جاڭا حابارلار

زەردەلى ەمدەۋ ەمدەلۋگە تىڭ بارىس الا كەلدى

    كەلۋ قاينارى: شينجياڭ حالىق راديو ىستانسياسى    2018-10-01 12:23:53  

ستانسيامىزدىڭ ءتىلىشى لان تياننىڭ حابارى: پارتيا 19-قۇرىلتايىنىڭ بايانداماسىندا بىلاي دەپ اتاپ كورسەتىلدى: ازاماتتاردىڭ دەنساۋلىق ساياساتىن كەمەلدەندىرىپ، حالىققا دەنساۋلىق جاعىنان جان-جاقتىلى، تۇتاس مەرزىمدىك قىزمەت وتەۋ كەرەك. قازىر ۇرىمجىدەگى ءىرى ەمدەۋ قۇرىلىمدارى «ينتەرنەت پەن ەمدەۋدى بىرلەستىرۋ» ۇلگىسىن ىلگەرلەتىپ، ناۋقاستاردىڭ ەمدەلۋ بارىسىن قىسقارتىپ جانە ونى جاقسارتىپ، اناعۇرلىم زەردەلى، قولايلى ەمدەۋ ورتاسى ارقىلى ناۋقاستارعا ساپالى قىزمەت وتەدى.
9-ايدىڭ 29-كۇنى تۇستەن كەيىن، شينجياڭ مەديتسينا داشۋەسىنە قاراستى ءۇرىمجى قالالىق جۇڭگوشا شيپاحانانىڭ ەمحانا زالىندا، لي فاڭ اتتى ناۋقاس شيپاحانانىڭ ءۇنحات الەۋمەتتىك ءنومىرىن قوستى، ءارى قول تەلەفون ارقىلى ءنومىر الدى. ول: «قازىر بانكە كارتىشكامدى ءساتتى جالعادىم، قول تەلەفون ارقىلى ءنومىر الۋىما، شيپاگەردى تاڭداۋىما بولادى»،-دەدى. «116-ءنومىرلى ناۋقاس قولايلى ەمحاناعا بارىپ ەمدەلىڭىز»... دياگنوز قويىلعاننان كەيىن، لي فاڭ قول تەلەفون ءۇنحاتى ارقىلى اقى تاپسىردى. ول:« ەمحانادا اقى تاپسىرۋدى تاڭدادىم، قاجەتتى ءدارى-دارمەكتەردىڭ اقىسىن قول تەلەفون ارقىلى تولەۋىمە بولادى، وتە قولايلى، مۇنداي دامۋ وزگەرىسىنىڭ توتەنشە تەز ەكەنىن سەزىندىك»،-دەدى.
لي فاڭنىڭ پايدالانعانى شينجياڭ مەديتسينا داشۋەسىنە قاراستى ءۇرىمجى قالالىق جۇڭگوشا شيپاحانانىڭ 9-ايدىڭ ورتا شەنىندە توراپقا شىعارعان « قول تەلەفون شيپاحانا» جۇيەسى. شيپاحانانىڭ پارتيا-اكىمشىلىك ىستەرى كەڭسەسىنىڭ مەڭگەرۋشىسى چين دان-ي تىلشىگە، ىسكە قوسىلعان جارىم ايدىڭ ىشىندە « قول تەلەفون شيپاحاناسى» ارقىلى ەمحاناعا تەكسەرۋشىلەردىڭ مولشەرى شيپاحانانىڭ ەمحاناسىندا تەكسەرىلگەندەر جالپى سانىنىڭ %10 تىنەن استامىن يەلەگەنىن ايتا كەلىپ: «بۇل وتە قولايلى، نەگىزىنەن قاتارعا تۇرۋ قاجەتسىز، ەمحانادا ءنومىر الىپ قاتارعا تۇرمايتىن بولدىق، تەكسەرىلۋ قاعازىن شيپاحاناعا بارىپ الماي، بارلىعىن قول تەلەفون ارقىلى ءبىر جايلى ەتۋگە بولادى. سونىمەن بىرگە، ەمدەلۋگە زەردەلى نۇسقاۋشىلىق ەتىپ، تەكشەدە اۋرۋ بەلگىلەرى ايتىلسا بولعانى، بۇل جۇيە اۋرۋ تەكسەرتۋگە نۇسقارۋشىلىق ەتىپ، قايسى مامانعا تەكسەرىلۋ جونىندە ۇسىنىس بەرەدى»،-دەدى.
