڭالاپ، جاڭاشا سوعىس كۇشتەرى قۇرىلىسىن جەدەلدەتىپ، ءتۇرلى رەفورما قىزمەتىن ىشكەرىلەي جاقسى ىستەپ، جاۋىنگەرلىك كۇشتى ءتىپتى جاقسى ازات ەتۋ جانە دامىتۋ كەرەك. كوماندير - جاۋىنگەرلەردىڭ نەگىزگى تۇلعالىق ورنى مەن جاسامپازدىق رۋحىنا قۇرمەت ەتىپ، بۇقارالىق اسكەري جاتتىعۋ جانە جارىس قيمىلدارىن ىشكەرىلەي ورىستەتىپ، نەگىزگى ساتىداعى، ءبىرىنشى شەپتەگى اسكەر باستاۋشىلار مەن اسكەر جاتتىقتىرۋشىلاردى كۇشەيتىپ، اسكەري ءبولىمنىڭ جاۋىنگەرلىك كۇش نەگىزىن قاتايتىپ، اسكەري ءبولىمنىڭ اسكەر جاتتىقتىرۋ جانە سوعىسقا دايىندالۋ ورەسىن جوعارىلاتۋ كەرەك.
  شي جينپيڭ مىنالاردى اتاپ كورسەتتى: اسكەري ءبولىمدى يدەيالىق جاقتان، ساياسي جاقتان قۇرۋ مەن مەڭگەرۋگە تاباندى بولىپ، كوماندير - جاۋىنگەرلەردى تاباندىلىقپەن جاڭا ءداۋىر جۇڭگوشا سوتسياليزم يدەياسىمەن جانە جاڭا داۋىردەگى پارتيانىڭ ارميانى قۇدىرەتتەندىرۋ يدەياسىمەن قارۋلاندىرىپ، داڭقتى ءداستۇر تاربيەسىن جانە جاۋىنگەرلىك رۋح جەتىلدىرۋدى كۇشەيتىپ، نەگىزگى ساتى ستيل قۇرىلىسىن كۇشەيتىپ، اسكەري ءبولىمنىڭ پارتيانىڭ قولباسشىلىعىنا بويسۇنۋ يدەيالىق - ساياسي نەگىزىن بەكەمدەپ، كوماندير - جاۋىنگەرلەردىڭ ەرلىك جانە جەڭىمپازدىق جاعىنداعى باتىل سەنىمىن كۇشەيتۋ كەرەك. ءار دارەجەلى ورىندار كوكىرەك كەرنەگەن ىقىلاسپەن كوماندير - جاۋىنگەرلەرگە كوڭىل ءبولىپ جانە قامقورلىق جاساپ، ىرىقتى تۇردە كوماندير - جاۋىنگەرلەردىڭ قيىنشىلىعىن شەشىپ، كوماندير - جاۋىنگەرلەردىڭ جاتتىعۋ جانە سوعىسقا دايىندالۋ بەلسەندىلىگىن، ىرىقتىلىعىن، جاسامپازدىعىن تولىق ساۋلەلەندىرىپ، ارميانى قۇدىرەتتەندىرۋ ىستەرىن جۇدىرىقتاي جۇمىلا العا ىلگەرىلەتۋ كەرەك.
  9 - ايدىڭ 28 - كۇنى تۇستەن بۇرىن، شي جينپيڭ شىنياڭدا لياۋنيڭدا تۇراتىن اسكەري ءبولىمنىڭ ورىنباسار شى دارەجەلىدەن جوعارى باسشى كادرلارىن ىقىلاستى تۇردە قابىلداپ، ولارمەن بىرگە ەستەلىك سۋرەتكە ءتۇستى.

  جاڭ يوۋشيا قاتارلىلار قيمىلعا قاتىناستى.


بەرىپ كەت ورامالىڭدى

دوستار

الىستاعى اق ەركە