جاڭا حابارلار

يدەيانى ازات ەتىپ، قايراتتانا ۇمتىلىپ، رەفورمانى تەرەڭدەتىپ، قايشىلىقتاردى شەشىپ، جاڭا بەينەمەن، جاڭا جاۋاپكەرلىكپەن، جاڭا ىسكەرلىكپەن شىعىس سولتۇستىكتى گۇلدەندىرە ءتۇسۋ باسا دارىپتەلدى

    كەلۋ قاينارى: شينجياڭ گازەتى    2018-09-30 12:21:55  

شي جينپيڭ شىعىس سولتۇستىكتەگى 3 ولكەدە قىزمەت تەكسەردى جانە شىعىس سولتۇستىكتى گۇلدەندىرۋدى ىشكەرىلەي ىلگەرىلەتۋ جونىندەگى اڭگىمە ءماجىلىستى باسقارىپ اشتى
حان جىڭ اڭگىمە ماجىلىسكە قاتىناستى

9 - ايدىڭ 25 - كۇنىنەن 28 - كۇنىنە دەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شىعىس سولتۇستىكتەگى 3 ولكەدە قىزمەت تەكسەرىپ، شىعىس سولتۇستىكتى گۇلدەندىرۋدى ىشكەرىلەي ىلگەرىلەتۋ جونىندەگى اڭگىمە ءماجىلىستى باسقارىپ اشتى. سۋرەتتە: 9 - ايدىڭ 28 - كۇنى تۇستەن كەيىن شي جينپيڭ شىعىس سولتۇستىكتى گۇلدەندىرۋدى ىشكەرىلەي ىلگەرىلەتۋ جونىندەگى اڭگىمە ءماجىلىستى باسقارىپ اشتى ءارى ماڭىزدى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

 شينحۋا اگەنتتىگىنىڭ 9 - ايدىڭ 28 - كۇنى شىنياڭنان بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا شىعىس سولتۇستىكتەگى 3 ولكەدە قىزمەت تەكسەرىپ، شىعىس سولتۇستىكتى گۇلدەندىرۋدى ىشكەرىلەي ىلگەرىلەتۋ جونىندەگى اڭگىمە ءماجىلىستى باسقارىپ اشتى ءارى ماڭىزدى ءسوز سويلەدى. ول مىنالاردى باسا دارىپتەدى: جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن مۇقيات دايەكتىلەندىرىپ، پارتيا ورتالىق كوميتەتىنىڭ شىعىس سولتۇستىكتى گۇلدەندىرۋ جونىندەگى ءبىرسىپىرا شەشىمدەرى مەن ورنالاستىرۋلارىن تياناقتاندىرىپ، جاڭا دامۋ ۇستانىمىنا تاباندى بولىپ، يدەيانى ازات ەتىپ، قايراتتانا ۇمتىلىپ، باعداردى ءدال كوزدەپ، تاباندىلىقتى ساقتاپ، رەفورمانى تەرەڭدەتىپ، قايشىلىقتاردى شەشىپ، ارتىقشىلىقتى ساۋلەلەندىرىپ، ولقىلىقتى تولىقتاپ، ەرەكشەلىكتى ايگىلەپ، جاڭا بەينەمەن، جاڭا جاۋاپكەرلىكپەن، جاڭا ىسكەرلىكپەن شىعىس سولتۇستىكتى گۇلدەندىرە ءتۇسۋ كەرەك.
  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ اڭگىمە ماجىلىسكە قاتىناستى.

  التىن كۇز، شىعىس سولتۇستىكتىڭ بايتاق دالاسى مول ءونىم شاتتىعىنا بولەنىپ تۇر. 9 - ايدىڭ 25 - كۇنىنەن 28 - كۇنىنە دەيىن شي جينپيڭ جەكە - جەكە حيلۇڭجياڭ ولكەلىك پارتكومنىڭ شۋجيى جاڭ چيڭۋيدىڭ، ولكە باستىعى ۋاڭ ۋىنتاۋدىڭ، جيلين ولكەلىك پارتكومنىڭ شۋجيى بايىنچۇلۋدىڭ، ولكە باستىعى جيڭ جۇنحايدىڭ، لياۋنيڭ ولكەلىك پارتكومنىڭ شۋجيى چىن چيۋفانىڭ، ولكە باستىعى تاڭ يجۇننىڭ سەرىك بولۋىندا، حيلۇڭجياڭداعى تىڭ يگەرۋ جيانسانجياڭ باسقارۋ مەكەمەسىنە جانە چيچيحار قالاسىنا، جيليندەگى سۇڭيۋان قالاسىنا، لياۋنيڭدەگى لياۋياڭ قالاسى مەن فۋشۇن قالاسىنا بارىپ، شىعىس سولتۇستىكتى گۇلدەندىرۋ جاعدايىن جۇمىس باسىندا ۇعىستى.
  9 - ايدىڭ 25 - كۇنى تۇستەن كەيىن شي جينپيڭ حيلۇڭجياڭداعى تىڭ يگەرۋ جيانسانجياڭ باسقارۋ مەكەمەسىنە كەلىپ قىزمەت تەكسەردى، تەكسەرۋ - زەرتتەۋ جۇرگىزدى. جيانسانجياڭ سانجياڭ جازىعىنا ورنالاسقان، ەلىمىزدىڭ ماڭىزدى استىق ءوندىرىس بازاسى. شي جينپيڭ الدىمەن بەيداحۋاڭ دالمە - ءدال اۋىل شارۋاشىلىعى، اۋىل شارۋاشىلىعى ماشينالارى ورتالىعىنا كەلىپ، وسى زامانعى ءىرى اۋىل شارۋاشىلىعىن دامىتۋ، استىق ءوندىرىسى، «ءۇش وزەندى تۇتاستىرۋ» بويىنشا سۋ بايلىعىن كەشەندى پايدالانۋ سياقتى جاعدايلار جونىندەگى تانىستىرۋدى تىڭدادى. اۋىل شارۋاشىلىعى ماشينالارىنا قولباسشىلىق ەتۋ جانە ونى جۇمىسقا سالۋ ورتالىعىندا، شي جينپيڭ قىزمەتكەرلەردەن اۋىل شارۋاشىلىعى بويىنشا زاتتار ينتەرنەتىنىڭ كەشەندى قىزمەت كورسەتۋ − باسقارۋ تۇعىرىنىڭ اينالىم جاعدايىن ەگجەي - تەگجەيلى سۇراپ ۇعىستى، سونىمەن بىرگە ۇلكەن ەكراننان ەگىس الاڭى، اۋىل شارۋاشىلىق ماشينالارىن قاشىقتان باسقارۋ - جۇمىسقا سالۋ سياقتى جاعدايلاردى كوردى.

