جاڭا حابارلار

شينجياڭنىڭ جەر-جەرىندەگى ءار ۇلت، ءار سالاداعىلار حالىق قاھارماندارىنا گۇل شارباعىن قويدى

    كەلۋ قاينارى: شينجياڭ حالىق راديو ىستانسياسى    2018-10-01 12:33:05  

ستانسيامىزدىڭ حابارى: اسقار تيانشاندا ادال جۇرەكتەردىڭ رۋحى ماڭگى وشپەيدى. 9-ايدىڭ 30-كۇنى تۇستەن بۇرىن، قاھارمانداردى ەسكە الۋ كۇنىندە حالىق قاھارماندارىنا گۇل شارباق قويۋ سالتى ءۇرىمجى حالىق الاڭىندا سالتاناتپەن وتكىزىلدى. اۆتونوميالى رايوننىڭ پارتيا، ۇكىمەت، ارميا ورىندارىنىڭ جانە شينجياڭ ءوندىرىس قۇرىلىس بيڭتۋانىنىڭ باسشىلارى بۇكىل رايونىمىزداعى ءار ۇلت، ءار سالا كادرلارى مەن بۇقاراسىنىڭ ۋاكىلدەرمەن بىرگە حالىق قاھارماندارىنا گۇل شارباعىن قويىپ، قۇربانداردى ەسكە الىپ، تاريحتى ەستە بەرىك ساقتاپ، العاشقى ماقساتتى ۇمىتپاي، بۇكىل رايونىمىزداعى ءار ۇلت حالقىنىڭ قاھارمانداردىڭ مۇراتى بويىنشا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەرىك باسشىلىعىندا، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، جۇڭحۋا ۇلتىنىڭ ۇلى كوركەيۋى سىندى جۇڭگو ارمانىنىڭ شينجياڭ داستانىن كۇش سالا جازۋدىڭ بەرىك سەنىمىن تولىق بەينەلەدى.
ءۇرىمجى حالىق الاڭى ەرەكشە سالتاناتتى دا ايباتتى تۇسكە ەنىپ، بەس جۇلدىزدى قىزىل تۋ جەلبىرەدى. چىن چۋانگو، شوكىرات زاكىر، شاۋكەت يمىن، سۇن جينلۇڭ، جۋ حايلۇن، لي پىڭشين، ليۋ ۋانلۇڭ، لي ۋي، ەركىن تۇنياز، تيان ۋىن، جي جىڭ، سارقىت اقان ۇلى، جاڭ چۇنليندەر حالىق قاھارماندارىنا گۇل شارباق قويۋ سالتىنا قاتىناستى. اۆتونوميالى رايوندىق پارتكومىنىڭ تۇراقتى مۇشەسى، ءۇرىمجى قالالىق پارتكومىنىڭ شۋجيى شۇي حايرۇڭ سالتتى باسقاردى.
قاراعايلار قاسقايىپ، ەسكەرتكىش بوي سوزىپ تۇر. ساعات 11 دە، حالىق قاھارماندارىنا گۇل شارباق قويۋ سالتى باستالدى. «ەرىكتىلەر مارىشى» ورىندالىپ، تۇتاس الاڭدا مەملەكەت گيمىنى اسقاقتاتا شىرقالدى. ايباتتى مەملەكەت گيمىنىنىڭ ءۇنى بۇكىل الاڭدى جاڭعىرتتى.
مەملەكەت گيمىنى ايتىلىپ بولعاننان كەيىن، تۇتاس الاڭداعىلار ءۇن-تۇنسىز تۇرىپ، شينجياڭنىڭ ازاتتىعى مەن قۇرىلىس ىستەرىنە وزدەرىن ارناعان قۇرباندارعا، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋ، بولشەكتەۋگە قارسى تۇرۋ كۇرەسى مەن لاڭكەستىككە قارسى تۇرۋ كۇرەسىندە ەرلىكپەن قۇربان بولعان قاھارماندارعا ءۇنسىز ازا ءبىلدىرىلدى.
ءۇنسىز ازا ءبىلدىرۋ اياقتاعاننان كەيىن، پيونەرلەر « ءبىز كوممۋنيزم ءىزباسارلارىمىز» ءانىن ورىندادى، ءارى تەگىس تۇرىپ پيونەر وترياتىنىڭ سالەمىن بەردى.