كەزەكتە، «ينتەرنەت پەن ەمدەۋدى بىرلەستىرۋ» ناۋقاستاردىڭ ءداستۇرلى ەمدەلۋ ۇلگىسىن بىرتىندەپ وزگەرتۋدە. ينتەرنەتتىڭ الىس ارالىقتا بىرىگىپ ەمدەۋى ارقىلى اۋەلى شيپاگەردىڭ مىڭ شاقىرىم الىستاعى ناۋقاستىڭ اۋرۋىن تەكسەرۋىن ىسكە اسىرۋعا بولادى. «ناۋقاستىڭ اۋرۋى ويداعىداي مەڭگەرىلمەپتى، سونىمەن بىرگە سۇيەك ءبۇلىنپتى جانە كەۋدەسىندە ىسىك بار ەكەن.....». 9-ايدىڭ 28-كۇنى تۇستەن بۇرىن، اۆتونوميالى رايوندىق حالىق شيپاحاناسى قان اۋرۋلارى ءبولىمىنىڭ اعا شيپاگەرى ۋاڭ شياۋمين الىس ارالىقتان ەمدەۋ جۇيەسى ارقىلى اقسۋ ايماعىنداعى قايتالانبالى جىلىك مايى وسپەسىنە شالدىققان ناۋقاستىڭ دەنساۋلىعىن بىرىگىپ تەكسەرۋدە. ول:« قازىر بۇل ادام دارىگە ءتابيعي ءتوزىمدى دەپ ويلاستىق، ەمدەۋ ونىمدىلىگى جاقسى بولماپتى..»،-دەدى. دياگنوز ساندى مالىمەتى، ەمدەلۋ جاعدايى، ناۋقاستىڭ اۋرۋ قاتەرىن ساتىعا ءبولۋ سياقتىلارعا جان-جاقتىلى تالداۋ جاساعاننان كەيىن، ۋاڭ شياۋمين دەرەۋ ۇيعارىم جاساپ، بۇل ناۋقاسقا جاسىل ارنا اشۋ ارقىلى شيپاحانا اۋىستىرۋ ۇسىنىسىن بەردى. ول:« الدىمەن ءبىزدىڭ شيپاحاناعا اۋىسىپ كەلۋدى ۇسىنىس ەتەمىن. مەن سەنىڭ شيپاگەرىڭدى، توسەك ورنىڭدى تۇراقتاندىرىپ قويايىن، شيپاگەر سەنىمەن حابارلاسسىن، توسەگىڭدى بۇگىن ازىرلەپ قويسىن»،-دەدى.
رايونىمىزدىڭ «نەگىزگى ساتى الدىمەن دياگنوز قويۋ، قوس باعىتتا اۋىسىپ دياگنوز قويۋ، شۇعىل جانە سوزىلمالى اۋرۋدى ايىرىپ ەمدەۋ، جوعارى مەن تومەن بىرگە ارەكەتكە كەلۋ» سىندى دارەجەگە ءبولىپ دياگنوز قويۋ جانە ەمدەۋ ۇلگىسىن ۇزدىكسىز كەمەلدەندىرۋىنە بايلانىستى، نەگىزگى ساتى شيپاحانالارى قابىلداعان كۇردەلى، قيىن ناۋقاستار مەن شۇعىل، سالماقتى ناۋقاستاردىڭ باسىم كوبى A3 دارەجەلى شيپاحاناداعى مامانداردىڭ دياگنوز قويۋ جانە ەمدەۋ قىزمەت وتەۋىنەن نەمەسە «جاسىل ارنا» ارقىلى شيپاحانا اۋىستىرىپ ەمدەلۋ قىزمەت وتەۋىنەن يگىلىكتەنە الادى. اۆتونوميالى رايوندىق حالىق شيپاحاناسىنىڭ ورىنباسار باستىعى لۋ چىن تانسىتىرا كەلىپ بىلاي دەدى: قازىرگە