  اۋىل شارۋاشىلىق ماشينالارى ورتالىعىنىڭ سىرتىندا، التىن كۇزدىڭ جايلى سامالى ەسىپ، كۇرىش اتىزى تەڭىزدەي تولقيدى، چيشيڭ ەگىس الاڭىنىڭ 10 مىڭ مۋلىق داديحاۋ اتىزىنان مول ءونىم الىناتىنى كورىنىپ تۇر، قاز - قاتار تىزىلگەن كومبايندار بىرلەسە جۇمىس ىستەۋدە. شي جينپيڭ ورىلىپ جاتقان اتىزعا كەلىپ، كۇرىشتىڭ جيىن - تەرىن جاعدايىن كوردى. باس شۋجيدىڭ كەلگەنىن كورگەن كومباين شوفەرلەرى كومبايندەرىنەن ءتۇسىپ، قاۋمالاي كەلىپ، باس شۋجيمەن امانداستى. شي جينپيڭ ولارمەن ىقىلاسپەن قول الىسىپ، ولاردان بيىلعى ءونىم جاعدايىنىڭ قانداي ەكەنىن، استىق باعاسىنىڭ قانداي ەكەنىن، وتباسى تابىسىنىڭ قانداي ەكەنىن، بالالارىنىڭ جۇمىسقا ورنالاسۋ جاعدايىن، ەگىس الاڭىنىڭ تيجاراتى جونىندە قانداي قيىنشىلىق جانە تالاپ بار ەكەنىن سۇراستىرىپ، ولارعا جۇمىس حاۋىپسىزدىگىنە كوڭىل ءبولۋدى تاپسىردى. شي جينپيڭ مىنالاردى باسا دارىپتەدى: تىڭ يگەرۋ − مەملەكەتتىڭ استىق حاۋىپسىزدىگىن قامتاماسىز ەتۋ، مەملەكەت قۇرىلىسىن قولداۋ، شەكارا ءوڭىردىڭ ورنىقتىلىعىن قورعاۋ ءۇشىن ەلەۋلى ۇلەس قوستى. جاڭا دامۋ ۇستانىمدارىن دايەكتىلەندىرىپ، وسى زامانعى اۋىل شارۋاشىلىعى ءىرى بازالارىن، ءىرى كاسىپورىندارىن، ءىرى كاسىپ سالالارىن جەدەل قۇرىپ، تىڭ يگەرۋ ءتۇزىلىسى رەفورماسىن تەرەڭدەتىپ، تىڭ يگەرۋدىڭ ىشكى قوزعاۋشى كۇشىن، دامۋ ومىرشەڭدىگىن، جالپى تۇلعالىق يقۋاتىن جاپپاي كۇشەيتىپ، تىڭ يگەرۋدىڭ وسى زامانعى اۋىل شارۋاشىلىعى قۇرىلىسىنداعى تىرەكتىك رولىن اناعۇرلىم ويداعىداي ساۋلەلەندىرۋ كەرەك. جاسىل اۋىل شارۋاشىلىعىنىڭ دامۋىن جەدەلدەتىپ، پايدالانۋ مەن قورعاۋدى بىرلەستىرۋگە، كەشەندى شارا قولدانۋعا تاباندى بولىپ، قارا توپىراقتىڭ ازايماۋىنا، قۇنارسىزدانباۋىنا كەپىلدىك ەتۋ كەرەك.
  1 - قاباتتاعى كورمە زالىندا، سول جەردە وندىرىلگەن كۇرىش مايى، بۇرشاق ءسۇتى سياقتى اۋىل شارۋاشىلىق ونىمدەرى كوزدىڭ جاۋىن الادى، شي جينپيڭ ءبىر - بىردەن كورىپ، جۇڭگولىقتاردىڭ ءوز قازانىن قاي - قاشان دا ءوز قولىندا مىقتى ۇستاۋى كەرەكتىگىن باسا دارىپتەدى. ول ءبىر كەسە كۇرىشتى قوس قولىمەن كوتەرە ۇستاپ، تەرەڭ ماعىنادا: «جۇڭگونىڭ استىعى! جۇڭگونىڭ اس كەسەسى!»، - دەدى.
  وسىدان سوڭ، شي جينپيڭ بەيداحۋاڭ جيانسانجياڭ مەملەكەتتىك اۋىل شارۋاشىلىق عىلىم - تەحنيكا باقشا رايونىنا كەلىپ، باقشا رايونىندا دالمە - ءدال اۋىل شارۋاشىلىق تەحنيكالارىن زەرتتەۋ جانە تابىستارىن كادەگە جاراتۋ جاعدايىنان مالىمەت تىڭداپ، عىلمي زەرتتەۋ قىزمەتكەرلەرىنەن كۇرىش ءوسىرۋ، توپىراقتىڭ جاعدايىن ولشەۋ - سىناۋ، تالداۋ جاساۋ، جەتىلدىرۋ جانە جالپىلاستىرىپ ەگۋ جاعدايىن سۇراستىردى. شي جينپيڭ مىنالاردى اتاپ كورسەتتى: جۇڭگونىڭ وسىزاماندانۋى اۋىل شارۋاشىلىعىن وسىزامانداندىرۋدان قول ۇزە المايدى، اۋىل شارۋاشىلىعىن وسىزامانداندىرۋدىڭ كىلتى − عىلىم - تەحنيكادا، دارىندىدا. اۋىل شارۋاشىلىق عىلىم - تەحنيكالارىن دامىتۋدى اناعۇرلىم كورنەكتى ورىنعا قويىپ، اۋىل شارۋاشىلىعىن ماشينالاندىرۋدى، زەردەلىلەندىرۋدى كۇش سالا ىلگەرىلەتىپ، اۋىل شارۋاشىلىعىن وسىزامانداندىرۋعا عىلىم - تەحنيكامەن قانات ءبىتىرۋ كەرەك.
