جاڭا حابارلار

شي جينپيڭ حالىقارالىق ءىس - قيمىل القالار كەڭەسىنىڭ 35 - كەزەكتى جىلدىق ماجىلىسىنە قۇتتىقتاۋ حات جولدادى

    كەلۋ قاينارى: شينجياڭ گازەتى    2018-09-30 12:14:52  
 شينحۋا اگەنتتىگىنىڭ 9 - ايدىڭ 28 - كۇنى بەيجيڭنەن بەرگەن حابارى. حالىقارالىق ءىس - قيمىل القالار كەڭەسىنىڭ 35 - كەزەكتى جىلدىق ءماجىلىسى 9 - ايدىڭ 28 - كۇنى بەيجيڭدە اشىلدى. جۇڭگونىڭ مەملەكەت ءتوراعاسى شي جينپيڭ جىلدىق ماجىلىسكە قۇتتىقتاۋ حات جولدادى.
  شي جينپيڭ مىنانى ءبىلدىردى: حالىقارالىق ءىس - قيمىل القالار كەڭەسىنىڭ 35 - كەزەكتى جىلدىق ءماجىلىسىنىڭ اشىلۋى بايلانىسىمەن مەن جۇڭگو ۇكىمەتى جانە جۇڭگو حالقى اتىنان، سونداي - اق ءوز اتىمنان جىلدىق ءماجىلىستىڭ اشىلعاندىعىن قىزۋ قۇتتىقتايمىن، ماجىلىسكە قاتىناسقان القالار كەڭەسىنىڭ مۇشەلەرىن شىنايى قارسى الاتىندىعىمدى بىلدىرەمىن.
  شي جينپيڭ مىنانى اتاپ كورسەتتى: كەزەكتە دۇنيە ءجۇزى 100 جىلدا بولماعان زور وزگەرىسكە ءدوپ كەلۋدە. عالامدىق جونگە سالۋ جۇيەسى مەن حالىقارالىق ءتارتىپ وزگەرىسى جەدەل ىلگەرىلەدى، عالامدىق جونگە سالۋدى كۇشەيتۋ، عالامدىق جونگە سالۋ جۇيەسىن كەمەلدەندىرۋ زامان اۋقىمى ءارى ەلدەردىڭ الدىندا تۇرعان ورتاق مىندەت. حالىقارالىق ءىس - قيمىل القالار كەڭەسى الەمدىك ءتۇرلى سىن - سىناقتاردى شەشۋ ءۇشىن ۇزبەي ىزدەنىس جاساپ، دۇنيە ءجۇزىنىڭ بەيبىتشىلىگىن قورعاۋ، بىرگە دامۋدى جەبەۋ جاعىندا بەلسەندى رولىن ساۋلەلەندىردى. وسى رەتكى جىلدىق ءماجىلىس نازاردى عالامدىق جونگە سالۋ كەڭەس تاقىرىبىنا شوعىرلاندىردى، ول كەلەلى مانگە يە، بۇنىڭ ءار جاقتىڭ ورتاق تانىمدى تەرەڭدەتۋىنە سەپتىگىن تيگىزىپ، عالامدىق جونگە سالۋ جۇيەسىن كەمەلدەندىرۋدى ىلگەرىلەتەتىنىنە سەنەمىن.
  شي جينپيڭ مىنانى باسا دارىپتەدى: جۇڭگو عالامدىق جونگە سالۋداعى بىرگە اقىلداسۋ، بىرگە قۇرۋ، بىرگە يگىلىكتەنۋ كوزقاراسىن باستان - اياق جاقتاپ، كوپ جاقتىلىقتى باتىل قولداپ، جاڭاشا حالىقارالىق قاتىناس ورناتۋدى بەلسەنە ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەدى. ءبىز ءار ەلمەن جانە حالىقارالىق قوعاممەن بىرگە عالامدىق جونگە سالۋ جۇيەسىن كەمەلدەندىرۋگە ىزدەنىس جاساۋدى جانە ونى امالياتتا ايگىلەۋدى كۇشەيتىپ، ادامزاتتىڭ اناعۇرلىم تاماشا بولاشاعىن بىرگە جاراتۋدى قالايمىز. جىلدىق ءماجىلىستىڭ تولىق تابىستى بولۋىن تىلەيمىن.

بەرىپ كەت ورامالىڭدى

دوستار

الىستاعى اق ەركە