شارشى توپتىڭ الدىنا، اۆتونوميالى رايوندىق پارتكوم، اۆتونوميالى رايوندىق حالىق قۇرىلتايى تۇراقتى كوميتەتى، اۆتونوميالى رايوندىق حالىق ۇكىمەتى، اۆتونوميالى رايوندىق ساياسي كەڭەس، شينجياڭ اسكەري رايونى، شينجياڭ ءوندىرىس قۇرىلىس بيڭتۋانى، اۆتونوميالى رايونىمىزداعى ءارقايسى دەموكراتيالىق پارتيا-توپتار، ونەركاسىپشىلەر مەن ساۋداگەرلەر بىرلەستىگى جانە پارتيادا توپتادا جوق قايراتكەرلەر، ءۇرىمجى قالاسىنداعى ءار ۇلت، ءار سالا بۇقاراسى، جۇڭگو پيونەرلەر وترياتى ۇسىنعان 9 گۇل شارباق قاتار قويىلدى. جىبەك لەنتاعا «حالىق قاھارماندارى ماڭگى جاسايدى» دەگەن ءسوز التىن ءتۇستى 8 ارىپپەن جازىلدى.
تەرەڭ سەزىمگە تولى «گۇل شارباق قويۋ مۋزيكاسىنىڭ» ءۇنى ىشىندە، 18 قۇرمەت قاراۋىلى گۇل شارباقتاردى كوتەرىپ، بايسالدى قاداممەن گۇل شارباقتاردى ەسكەرتكىشتىڭ تۇعىرىنا اكەلىپ قويدى.
چىن چۋانگو، شوكىرات زاكىر، شاۋكەت يمىن، سۇن جينلۇڭ، جۋ حايلۇن، لي پىڭشين، ليۋ ۋانلۇڭدار ەسكەرتكىشتىڭ تۇعىرىنا شىعىپ، گۇل شارباقتاردىڭ لەنتاسىن مۇقيات رەتتەدى. ىلە-شالا، اۆتونوميالى رايوننىڭ پارتيا، ۇكىمەت، ارميا ورىندارىنىڭ جانە شينجياڭ ءوندىرىس قۇرىلىس بيڭتۋانىنىڭ باسشىلارى، ءار ۇلت، ءار سالا كادرلارى مەن بۇقاراسىنىڭ ۋاكىلدەرى باياۋ اينالىپ ءجۇرىپ، جۇڭگو حالىق ازاتتىق ارمياسىنىڭ شينجياڭعا كىرۋ ەسكەرتكىشىنە قۇرمەتپەن كوز تاستادى.
ءار ۇلت كادرلارى مەن بۇقاراسى بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىندە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، قاھارمانداردىڭ تىلەگىن ەستە بەرىك ساقتاپ، ولاردىڭ قان توگىپ قۇربان بولعان ۇلى مۇراتىن ماڭگى ەستەن شىعارماي، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، نازاردى باس نىساناعا شوعىرلاندىرىپ، كەشەندى شارالاردى ويداعىداي اتقارىپ، شينجياڭ قوعامىنىڭ جالپى جاعدايىنىڭ باياندى جاراسىمدىلىعىن، ورنىقتىلىعىن كۇش سالا قورعاپ، «قوس ءجۇز جىلدىق» كۇرەس نىساناسىن ىسكە اسىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋ جولىندا تالىقپاي كۇرەس جاساپ، ناقتى ارەكەتىمىز ارقىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەرەكشە قامقورلىعى مەن مەيىرىنە العىس ايتامىز.
اۆتونوميالى رايوندىق حالىق قۇرىلتايى، ۇكىمەت، ساياسي كەڭەس، شينجياڭ اسكەري رايونى، شينجياڭ ءوندىرىس قۇرىلىس بيڭتۋانى باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوت مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ، قارۋلى ساقشى شينجياڭ باس اترەتىنىڭ نەگىزگى جاۋاپتى جولداستارى سياقتىلار حالىق قاھارماندارىنا گۇل شارباق قويۋ سالتىنا قاتىناستى.


بەرىپ كەت ورامالىڭدى

دوستار

الىستاعى اق ەركە