  چيچيحار − بايىرعى ونەركاسىپ بازاسى، ءبىرشاما كەمەلدى جابدىق جاساۋ كاسىبى جۇيەسىن تۇلعالاعان. 9 - ايدىڭ 26 - كۇنى تۇستەن بۇرىن، شي جينپيڭ چيچيحاردا ءىرى تۇرپاتتى جابدىق جاسايتىن مەملەكەت مەنشىگىندەگى 2 كاسىپورىندا قىزمەت تەكسەردى. جۇڭگو ماشينا جاساۋ چيچيحار ماشينا توبى شەكتى سەرىكتەستىگىندە، شي جينپيڭ كاسىپورىننىڭ دامۋ تاريحى، ءوندىرىس، ساتىلىم جاعدايىنان مالىمەت تىڭداپ، تەمىر جول جۇك پويەزىنىڭ قالجىراۋ جانە تەربەلىس تاجىريبەسىن كوردى. زاۆود ءۇيىنىڭ سىرتىنا، 138 توننا جۇك كوتەرە الاتىن اۋىر تۇرپاتتى كەن ماشيناسى، كومىر تاسيتىن توكپەلى ماشينا، كومىر تاسۋعا ارنالعان اشىق توبەلى ماشينا، كوپ تاسىلمەن ۇتىلاپ تاسىمالدايتىن كوتەرمە ماشينا سياقتى ءتۇرلى تەمىر جول جۇك پويەزى ونىمدەرى ءتىزىلىپتى. شي جينپيڭ ءتۇرلى تۇرپاتتاعى تەمىر جول جۇك ماشينالارىنىڭ قاسيەتى مەن رولى تۋرالى تانىستىرۋدى تىڭداپ، ولاردىڭ ءونىمدى جانە قىزمەت كورسەتۋدى كەڭەيتۋ، كاسىپ تىزبەگىن ۇزارتۋ جاعىندا قول جەتكىزگەن تابىستارىن تۇراقتاندىراتىندىعىن ءبىلدىردى. كاسىپورىننىڭ جاۋاپتىسى تانىستىرۋىندا كاسىپورىن ءونىمىنىڭ 50 نەشە مەملەكەتكە ەكسپورت ەتىلەتىندىگىن ايتتى، مۇنى ەستىگەن باس شۋجي قاباعات قۋانىپ، ولاردى حالىقارالىق بازاردى ونان ارى كەڭەيتۋگە، «ءبىر بەلدەۋ، ءبىر جولدى» بىرگە قۇرۋدا تىڭ، اناعۇرلىم كەسەك ناتيجەگە قول جەتكىزۋگە ىنتالاندىردى. شي جينپيڭ مىنالاردى باسا دارىپتەدى: جاساۋ كاسىبى − مەملەكەتىمىزدىڭ قۋاتتى قارۋى، ناقتى ەكونوميكانىڭ قۇرامداس بولىگى. مەملەكەت باسەكەلىك قۋاتتى جوعارىلاتۋدا ناقتى ەكونوميكاعا سۇيەنۋى كەرەك. چيچيحار ماشينا توبى ۇتىمدى جاعدايعا قاراي ءىس ىستەپ، ورگە ۇمتىلىپ، دەربەس جاڭالىق اشۋدى كۇشەيتىپ، ىشكى قۋاتتى نىعايتىپ، ۇزدىكسىز جاڭا تەحنيكا، جاڭا ءونىم جاراتىپ، جاڭا قىزمەتتەر كورسەتىپ، ءارقاشان ىرىقتىلىقتى يگەرىپ، ۇزدىكسىز الۋەتتەنۋ، ساپالىلانۋ، ۇلعايۋ كەرەك.
  جۇڭگو 1 - ماشينا توبى شەكتى سەرىكتەستىگىندە، شي جينپيڭ قالىپتاۋ - جاساۋ زاۆودىنىڭ سەحىنا كىرىپ، كاسىپورىننىڭ مەتال قورىتۋ، ەلەكتروندىق سالالىق روتور، قالىپتاۋىش شاڭتاس ونىمدەرىنىڭ ءوندىرىس جاعدايىن كورىپ، ەلىمىز وندىرگەن يادرولىق رەاكتوردىڭ قىسىم ىدىسىنىڭ جالعانىم بولىگى، حۋالۇڭ - 1 بۋلاندىرعىشىنىڭ قۇبىر تاقتاسى سياقتى يادرو ەلەكتر ونىمدەرىن كوردى. سۋ قىسىمىمەن شىڭداۋ سەحىندا، شي جينپيڭ كاسىپورىن دەربەس زەرتتەپ جاساپ شىققان جاڭا بۋىن الەمدىك دەڭگەيدەگى 15 مىڭ توننالىق ەركىن شىڭداۋ سۋ قىسىمى ماشيناسىنىڭ جۇمىس جاعدايىن ەگجەي - تەگجەيلى سۇراستىردى. شي جينپيڭ مىنالاردى اتاپ كورسەتتى: جاساۋ كاسىبىنىڭ، اسىرەسە، جابدىق جاساۋ كاسىبىنىڭ ساپالى دامۋى ەلىمىز ەكونوميكاسىنىڭ ساپالى دامۋىنداعى ەڭ ماڭىزدى ءتۇيىن سانالادى، ول وسىزاماندانعان ءىرى ەلدە كەم بولسا بولمايدى. قازىر حالىقارادا ءبىر جاقتىلىق ساۋدا قورعامپازدىعى كوتەرىلدى، ءبىز، ءسوزجوق، ءوز كۇشىمىزگە سۇيەنىپ ءومىر ءسۇرۋ جولىمەن جۇرۋگە تاباندى بولۋىمىز كەرەك. جۇڭگو دامۋ ءۇشىن، ءتۇپتىڭ تۇبىندە وزىنە سۇيەنەدى.