دەيىن، اۆتونوميالى رايوندىق حالىق شيپاحاناسى تۇتاس رايونىمىزداعى 127 ايماق-اۋدان دارەجەلى شيپاحانامەن الىس ارالىقتان ەمدەۋ سەلبەستىگىن ورىستەتىپ، جىل سايىن ورتا ەسەپپەن 10 مىڭنان ارتىق الىستان بىرىگىپ ەمدەۋدى ورىستەتتى. ول: «وسى بىرىگىپ ەمدەلگەن ناۋقاستاردان ءبىزدىڭ شيپاحاناعا اۋىسىپ كەلىپ ەمدەلگەندەرى نەبارى %9.8 عانا، الىس ارالىقتان ەمدەۋ ءادىسى ارقىلى ۇنەمى كەزدەسەتىن باسىم كوپ اۋرۋلاردى، ءجيى قوزعالاتىن اۋرۋلاردى ءوز جەرىندە ەمدەتىپ، بۇقارانىڭ ەمدەلەتىن شيپاحاناسىنىڭ الىس بولۋى جانە ەمدەلۋىنىڭ قيىنعا سوعۋى سىندى ماسەلەسىن شەشتىك»،-دەدى.
جۋىردا، مەملەكەتتىك دەنساۋلىق ساقتاۋ اقاۋسىزدىق كوميتەتى «ينتەرنەتتە دياگنوز قويۋ جانە ەمدەۋدى باسقارۋ ءادىسىن (سىناق رەتىندە اتقارىلادى)»، «ينتەرنەت شيپاحانالارىن باسقارۋ ءادىسىن (سىناق رەتىندە اتقارىلادى)»، « الىس ارالىقتا ەمدەۋ قىزمەتىن وتەۋدى باسقارۋ ولشەمىن (سىناق رەتىندە اتقارىلادى)» جاريالاپ، تۇڭعىش رەت ينتەرنەتتە ەمدەۋ، ينتەرنەت شيپاحاناسى، الىس ارالىقتان ەمدەۋ قىزمەتىن وتەۋ سياقتى جاڭا كاسىپتىك جاعدايلارعا شەت-شەكارانى ايىرۋ جانە كىرۋگە رۇحسات ەتۋ بەلگىلەمەسىن شىعاردى. شينجياڭ مەديتسينا داشۋەسى ورايدى مىقتى يگەرىپ، 9-ايدىڭ 22-كۇنى حابارلاسۋ كاسىپورىندارىمەن جانە فينانس قۇرىلىمدارىمەن، ەمدەۋ ءدارى-دارمەك سەرىكتەستىكتەرمەن ستراتەگيالىق سەلبەستىك كەلىسىمىن جاساسىپ، جىلجىمالى زەردەلى ەمدەلۋ جانە دەنساۋلىقتى باسقارۋدى نەگىز ەتكەن «ينتەرنەت پەن ەمدەۋ اقاۋسىزدىعىن بىرلەستىرگەن» جۇيە تەكشەسىن قۇرۋدى جوسپارلاپ، ەمدەۋ قۇرىلىمدارى اراسىنداعى ءوزارا حابارلاسۋ، ۇشتاسۋ، بايلىقتان تەڭ يگىلىكتەنۋدى ىسكە اسىردى. شينجياڭ مەديتسينا داشۋەسى تاجىريبەحاناسى مەن جابدىق باسقارۋ باسقارماسىنىڭ ورىنباسار باستىعى جاۋ ۋىنفىڭ: « قاراستى التى شيپاحانا ساندى مالىمەت جاعىندا ءوزارا اۋىس-كۇيىس جاساۋى كەرەك، وسى قاراستى التى شيپاحانا بىرىككەننەن كەيىن، قاراستى بولماعان شيپاحانالاردا بىرىگەدى. ءبىز داشۋە سىندى ساپالى تەكشە ارقىلى تۇتاس شينجياڭنىڭ ەمدەۋ دەڭگەيىن اناعۇرلىم جوعارى ساتىعا كوتەرۋدى جەبەمەكشىمىز»،-دەدى.


بەرىپ كەت ورامالىڭدى

دوستار

الىستاعى اق ەركە