جاڭا حابارلار

كينو فيلم «ءومىر اعىسىندا» شينجياڭدا تۇڭعىش رەت قويىلدى

    كەلۋ قاينارى: شينجياڭ حالىق راديو ىستانسياسى    2018-10-01 12:12:43  

ستانسيامىزدىڭ حابارى: 9-ايدىڭ 30-كۇنى تۇستەن كەيىن، اۆتونوميالى رايوندىق پارتكومنىڭ ۇگىت ءبولىمى، اۆتونوميالى رايوندىق اقپارات-باسپا ءسوز، راديو-كينو-تەلەۆيزيا مەكەمەسى، تيانشان كينو ستۋدياسى بىرلەسىپ كەسكىنگە العان « ءومىر اعىسىندا» اتتى قۇجاتتى كينو فيلم ءۇرىمجى مي-يا كەڭ ەكراندى كينوحاناسىندا شينجياڭداعى تۇڭعىش قويىلۋ سالتىن وتكىزدى.
اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن تۇڭعىش قويىلۋ سالتىنا قاتىناستى، ءارى كينونى كوردى.
كينودا قۇمار مەن قاديشا سىندى ەكى وتباسىنداعىلاردىڭ ءبىر رەتكى كەزدەيسوق وقيعادان تۋىنداعان قايشىلىققا قاتىستى اڭگىمەسى باياندالىپ، 40 جىلدان بەرى جايلاۋداعى ءوندىرىس، تۇرمىستىڭ وزگەرىسى بەينەلەندى. رەفورما جاساپ ەسىك اشقاننان بەرگى قازاق مالشىلارىنىڭ پارتيانىڭ وتىرىقتاندىرىپ مال شارۋاشىلىعىن كوركەيتۋ ساياساتىنىڭ جەتەكشىلىگىندە، جايلاۋدىڭ ەكولوگياسىن قورعاۋدى ارتقى كورىنىس ەتە وتىرىپ، بۇرىنعى تۇرمىسقا قوش ايتىپ، جاڭا تۇرمسىقا قادام تاستاعاندىعى ايتىلادى.
كينو فيلمدى ءوندىرۋشى، باس فيلمناي، تيانشان كينو ستۋدياسىنىڭ باستىعى حۋا گاڭ تانىستىرا كەلىپ بىلاي دەدى: فيلىمنىڭ جوبالانىپ، تۇراقتانىپ، كەسكىنگە الىنىپ بولۋىنا 3 جىلداي ۋاقىت كەتتى. فيلم تابيعي ەكولوگيانى ەستەلىككە الۋ جانە كورىنىستىك تەاترمەن ىلگەرلەتۋدى ۇشتاستىرىپ، دەرەكتى كينونىڭ ەرەكشەلىگىنە جاڭالىق جاساۋمەن بىرگە، اسا باتىلدىقپەن ىزدەنىس جاسالدى. بۇل شينجياڭ كينو جاسامپازدىعىنداعى تۇڭعىش ەرەكشە ۇلكەن ەكراندى كينو فيلم سانالادى. بۇل فيلم مەجەمەن 10-ايدىڭ سوڭعى شەنىندە بۇكىل ەلىمىزدە جاپپاي قويىلادى.
9-ايدىڭ 11-كۇنى بەيجيڭ حالىق سارايىندا وسى فيلمنىڭ تۇڭعىش قويىلۋ قيمىلى وتكىزىلىپ، استاناداعى ءار سالاداعى كورەرمەندەردىڭ قىزۋ تالقىسىنا ءتۇسىپ، جاپپاي جاقسى باعاعا يە بولعان.


بەرىپ كەت ورامالىڭدى

دوستار

الىستاعى اق ەركە