  9 - ايدىڭ 26 - كۇنى تۇستەن كەيىن، شي جينپيڭ پويەزبەن سۇڭيۋان قالاسىنا جەتىپ، ونان اۆتوكولىككە وتىرىپ چاگان كولىنە باردى. چاگان كولى ەلىمىزدەگى 10 ۇلكەن تۇششى كولدىڭ ءبىرى، جيليننىڭ وزەن - كولدەردى تۇتاستىرۋ ينجەنەرياسىنىڭ وزەگى. نانحۋ الاڭىنداعى سۋ جاعاسىندا، شي جينپيڭ جيلين ولكەسىنىڭ وزەن - كولدەردى تۇتاستىرۋ ينجەنەرياسىنىڭ جالپى جاعدايىنان جاسالعان مالىمەتتى تىڭدادى. كۇزگى چاگان كولىنىڭ زەڭگىر اسپانىندا مامىق بۇلتتار قالىقتاپ، كول تولقىنى ساعىمدانا تەربەلۋدە. شي جينپيڭ قايىققا وتىرىپ، چاگان كولىنىڭ نانحۋ ەكولوگياسىن قورعاۋ جاعدايىن كوزدەن كەشىردى. بالىقشىلىق الاڭىنىڭ ونداعان قىزمەتشىلەرى اۋ سالىپ، بالىق اۋلاپ ءجۇر ەكەن، شي جينپيڭ قالقىما كوپىرگە شىعىپ، جاقىنداپ بارىپ زەر سالا كوردى. قىزمەتشىلەر باس شۋجيمەن داۋىستاپ ەسەندەستى، كەيبىرى جاڭا ۇستاعان ۇلكەن بالىعىن قۇشاقتاپ الىپ كەلدى. شي جينپيڭ كوپشىلىكپەن قۋانىشتى تۇردە قول الىسىپ، سويلەسىپ، ولاردان بۇگىنگى تابىستارىنىڭ قانشا ەكەنىن، سۋ ونىمدەرىنىڭ ساتىلۋى قانداي ەكەنىن، كىرىستەرىنىڭ جاعدايىن سۇرادى. ول اۋىلداستاردان چاگان كولى سىندى «التىن ماركانى» ويداعىداي قورعاۋدى، ومىرلەرىندە «جىل سايىن مولشىلىق بولۋىن» ءۇمىت ەتتى. كۇن ۇياسىنا بەتتەپ، سۋ تولقىنى مولدىرەي تەربەلىپ، قامىس - قۇراقتار ىرعالا بيگە باسىپ، قۇستار اسىر سالىپ، چاگان كولىنىڭ ەكولوگيالىق سۋ جاعاسىنان دۋماندى تىرشىلىك لەبى ەستى، شي جينپيڭ كەشكى ارايدا شارباق جولمەن ءجۇرىپ، سۋ جاعدايىن جانە جانۋارلار مەن وسىمدىكتەردىڭ تىرشىلىك ورتاسىن كوزدەن كەشىردى. ول مىنالاردى باسا دارىپتەدى: تاماشا ەكولوگيالىق ورتا شىعىس سولتۇستىك ءوڭىردىڭ ەكونوميكالىق، قوعامدىق دامۋىنىڭ اسىل بايلىعى، سونداي - اق شىعىس سولتۇستىكتى گۇلدەندىرۋدەگى ارتىقشىلىقتاردىڭ ءبىرى. ەكولوگيالىق ورتانى قورعاۋدى الدىمەن ويلاستىرىلاتىن ورىنعا قويىپ، جاسىل دامۋعا تاباندى بولۋ كەرەك. چاگان كولىندەگى ەكولوگيانى قورعاۋ مەن ساياحاتتى دامىتۋ ءبىر - بىرىنە ساي كەلىپتى، وسىعان ۇزدىكسىز تاباندى بولۋ كەرەك.
  9 - ايدىڭ 27 - كۇنى تۇستەن بۇرىن، شي جينپيڭ لياۋياڭ قالاسىنا كەلىپ، جۇڭگو مۇناي لياۋياڭ مۇناي حيميا سەرىكتەستىگىندە قىزمەت تەكسەرىپ، مۇناي وڭدەۋدى ساپالىلاندىرىپ، ونىمدىلىگىن جوعارىلاتىپ جاقسارتۋ نىسانى قۇرىلعىسىنىڭ جالپى بەينەسىن جانە قۇرىلىس جاعدايىن جۇمىس باسىندا كوردى. ورتالىق مەڭگەرۋ بولمەسىنە كىرگەن شي جينپيڭ ۇلكەن ەكراننان كاسىپورىننىڭ اينالىم جاعدايىمەن جانە لياۋياڭ قالاسىنىڭ مۇناي حيميا ونەركاسىبىنىڭ دامۋ جاعدايىمەن تانىسىپ، كاسىپورىننىڭ پوليەفير، مولەكۋلالىق سالماعى اسا جوعارى پوليەتيلەن سياقتى جاڭا ونىمدەر تۋرالى تانىستىرۋىن تىڭدادى. مەڭگەرۋ بولمەسىنىڭ سىرتىندا، شي جينپيڭ كاسىپورىننىڭ ەڭبەك ەرلەرىمەن جانە جۇمىسشى - قىزمەتشىلەردىڭ ۋاكىلدەرىمەن ءبىر - بىرلەپ قول الىستى. شي جينپيڭ مىنالاردى باسا دارىپتەدى: مەملەكەت مەنشىگىندەگى كاسىپورىننىڭ ورنى ماڭىزدى، رولى شەشۋشى، ونىڭ ورنىن باسقا ەشنارسە باسا المايدى، ول پارتيا مەن مەملەكەتتىڭ ماڭىزدى تىرەك كۇشى. سونىمەن بىرگە، مەملەكەت مەنشىگىندەگى كاسىپورىندار رەفورما جاساپ، جاڭالىق اشۋى، ءوزىن ۇزدىكسىز كەمەلدەندىرۋى جانە دامىتۋى كەرەك. پارتيانىڭ مەملەكەت مەنشىگىندەگى كاسىپورىندارعا باسشىلىعىنا باستان - اياق دايەكتى تاباندى بولىپ، مەملەكەت مەنشىگىندەگى كاسىپورىندار رەفورماسىن باستان - اياق دايەكتى تەرەڭدەتىپ، ساپاسى اناعۇرلىم جوعارى، ونىمدىلىگى اناعۇرلىم جاقسى، قۇرىلىمى اناعۇرلىم ساپالى دامۋدى جۇزەگە اسىرۋعا قۇلشىنۋ كەرەك.

9 - ايدىڭ 25 - كۇنىنەن 28 - كۇنىنە دەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شىعىس سولتۇستىكتەگى 3 ولكەدە قىزمەت تەكسەرىپ، شىعىس سولتۇستىكتى گۇلدەندىرۋدى ىشكەرىلەي ىلگەرىلەتۋ جونىندەگى اڭگىمە ءماجىلىستى باسقارىپ اشتى. سۋرەتتە: 9 - ايدىڭ 25 - كۇنى تۇستەن كەيىن شي جينپيڭ حيلۇڭجياڭداعى تىڭ يگەرۋ جيانسانجياڭ باسقارۋ مەكەمەسى چيشيڭ ەگىس الاڭىنىڭ 10 مىڭ مۋلىق داديحاۋ ءنومىرلى كۇرىش اتىزىندا كۇرىشتىڭ جيىن - تەرىن جاعدايىن كوردى ءارى كومباين شوفەرلەرىمەن ىقىلاستى اڭگىمەدە بولدى.
سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

 لياۋياڭ مۇناي حيميا سەرىكتەستىگىنەن شىعىپ، شي جينپيڭ لياۋنيڭ جۇڭۋاڭ توبىنا كەلدى. اتالعان توپ حالىق باسقارۋىنداعى ءىرى كاسىپورىن، 25 جىلدىق دامۋ ارقىلى ونەركاسىپتىك اليۋميننىڭ سىعىمدالعان ونىمدەرىن زەرتتەيتىن، جاسايتىن كولەمى ۇلكەن، الۋەتى كۇشتى كاسىپورىنعا اينالعان. كاسىپورىننىڭ كورمە زالىندا، شي جينپيڭ ءتۇرلى ۇلگىدەگى، تۇرلىشە رولعا يە سىمدالعان اليۋمين ونىمدەرىن كورىپ، كاسىپورىننىڭ دامۋ تاريحىمەن جانە جوسپارىمەن تانىستى. رەليستى ماشينا تۇلعاسىن جاساۋ سەحىندا، شي جينپيڭ قىزمەتشىلەردەن ءوندىرىس ءتارتىبى مەن تەحنيكالىق تالاپتاردى ەگجەي - تەگجەيلى سۇراستىردى. شي جينپيڭ مىنالاردى باسا دارىپتەدى: ەلىمىز جالپىلىق مەنشىكتى نەگىز تۇلعا ەتكەن، كوپ ءتۇرلى مەنشىكتەگى شارۋاشىلىق قاتار داميتىن نەگىزگى ەكونوميكالىق ءتۇزىم اتقارادى. پارتيا ورتالىق كوميتەتى ەجەلدەن حالىق باسقارۋىنداعى كاسىپورىنداردىڭ دامۋىن قولداپ جانە ىنتالاندىرىپ كەلەدى، پارتيا 18 - قۇرىلتايىنان بەرى، پارتيا ورتالىق كوميتەتى حالىق باسقارۋىنداعى شارۋاشىلىقتىڭ دامۋىن سۇيەمەلدەيتىن ءبىرسىپىرا رەفورما شارالارىن ورتاعا قويدى، حالىق باسقارۋىنداعى كاسىپورىندار سەنىمدى بەكەمدەۋى كەرەك. «ەكىدە استە بۇلجىماۋعا» تاباندى بولىپ، حالىق باسقارۋىنداعى كاسىپورىنداردىڭ دامۋى ءۇشىن تاماشا زاڭدىق ورتا جانە ىسكەرلىك ورتا قالىپتاستىرىپ، حالىق باسقارۋىنداعى كاسىپورىنداردىڭ ۇقىق - مۇددەسىن زاڭ بويىنشا قورعاپ، جالپىلىق مەنشىككە جاتپايتىن شارۋاشىلىقتىڭ ۇزدىكسىز دامۋىن، ۇلعايۋىن ىنتالاندىرۋ، قولداۋ، جەتەكتەۋ كەرەك.
  فۋشۇن − لەي فىڭنىڭ ەكىنشى مەكەنى ءارى لەي فىڭ رۋحىنىڭ بەسىگى. 9 - ايدىڭ 28 - كۇنى ءتۇستىڭ الدىندا، شي جينپيڭ فۋشۇن قالاسىنىڭ لەي فىڭ ەسكەرتكىش سارايىنا كەلىپ، لەي فىڭنىڭ قابىرىنا گۇلشارباق قويدى. شي جينپيڭ لەي فىڭ ەسكەرتكىش سارايىنا كەلىپ، لەي فىڭنىڭ ءومىر بايانى مەن ىزگى ىستەرى كورمەسىن ەكسكۋرسيالاپ، لەي فىڭنان ۇيرەنۋ قيمىلى جاعدايى جونىندەگى تانىستىرۋدى تىڭدادى، لەي فىڭنىڭ قول جازبالارى، ارتىندا قالعان دۇنيەلەرى، فوتو سۋرەتتەرى سياقتى كورمە بۇيىمدارىنىڭ الدىندا ايالداپ كوردى. شي جينپيڭ بىلاي دەپ باسا دارىپتەدى: لەي فىڭ − ءداۋىردىڭ ۇلگىسى، لەي فىڭ رۋحى ماڭگى جالعاسادى. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءتىپتى كوپ ءداۋىر ۇلگىسىن قاجەت ەتەدى. ءبىز لەي فىڭ رۋحىنان ۇيرەنۋمەن بىرگە، لەي فىڭنىڭ ىستەرىن دە ۇيرەنىپ، وسكەلەڭ مۇرات پەن ءمورالدىق قاسيەت تالپىنىسىن ناقتى ارەكەتكە اينالدىرىپ، قاراپايىم قىزمەت پەن تۇرمىستا ايگىلەپ، ءتيىستى ۇلەسىمىزدى قوسىپ، لەي فىڭ رۋحىن ۇرپاقتان - ۇرپاققا جالعاۋىمىز كەرەك.
  100 جىلدىق كومىر قازۋ تاريحى بار فۋشۇن بايلىعى سارقىلعان تيپتىك قالا. كاسىپتى تۇرلەندىرۋ مەن باياندى دامۋدى قالاي جۇزەگە اسىرۋ كەرەك؟ جۇمىستاندىرۋ مەن قايتالاي جۇمىستاندىرۋدى قالاي شەشۋ كەرەك؟ بۇقارانىڭ قونىستانۋ شارت - جاعدايى قانداي، تۇرمىسى قامتاماسىز ەتىلگەن بە - جوق پا؟ شي جينپيڭ وسىلارعا ەرەكشە نازار اۋداردى. 9 - ايدىڭ 28 - كۇنى ءتۇستىڭ الدىندا، شي جينپيڭ فۋشۇن كەن توبىنىڭ باتىس اشىق كەنىنە ارنايى كەلىپ، كەن قۇدىعىن كوردى، كومىر قازعاننان كەيىن وتىرىپ كەتكەن ءوڭىردى جان - جاقتى جونگە سالۋ جاعدايىن جانە كەن قۇدىعىن جان - جاقتى وڭاپ پايدالانۋ جوسپارىن ۇعىستى. شي جينپيڭ بىلاي دەپ باسا دارىپتەدى: كومىر قازعاننان كەيىن وتىرىپ كەتكەن ءوڭىردى جان - جاقتى جونگە سالۋ ءۇشىن، عىلمي پوزيتسيا مەن رۋحتا بولا وتىرىپ، ويداعىداي باعالاۋ، دالەلدەۋ جۇرگىزىپ، سايكەستى پايدالانۋ سىندى كەلەلى ءىستى ويداعىداي ىستەۋ كەرەك. تۇسكە تاياۋ شي جينپيڭ اۆتوموبيلمەن دۇڭحۋايۋان الەۋمەتتىك اۋماعىنا كەلىپ، فۋشۇن قالاسىنىڭ كومىر قازعاننان كەيىن وتىرىپ كەتكەن وڭىردە حاۋىپتەن اراشالاۋ، كوشىرۋ، ورنالاستىرۋ جاعدايىن ۇعىستى. چىن يۇيفاڭنىڭ ۇيىندە، شي جينپيڭ تۇرعىندارمەن اڭگىمەلەستى. باس شۋجي تۇرعىن ءۇيدى جاقسارتۋ جاعدايىنىڭ قالاي ەكەندىگىن، زەينەتاقى مەن قوعامدىق قامسىزداندىرۋ قاراجاتىن دەر كەزىندە الىپ جاتقان - جاتپاعاندىقتارىن، اۋرۋ كورسەتۋدىڭ قولايلى - قولايلى ەمەستىگىن ىقىلاسپەن سۇرادى. كوپشىلىك باس شۋجيگە جاڭا الەۋمەتتىك اۋماققا كوشىپ كەلگەننەن بەرى قورشاعان ورتا تازالىعىنىڭ كورنەكتى جاقسارعاندىعىن، سۋمەن، توكپەن، گازبەن قامتاماسىز ەتىلگەندىگىن، الەۋمەتتىك قىزمەت وتەۋدىڭ الەۋمەتتىك اۋماققا كىرگەندىگىن، تۇرمىس ساپاسىنىڭ ءبىرشاما جوعارىلاعاندىعىن ايتتى. شي جينپيڭ مۇنى ەستىپ قاباعات قۋاندى. الەۋمەتتىك اۋماقتان اتتاناردا، تۇرعىندار قاۋمالاي كەلىپ باس شۋجيمەن سالەمدەستى، شي جينپيڭ كوپشىلىكپەن شىنايى قول الىسىپ، شىن ىقىلاسپەن ولارعا بىلاي دەدى: مەن بايلىعى سارقىلعان قالالاردىڭ كاسىپتى تۇرلەندىرىپ دامىتۋىنا ەرەكشە نازار اۋدارىپ كەلەمىن. پارتيا ورتالىق كوميتەتى لاشىقتى ءوڭىردى جانە كومىر قازعاننان كەيىن وتىرىپ كەتكەن ءوڭىردى جان - جاقتى وڭاۋ ماسەلەسىن شەشۋگە قىرۋار قارجى ءبولدى، بۇل وتە قاجەتتى ءارى وسىلاي ىستەۋگە تاتيدى. بايلىعى سارقىلعان قالالار كاسىپتى تۇرلەندىرىپ دامىتۋدا، ەڭ الدىمەن، حالىق تۇرمىسى ماسەلەسىن شەشۋى، قيىنشىلىعى بار بۇقارانىڭ تۇرمىسىن قامتاماسىز ەتۋى كەرەك. باس شۋجي تۇرعىندارمەن قيماستىقپەن قوشتاستى ءارى ولاردىڭ مەملەكەت مەرەكەسىنىڭ مەرەيلى، دەنساۋلىقتارىنىڭ مىقتى، وتباسىلارىنىڭ باقىتتى بولۋىن تىلەدى.
  9 - ايدىڭ 28 - كۇنى تۇستەن كەيىن، شي جينپيڭ شىنياڭدا شىعىس سولتۇستىكتى گۇلدەندىرۋدى ىشكەرىلەي ىلگەرىلەتۋ جونىندەگى اڭگىمە ءماجىلىستى باسقارىپ اشتى. لياۋنيڭ ولكەلىك پارتكومنىڭ شۋجيى چىن چيۋفا، جيلين ولكەلىك پارتكومنىڭ شۋجيى بايىنچۇلۋ، حيلۇڭجياڭ ولكەلىك پارتكومنىڭ شۋجيى جاڭ چيڭۋي، ىشكى موڭعۇل اۆتونوميالى رايوندىق پارتكومنىڭ شۋجيى لي جيحىڭ ىلگەرىندى - كەيىندى لەبىز ءبىلدىرىپ، ءوز قىزمەتتەرىنىڭ ءىس جۇزىندىك جاعدايىمەن ۇشتاستىرىپ، شىعىس سولتۇستىكتىڭ گۇلدەنۋى جونىندە تانىمدارىن ايتتى، اسەرلەرىن اڭگىمەلەدى، ماسەلەلەردى ورتاعا سالدى، وي جەلىلەرىن العا قويدى.

  كوپشىلىكتىڭ لەبىزىن تىڭداعان سوڭ، شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: شىعىس سولتۇستىك رايون − ەلىمىزدىڭ ماڭىزدى ونەركاسىپ جانە اۋىل شارۋاشىلىعى بازاسى، مەملەكەتتىڭ قورعانىس حاۋىپسىزدىگىن، استىق حاۋىپسىزدىگىن، ەكولوگيالىق حاۋىپسىزدىگىن، ەنەرگيا حاۋىپسىزدىگىن، كاسىپ حاۋىپسىزدىگىن قورعاۋداعى ستراتەگيالىق ورنى اسا ماڭىزدى، مەملەكەت دامۋىنىڭ جالپى جاعدايىنا سايادى. جاڭا داۋىردەگى شىعىس سولتۇستىكتىڭ گۇلدەنۋى − جاپپاي گۇلدەنۋ، جان - جاقتى گۇلدەنۋ بولىپ تابىلادى، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋ تۇرعىسىنان يگەرىپ، بەتالىستى كوزدەپ، تۇراقتىلىقتى ساقتاپ، ارتىقشىلىقتاردى ساۋلەلەندىرىپ، كەمشىلىكتەردەن ساقتانىپ، باسىمدىلىقتى ساۋلەلەندىرىپ، دايەكتى تۇردە تىنباي ەڭبەك ەتىپ، بىلەك سىبانا قايراتتانا ىستەپ، قورشاعان ورتانى تۇلەتىپ، ايبىندى قايتا اسقاقتاتىپ، مەملەكەتتىڭ كەلەلى ستراتەگياسىنا بەرىك تىرەك ازىرلەۋ كەرەك.
  شي جينپيڭ شىعىس سولتۇستىكتىڭ گۇلدەنۋىن ىشكەرىلەي ىلگەرىلەتۋ جونىندە 6 جاقتان تالاپ قويدى: ءبىرىنشى، ساۋدا ورتاسىن ساپالىلاندىرۋدى نەگىز ەتىپ، رەفورمانى جاپپاي تەرەڭدەتۋ. رەفورما سەنىمىن نىعايتىپ، رايوننىڭ رەفورماسىن، دامۋىن جوبالاۋ وي جەلىسى جاعىنا كۇش سالۋ، كورنەكتى قايشىلىقتار مەن ماسەلەلەردى شەشۋگە كۇش سالۋ، نەگىزگى ساتى رەفورماسىندا جاڭالىق اشۋ ومىرشەڭدىك كۇشىن قاۋلاتۋعا كۇش سالۋ كەرەك. قامداۋ جاعىنداعى قۇرىلىمدىق رەفورمانى تەرەڭدەتۋگە ءتيىمدى بولۋ، ەكونوميكالىق ارتۋدىڭ جاڭا دەمەۋشى قۋاتىن جەدەل جەتىلدىرۋگە ءتيىمدى بولۋ، ءار ءتۇرلى بازار سۋبيەكتتەرىنىڭ ومىرشەڭدىك كۇشىن قاۋلاتۋعا ءتيىمدى بولۋ، حالىق بۇقاراسىنىڭ تابىس سەزىمىن كۇشەيتۋگە ءتيىمدى بولۋ، قالىڭ كادر - بۇقارانىڭ بەلسەندىلىگىن جۇمىلدىرۋعا، قورعاۋعا ءتيىمدى بولۋ جاقتارىنان ءتۇيىندى تۇردە رەفورما وي جەلىسىن كەمەلدەندىرىپ، رەفورما شارالارىن شىنايى قولدانىپ، رەفورما ومىرشەڭدىك كۇشىن ىسكە قوسىپ، رەفورمانىڭ رولىن جوعارىلاتۋ كەرەك. كوپ جاقتى شارالار قولدانىپ، ادامداردى باۋراپ الىپ قالۋ شارت - جاعدايىن ازىرلەپ، ءار ءتۇرلى دارىندىلاردىڭ الاڭسىز ورنىعىپ، كاسىپپەن اينالىسۋىنا مۇمكىندىك جاساۋ كەرەك. ەكىنشى، جاڭا دەمەۋشى قۋاتتى جەتىلدىرۋدى، زورايتۋدى ءتۇيىن ەتىپ، جاڭالىق اشۋعا دەم بەرەتىن ىشكى قوزعاۋشى كۇشتى قاۋلاتۋ كەرەك. جاڭالىق اشۋعا سۇيەنە وتىرىپ ناقتى ەكونوميكانى ناقتى جۇرگىزۋ، الۋەتتەندىرۋ، ساپالىلاندىرۋ، قايتا جانداندىرۋعا، تىڭنان تۇرلەندىرۋگە تاباندى بولىپ، جاڭادان گۇلدەنگەن كاسىپتەردىڭ جەدەل دامۋىنا بەلسەنە دەم بەرىپ، كوپ تۇيىن تىرەك بولاتىن، كوپ كاسىپ قاتار جۇرىلەتىن، كوپ نەگىزدى داميتىن كاسىپ دامۋىنىڭ جۇيەسىن جەدەل قالىپتاستىرۋ كەرەك. ءۇشىنشى، عىلمي ءبىر تۇتاس دالمە - ءدال شارا اتقارىپ، سايكەستى دامۋدىڭ جاڭا جۇيەسىن قۇرۋ كەرەك. وسىزاماندانعان قالا شەڭبەرىن جەتىلدىرىپ، دامىتىپ، ءتۇيىندى وڭىرلەر مەن ءتۇيىندى سالالاردىڭ سەلبەستىگىن كۇشەيتىپ، شىعىس سولتۇستىك رايوننىڭ سەلبەسىپ اشۋ بىرىككەن كۇشىن قالىپتاستىرۋ كەرەك. شىعىس سولتۇستىك رايون مەن شىعىس بولىكتەگى رايونداردىڭ سالالار بويىنشا سەلبەستىگىن سۇيەنىش ەتىپ، شىعىس سولتۇستىكتىڭ گۇلدەنۋىنىڭ بەيجيڭ، تيانجين، حىبەيدىڭ سايكەستى دامۋى، چاڭجياڭ ەكونوميكالىق بەلدەۋىنىڭ دامۋى، گۋاڭدۇڭ، شياڭگاڭ، اۋمىن ۇلكەن شىعاناق رايونى قۇرىلىسى سياقتى مەملەكەتتىك كەلەلى ستراتەگيالارمەن توعىسۋىن جانە اۋىس - كۇيىس سەلبەستىگىن ىشكەرىلەي ىلگەرىلەتىپ، وڭتۇستىك پەن سولتۇستىكتىڭ ىقپالداسۋىنا مۇمكىندىك جاساۋ كەرەك. ءتورتىنشى، ەكولوگيالىق قۇرىلىس پەن استىق ءوندىرىسىن اناعۇرلىم جاقسى قولداپ، جاسىل دامۋ باسىمدىعىن بەكەمدەۋ، جوعارىلاتۋ كەرەك. تۇنىق سۋ مەن جاسىل تاۋ − باعالى بايلىق، قارلى دالا دا باعالى بايلىق دەگەن ۇستانىمدى دايەكتىلەندىرىپ، مەملەكەت مەنشىگىندەگى جاراتىلىستىق بايلىقتى، مال - مۇلىكتى باسقارۋ، ەكولوگيالىق ورتانى باقىلاۋ - باسقارۋ، مەملەكەتتىك باقشا، ەكولوگيالىق تولەم سياقتى ەكولوگيالىق وركەنيەت رەفورما شارالارىن تياناقتاندىرىپ جانە تەرەڭدەتىپ، تاۋدى، سۋدى، ورماندى، اتىزدى، كولدى، جايلىمدى جونگە سالۋدى جەدەل ءبىر تۇتاس جوسپارلاپ، شىعىس سولتۇستىك رايوننىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ كەرەك. شىعىس سولتۇستىك رايوننىڭ وزگەشە بايلىعى مەن باسىمدىعىنان تولىق پايدالانىپ، سۋىق ءوڭىر قار - مۇز ەكونوميكاسىنىڭ جەدەل دامۋىن ىلگەرىلەتۋ كەرەك. بەسىنشى، «ءبىر بەلدەۋ، ءبىر جولدى» بىرگە قۇرۋمەن تەرەڭ توعىسىپ، ەسىك اشۋ، سەلبەستىك تۇعىرىن قۇرۋ كەرەك. لياۋنيڭ ەركىن ساۋدا سىناق رايونىنىڭ ءتۇيىندى مىندەتىن جەدەل تياناقتاندىرىپ، ءتۇيىندى شەكارا وتكەلدەرىنىڭ نەگىزدىك قۇرىلعىلارىن كەمەلدەندىرىپ، باسىمدىققا يە كاسىپتەر شوعىرىن دامىتىپ، كوپ جاقتى سەلبەستىكتى، كوپ جاقتىڭ بىرگە يگىلىككە كەنەلۋىن جۇزەگە اسىرۋ كەرەك. التىنشى، حالىق تۇرمىسى سالاسىنداعى ولقىلىقتاردى تولىقتىرۋعا اناعۇرلىم نازار اۋدارىپ، حالىق بۇقاراسىن شىعىس سولتۇستىكتىڭ گۇلدەنۋىنىڭ جەتىستىكتەرىنەن بىرگە يگىلىكتەندىرۋ كەرەك. زەينەتاقىنىڭ ۋاعىندا تولىق تاراتىلۋىنا، كەدەيلىكتەن قۇتىلدىرۋ مىندەتىنىڭ ۋاعىندا ورىندالۋىنا شىنايى كەپىلدىك ەتىپ، قوعامدىق قۇتقارۋ جۇيەسىن كەمەلدەندىرىپ، قالا، اۋىلدارداعى تۇرمىسىندا قيىنشىلىعى بارلاردىڭ نەگىزگى تۇرمىسىن قامتاماسىز ەتۋ كەرەك. شىعىس سولتۇستىك رايوننىڭ الەۋمەتتىك نەگىزدىك قۇرىلعى سالاسىنداعى قارجى قوسۋ سەرپىنىن ارتتىرىپ، شىعىس سولتۇستىك رايوننىڭ رەليستى قاتىناس، جىلۋمەن شوعىرلى قامداۋ، تور كەڭ بەلدەۋى سياقتى قالا نەگىزدىك قۇرىلعى قۇرىلىستارىن قولداۋ كەرەك.
  شي جينپيڭ بىلاي دەپ باسا دارىپتەدى: پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ − شىعىس سولتۇستىكتى گۇلدەندىرۋدىڭ پارمەندى كەپىلى. شىعىس سولتۇستىك رايوننىڭ پارتيانىڭ ساياسي قۇرىلىسىن كۇشەيتىپ، پارتيانىڭ ىشكى ساياسي ەكولوگياسىن جاپپاي تازارتىپ، سالتى دۇرىس، ستيلى پاك، اسقاق تا ءورشىل قوعامدىق اۋقىم قالىپتاستىرۋ كەرەك. جوعارى ساپالى كادرلار قوسىنىن جەدەل قۇرىپ، باسشىلىق قابىلەتتىڭ ماماندانۋ دەڭگەيىن جوعارىلاتۋ كەرەك. باسشى كادرلار باستاماشىلدىقپەن ستيلگە بۇرىلىس جاساپ، شىنايى يگەرىپ، ناقتى ىستەپ، شىنايى ادىستەر قاراستىرىپ، ناقتى ىستەر ىستەپ، ناقتى ونىمدىلىككە ۇمتىلىپ، فورماشىلدىقتان، تورەشىلدىكتەن ساقتانۋ جانە ونى جەڭۋ كەرەك. ساياسي ەكولوگيا دا جاراتىلىستىق ەكولوگيا سياقتى وڭاي لاستانادى، وڭاي جونگە سالىنبايدى. تيىم سالىناتىن رايون بولماۋعا، جاپپاي قامتۋعا، نولدىك توزىمدىلىككە تاباندى بولىپ، ءار ءتۇرلى ءىرىپ - ءشىرۋ دەلولارىن باتىل تەكسەرىپ ءبىر جاقتى ەتىپ، قاي - قاشان دا پارتيانىڭ حالىق بۇقاراسىمەن ەتەنە بايلانىسىن ساقتاۋ كەرەك.
  حان جىڭ مىنالاردى ءبىلدىردى: باس شۋجي شي جينپيڭنىڭ شىعىس سولتۇستىكتىڭ گۇلدەنۋى جونىندەگى ماڭىزدى يدەياسىن ىشكەرىلەي ۇيرەنىپ، ءتۇسىنىپ، شىعىس سولتۇستىكتىڭ گۇلدەنۋىنىڭ كەلەلى ماڭىزىن مەملەكەتتىڭ دامۋ جالپى جاعدايى تۇرعىسىنان تەرەڭ تانۋ كەرەك. رەفورمانى تەرەڭدەتۋدى ماڭداي الدى مىندەت ەتىپ، يدەيا، كوزقاراس ماسەلەسىن شىن مانىندە شەشىپ، ءتۇزىلىس - مەحانيزمدى جەدەل كەمەلدەندىرىپ، ساۋدا ورتاسىن ساپالىلاندىرۋ كەرەك. جاڭالىق اشۋ قابىلەتىن ارتتىرۋدى ءتۇبىرلى جول ەتىپ، قۇرىلىمدى رەتتەۋدى جانە جاڭا دەمەۋشى قۋاتتى جەتىلدىرۋدى جەدەلدەتىپ، ناقتى ەكونوميكانى دامىتۋ، الۋەتتەندىرۋ كەرەك. وركەندەتۋدى، ەسىك اشۋدى ماڭىزدى تۇتقا ەتىپ، ەلىمىزدىڭ سولتۇستىككە ەسىك اشۋداعى ماڭىزدى تەرەزەسىن جانە شىعىس سولتۇستىك ازيا رايونى سەلبەستىگىنىڭ ورتالىق تورابىن قالىپتاستىرۋ كەرەك. حالىق تۇرمىسىن قامتاماسىز ەتۋ مەن جاقسارتۋدى ارقاۋ جانە تياناق ەتىپ، كەدەيلىكتەن قۇتىلدىرۋدان قامال الۋ شايقاسىن باتىل جۇرگىزىپ، قوعامدىق قامسىزداندىرۋ، جۇمىسقا ورنالاستىرۋ سياقتى ءتۇيىندى حالىق تۇرمىسى ماسەلەلەرىن ويداعىداي شەشۋ كەرەك.
  ديڭ شۋەشياڭ، ليۋ حى، حى ليفىڭ قاتارلىلار تەكسەرۋدە بىرگە بولدى ءارى اڭگىمە ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، قاتىستى ولكە، رايون، قالالارداعى جاۋاپتى جولداستار اڭگىمە ماجىلىسكە قاتىناستى.


بەرىپ كەت ورامالىڭدى

دوستار

الىستاعى اق ەركە